金鶴拉麵 (閩街)

营业中

休息中

喺香港試過好多間沾麵都係死鹹,同喺日本食嘅沾麵完全兩回事. 今日朋友帶我嚟呢度試雞白湯沾麵.店舖雖然唔係好大,但都幾舒服,吧枱對面有一幅金色為主嘅和風壁畫,幾靚.除咗沾麵,朋友點咗客”燒黑豚肉串”,一上枱已經聞到好香,食落有炭燒香味同甜甜哋鹹鹹地嘅肉味,肥瘦適中,肉質爽彈多汁,好正!! 食完肉串再等咗一陣,我個雞白湯沾麵終於到喇! Order沾麵時,侍應會問”要兩塊雞定四塊雞?”由於我第一次嚟,我要兩塊雞,所以會有叉燒. 個湯好creamy,好有雞味,唔會死鹹. 個麵粗得嚟有咬口,好彈牙,軟硬適中,又掛湯,好味!! 雞肉超有雞味而且頗嫩丶無雪味! 叉燒半肥瘦,有油甘香,幾乎入口即溶! 隻糖心蛋凍食都無損佢嘅滑溜程度麵嘅份量比較大,食完好飽好滿足!

食過另一間都好出名既雞白湯拉麵，見呢個十分之相似，但價錢平咁多，所以就黎左一試喇！有食過另一間既都應該知道賣相真係一模一樣，但一喝啖湯，咦⋯⋯有啲差距喎肉、麵、炸牛蒡都差唔多，但個湯明顯無咁濃郁。但老實講，價錢真係平好多嘅。另外都點咗另一個招牌，鰻魚飯。鰻魚係即燒嘅，同埋都厚身。但個人覺得有點兒普通，同埋都幾貴。加咗一份炸雞，熱辣辣，新鮮炸總括嚟講，真係有少少失望，因為好多人都話到好好食咁。可能係期望太高，同埋有比較嘅關係，黎試吓都可以嘅，再幫襯就應該唔會啦～

金鶴雞白湯拉麵 $98雞白湯用上赤雞熬製6小時😆好滑好鮮甜 炸牛蒡炸到金黃色好好味 不過記住快啲食如果唔係就會浸林㗎啦😛慢煮既日本赤雞 食落好鮮嫩 肉質好滑👍餐廳好細心將隻碗預先整熱等你慢慢食都唔怕拉麵會凍☺️黑蒜醬油拉麵$98你一款拉麵個湯底好香黑蒜味 比較濃 拉麵口感比較硬 岩我口味😛 叉燒肥瘦適中 好入味 ☺️煎餃子加$28餃子皮煎得好金黃香脆 入面嘅豬肉質感口實唔會好多肥膏 👍抹茶軟涷$28好似Mochi 咁 煙韌 抹茶味道好清新！食完拉麵食啱晒☺️

店具日式風味！高格調又時尚。門外人流一直都多，需要排隊等候金鶴雞白湯拉麵：為此招牌 而訪，當然不能錯過這碗拉麵。上檯已相機食先，濃濃湯底，十分吸引！其湯底濃而不膩，呈奶白色，口感順滑牛蒡炸至金黃色，賣相吸引。脆脆的。而慢煮既日本赤雞，是帶凍的，要冷食，同樣記得不用浸湯吃呢。經慢煮既赤雞肉，食落好鮮嫩、肉質好滑，不會鞋，正！另一特色拉麵：鹽味拉麵！睇落清清，但真系好特別，湯清甜中有鹽的味道，甜中帶味，不是咸味！雞肉嫩滑！試拉麵都可試清甜湯底拉麵，正！鰻魚好厚身！！痴線地好吃，外皮燒到脆脆地，入面啖啖肉，好肥美喔！！其實一串價錢不平，真的要慢慢品嚐！

收藏了許久，今天終於有機會一嚐金鶴拉麵！平日的下午一點半到達門外，也有兩三檯的客人在排隊，結果等了差不多半小時才內進，天氣很熱有點辛苦呢我們被安排坐在單邊、向著廚師的高檯。不得不提的是，我第一次覺得坐高檯會是那麼舒服！高凳有很舒服軟墊，不會太淋令客人坐上去時會坎了進去。一片片的大鰻魚正在製作中，肉很厚呢也看得到師傅逐碗拉麵沾麵製作中，很期待。二月下載他們的app成為會員，可獲得買一送一的電子優惠卷，我們當然有下載做會員然後享用優惠卷！我們就要了一樣的拉麵，打算再追加一款小食。店員告訴我們赤雞和叉燒拉麵裡會有，我們就可以不用再叫。我們先點了拉麵，商量了一會後再追加炸雞，因為店員推介炸雞是日本來的；但大約是漏單了最後沒有來，我們也沒有再加，所以只吃了拉麵。沒有很久，拉麵就來了。嘩！這真是我們的第一個反應看相片都沒有覺得特別震撼，但原來端到自己面前親身看到拉麵的外觀會有這樣的感覺。最引人注目的是拉麵上面的一堆炸牛蒡，疊在一起拿去炸得高高的。其實炸牛蒡本身沒有甚麼味道，主要都是食到炸的油味，質感脆脆的。起初覺得幾得意，但吃得多也比較膩，始終是炸物。店員上菜時也提醒若要保持口感應盡快吃掉炸牛蒡；

嗰日門面外有棚架，所以無影到呢張相係坐吧枱影嘅，全程好清楚睇住廚師煮嘢食餐牌有寫中文英文同日文店員好貼心，會幫客人拉櫈同比個籃放手袋見個個都係黎試食招牌金鶴拉麵🍜我就試吓其他野啦⋯⋯叫咗個金鶴·雞白湯沾麵呢個餐係可以食食下加湯同加熱火炙日本黑豚叉燒（2塊）+慢煮日本薩摩赤雞胸肉（2塊）+溫泉蛋黑豚叉燒好香，雞胸肉好焾好滑，溫泉蛋ok不過凍凍地沾麵有咬口，都係凍凍地。應該係因為煮既方法雞白湯佢地將湯放入細碗之後再用一支棒形嘅攪拌機攪個碗湯。湯裏有細細塊嘅雞胸肉。飲落好creamy ，有點似奶味。將沾麵放入湯再食一流！湯本來只係暖，食食下好快就凍了。所以要加湯同加熱，廚師就直接拎左碗湯加啦⋯加左之後，仲熱過之前熱到有點燙口。淡左好多，因為加左鰹魚湯，湯既味道明顯唔同左，無左creamy 既口感。不過都幾好飲既埋單連加一$152

location is a bit far from the mtr but if you are driving it is actually perfect.The shop is not difficult to find as it had a very outstanding front entrace. Looked like a highend Japanese place.There are plenty of seats on Saturday night but we decided to sit in the bar tableWe ordered the BBQ pork to share which was juicy and yummy . Highly recommended .I and picked the standard chicken broth which comes with half an osen egg and a choice of 4 pieces of pork/chicken meat. Portion was big and

又是為了工作，要在佐敦區內活動，而佐敦區餐廳雖多，但拉麵專門店卻是當中的少數，數來數去，這裡算是對辦的選擇。店子不是開在大街，也不算太難找，這裡的店內裝飾較為高格調,有L型的拉麵吧及開放式廚房，師傅在忙碌的工作, 還有些散坐。這裡有幾款手工啤酒供應，要了Coedo Shiro, 色澤金黃亮麗，麥味香濃，入口冰凍順喉, 喝得高興。先來唐揚炸赤雞,單看炸得金黃色的外觀已相當吸引, 拿起雞件來吃, 雞件都是熱辣辣的,炸皮做得薄薄而緊附在雞件外，炸皮脆身好吃，雞皮沒有太多脂肪而且乾身脆口，雞肉嫩滑之餘, 也能保持了大量肉汁, 雞件也算厚肉，食落啖啖肉和充滿肉汁, 是驚喜之作。選了黑蒜醬油湯拉麵試試, 當侍者將麵捧上來, 先喝一口湯底，湯頭濃度適中而非常滋味，還有黑蒜油的蒜香味;而幼身麵是彈牙的, 麵質口感是爽口, 咬勁十足，有足夠掛湯能力, 是滿意的。叉燒方面，肥肉和瘦肉配合恰到好處，厚薄適中，有種入口即融的感覺; 赤雞肉口感嫩滑鬆軟，肉味濃郁好吃; 溏心蛋做得唔錯，味道香甜。這店的拉麵算是交足功課, 水準不俗, 價格也在合理水平, 值得一試。

聽講呢間拉面店長期都要排隊，情況好似東京無敵家一樣。對於我咁耐無返鄉下嘅人，黎食返碗面一解思鄉之情。餐廳中午2:30 last order，所以我天真地以為2:00黎就唔洗排長龍，點知2:00一樣係排晒長龍。餐廳嘅裝修好有日本風格，好親切，坐向bar枱望住廚師煮面，係一種享受。餐廳雖然叫金鶴拉面，其實除左主打拉面之外，鰻魚飯都好出名。既然排左咁耐隊，點都試晒2樣主打名物。雞白湯拉面好快就上枱，炸牛蒡放在面上，好有藝術風。雞湯好白好甜，唔似豬骨湯咁油膩。拉面好Q，粗幼適中。雞肉應該煮得剛剛好，好滑，感覺似慢煮雞肉咁，好有雞味，唔會好老。叉燒超大塊，肥瘦適中。鰻魚飯嘅鰻魚鋪滿了整個飯盒，鰻魚好厚，燒得好香。望上去以為會比較乾，但咬落去竟然好滑，魚肉就好似係蒸一樣，帶少少彈牙，而且好juice，外皮燒得好脆，呢個外脆肉軟嘅口感實在太美妙，同日本嘅水準一樣。食完出黎餐廳己經中場休息，所以先可以影到呢張無人排隊嘅鋪面。

星期日，和男朋友看完戲又找地方食晚飯，男朋友話想食拉麵，不如去佢之前食過一次覺得味道不錯的拉麵店。拉麵店就位於佐敦，雖然隱世但其實都幾易搵，出左地鐵站行不遠就到了。📍環境店鋪外觀都很日式。一入到去，店裡雖面積細細但很有日本拉麵店的風格，我們被安掛坐吧枱高凳，可看著師傅製作拉麵，坐椅亦很舒服，侍應都非常貼心問我們想要熱茶還是水，枱面上除了有餐單還附上濕紙巾可清潔雙手。📍餐單話明拉麵店當然主打食拉麵，這裡除了有湯拉麵之外，還有沾麵及其他小食，都幾多款選擇，另有蒲燒鰻魚飯都相當吸引！📍食物男朋友點了黑蒜醬油拉麵($98)。黑蒜醬油湯底非常香及濃郁，亦油而不膩。而我點左最招牌的金鶴.雞白湯拉麵($98)。我就是看中這個拉麵有很大舊炸牛蒡放在拉麵上，食落口很香脆，都是頭一次試炸牛蒡挺特別。慣常吃拉麵前都先喝一口湯，這雞白湯真的幾清帶有少許雞油，個人覺得不會很咸，喝完不會很口渴。雞肉經慢煮令肉質很嫩滑，日式叉燒亦很薄又軟，加埋雞白湯很夾。另外亦點了明太子雞翼($48)，雞翼已拆骨，釀了明太子在雞翼裡，脹卜卜啖啖肉，略嫌明太子有點多，本身明太子少少已很夠咸味。最後點了抹茶凍軟作結尾，很喜歡煙煙韌韌的

最近朋友間都不約而同推介一間叫金鶴既拉麵店，早幾日終於有時間同女朋友去光顧一下！ 睇下係咪真係同傳聞一樣咁正？！入去環境很有日式高級食市感覺，會聞到陣陣湯底既香味，亦有一般拉麵店的佈置，的確令平時去開日式拉麵店的我有點耳目一新！餐廳主打幾款招牌拉麵同鰻魚飯，仲有一d小食選擇，小食價錢合理，拉麵大約都近$100 左右檔次！不過您會發現呢$100 ,原來非常物有所值，我哋坐吧檯，正正睇住幾個廚師高度合作同認真去製作拉麵！由煮麵到煮湯底，落配料，每個程序都一絲不苟，您會見到佢哋非常專注其他廚師既工序，想自己盡力配合既感覺！燒雞泡魚干作為小食份量剛剛好，賣相吸引，魚味香，燒得唔會太乾身，有一點點咬口，好食！等左一陣，期待已久份量都幾大既雞白湯拉麵就送到面前，賣相好似高級食肆既手法，非常吸引，叉燒做得非常軟稔，肥瘦平均，嫩滑流心既温泉蛋睇落吸引，食落蛋香味重，而且雞湯味好香，好吸引鮮甜既雞湯，一d都唔咸，食完幾個鐘都唔會口乾，證明唔無咩味精，好味到成碗飲晒！慢煮雞肉保留了豐富既肉汁，雞肉十分嫩滑，感覺上好食過叉燒haha未食之前都唔知呢推係咩嚟，呢推擺到好靚既原來係牛榜，先見廚師炸完之後再拎去焗

之前經過門口，見門口經常都有條隊，所以一直卻步無試到。呢晚男朋友收工後話想食呢間，作為一個好女友我都想男朋友收工後可以即刻入座有得食，所以7點30左右去到排隊。當晚係星期六晚，前面有3組人排隊，其實都係等左大約25分鐘就有位。唔算太耐，ok 啦。第一次食，當然試下佢地既招牌：「活燒蒲燒鰻魚飯」同「金鶴雞白湯拉麵」「活燒蒲燒鰻魚飯」: 鰻魚size都幾大，夠哂厚身，鰻魚汁無彷間一般咁甜，鰻魚在店中即劏夠新鮮，所以鰻魚味比出面彷間食到既更突出。值得一提係佢用火槍將鰻魚外皮燒得有少少脆身，外脆內嫩，但同時食到魚皮滑溜帶膠質，口感一流。鰻魚飯另外會跟一碗鰻魚肝湯同漬物，當晚既漬物係芥辣八爪魚。「金鶴雞白湯拉麵」: 打卡一流既拉麵，上枱時店員都有主動介紹返上面個堆係牛蒡絲。拉麵識食一定係試湯底先，雞白湯湯底好濃郁，呈奶白色，雞味重，飲完唔口渴拉麵識食一定係試湯底先，雞白湯湯底好濃郁，呈奶白色，雞味重，飲完唔口渴牛蒡未浸湯前脆脆的，甜甜的，好過癮。兩片雞肉嫩滑不鞋口。兩片半肥瘦黑豚肉叉燒層次分明，帶脂香。半隻溏心蛋，有水準，有一定流心而不會太稀。拉麵粗身，質感煙韌。整體無論係鰻魚飯定拉麵都屬高水準

佐敦出名多臥虎藏龍的食店，今日係附近開完會，去探下有咩好野食🤗可能天氣關係好想食下熱熱地嘅濕口野，但唔想熱氣（麻煩的港女），結果俾一間好多人係門口排隊的日本拉麵店吸引。好奇心想知道點解咁多人排隊，點都要試下先。 拉麵價錢唔貴，$98 有交易。 不過他無得俾你選麵嘅硬或軟度，大家要留意下。 入到去坐， 裝修有誠意！ 整體位置不大，似日本居酒屋風格，坐落舒服，燈光不太光也不太暗。 他們的廁所位 ，個人認為幾加分， 乾淨又有日本風格入返正題先 ，我叫咗個 金鶴雞白湯拉麵 先睇湯底奶白色，無咩雜質我慣咗食拉麵會先飲一啖拉麵湯，唔知有無人同我一樣飲咗一啖後，好清甜！ 雞湯好濃郁以湯碗上果堆一條條係咩？ 問咗staff 先知，原來係牛榜，係炸牛榜。個人建議不要浸湯食， 會更好食，味道甘甜脆口。 另一驚喜就是拉麵中的蛋， 叫醬漬日本塘心蛋好好食，好好食，好好食。好食的東西要講三次麵的軟硬度適中。我先生叫咗個黑蒜醬油拉麵深不見底的黑蒜和麻油香，staff 拿上我枱時已聞到，依碗麵鼻覺已取勝了黑蒜拉麵分別有雞肉和豚肉， 所有肉質是嫩的。 我們果碗拉麵的雞肉是雞胸肉， 本來諗住唔食，點知我先生講幾句後，就

上星期經佐敦 上網搵左好耐都唔知食咩好 見到有網友推薦呢間拉面店就搵過去試下 位置唔算難搵 行到店門口已經覺得好似去左日本小巷既拉面店咁 裝修已經第一時間加左好多分，同時間有成十個人排緊隊，心諗應該今次唔會伏啦 。等左大約十分鐘好快已經到我地，入面裝修真係幾靚 感覺幾高尚。我地見網上好多人推薦白雞湯拉面同埋曼魚飯 ，所以諗都無諗就試左呢兩個主食，再加左兩個小食 。先講白雞湯拉面 湯底口感清爽但味道卻很濃郁 雞湯果然名不虛傳 做得好出色，平時好多拉麵都係搭紫菜 ，但呢間係用炸牛蒡 食落去除左增添口感而且為拉麵做左個好好既開頭 先一啖湯再一啖炸牛蒡 之後再食拉麵 有豐富口感層次👍另外我朋友叫左曼魚飯，一set有湯有配菜 不得不讚佢地既曼魚 用得好真才實料 超厚多汁同埋好爽甜 平時好多曼魚只係好濃既曼魚燒汁味 呢隻除左燒汁校得好好 烤得火候岩岩好 最重要係食到好香既曼魚本身鮮甜 一間餐廳要睇用唔用心 睇下老闆用咩食材比客人就知。經佐敦既朋友非常值得一試 ！由其係曼魚飯😍

呢間拉麵絕對值得再返黎一試！如果未食過既你經開佐敦就一定要去試下。一入到去侍應就會俾條獨立包裝既毛巾我地，非常貼心。今日同朋友食左一個金鶴雞白湯拉麵同埋活燒蒲燒鰻魚飯。由於鰻魚飯要即燒所以等得比較耐，但絕對值得。先講下個拉麵，拉麵上既速度較快，上既時候侍應會先提醒我地食左牛蒡先。牛蒡食落脆脆地小小硬，味道甘甘地，都幾好食。拉麵湯底夠濃郁，配埋彈牙既拉麵底真係絕配。溏心蛋亦都好好食，整體黎講真係非常唔錯。再到鰻魚飯，由於係開放式廚房所以會睇到一條條鰻魚放入燒爐到燒，未食都已經流哂口水。上既時候係岩岩燒好，好香蒲燒味。饅魚既份量非常多，勁滿足。食落絕對唔係街邊普通鰻魚膠膠地既口感，細心食係會feel到新鮮魚肉既質感。呢個飯絕對推薦！