金鶴拉麵 (閩街)

营业中

休息中

趁這幾天假期，決定好好放鬆，到處吃喝玩樂，第一天就是到金鶴吃拉麵。我愛這間店舖的最大原因，是它們的雞湯湯底由東京直送，拉麵超有水準。醬油拉麵湯底用上鰹魚高湯及日本醬油調味，入口既清淡中又帶有強勁的醬油鹹味，而這裏的雞叉燒是用上日本薩摩赤雞，再以低溫慢煮，入口嫰滑，配上彈牙拉麵，讚。金鶴.白雞湯湯頭非常鮮甜，因為是用上赤雞餚製6小時，所以雞味十足，味道清爽，絕不肥膩，而拉麵內同樣放有雞叉燒，再加上炸牛蒡，入口香脆，非常惹味。煎日式餃子由於沒有即時進食，所以餃子入口時已不再香脆，不過，味道還是不錯的，餡料爽脆juicy。燒黑豚肉串黑豚肉非常肥美，口感嫩滑，即使經過燒烤，亦不會令肉質變得粗糙，脂香味濃，配上香甜燒汁，很好吃。

細妹之前食過話好味介紹我食，今日去佐敦竟然撞見有一間，擇日不如撞日，就同朋友食個拉麵做晚餐見門口個屏風，已經明白名字由來，叫＂金鶴拉麵＂。日系格調，古色古香入去就如走入日本風景畫的場景咁，好有詩意～設吧枱位，可以＂欣賞＂制麵和燒烤過程，除吧枱位，仲有方桌座位，可容二至六人。用實木黑色為主色設計，光暗成一大對比有湯拉麵丶沾麵和蒲燒鰻魚飯可選。價格由$78～$198不等朋友揀咗較普遍黑蒜醬油拉麵，有慢煮赤雞肉丶叉燒同糖心蛋跟，店員特別叮囑雞肉不用浸落湯食，味道有㸃像煙燻雞肉，部幾厚下，但吃落爽口，糖心蛋也剛剛好，黑蒜湯味道超濃郁拉麵有別一般方間口感，更爽口餐牌有介紹制麵過程，淥好再冰鎮，令其口感更爽口彈牙，所以梗係叫個金鶴.雞白湯沾麵。可以揀慢煮赤雞肉，日本黑豚叉燒或每款各一半，我當然揀一次過食晒兩款餸啦~唔試尤止可，一吃方知不得了，個麵超級彈口，沾雞白湯無得輸，雞湯非常濃郁好味，且配上冰鎮過的粗拉麵，一冷一熱，欲罷不能。個人不好拉麵都覺得超級好味，非食不可除拉麵外，佢地有餐前小食叫，這個唐揚炸雞，炸得香脆嫩滑，也做得不錯了

聽朋友講佐敦有間拉麵店好出色，有空檔就去左呢間金鶴拉麵，位置響內街，有少少難搵不過最後都順利去到。入到店內座位比一般拉麵店多，空間亦非常寬敞，感覺都幾舒適，今次被安排坐響吧檯，可以睇到廚房的運作同煮野食的過程，見到廚房都非常乾淨同整齊，仲可以睇住廚師一路燒鰻魚！😋但今次就俾招牌雞白湯拉麵吸引左，首先外觀已經好吸引，未見過其實拉麵店會用炸左的牛蒡做點綴，唔單只靚，食落仲好脆同保留到牛蒡香味！然後就到個湯喇，白色的湯非常濃郁，有少少似忌廉湯咁！除左叉燒之外仲有幾片雞肉，太有驚喜！雞肉煮到剛剛好唔會太老或者鞋，反而係好嫩，好易咬開。麵條方面開頭食會有少少偏硬的（因為個人本身喜歡中等至偏軟麵底），不過一路食就變得軟，而且都幾彈牙。另外留意到佢地會響煮麵前先將碗用熱水座熱，咁就可以響裝住麵之後保持住溫度，麵冇咁快會凍哂，都幾貼心，即刻加左分！另外仲點左份日本明太子雞翼，非常貼心咁用錫紙包住雞翼尖，更方便食用唔會整污糟隻手。雞肉之間加左用明太子醃的餡，好足料而且帶少少辣，雞翼本身煎得皮脆而肉嫩，呢個配搭都算新鮮而且非常夾，兩件岩岩好！聽講呢度的鰻魚飯都係出名的，下次絕對要試！

登登登登......金鶴拉麵🍜系佐敦頗有名氣 但系幾難搵🙈🙈系官涌街市附近一黎到 梗系點鎮店之寶 白雞湯拉麵咦.......個舊炸得好靚嘅系咩黎店員話系炸牛蒡 😂😂😂咁新穎嘅湯底麵度都好食 你可根據自己喜好揀

bookmark 咗呢間拉麵好耐終於放假嚟食喇 😭餐廳位置隱世但都好多客好彩排咗一陣就入得～我地嗌咗兩款招牌名物一個係金鶴雞白湯拉麵另一個係金鶴活燒蒲燒鰻魚飯因為鰻魚飯係即叫即燒，所以食咗拉麵先 🍜一上枱真係嘩一聲，賣相好靚呢第一件事一定係勁影相 🤣上面金黃色一條條嘅係睇得又食得嘅炸牛蒡我趁佢新鮮炸好脆卜卜就食咗先沾少少濃郁清甜嘅雞白湯底嚟食仲正拉麵入面除咗叉燒之外，碗邊仲放咗慢煮雞肉雞肉真係好嫩好嫩，入口即化金鶴活燒蒲燒鰻魚飯作為招牌菜都係名不虛傳一打開蓋就聞到好香鰻魚味～重量級鰻魚好厚肉，外層燒得焦香加埋特製鰻魚汁真係一流嘅享受 😌個飯用咗珍珠米灑咗少少芝麻喺面，食落更惹味最後仲有個湯飲 ❤️

原本朋友想試試這家的拉麵，聽講湯底OK的。無奈五一假期，這邊人頭湧湧。為了避開人潮，於是改在平日晚餐。來到這位於橫街小巷的拉麵店，想不到內裡是精緻的裝潢。因土地問題，枱椅皆細小。幸好餐廳提供籃子放手袋。來到最重要的事項：點菜！在拉麵店，當然要每人一碗拉麵，再加其他小食！　　　金鶴　雞白湯拉麵　　　朋友推介的招牌菜！全白的雞湯，二片雪白的雞肉，日式叉燒，炸牛蒡，半隻溏心蛋。薄薄的牛蒡是剛炸起，掛在碗邊的牛蒡還在滴油呢！偷嚐一塊，原來牛蒡是帶有微微的甜味。再來一口雞白湯配拉麵，白湯很滑，但不太鹹，没有蓋過拉麵本身的鹼水味。　　　黑蒜醬油拉麵　既然朋友點了白色的雞湯，為了大家可嚐試不同款式的拉麵，自己選擇了黑蒜醬油拉麵。　先試二片雞胸肉，真的超滑，跟印象中＜雞胸肉必定乾柴＞大不同。　　湯底的黑蒜味很柔和，没有生蒜那政鼻的味。由於蒜味不太霸道，仍然嚐到其他食材的味道：叉燒，紫菜。溏心蛋配蒜味醬油湯底，正！嚐過第一口，就會想繼續食下去，於是追加一份溏心蛋！一整個溏心蛋盛惠12個大洋。無奈自己不會在家中制作溏心蛋，所以要來一份！　　　　　　　　　　　　　　唐揚炸赤雞　有別於一般放題的厚粉又細粒炸雞

今日途經佐敦見到有間拉麵店好多人排隊，望下Menu居然有雞白湯拉麵，即刻同友人排隊去食下。我哋點咗前菜枝豆，廚師灑上幼鹽令味道無咁淡。明太子雞翼成隻脹卜卜，入面釀滿咗明太子餡肉好惹味，雞翼尖位好貼心咁用錫紙包住方便進食。活燒蒲燒鰻魚飯用木盒盛裝，鰻魚好厚肉肥美，食落啖啖肉仲帶有陣陣焦香味。麵鼓湯原本味道略為偏淡，但加咗少量魚肉令味道更鮮甜。沾麵麵質比較粗同偏硬，雞白湯口感順滑濃厚，兩者一齊食味道好夾好好味。雞胸肉肉質好嫩滑，雞味好濃鮮嫩多汁。

友人大推這間鰻魚飯，happy friday就過來試試。差不多九點人仍然很多，不斷有食客等位。我點了招牌的鰻魚飯，友人就點了白雞湯沾麵。小食就點了明太子雞翼和枝豆。枝豆份量算多，加粗鹽調味，不過個人就喜歡原汁原味，這樣有點咸。明太子雞翼有些辣，不過可接受，味道不錯。雞翼尖位有錫紙包著方便拿著吃，貼心位！慢煮赤雞胸肉白雞湯沾麵先上，雞胸肉好吃到令人震驚，沒誇張！從沒吃過這麼嫩滑彈牙的雞胸，雞胸的印象就是粗糙乾巴巴的，原來雞胸都可以這麼好吃。沾麵不會膩，且麵條煙韌，好吃！蒲燒鰻魚飯果然是招牌菜，鰻魚燒得香口，配飯一流。鰻魚肉不會霉，是有彈性的魚肉。而附送的魚湯亦很鮮甜。這家拉麵店真的很推薦，難怪晚上九點多仍有食客等位。

同媽咪經過佐敦，見到呢一間拉麵店，裝修別緻，仲有我最愛嘅雞白湯，二話不說決定加入隊伍，齊齊排隊食拉麵。聽講呢間拉麵店最招牌嘅就係雞白湯拉麵同埋鰻魚飯。雞白湯拉麵定價$98，拉麵黎講價錢算係中等。拉麵一上枱，媽咪即刻影相打卡。呢個拉麵造型令我諗起之前食過嘅座銀，而呢個係平價版，但係質素都絕對唔差。炸牛蒡好似食緊薯片咁，脆卜卜。雞白湯非常之容易入口，濃而不膩。因為貪心想試晒兩款湯底，另外叫咗一碗鹽味嘅拉麵，湯嘅濃度唔會過鹹，濃淡適中，叉燒分量亦都十分多，有整整三大片。蒲燒活鰻魚乾，鍾意食鰻魚嘅朋友一定會鍾意！鰻魚上嘅醬汁濃厚，香口。

拉麵配叉燒、配和牛就食得多, 但今日呢間拉麵店竟然係配慢煮雞肉！醬油拉麵 $78湯底用上鰹魚高湯加入日本醬油調味, 湯色清澈, 味道很鮮。雞肉肉質嫩滑, 紋理細緻。叉燒肉間有一圈圈脂肪, 口感不錯。雞白湯沾麵$138沾麵麵條粗身富彈性, 帶有簡樸麥香, 就咁食已經好好味。雞白湯質感有如忌廉湯, 極為濃稠, 十分掛麵。唐揚炸赤雞$33雞塊外層金黃薄脆, 沒有厚膩炸漿, 雞肉肉質柔軟, 有水準！抹茶軟凍$33軟滑煙韌, 甜度不高, 細味散發出抹茶甘香。

高質鰻魚飯唔洗再去日本先食到，最近俾我係呢到食到， 係即叫即燒，食店為達到最好效果，要提前電話預定先食到！這個活燒蒲燒鰻魚飯HKD198真的十分足料這家店的鰻魚嚴選每條約2公斤頂級鰻魚，再於店內即時生劏及生燒，即叫即燒，怪唔得食落口感覺唔同，而且好新鮮，唔會好似平時外面吃到既口感好似好腍又好腥成塊好厚肉，好像塊牛扒咁大份，入口外脆內軟味道口感討好，好香好鮮而米店家係選用日本的七星米，米粒大且晶瑩剔透，煮出來的米飯粘性低，放涼再食口感依舊討好，用作丼飯最適合不過呢個飯仲配有鰻魚湯，鮮甜味十足吃完了這個份量十足既鰻魚飯真的好滿足，跟在日本吃到的不大分別！怪不得閒日晚上這麼晚還有很多食客光顧，味道及質素真的不錯還要一提，沒想到化粧室也很整潔，而且還配備十足，有牙線棒，牙膏牙齒等，讓食客可以飯後清潔口腔，真的十分貼心！下一次有空再來必要嚐嚐店家的拉麵，聽說也十分出色！

嗜食蜜汁肥义飯，它象徵了香港1960年代窮人對生活的期盼，义燒比BB更受寵(「生义燒好過生你」的口頭禪)。「有义用」是多麽美好的事。長大後，對靚义燒的要求，有很多個層次，肉質、汁液、烤功……伴以淚眼欲滴的半生煎蛋，反映了半生人對情感的執著。「黯然銷魂飯」是愈食愈哀痛……「黯然銷魂飯」的2.0版，是以燒鰻魚取代义燒的，是以喜悅取代悲慟的。生活是要慢、娛的。最上乘的义燒，都不能做到皮脆，肉滑，蒲燒鰻魚飯才能兼備豐腴、脂香、肉彈、皮脆、肉滑……。「金」黃义燒飯「東京食堂」早已供應「黯然銷魚飯」，有蛋有鰻，「八吉」的鰻魚飯有名古屋風味，「三河屋」的很平實和價廉，「名代宇奈」以備長炭去魚腥。尖沙咀及附近有此四傑，皆不及此店，形似义燒，腴勝义燒，滑勝义燒。以义現場即燒，其實亦是「义燒飯」。此店能充份發揮日本人誠意研厨和力求突破精神，如水中之鶴，天明起，一鳴驚人。用了台灣出口質素的兩斤巨鰻，即劏即燒。宜預約訂購。觀其上义，淋汁，燒烤，與廣東燒义燒何其神似。一條巨白鰻的主要部位，只切成3大片，每塊剛可覆蓋16吋長飯盒。雖賣198元，仍是物有超值。「東京食堂」一條才賣118元，「黯然銷魚飯」賣108元

佐敦除左廟街之外，仲有隱世既拉麵鋪。哩間位於官涌熟食中心附近既金鶴拉麵，雖然鋪面細細，但五臟俱全，又有Bar枱可以睇住師傅落廚，別有另一番風味。我地叫左一碗拉麵 加 一碗沾麵，仲跟餐加左一份前菜 加 一份甜品前菜芥辣八爪魚係師傅細心下廚之際，我地就食住前菜先喇。我地叫左一份芥辣八爪魚🐙。哩碟八爪魚唔算太芥末，唔會過份地辣，但八爪魚都有好香既既芥末味。八爪魚🐙好彈牙，可以慢慢𡁻住黎等食。拉麵 - 醬油拉麵我地係眾多既拉麵款式入面，揀左碗醬油拉麵。醬油湯底係用鰹魚高湯 加 日本醬油 餚製出來。拉麵仲配有2塊紫菜，半隻半熟蛋，兩塊嫩雞肉 加 兩塊叉燒。沾麵 - 雞白湯沾麵金鶴拉麵主打既雞白湯沾麵係採用左較粗身既麵底，再者會用冰鎮去令麵條更緊實彈牙。沾麵既配料仲可以自選配搭：1）兩塊嫩雞肉 加 兩塊叉燒；2）四塊嫩雞肉；或3）四塊叉燒我地就揀左兩塊嫩雞肉 加 兩塊叉燒既配搭。沾麵用左冰鎮麵底會更容易令沾麵湯底變冷。餐廳亦好貼心可以再加熱湯底，咁就可以時刻食到暖暖既沾麵喇。不得不提，不論拉麵或沾麵，嫩雞肉，即係餐廳主打既「慢煮日本薩摩赤雞胸肉」！超級嫩滑，實屬必食推介！甜品 - 抹茶軟凍跟餐加配

金鶴拉麵開業將近一年，以超濃郁雞白湯拉麵同即叫即燒鰻魚飯作為主打，人氣極高，分店已經擴展至土瓜灣、中環同北角，今日我同朋友都黎到佐敦店試試有幾好食門面感覺簡約得來帶有神秘感覺，打開躺門後便感覺像是進入了日式拉麵店，店內設計簡約，充滿和風味道，每位廚師都帶上了黑色口罩，認真地烹煮每碗拉麵唐揚日式炸雞有三大件，皮脆肉嫩，內裏雞肉肉汁豐富，仲好有雞味添，好好食呢金鶴雞白湯拉麵炸牛蒡好香脆，店員建議要即刻食唔好浸湯！雞白湯底用赤雞精心熬製6小時，所以湯底味道特別濃郁，口感順滑不油膩！麵條是粗身的，好Q彈煙韌，非常出色！另外的主角：慢煮日本薩摩赤雞胸肉，入口好軟嫩。糖心蛋都充滿蛋香哦！金鶴雞白湯沾麵配料可以選擇火炙日本黑豚叉燒、慢煮赤雞胸肉或者雙拼。沾麵的麵條比湯拉麵更粗身，目的係增加麵條讓雞白濃湯汁吸附的表面，使到味道更濃郁！而麵條由於經過冰鎮的處理，所以入口會更加彈牙，有嚼勁，充滿小麥麵粉香

雞湯拉麵個湯好creamy 奶白色嘅 係成碗麵嘅精華d雞胸肉好滑 一d都唔鞋溏心蛋好高汁 蛋黃入口即融但牛蒡太油麵我就覺得太硬 如果食麵會覺得有d單調我同friend叫左鹽味拉麵我都有食但個湯麻麻配菜同雞湯個碗差唔多所以大家得係叫雞湯拉麵啦