影片
更多
2019-05-28
102 浏览
呢晚同男朋友夜晚喺佐敦行完街去咗食近排好熱門嘅《金鶴拉麵》，平時呢度都成日見到有人排隊，所以今日特登九點幾過嚟食，好彩唔使排就可以入得。 呢度嘅裝修都幾日式，好鍾意門口嘅設計。入到去入邊，雖然座位唔多但係都幾骨子同日式風味。 嚟到呢度當然要食佢碗《金鶴.雞白湯拉麵》試吓啦。 拉麵上到枱，真係十分吸睛，別係個即炸既牛膀，入口好爽脆卜卜，食落啲雞肉非常之滑、叉燒入口煙軔，肥瘦適中，仲有隻糖心蛋都非常之好食。最重要係個湯底非常之入味，略帶雞味，食完唔會覺得好口渴。 而我男朋友就揀咗呢到另一款都非常之出名《活燒蒲燒鰻魚飯》。因為係鰻魚係即場燒嘅關係，所以要等15分鐘先至會上到枱。不過一切都係值得既。因為鰻魚肉真係好厚好大快塊鋪左係啲飯上邊，見海報寫住有成3cm厚，對於鰻魚控嘅男朋友來講佢真係食慾大增。 男朋友話啲鰻魚又肥美又熱，真係非常之惹味。而且啲飯都非常之好食，係日本嘅味道啊。 而呢個鰻魚飯仲會跟一碗味增湯同八爪魚肉小食。碗都非常之足料，絕對用心。 今日同男朋友到中環行街影相，見到《金鶴拉麵》嚟到中環開咗間新分店，於是入去試吓。因為係新店嘅關係，所以裝修新穎同舒服，座位都相當闊落。
呢度嘅裝修都幾日式，好鍾意門口嘅設計。入到去入邊，雖然座位唔多但係都幾骨子同日式風味。
嚟到呢度當然要食佢碗《金鶴.雞白湯拉麵》試吓啦。
拉麵上到枱，真係十分吸睛，別係個即炸既牛膀，入口好爽脆卜卜，食落啲雞肉非常之滑、叉燒入口煙軔，肥瘦適中，仲有隻糖心蛋都非常之好食。最重要係個湯底非常之入味，略帶雞味，食完唔會覺得好口渴。
而我男朋友就揀咗呢到另一款都非常之出名《活燒蒲燒鰻魚飯》。因為係鰻魚係即場燒嘅關係，所以要等15分鐘先至會上到枱。不過一切都係值得既。因為鰻魚肉真係好厚好大快塊鋪左係啲飯上邊，見海報寫住有成3cm厚，對於鰻魚控嘅男朋友來講佢真係食慾大增。
男朋友話啲鰻魚又肥美又熱，真係非常之惹味。而且啲飯都非常之好食，係日本嘅味道啊。
而呢個鰻魚飯仲會跟一碗味增湯同八爪魚肉小食。碗都非常之足料，絕對用心。
今日同男朋友到中環行街影相，見到《金鶴拉麵》嚟到中環開咗間新分店，於是入去試吓。
因為係新店嘅關係，所以裝修新穎同舒服，座位都相當闊落。
覺得張餐牌好靚，圖文並茂， 十分吸引。
每人有一張濕紙巾， 十分體貼。
今次叫咗碗《金鶴.雞白湯拉麵》雞肉係低溫煮嘅，所以入口非常滑，而最吸晴嘅地方就係新鮮炸嘅牛膀，所以入口又脆又爽。拉麵湯底夠濃，麵身又滑又彈。而叉燒肥瘦均勻，再加埋隻糖心蛋，真係好美味。
男朋友點嘅係《活燒蒲燒鰻魚飯》，鰻魚非常之肥美，入口鮮甜，外脆內嫩，仲要係即叫即燒，所以要等15分鐘左右。而米飯則採用日本嘅七星米，入口非常之有好口感。跟飯既仲有一碗味增湯，材料豐富，有紫菜、荀、菇。
仲有一碟小食八爪魚肉，食完好滿足呀。
张贴
