影片
更多
2019-05-23
27 浏览
男朋友陪我出佐敦嗰邊買布，為咗獎勵佢呢個拉麵控，我決定帶佢去食附近一間隱世拉麵。呢間拉麵舖個真係唔係咁多人知，因為佢唔係喺大街嗰邊，我都搵咗一陣先搵到佢喺邊度。由於真係太肚餓，成2點幾先食野，所以我哋叫咗好多嘢食。同埋佢午市優惠有個加$28就可以配小食，所以我都揀咗幾款。呢個係同樣唐揚炸赤雞，佢個炸雞係好嫩滑，啱啱新鮮炸起好夠熱，唔會太油。隔離有一啲類似檸檬鹽定檸檬胡椒調味料，點左少少發現好香，同炸雞好match，食落亦都冇咁溜，如果食呢個炸雞大家記得一定要點嗰個檸檬調味料！另外我哋都加$28叫咗個燒黑豚肉串，食落有少少似港式叉燒。我一向都好鍾意食明太子雞翼，見到呢度有得食梗係要返一客啦。個雞翼都揸得好香口，唯一美中不足嘅係明太子調味有啲過鹹，所以食咗兩啖都已經要停一停抖一抖。重點黎啦！我揀咗呢度嘅皇牌雞白湯拉麵，食落去終於知道點解佢咁出名！首先個雞白湯真係好濃郁好好飲，其次佢個叉燒亦都唔會煮都好乾身，第三點係佢入面有兩塊慢煮雞肉，個質感介乎係屬於唔熟之間好搞笑，同埋雞肉有少少黑椒香，重點係咁多好食嘅嘢加埋都唔洗一百！出面閑閑哋食個普通嘅拉麵都要過百，呢個價錢真係超抵！而男朋友就叫左一
呢間拉麵舖個真係唔係咁多人知，因為佢唔係喺大街嗰邊，我都搵咗一陣先搵到佢喺邊度。
由於真係太肚餓，成2點幾先食野，所以我哋叫咗好多嘢食。同埋佢午市優惠有個加$28就可以配小食，所以我都揀咗幾款。呢個係同樣唐揚炸赤雞，佢個炸雞係好嫩滑，啱啱新鮮炸起好夠熱，唔會太油。隔離有一啲類似檸檬鹽定檸檬胡椒調味料，點左少少發現好香，同炸雞好match，食落亦都冇咁溜，如果食呢個炸雞大家記得一定要點嗰個檸檬調味料！
另外我哋都加$28叫咗個燒黑豚肉串，食落有少少似港式叉燒。
我一向都好鍾意食明太子雞翼，見到呢度有得食梗係要返一客啦。個雞翼都揸得好香口，唯一美中不足嘅係明太子調味有啲過鹹，所以食咗兩啖都已經要停一停抖一抖。
重點黎啦！我揀咗呢度嘅皇牌雞白湯拉麵，食落去終於知道點解佢咁出名！首先個雞白湯真係好濃郁好好飲，其次佢個叉燒亦都唔會煮都好乾身，第三點係佢入面有兩塊慢煮雞肉，個質感介乎係屬於唔熟之間好搞笑，同埋雞肉有少少黑椒香，重點係咁多好食嘅嘢加埋都唔洗一百！出面閑閑哋食個普通嘅拉麵都要過百，呢個價錢真係超抵！
而男朋友就叫左一個黑蒜醬油湯拉麵，不過男朋友話佢個湯底味道比較鹹，可能因為有個雞白湯對比實在太出色，正所謂有對比自然有傷害，所以黑蒜醬油湯拉麵我就唔多講啦，大家都係嚟呢度叫雞白湯拉麵啦！
张贴
