金鶴拉麵 (荷李活道) (已結業)

難得中午來到中環大館參觀，參觀前就找找附近的美食，來到一間剛開了沒多久的拉麵店，裝潢都很高級，有金鶴的掛作，金碧輝煌很配合店名，座位也挺舒適，沒有一般拉麵店狹窄的情況，價錢都算親民，拉麵都是$70-100左右。朋友點了一客黑蒜拉面，黑碗子很漂亮，拉麵材料也很豐富，除了叉燒，還有雞肉，脂肪不多但不會太硬，口感也很嫩滑，黑蒜湯很香，美味到朋友把湯也喝光！至於我就點了一客活燒蒲燒鰻魚飯，店員也表示因爲即燒的關係，需要等候15分鐘左右，等了大概15分鐘，香氣撲鼻的鰻魚飯就送到我面前了，吃一口鰻魚，嘩簡直好吃的過份～～😋它厚如厚豬扒般，有六大件，清楚看到魚皮,滿滿骨膠原啊～～而且它很新鮮，肉質厚實但軟滑，魚油在口腔內打轉～我都不捨得把它吞掉😂蒲燒程度剛好，燒得十分入味，我想說我在日本也未吃過如此好吃的鰻魚。飯粒選用日本七星米，亳無疑問都是軟硬適中，有嚼頭，日本米是與眾不同的，你懂的～～～這種質素來說，這個價錢簡直便宜呀。總括食物水準很高，價錢不貴，我相信我會念念不忘，很快會再來吃鰻魚了，說到這裡，又已經好想吃了😂

最近對拉麵的興趣是有增無減, 這天便走進中環試試這間新拉麵店。這裡的店內裝飾較為高格調,有L型的拉麵吧及開放式廚房，師傅在忙碌的工作, 還有些散坐。這裡有幾款手工啤酒供應，要了Coedo Beniaka, 色澤金黃亮麗，麥味香濃，入口冰凍順喉, 喝得高興。再來唐揚炸赤雞,單看炸得金黃色的外觀已相當吸引, 拿起雞件來吃, 雞件都是熱辣辣的,炸皮做得薄薄而緊附在雞件外，炸皮脆身好吃，雞皮沒有太多脂肪而且乾身脆口，雞肉嫩滑之餘, 也能保持了大量肉汁, 雞件也算厚肉，食落啖啖肉和充滿肉汁, 是驚喜之作。選了雞白湯拉麵試試, 當侍者將麵捧上來, 先喝一口雞湯，湯頭濃度適中而非常滋味，味道甜美也有香味，也不太油膩, 合乎預期的水準。而幼身麵是彈牙的, 麵質口感是爽口, 咬勁十足，有足夠掛湯能力, 是滿意的。炸牛蒡食落香脆，有水準的; 赤雞肉口感嫩滑鬆軟，肉味濃郁好吃; 個人較為欣賞溏心蛋，做得非常好，做到蛋黃成流心狀,入口軟滑而蛋味香濃，味道出色。這店的拉麵算是交足功課, 水準不俗, 價格也在合理水平, 值得一試。

✅ 雞白湯拉麵附有一大塊炸牛蒡 賣相非常吸睛🤩✅ 拉麵除左傳統既配料(叉燒、蔥等等）之外 仲加入左雞胸肉🐓 肉質完全唔粗糙 而且感覺飽滿 烹調得真心唔錯😋✅ 麵質彈牙 而且份量充足 基本上都唔使加麵底已經食得飽🍜✅ 辛味拉麵既辣度恰到好處 同時都唔會好膩🌶❔ 燒鰻魚味道夠肥美 醬汁都做得唔錯 但價格就見仁見智😀❌ 雞白湯比較濃厚 但同時都比較膩 個人而言食到半碗既時候已經覺得滯❌ 餃子皮唔夠薄 而且煎得唔夠脆🥟👅Taste：4/5💰CP值：3/5🙋🏻‍♀️Service：3.75/5👁‍🗨Stylishness：3/5

「金鶴拉麵。招牌雞白湯拉麵」金鶴雞白湯拉麵雞白湯拉麵有炸牛蒡、雞胸、叉燒同溏心蛋配料豐富，見唔到個麵底😂-奶白色的雞湯好濃郁呀！原來用咗雞煮咗六個鐘然後湯底撞入鰹魚魚介湯，再以攪拌器打至起泡。唔怪得入口咁滑、又鮮甜，果然真材實料！但又無雞油嘅油膩～-炸牛蒡香脆可口一口麵一口牛蒡就岩哂啦-腩肉叉燒肥瘦適中，好香。。-雞胸肉用慢煮方法煮厚肉鮮嫩、唔會鞋。-拉麵上枱時麵質偏硬因為湯夠熱所以好快就令麵條變得軟硬度適中、滑身彈牙。-溏心蛋入味，帶甜香。令人好想食多隻。黑蒜醬油拉麵　-黑蒜醬油係店舖秘制，混合鰹魚湯入口黑蒜味香濃甘醇不算太油膩-配料方面，多咗紫菜、無咗牛蒡紫菜薄而脆服務員態度好好開頭有介紹我地各款拉麵又不斷主動fill水🤣地址:中環荷李活道39號 電話: 26979780

放lunch上Soho食飯，發現新開左間金鶴拉麵，仲係試業期間，所以唔係好多客。咁就啱晒啦，環境夠晒淨可以同同事傾計。去到第一時間去咗佢個廁所，見到有牙線有牙刷，好貼心嘅服務呀。坐低望下個餐牌，唔太多選擇，我哋就揀咗最出名嘅雞白湯拉麵($98)，我哋坐咗喺吧枱，望住個師傅整拉麵，好有日本嘅感覺。等左10分鐘之後就上菜，算好快，啲炸牛蒡好特別，個湯亦都非常之濃，拉面軟硬度都啱啱好，一啖湯，一啖面，真係好好食。啲雞肉軟綿綿，唔會好乾，超有雞味。呢度價錢比較貴，各方面都做得唔錯。因為冇乜客，個冷氣略嫌好似大左啲，好快就吹凍晒碗麵。

豬骨湯底拉麵食得多，今日特別想食雞湯底，去咗試金鶴，呢度嘅雞白湯拉麵，湯底是用赤雞熬製6小時而成的，真係真材實料。拉麵造型似隻鶴咁靚，麵上的東西原來係炸牛蒡，平日都知道食牛蒡有益，但唔係幾好食，咁樣煮法好食得多，食多啲都唔怕。仲有兩片慢煮雞肉，雖然是雞胸肉但一啲都唔嚡。個湯非常順滑，濃郁，充滿雞味，真材實料。麵條都好好呀！富彈性。另外試左少少朋友嗰碗黑蒜醬油拉麵的湯，非常有黑蒜的香味，而且湯底比我的濃郁，湯底是用自家秘製黑蒜醬料。我的仲食咗炸雞，一盒三件，大大件，香脆得來裏面是滑的赤雞肉。燒日本叉燒唔知平日食嗰啲日本叉燒，有汁有香味。我幾鍾意，下次帶埋家姐黎試吓先。

平時喺中環食日本野，閒閒地午市都要200幾一位，所以一直想揾啲價錢合理又好食嘅日本野食，今日同朋友偶爾入去呢間日本拉麵店，正常價錢但高質食物，喺蘇豪區地段嚟講算好抵食。間店嘅店面裝修得幾靚，有日本風格嘅牆紙，偏向簡潔風，環境亦都乾淨，坐得幾舒服。呢間店嘅拉麵選擇都算多，今次就叫左呢道嘅招牌金鶴雞沾麵同一碗醬油拉麵。金鶴雞白湯沾麵 ($ 138)呢道嘅金鶴雞白湯據講係用左6個鐘煮，所以特別濃味。而沾麵因爲要保持麵質彈牙，所以過過冷河。凍食拉麵加上熱湯，口感一流。而個麵仲包埋幾塊黑豚肉，雞肉同流心蛋，個雞肉入口幾嫩幾滑，讚得一讚。醬油拉麵($78)雖然呢道唔係招牌菜，但係呢個拉麵意外地出色。醬油湯唔會太濃味，拉麵亦算彈牙，熱辣辣咁幾好食。燒雞泡魚乾 ($48)雞泡魚乾食落去幾香，好似美珍香豬肉乾嘅味，加埋魚子蛋黃醬，異常地合拍。兩個人食300蚊唔洗，又飽又抵食。喺中環仲要蘇豪區嚟講真心幾抵食。

一向好鐘意食日本拉麵，但係食開中環嘅拉麵都要至少150蚊一碗。今日經過蘭貴芳附近，見到呢間日本拉麵80蚊唔洗一碗，所以就入去試下。餐廳可以見到廚房入面嘅煮食情況，都幾乾淨。我6點幾去到，客人唔算多，可以靜靜地享受到個拉麵。醬油拉麵食過咁多間嘅拉麵，呢個醬油拉麵算係中上水平，麵質彈牙，湯底都幾香，直接飲湯都唔會覺得好咸。最欣賞隻流心蛋，半熟加流汁，浸落啲湯到最後先食就好入味。食完都係78蚊埋單，係正常拉麵價，喺中環就幾抵食。唔洗排隊就食到高質拉麵，有潛質做我嘅中環飯堂。

今日趁周末同老婆遊大館同係附近拍照打咭, 經過荷里活道發現金鶴鶴呢度開左分店, 難得唔需要去到佐敦都食到老婆鍾意食嘅雞湯麵, 當然要入去食啦。😁餐廳裝修除左門面之外, 同佐敦店大致相同, 都鶴以鶴為主題, 配搭富有日式風格嘅裝飾, 感覺既華麗亦非常時尚。座位除左Bar枱之外仲有普通餐枱, 感覺寬敞舒適。我地點左一客招牌拉麵同沾麵, 另外加左一客餃子, 應該好夠食。😙金鶴.雞白湯拉麵 $98係香港主要食嘅都係豬骨或醬油湯麵, 不過金鶴就係以雞湯底黎做拉麵, 同豬骨湯相比, 雞白湯冇咁油膩而且味道較鮮較濃, 用日本赤雞熬6個小時製成嘅湯底冇多餘調味, 雞味非常突擊, 口感濃厚順滑。配料炸牛蒡非常香脆, 日本薩摩雞胸肉, 以低溫慢煮方式製成, 肉質嫩滑。另外仲有兩片火炙黑豚叉燒, 加埋糖心蛋, 非常豐富。😋 金鶴.雞白湯沾麵 $138沾麵的配料除左冇炸牛蒡之外基本上同湯麵差唔多, 不過麵條就比較粗身而且很掛湯, 口感非常彈牙爽口。沾麵湯味道比較重, 雞味亦較濃。😋煎日式餃子 $33餃子外層唔算太脆, 不過皮好薄, 加上餡料飽滿多汁, 非常惹味。👍埋單每位約$150, 性價比唔錯。👍

發現中環最近開左間新拉麵店，還在試業中，當然要率先試試。它位於荷里活道，離地鐵站有點距離，不過為了嘗新，FOODIEJACQUELINE是不會介意的!中環來說，這裡的價錢十分合理，醬油拉麵才$75, DOWNLOAD APPS還送價值$12的糖心蛋。環境寬敞，店員服務不俗，一入店便已日語打招呼。一般拉麵只有叉燒，這碗麵卻加多2片慢煮雞肉，肉質超滑! 不過略嫌麵質有點硬，這裡沒有給客人選擇麵質。糖心蛋軟滑，好好食，好彩加了1隻,否則不夠喉呢!各區還有多間分店,可以ENCORE!

作為為食肥佬乜都食，但我在Openrice寫的都是拉麵食後感，今次雖然進入拉麵鋪頭，但食的是鰻魚丼，簡單寫一寫。金鶴拉麵，真是如光速迅速發展，上年年尾佐敦分店開，今年2月土瓜灣分店開，今個月中環分店，而最估到4月在北角又開。我本人喜歡的拉麵店都是小型舖頭，有分店的最多兩三間，喜歡的原因是可以保持鋪頭獨有的氣質之餘，食品水準老細有監管，亦食到拉麵師傅的心意，乃是食拉麵的極致。金鶴在佐敦及土瓜灣開店，我最初的想法是炒高鐵炒沙中線及內地旅客的概念，但當然深入研究又非單單如此，詳情可以看我在開飯這兩間分店的留言。那麼，在中環開店，金鶴高品質高價錢，名正言順地合理，但，以其野心又是單單如此嗎?我又開始陰謀地胡思亂想起來，會不會是挑戰一街之隔，座銀中環分店的雞白湯地位?兩店的雞白湯拉麵很相似呀~頭痛算了下次有緣再寫~簡單地在中環吃金鶴另一款食物:活鰻蒲燒飯，反正前幾次去都只是吃拉麵。拉麵有研究長篇大論，其叻他簡單講，這個活鰻蒲燒飯好食，肉厚多汁，北海道米好食但飯量僅僅夠男士叫飽，我去幾次金鶴都見處理鰻魚的工序很多，單單挑魚骨也很花時間，好食但價錢$198，附送小吃芥末章魚及魚湯，還要加一服務費，

在佐敦食過一次後，一直無時間再光顧，沒想到在中環都有金鶴拉麵...拉麵的質素如一，沒有變，持續高質，麵質爽滑，沒有鹼水味優質湯底keep住優質，沒有味精，不會過咸，入口好creamy，沒有油膩感覺，食多幾次都唔成問題，完全無罪惡感食完不會口渴鰻魚的肉質有彈性，有魚味，非常厚身飯是日本米，粒粒分明，真的好好食對於中上環區來講，CP值真係好高無諗過，一間拉麵店有賣吟釀，仲好低飲添環境比起佐敦店更寬敞舒適，真係要人多到排隊之前，再來食多幾次😅

金鶴拉麵最出名的並不是拉麵，而是他們的生燒鰻魚飯之前在其他食評網站評位TOP 1鰻魚飯。吃鰻魚飯最重要是其厚度，鰻魚的厚度比一般的厚很多。一口吃下去有種很飽滿的感覺....皮脆肉嫩試過這間的鰻魚飯就返唔到轉頭了。鰻魚飯外，還送一碗有鰻魚肝的鰻魚清湯。這個湯配合這個鰻魚飯真是一流享受。之前在佐敦及土瓜灣都試過這間金鶴拉麵，分店都保持了一貫的高水平。真好，以後不用到九龍都可以吃到這個頂級鰻魚飯啦。下次來一要吃賣他們出名的雞白湯拉麵。