金鶴拉麵 (荷李活道) (已結業)

我本身好中意食鰻魚飯同拉麵 既，所以諗住黎呢間又賣鰻魚飯同拉麵既鋪頭，真係岩哂啦! 門口都易認。坐低就覺得位置好舒服，好大好舒適。之後就睇下MENU 啦。今日叫左幾樣野食，包括係 活燒蒲燒鰻魚飯$198， 雞白湯拉麵 $98，日式餃子$33，蒲燒鰻魚串$68同埋燒牛舌$55。 活燒蒲燒鰻魚飯 本身我都知佢知鰻魚飯係出名，但估唔到佢真係做得好出色，完全係餐飯既亮點，我覺得佢可以叫自己做鰻魚飯專門店。鰻魚肉好厚身，真係做到啖啖食，食得好爽。 質地方面食落肉質好細嫩，無骨，食得出係燒得好有心機，唔同好多餐廳因該想快，燒得唔夠時間，鰻魚質地會比較un身。味道方面鰻魚汁份量岩岩好，惹味之餘唔會太搶。呢個鰻魚飯好高分👍👍👍 可以話係係香港數一數二既鰻魚飯。雞湯拉麵 雞肉煮得好"林"身好滑，牛蒡都炸得好脆口，唔錯。日式餃子 煎得脆口唔"林"油，都ok。燒牛舌 呢個好好食，燒得有心機，用料都係好野，食落一d都唔un，好易咬調味都岩岩好，正。蒲燒鰻魚串 最後覺得佢既鰻魚太好食，所以叫多左個鰻魚串。鰻魚串用既鰻魚部份應該同鰻魚飯 唔同，鰻魚串既鰻魚更加厚肉，而食落比較實身，口感唔同，但一樣出色!! 超推介

二人晚餐夜，話說琴晚拍拖行街男朋友帶我去食拉麵當時差唔多9pm一入去好彩有位男友話平時要排隊等位📍金鶴拉麵(拉麵)🍜荷李活道39號地舖舖內裝修好古典風，感覺好清靜悠閒每位入座人士都有日本製既濕紙巾同木筷子，值得一讚煎日式餃子🥟 4pcs $33熱辣辣燙口的皮好薄而且脆脆地煎得金黃少焦，但一d都唔油， 入面個餡係好full，豬肉同菜好味唐揚炸赤雞$33炸雞即叫即炸，皮脆卜卜，新鮮雞肉旁邊有日本檸檬鹽伴，好香檸檬味又唔會超咸，點炸雞好正！醬漬日本塘心蛋$12蛋控當然要叫多份塘心蛋la呢到係真係用日本雞蛋整流心蛋黃帶甜，超滑侍應好細心會每上一道食物都會介紹黑蒜醬油拉麵 $98湯底夠咸，而嗰隻咸係岀自蒜味同日本醬油金鶴雞白湯拉麵🍜 $98一條條係麵上係剛剛炸好既牛蒡湯底好濃郁又好滑既雞湯，係用赤雞熬製足足6小時的除左賣相擺得用心仲好好食兩碗拉麵配料亦好豐富有日本黑豚叉燒肉，爽而不硬。慢煮新鮮日本雞胸肉，肉質超鮮嫩！拉麵就算爽口，份量都好多老實講拉麵店好多，但呢間既質素係高，價錢又夠平民！抵食到爆滿足！

放假喜歡帶著小朋友多出外走走之前公司也在中環，對這裡也比較熟絡...一直很喜歡拉麵，中環新店金鶴拉麵，整個感覺很舒服湯底以日本赤雞鰹魚等熬熬煮而成，更會用攪拌器打至柔滑起泡，入口鮮甜濃厚而不油膩。炸牛蒡是師傅即炸，一口咬下去勁脆，口味也很香，吃了一下又一下忍不住繼續吃，很好吃..火炙叉燒是日本黑豚腩肉，肉質嫩口，不太肥不太瘦，剛好均勻...溏心蛋很滑有蛋香...慢煮雞肉，口感嫩滑及頗特別，一食難忘...拉麵軟滑，對於我來說麵條一條不淨的全部吃完，湯也是飲光光。坐在旁邊的朋友點了黑蒜醬油湯拉麵，湯底蒜香十足，餸料有紫菜 、溏心蛋 、 慢煮雞塊、 木耳絲和豚肉，配料豐富，也是這裡的招牌拉麵，絕對要Encore啊！我超愛雞翼，當然一定要去試試，雞翼已經去骨，入面已釀入明太子及肉碎，很惹味，好好味！. ❤️

襯假期去大館行下影下相，之後行到累累地， 就係對面街的拉麵店吃午飯，其實呢間店已經想食一段時間，聽說鰻魚飯很好味的。入到去裝修很日式， 已經成1 點幾2 點，店裡除左卡位其他枱都已經有客人了。廚房前有一排卡位可以睇住師父整拉麵。午餐點拉麵可以$28 揀以下小食除左拉麵，仲有串燒金鶴雞白湯拉麵 $98 - 雞肉好淋，好好味。湯帶點creamy 感，但係飲落去都唔會膩，食完麵都想飲哂d 湯。旁邊仲有炸了的牛篣，好脆口，要連埋湯及拉麵一齊食。活燒蒲燒鰻魚飯 $198 - 萬眾期待，無令我失望！ 絕對係物有所值！ 鰻魚聽店員說係台灣空運到港，即叫即燒，所以要等耐少少，要20 分鐘 （肚餓就上左其他野食住先啦😆） 。 真係要讚一讚鰻魚，食落好肥美，魚是厚厚地， 我鍾意佢汁唔係太甜，唔會蓋哂d 鰻魚味。 旁邊仲有前菜八爪魚， 及鰻魚乾製的湯。 另外小食都好出色， 明太子雞翼 $48 - 外層燒得很脆，脹bobo , 咬開充滿了餡， 明太子帶點點兒的辣味，好惹味！

有別於中環拉麵店常見的豚骨湯底，金鶴拉麵的招牌雞白湯拉麵，用本地新鮮雞燉煮出濃郁雞湯，湯頭蘊含著雞骨的濃郁鮮味，雪白的湯頭令人食指大動。濃而不膩的雞白湯拉麵， 濃郁的乳白色湯頭配上炸至金黃的牛蒡， 加上彈牙和掛湯的麵條 每碗拉麵裏有叉燒和鷄肉各兩塊 - 真空低溫調理的叉燒 - 一片雞肉+一片豬肉， 非常柔軟可口，雞肉很嫩滑 醬油拉麵加入了鰹魚乾，令湯底帶柴魚的香味。 我地最鍾意的小食就係鰻魚串燒 - 肉質細膩和肥美的鰻魚， 燒得剛剛好。

一連三日的假期，找了一天在香港周圍走走。來到中環，無意見到這間拉麵店，應該是新開的吧，一於試試。打開餐牌，被那鰻魚餐吸引住。✨活燒蒲燒鰻魚飯 $198 想點即點，因為這鰻魚餐要等廿分鐘，即叫即燒。一個lunch索價近二百大元，放假就豪食一點吧！上餐時賣相十分吸引！每件鰻魚都非常肥美！魚肉鮮甜，魚皮燒得香脆，嫩滑多汁！厚肉的鰻魚，絕對對得住這價錢！入口時濃濃的鮮鰻魚味，一大享受！🤤連飯也十分好食，是日本的七星米煮成的，果然口感不同，特別彈牙！必試！等待鰻魚飯的期間，點個小食吃。✨芥辣八爪魚 $33濃郁的芥末味，嗆口得來又爽！八瓜魚切得細細粒，一啖幾粒彈牙夠味！✨抹茶軟凍 $33 最後點了個抹茶軟凍為這日本餐作結。抹茶味算濃郁，軟凍煙煙韌韌，經典日本餐的飯後小食餐廳環境不錯，乾淨企理。鰻魚飯有驚喜，下次來試試拉麵！餐牌for ref:-

拉麵白湯之精華，一試愛上鰻魚飯今日放工同朋友喺中環食飯，佢喺日本返嚟，就去嘗試一下聞名已久的金鶴拉麵。一進去，有種日式高雅的感覺，有種身處日本的感覺。店員推介左兩款店舖真店之寶1️⃣金鶴 雞白湯 $98 賣相好吸引！湯上面還有炸過了的牛蒡條，有叉燒，半隻糖心蛋和兩塊雞胸肉。慢煮雞肉好有彈性，而且味道濃郁的雞白湯底很香，入口勁鮮甜並且帶雞味，唔會話好重口味同好濃烈，絕對係自己慢慢煮出來的湯，一點也不肥膩，跟豬骨湯底的拉麵有著截然不同的口味。叉燒半肥瘦適中，拉麵係用粗麵條，掛湯能力高加埋一齊所有野係夾既。燒蒲燒鰻魚飯$198呢個要20分鐘才上菜的鰻魚飯，好厚切同好大件的鰻魚。鰻魚肥美無細骨，配上醬汁，一啖魚一啖飯吃得𣈱快，最重要飯都係用日本珍珠米來食。呢間拉麵實在太好味，好用心去製作，一定會再來。

这拉面店的环境非常宽敞，比一般拉面店坐得舒服。推介慢煮鸡、炸鸡、烧鳗鱼Nice environment, I liked the noodles!!!!!👍🤩😂I also liked the soup in the bowl of delicious noodles!!!

其實之前有買一送一優惠ge時候已經喺佐敦試過呢間拉麵，今次係食過翻尋味😋黎到食點可以5食佢嘅招牌雞白湯拉麵🤩擺面一條條ge係炸牛蒡，好適合打卡🙈食落幾脆，d味有少少似炸洋蔥😹店員有介紹下d食材，原來d雞肉係慢煮雞胸肉，爽口嫩滑😊湯好濃豬骨味，5會好多油👍🏻辛味拉麵聞落幾香又夠辣，仲有兩條蘆荀做裝飾😀另外，Download金鶴拉麵嘅app首次登記會員，可以即時用積分換汽水或者1隻溏心蛋🥚所以計埋拉麵個半隻，一人總共食左1隻半蛋😝溏心蛋嘅味道同熟度都拿捏得好好，鹹淡適中，個蛋黃係好靚ge橙色😍平時好中意食溏心蛋ge我比佢滿分💯今次食完即時有得儲分，一蚊當一分，儲多d分下次就可以換5同野食 jeng🤤

今日同埋同事出中環見客早收工，同事撩我陪佢食d野先走人，反正有啲餓，咁就一於陪下佢啦xpppp我問佢想食咩，佢就答我想食日本野，突然想食鰻魚，我之前食過呢間佐敦店既鰻魚好正，知道呢頭都有分店，所以就帶同事黎呢度食 ：）雖然主打雞白湯拉麵，但鰻魚飯亦係呢度既大熱黎架！！！同事咁想食鰻魚就二話不説咁order左一份 活燒蒲燒鰻魚飯定食$198~~~晏d仲要返屋企開飯既我就唔食飯或者麵啦，淨係要一份由店員推介得中環店呢度限定既 活鰻鹽燒$88~~呢度既鰻魚都係生劏即燒既，師傅仲會好細心咁抆番啲鰻魚細骨出黎添！！！正正因為咁，所以都要等耐少少先有得食，但有得食好野當然唔怕等啦啦啦啦♥♥同事既定食除左有一盒以肥厚鰻魚蓋面既鰻魚飯之外，仲有一小碟前菜同熱湯！同事好滿意我既推介，一路食一路話好正XDD我既 活鰻鹽燒等多陣都黎埋啦~~~本身都覺得一串串燒要88蚊都幾貴，但食完之後就知道係值回此價♡♡♡活鰻相當厚身！魚皮燒至脆身，肉質嫩而肥美，加上已去細骨，所以食落真係啖啖肉，每一口都係滋味呀✔✔✔我地仲即場下載左佢地個apps成為會員，免費換左罐勁爽既汽水添

響大館行左陣，再飲杯野唔知搞咩都 5 月，呢幾日突然涼返，好 craving for 一碗熱辣辣嘅湯麵諗下附近有咩食其實中環就已經有兩間食雞湯拉麵，一間係座X，另一間係呢間-金鶴前者係日本過江龍、價錢較貴。後者、即係我今日試嘅呢間就比較平，響香港九龍都有分店。近近地就試左金鶴先、響大館對面，行兩分鐘！雞白湯拉麵一上枱，店員好細心介紹佢地嘅招牌拉麵有抽好吸晴、新鮮炸起、有晒造型嘅牛蒡！好脆好好食。兩片慢煮雞肉，佢話唔浸落湯果邊會食得出雞嘅嫩滑，同埋比 prefer 唔好浸埋落湯。我覺得另外半邊雖然浸左響湯，但都無影響口感，真係好嫩。兩片輕輕燒過嘅豚肉、響湯裡面，同樣好嫩，一點都唔鞋。另有半隻溏心蛋。食麵之前先呷一口雞湯，雞味鮮、又濃郁，但唔會死咸又同好膩，令人忍唔住飲完一啖又一啖，仲要完全唔覺口乾！麵夠彈性，是較粗身嘅麵，軟硬度合我心意(我討厭太淋)蒲燒活鰻魚串不得了！店員話即叫即燒，烤到個皮有點脆、而肉很嫩，仲要係好厚切。搞到我好想食埋佢個鰻魚飯...日本明太子雞翼雞肉好嫩滑，好 juicy，明太子塞滿中間，有些微辣，好味道！

一直都鍾意食雞湯拉麵同沾麵，見到一致嘅好評，所以決定唔去座銀黎間新店試吓，可惜食過一次應該係可一不可再。個湯都算 ok 好味，可能做湯麵會出色啲，沾麵就真係唔得。啲麵算幾彈牙，但係黐立立，出到黎變咗一舊舊。個湯唔夠鹹唔夠掛湯、所以啲麵食落淡茂茂。豬肉有陣臊味，雞肉好鞋。個蛋算還可以。個燒鰻魚肝好腥唔好食。行返屋企半路上開始有啲胃痛。一個人呢餐 2 樣嘢 $212，貴得黎真心唔好食，我會寧願行遠少少去食座銀。

見到有新野又有coupon就來試試。點知，我問落order阿姐點用個OpenRice coupon佢竟然話”係人都知有呢個coupon,我唔知點用，我冇用呢D，我唔貪”嘩已經難聽到爆。原來用openrice coupon 叫貪😡到碗麵上，湯底唔錯，其他一般。D炸burdock,好睇唔好食。肉一D唔熱，好似剛剛雪櫃出來一樣。正價一D都唔平，好彩唔係比正價。真係”貪”一次就夠。香港大把拉麵好味過佢。真係唔覺得佢點樣好。

中環呢間拉麵店，店外裝橫平實低調，但入到去卻有一種高級日式料理店之感。六點鐘到達店鋪， 因為時間尚早， 店內只有一位客人， 我揀咗bar台嘅位置坐。服務員立即很殷勤地介紹佢哋店舖嘅主打菜式。原先其實有諗過食佢哋出名嘅拉麵，但係見到menu 有現燒蒲燒鰻魚定食就即刻改變主意因為本人真係好愛鰻魚。 另外因為好肚餓，所以另外叫咗一個明太子燒雞翼。因為鰻魚定食預備嘅時間需要20分鐘， 所以明太子燒雞翼先上桌。 外表烤的金黃香脆嘅燒雞翼，師傅體貼地用錫紙包住咗雞翼尖方便客人食用。 原先我以為明太子烤雞翼係烤雞翼出面鋪住明太子醬，點知原來我呢個諗法太膚淺， 咬落去先發覺原來明太子已經畀師傅好巧妙咁填咗入去雞翼中心，味道一流。試完小食，主菜終於出場。 鰻魚定食外表簡直一百分， 店員仲好體貼咁畀埋濕紙巾 方便顧客餐前可以潔手。 經過店員悉心介紹原來佢嘅味噌湯並非一般嘅 味噌湯，係師傅用鰻魚骨淆成，飲落清甜可口。這一鰻魚飯賣相就更加一流， 簡直色香味俱全，咬落去，鰻魚肉肥美軟淋帶住鰻魚肉嘅油香，鰻魚皮烤得很脆， 配埋鰻魚汁簡直係一百分。 鰻魚飯面舖上香烤過嘅芝麻粒，令到成個飯層次更加提高到一個新境界。總

聽朋友講中環開左間少貴但好好食既拉麵🍜今朝上完堂就約左🙎🏻‍♂️去食😄(咁早起身上堂要慰勞下自己麻haha)店舖裝修以深色為主都幾靚，有bar枱有二人枱，坐得舒服，可以面對面食野傾計除左拉麵🍜，佢有10幾款小食，仲有肉+海鮮串燒🍢! 以拉麵店黎講都算幾多野食😍我地叫左碗<金鶴雞白湯沾麵🍜>一齊食雞白湯口感好柔滑同有dd泡既味道鮮甜有雞味，清清地咁，唔係超濃雞味會膩果種湯👍🏻由於佢個湯係微黏，所以都好掛湯，好好味😋有雞肉🐔同豚肉🐷叉燒各2片雞肉質感超特別，佢以低温慢煮既，肉質腍軟得黎有d爽口，完全唔似平時d烚雞肉。食落味道有淡淡雞味，我覺得唔駛沾個湯已經好好食，咁先食到佢個味道同口感😁個豚肉係半肥瘦，肥肉有油脂香，唔會感覺好油膩，由於佢係薄叉燒，我成塊食晒唔駛驚肥haha我地見poster有介紹厚燒鰻魚，賣相好吸引😍我地叫左一串，即叫即燒! 鰻魚真係幾厚，咬落好juicy啖啖肉，有少少皮脂好香我地仲叫左<日本明太子雞翼>同埋<煎日式餃子🥟>雞翼皮熱辣辣好香脆，裡面既明太子塞到脹卜卜，味道dd辛辣，有燒香雞味同時有明太子既鹹香，調味岩岩好😋。