金鳳茶餐廳

营业中

休息中

見間野咁出名。我都一於試下。因為之前係QQ買個飯糰,所以只係買凍奶茶。嘩...4點鐘各色各樣飽飽剛出爐,。成個餐廳0既客都係等呢一刻。一見D飽佢地就一窩風上前自己攞。呢個景象我都係第一次見。蛋撻同雞批都十分吸引。雖然好想食,但冇能為力。我前面幾個買外賣0既客買飽都at least買成$20-30得我一個買杯奶茶咁少。講番杯奶茶講真,我平時唔飲奶茶,因已前飲覺得好鞋口+頭痛。但今次飲完全唔鞋口(雖然有少少頭痛,我諗係個人問題)重非常滑tim呀。杯野係由凍櫃攞出黎,是無冰的。我相信呢間野係唯一一間我會叫奶茶0既茶餐廳。下次要試埋雞批同蛋撻^^

20050325 6pm行行下街, 奶茶癮發, 響金鐘灣仔呢頭, 當然係去金鳳.我地晏o黎, 蛋撻雞批都賣晒, 男友口痕, 叫o左個午餐, 即係沙嗲牛麵同油包庵列果o的, 2杯凍奶茶, 奶茶茶味極淡兼唔夠凍, 係我第一次響金鳳飲到o的咁難飲o既奶茶.沙嗲牛麵o的牛真係好似嘔落去o既咁, 基本上食落係唔覺得佢係一舊肉類lor, 好心唔好落咁多梳打粉啦, 麵係浸淋晒, 男朋友話呢次算好, 上次o黎o的湯索晒係乾到以為自己食緊撈麵, 結果係無乜點掂過個牛麵, 難食到唔想掂.出名, 有時可能係壞事.埋單唔知幾錢.

呢度d面飽真係冇得頂架啦,口感一流,極度煙韌!但菠蘿油牛油不夠香!蛋撻及pie只是一般而已;而奶茶則挺滑,若茶味再濃一點會更好!

o尋日星期五落灣仔食lunch，lunch time當然多人啦!幸好都可以安排張圓俾我o地坐。同事們都叫特餐或午餐，我只淨叫一個菠蘿包同一個餐包及一杯奶茶，之後還與同事share左半個菠蘿包。菠蘿包仲有緊餘微熱、包身還鬆軟，但包面已不夠鬆脆，餐包可能沒有期望，所以有d驚喜。而杯奶茶夠滑但就唔得香濃，茶同包兩者都好似退步左。同事們叫d餐有沙嗲牛公仔麵同回鍋肉麵等等，兩款麵好似撈丁一樣，得好少好少湯，而且佢o地話公仔麵似伊麵多d喎。餐仲包個omelette，佢o地話幾好味好大份，我話荃灣果間嘉樂仲要大份一倍tim。

今日食完潮園碗粉行過隔離，見到仲剩兩個雞批，忍唔住用五蚊買左一個，返公司食。我唔鐘意食雞批，但這裡的雞批是零舍不同的，皮鬆化，甜甜的，批身不會太厚，涵也不太鹹，一流！如果熱辣辣剛出爐就perfect !

一直都好想試, 不過對我呢個九龍人黎講, 金鳳真係幾難搵....不過有friend 帶路, 上個星期日終於試到, 下午3點幾, 竟然要用左10分鐘排隊等位...2個人叫左:熱奶茶: 的確唔錯, 又滑又香菠蘿油: 無咩特別, 加上又凍左...雞批: 好似甜左d..蛋撻: 新鮮出爐, 但都係麻麻, d雞太實, 唔滑GE~d位超級迫, 坐得好唔舒服~結論: 唔值得山長水遠黎試

當國貨公司服務態度已經同一般店舖有得揮時, 估唔到可以在金鳳"懷舊"!五點幾, 在金鳳來說絕對不是rush hours. 被逼搭檯唔緊要, 慣左. d野一次過上唔緊要, 預左. 但我唔預阿waiter大帝你企o係3呎遠"眺望"過來, 向作勢落單的我說:"講啦!!"唔鍾意呀? 就得到更大懲罰: 雪菜肉絲米自動走肉絲, 成碗淨得2條. 埋單時都唔上奶茶, 由得你等.唔等? 我要求外賣, 阿大帝o係門口裝好杯奶茶, 然後向我講:"裝左比你啦!!"我好開心佢咁自覺佢做野唔夠其他人好. 認住佢—一個鼻毛全外露的waiter.

菠蘿飽新鮮出爐，基本上都會好味。但此店早上（繁忙時段) 只有一位阿姐負責賣飽，而且她的有些傲慢，在效率及服務態度方面，此店遠遠不及同區另一間出名出菠蘿飽的樂園茶餐廳，可惜後者在最近已結業!

台灣人老友同日本仔上司來港公幹，由於日本仔想食local food，所以請我帶佢地去食番個地道的港式早餐。講到港式早餐，當然係茶記出品啦！見佢地住響灣仔的酒店，就帶左佢地去金鳳試下奶茶同菠蘿油。一行三人於8:45左右黎到，店外係一如既往地排左一條買外賣的人龍，細細的店內亦係座無虛席。日本仔見倒，自然係深慶對辦。店員叔叔見我帶住兩位遊客，就好好人咁請一D人客逼一逼，讓出大半個卡位俾我地─同一位小姐搭檯。三個人坐定定，開始研究餐牌。日本仔見對面的小姐碟沙爹牛肉麵都幾好樣，就要照辦黎一個Chinese noodle。當我話佢知人地食的係日本一丁麵，佢都呆左一呆，估唔到「地道港式早餐」會係日清出品！正如大家去外地旅行都好少選擇番made in China的食物，日本仔亦變陣，要左沙爹牛肉米。此外，我再幫佢地一人叫左一個菠蘿油、一件蛋撻同一杯熱奶茶，自己就要左個菠蘿油同凍檸茶少甜。菠蘿油係新鮮出爐的，加上一大片牛油，入口鬆軟美味，兩位人客係讚不絕口。蛋撻係僅餘的貨仔，已經攤凍左，所以只係OK而已。個奶茶甚得兩位遊客歡心，話夠晒香滑。日本仔又要食沙爹牛肉米兼套餐包埋的煎蛋，又要食菠蘿油同蛋撻，忙得

無冰凍奶茶好味，茶味夠濃。食物一般，尤其是湯意粉，很碎。雞絲是燒雞。座位很迫，很細，很趕，很多人。

最鍾情剛新鮮出爐的蛋撻，每次出爐也要排長龍去買！男友每次食完也回味幾天，扭著”好想再食呀～”蛋滑而不太甜，加埋入口鬆化的薄批皮．好味到你唔信呢～聽聞另一招牌是冰凍奶茶，曾日賣2000 杯！全杯凍奶茶無冰的！因好好心機弄好先放入雪櫃凍住～唔會好似街外的倒一大柸冰你！飲到底都咁香濃，所以奶茶香濃而滑溜～～等我下次都試試先！

金鳳最特別始終都係無冰奶茶，但係話佢特別香滑又唔算喎! 菠蘿飽就更加係一般，次次食親都係凍的。(可能係我唔好彩)地方淺窄就唔再講，五個人去真係坐得好逼。

同學買給我的.雞批日日新鮮出爐,香味撲鼻.不過細細個...好似唔係咁夠喉.雞批d餡新鮮,食落暖笠笠.新鮮出爐,口感一流,餡量以ratio來說尚算OK.雞批底好薄,如果能與批面打個平衡便更好!我好中意呢間既店員,因為佢地比我感覺好一家人feel!^^P.S.我都係比較鍾情呢度既卷蛋!下次有機會品嚐再寫吧

奶茶好滑, 我哋五個人, 兩個要熱三個要涷, 涷奶茶無冰, 係本身就冰住個杯, 所以特別夠味, 雞批幾好味, 熱辣辣, 但就甜咗d, 食完雞批食蛋撻就覺得個蛋撻無乜味, 太淡. 聽到伙記叔叔同隔離枱個爹哋仔仔講話:仲要唔要?6個啦, 嚟金鳳一定要食到捧住個肚走0家! 嘩! 雖然六個蛋撻定六個雞批就唔知, 但都好滿足喎!

在考試前來食個早餐, 15 分鐘時間都夠食個最愛的早餐配搭波蘿油同奶茶, 茶香又滑加上微熱的波蘿飽, 件牛油唔會溶晒, 所以經開灣仔都會黎食。