金鳳茶餐廳

营业中

休息中

呢間好抵食，佢牛排比起好多餐廳好味好多，加上價錢吸引，等下都值得一試!!!

話說士多啤梨鼻聽講灣仔金鳳D凍奶茶同菠蘿油好正, 於是有日特登去試下,無錯凍奶茶係無加冰,唔怕越飲越淡,份心思值得欣賞,但味道同香濃兩字仍有相當距離, 雖唔差但亦唔出色。菠蘿油一出爐就搶購一空,麵包新鮮自然好食,故有金鳳菠蘿油好正之誤解。小弟以為搵食之道在於避免太受他人看法影響,否則一係影響左判斷力,粉絲當魚翅(灣仔金鳳就係呢個Case),一係就失望時反應過激,對食肆過份貶低。兩者皆不可取。

13 June 2004, 4pm落灣仔做o野, 順手蛇王tea break, 無冰凍奶茶+ 雞批, 是我everytime 都食的, "蛇膽"!!!! hahaha 絕無失手!

寫開美都菠蘿包, 先醒起三個星期前o係未遠行前, 同家姐經過時o係度買左兩個菠蘿包食. 由於食左第二日已經飛左去地球o既另一邊, 所以就唔記得寫個食後感.呢度o既菠蘿包都係傳統茶餐廳o個種-- 軟皮o既. 我覺得個包質地唔錯, 不過家姐覺得佢略為甜左d.anyway, 都係高質素o既包包!p.s.不過佢個包o既size唔係好穩定, 我地呢一爐size大過上一爐1/3(因為上一爐仲有剩)...個腸仔包o既size都可以差好遠...

通常我外賣的。我覺得個奶茶係唔錯的。某日三點三，最適合我呢個裝修佬，雖然係業餘裝修佬，但都跟足晒行規。雞批出名、奶茶出名。但我果位有個性朋友係都要飲凍檸茶小甜。

sorry我呢個路人甲又忍不住搭訕：奶茶本身濃淡各人口味當然有別，但我覺得冇冰的凍奶茶同其他凍奶茶分別不是在第一啖，而是飲到尾時。除非你一口氣飲晒成杯，否則有冇發現如果有冰你飲飲下杯奶茶會越來越淡，最後可能只是飲奶水？咁就算大大杯有乜用？？

好多年前聽過呢間茶餐廳既奶茶係好出名因為唔加冰我一直都好想試. 但都唔行開果頭早兩個星期終於行過. 即刻買左杯凍奶茶外賣一飲.. 有d 失望啦..其實除左唔加冰之外, 我真係唔覺有咩特別d咪都唔係好濃．．　剛剛好啦..總之就唔係差.. 但亦冇想像or 傳聞中咁咁咁好飲~~反而之前係間餐廳飲杯凍奶茶仲正仲濃味. (雖然係加冰, 但都冇所謂啦, 因為都好大杯)所以我唔會再特登去試啦

一入去個坐櫃台個女人就好似喝狗咁大叫"你地係幾多位呀?" 感覺少少差啦, 坐低叫野食. 叫左2個餐, 我個餐有沙da牛肉烏冬, 餐飽原來係菠蘿飽, 仲有一大pat牛油係碟邊, 餐飲叫了凍奶茶!沙爹a牛肉烏冬- 不過不失, 唔係話好好味. 餐飽- 好硬好實... 味道都唔好食.凍奶茶- 係唯獨呢杯, 無冰, 又滑又香既奶茶令我回味!

因為之前聽過好多人話呢間茶餐廳D o野好好食, 所以去試o下,叫o左一份早餐, 奶茶的確好好飲, 餐包都好好食, 但係個火腿通粉就麻麻地, 無乜味, 而且D 位又真係幾迫, 不過伙記D 態度都尚算OK, 但係個收銀員(唔知係咪傳聞O個個老闆娘)就真係幾串, 我企O左O係個柜台前面好耐佢先過O黎(寧願同D熟客吹水), 收錢O個陣個樣仲好串咁, 佢找完錢俾我, 我講埋"唔該", 佢個樣都仲係"嘴藐藐"咁...........

星期一咁0岩行過就買杯凍奶茶試下啦，十三蚊的確係貴左d，不過又真係幾好味。好滑，而且茶味夠濃，最正係夠哂凍，大熱天時飲返杯真係唔錯！服務方面，我俾錢時，坐櫃面果位伯伯竟然唔遞隻手出0黎收我果張廿蚊，又冇任何表示，搞到我唔知點好……僵持了大概十秒，佢指一指櫃面，我才恍然大悟。原來佢要我放低張銀紙……其實咁都冇乜野，不過佢0既表情就令我覺得好似我得罪左佢咁。講真咁樣對人客就唔係太好架喇……不過對於一d上左年紀0既員工，都可以原諒0既……。

星期六朝早還要在灣仔區的印刷跟進工作，十一點經過春園街未食早餐，見呢度一盤紙包蛋糕擺出來，出爐蛋糕不吃是對不全自己，所以就買了一個一路行一路食，當然少不了的是這裡的另一名物~涷奶茶。紙包蛋糕蛋味濃郁，熱辣辣又鬆軟，好有水準，4蚊一件雖然有點貴，但都食得過；呢度的涷奶茶是沖好再雪涷眾人皆知，茶冰涼亦茶味濃郁，非常同意並非「無冰」咁簡單，因為記憶所及，能以此供應涷奶茶的亦不過幾間，所以是不能錯過。13蚊一杯略貴，但都值得一試。又老闆娘係一副唔憂做的樣子，但亦不見得好差。而在這裡買包係幾時都係咁多人的。

其實唔錯呀...都幾大杯...夠茶夠奶今日食埋個菠蘿油...岩岩出爐..皮又脆..其實伙計係幾好人架...好鐘意講笑tim ga!今日我仲倒瀉左杯奶茶..伙計叔叔都好好人...話甘樣會皮膚滑滑wo...都無話嫌我整污糟d地方^^茶餐廳黎講算好乾淨ga la|!|!不過真係幾迫

佢的凍奶茶並不是「冇冰囉」咁簡單！而係因為冇冰就唔會好似其他茶餐廳咁越飲越淡！理論上咁樣成本係重左(功夫都多左啦，要沖好哂逐杯雪)所以好少茶餐廳會咁做。但出來是一杯由頭到尾都咁好味的凍奶茶！！！我覺得雖然Ｄ服務唔係好，但都幾有街坊鋪的親切感，就算迫迫窄窄都冇乜所謂，因為去得都不是為了嘆裝修service，而係嘆真正好味的出爐飽飽和凍奶茶！

朝早個老闆娘實幫手賣面包,日日都好多人幫襯,可能佢知道自己唔憂做,所以成日都鬧o的客,原來我都幫襯開佢既,但見到佢o的態度真係!所以決定以後都唔再幫襯佢!佢o的奶茶真係非常一般!

唔知有咩好食原封奶茶...咪又係咁O既味...係冇冰囉雞批...得個熱字...味道一般下午茶時間多人到癲O左，好迫...D 阿叔仲要催你走咁...點食?