影片
更多
2005-01-31
10 浏览
台灣人老友同日本仔上司來港公幹，由於日本仔想食local food，所以請我帶佢地去食番個地道的港式早餐。講到港式早餐，當然係茶記出品啦！見佢地住響灣仔的酒店，就帶左佢地去金鳳試下奶茶同菠蘿油。一行三人於8:45左右黎到，店外係一如既往地排左一條買外賣的人龍，細細的店內亦係座無虛席。日本仔見倒，自然係深慶對辦。店員叔叔見我帶住兩位遊客，就好好人咁請一D人客逼一逼，讓出大半個卡位俾我地─同一位小姐搭檯。三個人坐定定，開始研究餐牌。日本仔見對面的小姐碟沙爹牛肉麵都幾好樣，就要照辦黎一個Chinese noodle。當我話佢知人地食的係日本一丁麵，佢都呆左一呆，估唔到「地道港式早餐」會係日清出品！正如大家去外地旅行都好少選擇番made in China的食物，日本仔亦變陣，要左沙爹牛肉米。此外，我再幫佢地一人叫左一個菠蘿油、一件蛋撻同一杯熱奶茶，自己就要左個菠蘿油同凍檸茶少甜。菠蘿油係新鮮出爐的，加上一大片牛油，入口鬆軟美味，兩位人客係讚不絕口。蛋撻係僅餘的貨仔，已經攤凍左，所以只係OK而已。個奶茶甚得兩位遊客歡心，話夠晒香滑。日本仔又要食沙爹牛肉米兼套餐包埋的煎蛋，又要食菠蘿油同蛋撻，忙得
三個人坐定定，開始研究餐牌。日本仔見對面的小姐碟沙爹牛肉麵都幾好樣，就要照辦黎一個Chinese noodle。當我話佢知人地食的係日本一丁麵，佢都呆左一呆，估唔到「地道港式早餐」會係日清出品！正如大家去外地旅行都好少選擇番made in China的食物，日本仔亦變陣，要左沙爹牛肉米。此外，我再幫佢地一人叫左一個菠蘿油、一件蛋撻同一杯熱奶茶，自己就要左個菠蘿油同凍檸茶少甜。菠蘿油係新鮮出爐的，加上一大片牛油，入口鬆軟美味，兩位人客係讚不絕口。蛋撻係僅餘的貨仔，已經攤凍左，所以只係OK而已。個奶茶甚得兩位遊客歡心，話夠晒香滑。日本仔又要食沙爹牛肉米兼套餐包埋的煎蛋，又要食菠蘿油同蛋撻，忙得不亦樂乎！見兩位遊客食得咁高興，我都好安慰。
其後，老友話番我知，日本仔之後幾日都要黎番金鳳食早餐，天天菠蘿油加奶茶都唔厭！日本仔早我老友一天回國，在最後一朝拖埋個行李都堅持要去金鳳食早餐─去過金鳳的朋友都知果度幾細幾逼架啦！門口位「歐巴桑」見倒日本仔個大當然係呱呱叫啦，不過果位叔叔認得佢地兩個，就好好人咁勉強將佢地安頓好。臨尾埋單，老友挑起條筋想番張收據番去claim公數，就拎住伙計手寫住38的紙仔去櫃檯埋數兼要收據。個「歐吉桑」見狀，就叫門口位「歐巴桑」黎搞掂佢，果位「歐巴桑」就好豪氣咁問老友要左張紙仔，叫佢地行埋一邊等。只見阿「歐巴桑」好「酷」地大筆一揮，響張紙仔的38右邊寫左個‧‧‧「元」字，然後俾番我老友當係收據！老友話佢當時笑到腳軟，雖然張「收據」唔claim 得公數，但確係一件與別不同的地道紀念品！
张贴