金鳳大餐廳 (中染大廈(8咪半))

营业中

休息中

金鳳相信大家都不陌生，由細食到大，人大了更喜歡有人情味的舊式扒房，這間金鳳裝潢別樹一幟，與其他的不同；復古得來帶點新派風格。以霓虹燈泡作為天花設計，用上紅色梳化卡座做主調，有種香港舊式歌舞廳的感覺，環境寛敞。先上餐包，牛油餐包軟棉棉，塗上牛油，餐包的餘溫把牛油融化了，簡單的味道就是滿足。點了紅湯，配料豐富，紅蘿蔔及椰菜都煲的入味軟化，鮮甜可口。美國安格斯肉眼扒，扒的份量比我想中細塊及薄身，因為我點了七成熟的關係，上菜後都變成了全熟了。肉質較實，肉汁不算多，但幸好牛肉味搭夠。金鳳由少吃到大，裝潢一間比一間設計得有心思，味道水準尚算能保持得到，下次會再來試多次。

由小兒時侯家人都會帶我到金鳳扒房食飯，可說是其中一童年味道。今天到荃灣逛街，看到這金鳳裝修非常特別，決定去尋找童年味道。這間金鳳布別於其他，裝潢走新派風格，但亦不失舊香港味道。全座位以梳化卡座設計，非常尖敞舒適。一如既往先送上餐包，熱呼呼軟棉棉的牛油餐包真的很好吃。羅素湯配料豐富，有椰菜、紅蘿蔔等，煲得入味。T骨牛扒，點了五成熟，牛扒夠厚身，肉質嫩滑有重肉香味，淋上蒜蓉汁再加一份生蒜，非常惹味。有翠肉瓜及薯條做配菜，都夠飽的。最後再點杯餐飲作結尾，餐廳設計不斷革新，幸好還能保持舊時味道。

成日聽啲朋友講話去金鳳鋸扒，因為佢地開左係荃灣好近，今次終於有機會黎試吓。我地今日肚餓程度爆曬燈，叫咗一個貴族牛扒，佢哋仲可以免費轉用鐵板上，不過我哋今日嘅衣着唔係好適合用鐵板驚煙味吸落衫，所以最後用返白碟上。因為通常出去食飯七成熟嘅牛扒好多時都煮得好熟，所以你今次想試吓六成熟，我地重加左$2蒜蓉醬連埋牛扒一齊食真係好好味連平時唔係好鍾意食蒜嘅我都食晒。而且一啲都唔韌，不過下次再嚟嘅話如果選擇用碟上我會揀七成熟，鐵板上呢就會揀六成熟咁就岩岩好。跟住另外再嗌左一個蕃茄蓉大蝦意粉再加$20轉餐。意粉好彈牙勁好有口感，有兩隻大蝦啱啱好夠我地一人一隻。成餐飯都好滿足

在荃灣的馬路對面望到8咪半IKEA的招牌，忽然間發覺原來地面鋪開了一間叫金鳳大餐廳的食店。因為很想鋸扒，我與友人便走入去金鳳試試。一踏進餐廳的感覺，就是餐廳的裝修很懷舊，有老香港的感覺之餘，不失現代感。點唱機很特別。一向好牛的我們當然各叫一個扒餐。套餐包括餐湯，麵包和飲品。與傳統的茶餐廳或冰室一樣，有紅白湯選擇，而我們則選擇兩個白湯。白湯配餐包一絕，餐包熱辣辣，抹上牛油，即溶，再將包點湯吃，正！主角就是 美國安格斯肉眼扒和帶子牛扒餐。加兩蚊，再有額外蒜蓉，重口味的我當然要加。上菜時，店員會帶著兩個鐵壺，問要什麼汁，有蒜蓉和黑椒汁揀。先講肉眼扒，好香牛的脂肪味，夠淋，蒜蓉加黑椒汁好惹味！五成熟上，等塊扒在鐵板上慢熟。另外帶子牛扒餐，有兩粒帶子，煎香左，但不會太老！塊扒厚得來不會韌，因為五成熟剛好，裏面一點生，好易切，易咬，香口，正！

而家要食牛扒餐既餐廳可謂多不勝數但鐵板餐對我黎講仍然係最吸引♨️聽到咋咋聲~~都已經流緊口水🤤員工既制服仍保留70年代風格既格仔恤衫美國牛小排餐🥩唔想食太肥喺職員介紹下點左個牛小排餐 5成熟幾有驚喜 切開仍然係粉紅💞牛肉味濃 配上份量多既薯角🥔 推介👍👍🏻👍🏼👍🏽👍🏾👍🏿美國什扒餐如果你揀唔到食乜好揀什扒餐就一定冇錯😏咩都有得食裡面有豬扒﹑牛扒﹑火腿﹑腸仔﹑雞翼等🥰堆道成座山咁高 滿足感爆登餐飲方面嗌左一杯跟餐朱古力🍫友人嗌左杯雪糕紅豆冰雪糕好快熔，記得食到差唔多先好嗌紅豆蓉偏甜 配上煉奶又淡左啲 熔少少雪糕一齊食就岩岩好啦😛

晚上來到位於8咪半荃灣金鳯大餐廳，一間見證香港輝煌歲月的老牌扒房。入面餐廳環境裝飾懷舊有特色，坐位舒適。一坐下就有自動送上一杯水，服務算不錯﹗點了野菌牛柳餐(7成熟)$128加蒜茸$2，配搭洋蔥汁。扒類套餐配牛油餐包、餐湯及餐飲。餐湯選了羅宋湯，入面頗多蔬菜，茄味濃郁，微辣帶點酸，飲完胃口大開﹗餐包微暖，有助溶解牛油，鬆軟香滑。鐵板熱辣辣上枱，以牛形的鐵板碟裝。淋汁時侍應會温馨提醒要用餐巾擋住，以防鐵板汁四濺，淋上洋蔥汁時發出咋咋聲，即時味覺、嗅覺、聽覺三重享受！牛柳好大件，肉質易切，口感軟嫩多汁。野菌菇味濃，另外生蒜泥夠辛辣，食完後蒜味持久，夾著牛柳更添滋味。鐵板之下，有翠肉瓜、薯條配菜，開胃解滯﹗熱西洋菜蜜+$5:西洋菜蜜香甜順口，可以清清蒜味。這一頓港式扒餐吃得開心，感官多享受，細嚐懷舊風味，陪伴港人成長的扒房﹗

荃灣都有金鳳啦太子金鳳大餐廳是懷舊港式扒房代表之一現在於各區開了不少分店 方便了很多環境也比總店大和舒服 仲有得用gulu拎籌.美國牛小排餐🥩$158本來想吃安格斯肉眼扒的 但感覺偏肥店員就介紹我吃牛小排👍🏻果然冇介紹錯牛味濃郁 真的做到五成熟 配上黑椒汁很惹味.美式什扒餐🥓$92這個絕對是CP皇吧 適合貪心的我有齊豬扒 牛扒 香腸 火腸 薯菜特別是豬扒和牛扒 十分嫩滑 配上蒜蓉汁好香啊 很喜歡在鐵板上發出滋滋的聲音.配牛油餐包 餐湯(紅/白)凍朱古力🍫(跟餐)雪糕紅豆冰🍧+$18很有懷舊的感覺 只有很少地方還有這款飲料比起紅豆冰 或白牛 味道更加香濃豐富

坐巴士落車後就揀左呢間出名食牛扒既餐廳去鋸扒， 餐廳樓底高， 抽風功能非常好 ，天花板到佈滿抽氣功能嘅系統，天氣熱都唔會焗美國德洲頂級西冷扒餐152hkd點左門口精選推介既美國德洲頂級西冷扒餐full set，有餐飲，薯條，餐包，紅湯，餐廳真係細心，如果冇餐包，紅湯，就可能要齋坐20分鐘，紅湯少少酸辣，有少量紅椒香味，幾開胃，最Like 係餐包已經一早熱烘過，鬆鬆暖暖，加埋牛油，正，食到咁上下，食完個湯及包5分鐘左右，西冷扒餐就馬上到，職員一手拎住2隻碟，好純熟地講轉頭同事會幫你地倒醬汁，溫馨提示我地要打開餐巾擋住，西冷扒QQ口感，5成熟係最佳既選擇，聽到隔離幾枱都揀5成熟，wow，鐵板烘到咁上下已經燒到7成熟，西冷扒肥肉瘦肉比例大約係2：8 ，肥肉烘過後既油膏放出好多既香味，牛扒size都有6隻手掌咁多，滿足。雪糕紅豆冰+18hkd一球雪糕大大球，紅豆冰糖醬唔會話太多，飲落似雲呢拿紅豆冰，夠冰涼，雪糕都唔係好溶。荷蘭豬扒餐 90hkd點左餐full set，有餐飲，薯條，餐包，紅湯，餐廳真係細心，如果冇餐包，紅湯，就可能要齋坐20分鐘，紅湯少少酸辣，有少量紅椒香味，幾開胃，最Like

上次行經荃灣見到呢間金鳯大餐廳已經想試，今次特意買埋媽咪黎懷舊一下舊式既扒房，叫左一個美式雜扒餐同蕃茄焗肉醬意粉，加多20蚊就可以轉埋做套餐，有餐包、餐湯同飲品。餐湯有忌廉湯同羅宋湯，我地一樣一個叫左黎試下，忌廉湯濃淡適中、質感滑，但羅宋湯味道偏甜，個人會鍾意酸味重d。蕃茄焗肉醬意粉既肉醬份量夠而味道啱啱好，意粉夠爽而唔笠口，美式什扒有好大塊豬扒同牛扒，仲有火腿雞翼同香腸，豬扒肉質好淋，牛扒睇落好厚，但食落都好淋吾會韌，配埋惹味黑椒汁有時間塊開荃灣都會再去懷舊一下

今日去左我最期待嘅餐廳《金鳳》，呢間老牌餐廳🍴一定會有人認識，佢終於黎左荃灣開啦！係8咪半中染大廈。Lunch set 有餐包有湯同飲品，重點係凍飲🥤唔洗加錢又唔洗加一，抵到爆！💪🏻💪🏻💪🏻我地叫左蒜蓉汁配紐西蘭牛扒加沙律🥗，牛扒份量十足，真係大件夾抵食，沙律🥗係鮮果沙律，另一個叫左黑椒汁雞扒薯條🍟。雞扒一點都唔鞋，仲要好juice, 正！😋地方環境又舒服，唔好好逼！侍應又有禮貌！不錯👌🏻👍🏻

見佢裝修唔錯，又大間、坐得舒服，似係有啲名堂既茶餐廳，以為整體水準應該唔錯叫左個吉列魚柳雜果沙律，雜果無味唔算新鮮，塊豬扒都稱不上無曬雪藏味只係而家茶餐廳一般水準，甚至都未算有⋯$40價錢如何，見仁見智了⋯⋯

中染大廈裝修後，第一次過去逛，原來這裡有我細過時已經很出名的‘金鳳’，當然入去回味下內在環境很寬躺，換老店感覺截然不同，入到去的感覺已很好餐湯-無論白湯定紅湯，也非常濃郁，紅湯有大量蔬菜，而且濃稠而且有白菌，更添口感湯配合餐包食一定少不了美國牛小排餐-店員推介，上餐時才知道有兩大塊牛小排，性價比超高，甚至可以用超值來形容👍可以揀蒜蓉汁或黑椒汁，職員會即時幫你倒落鐵板上，執到落鐵板的時候有吱吱聲，而且香氣四溢，是一種視覺聽覺嗅覺聽覺，四重的享受！記得加此店最出名嘅生蒜，會令味道口感有提升，牛小排肉味香濃，而且淋，切開後每啖也可以沾滿醬汁和生蒜，好美味野菌牛柳餐-女友的選擇，盡心預設了是野菌汁，不用再選擇，先講嗰個醬汁真係超多超多超多菇菌，配埋本身超淋嘅牛柳一齊食真係好正，我一啖都有牛柳同菇菌，咀內有雙重口感餐包飲品，而且本身已經係大杯裝，凍飲亦不用錢餐廳有新優惠，在9月份晚市消費滿$500 即送$50現金券，可惜我倆已很飽，食唔夠數，下次再約多幾個朋友去食先，希望個優惠繼續有啦

聽朋友說金鳳終於開到來荃灣了~~🎉🎉🎉一向是金鳳粉絲的我們當然要來朝聖一下啦~🤗荃灣這間金鳳相比起其他分店，地方非常寬敞~~🙆‍♀️而且餐廳座位夠多雖然客人不少，但也不用等太耐，就可以入座了~兩人也可以被安排到四人雅座~~坐得非常舒服~~🤭🤭🤭翻一翻餐牌~~~選項都不少~🙆‍♀️🙆‍♀️🙆‍♀️(題外話:選扒是可以選擇碟上或鐵板上的🙋‍♀️)蜜味雞中翼 (6隻) ($52)🐥雞中翼炸得剛剛好~~外皮香脆而絕不油膩~~內裡又能保持肉汁~~面皮灑上甜甜的蜜糖配上黑白芝麻絕對是令人胃口大開的小食之選~~😍😍😍胡麻醬雞肉沙律 ($68)🥗沙律分量非常足~~超大的一碟沙律~~沙律菜新鮮爽脆，蕃茄仔多汁~~🍅而雞肉微微煎香了的~~🐥外皮煎得微微脆，雞肉則是多汁嫩滑~~配上香濃的胡麻醬~~健康又美味~~😋貴族牛扒 (美國牛肩) ($168)🐮牛油餐包🥖餐包微甜~~被烤得微微暖，外表微微脆~~內裡鬆軟~~將牛油塗上，再沾一點餐湯吃~不錯不錯~~餐湯 (羅宋湯)🥣羅宋湯很足料鮮味~~可能是因為由很多蔬菜煮成的原因吧~~湯是微微辣的，很開胃~~🤗貴族牛扒 (美國牛肩) 🐮牛扒是七成熟~~🥩牛肩肉表面煎得微微香脆肉汁

今日天朗氣清，同屋企人行去荃灣愉景新城買嘢！行到夜晩，我地見到有一間環境氣氛都唔錯既扒房餐廳，所以決定係度食完飯先返屋企！入到去發覺佢裝修以懷舊為主，高貴簡約，四周有好多特色擺設作裝飾，感覺好舒服。欣賞完環境，我地就開始睇Menu叫嘢食，我地叫咗個芝士肉醬意粉，小食拼盤同埋美式什扒，首先個芝士肉醬意粉絕對係我目前為止食過最好食既意粉，個肉醬汁配上烤過芝士，食落非常開胃惹味，而且意粉又煮得剛剛好，軟硬度適中，勁有口感，而且配埋肉醬，簡直係人生一大享受！另外個美式什扒，大廚煎得火喉剛剛好，不論雞扒，牛扒肉質都又嫩又滑配上秘製既黑椒汁，入口即溶，而且塊豬朳又厚又大，絕對夠食！最後上嚟個係小食拼盤，入面有炸魷魚，薯格，天婦羅同雞中翼，款式多，任君選擇，尢其係佢地既炸蝦天婦羅，外層炸得金黃通透，食落酥脆可口，而且內有原隻大蝦，肉質鮮嫩，令人一試難忘，所以大家得閒記得要嚟試下啦！

之前已經見到金鳳係荃灣開左分店，知道呢間係間舊式扒房，今日咁岩同朋友黎行ikea，就黎試下。員工著住紅白格仔既恤衫，的確好有60年代feel，配合牆上1969既字，我估係講緊金鳳係1969年已經出世吧！睇睇menu，都係最經典扒房會有既野，夠地道，不過同時都有幾款美國扒點完菜就上餐湯啦！配上又係好經典既熱食磚頭包好鐘意搽完牛油溶左軟棉棉既口感。呢度既紅湯係辣辣地既羅宋湯，好岩我胃口！主角黎啦！朋友叫左美國安格斯肉眼扒，五成熟，碟上。扒真係做到控制到五成熟。而朋友話肉眼扒既筋位好香，而且有好濃既油脂味。配上辣辣地既黑椒汁好正。值得一提係塊扒真係好大，絕對扺食。而我就叫左大蝦牛扒鐵板餐，倒汁落鐵板個下既jarjar聲真係令人好懷念啊牛扒又係極大塊，但唔會好乾好un，都仲係好易咬。大蝦好正，係真係個頭有膏既大頭蝦，而且超級新鮮。所以好扺食呢我覺得呢個餐！仲要係舊式扒房先會有既呢個配搭。埋單2個人先330。我覺得係物超所值，始終食牛扒真係可以好貴。同埋佢而家食夠500會有返50coupon送，下次可以叫埋fd黎食。