金鳳大餐廳 (中染大廈(8咪半))

营业中

休息中

聽朋友介紹，荃灣嘅金鳳大餐廳，啲扒抵食又大件，一於放工即刻拉住個朋友過嚟試吓先。位置十分之方便，正正喺大街，而且招牌燈光火象，離遠一睇就睇到。室內裝修有一股復古嘅味道，而且正值食飯時間，都要等位架。餐飲方便我叫咗忌廉湯，夠晒熱，而且有一股傳統嘅忌廉湯嘅味道，至於餐包，暖粒粒，而且又鬆又軟，果然夠晒風味啊。我今日叫咗既係羊架，十分之大件又厚身，而且六成熟啱啱好，依然充滿羊嘅味道，性價比十分之高呀。我哋仲叫咗一份肉醬意粉，份量十分之大跌，而且唔會好酸，意粉又夠晒咬口，真係十分之好味呀。

經過荃灣，又想鋸扒，聽聞依間好抵食，又大又寬躺，所以就去試！坐得好舒服，人客好多，上菜都好快。餐廳有新嘅晚餐套餐，有包，餐湯沙律甜品，都係百幾蚊，唔算好貴。蘇格蘭牛扒餐$98五成熟剛剛好，牛扒肉味香濃，超大塊，性價比好高！晚餐三文魚扒配西冷扒$158有餐湯、沙律、甜品。好推介個沙律，勁足料。鐵扒上，之後侍應先會問你要咩汁，即刻係你面前俾啲汁你。三文魚扒煎到好脆，魚香都好突岀，配上五成熟的西冷，夠哂份量，一定夠飽。而且牛扒肉質鮮嫩，肉味香濃，筋位不多，都好大塊！

好耐冇食過牛扒啦，喺香港要搵一間專業嘅扒房，都真係唔係咁容易，今日朋友帶咗我嚟呢間金鳳大餐廳，室內富有懷舊嘅特色，好似返咗去70年代，爭啲要着返對高踭鞋先咁入嚟啊。牛油餐包，鋸扒必備，餐包上枱嘅時候依然係熱嘅，而且食落鬆軟，搽上牛油，淡淡油香，作為一道菜嘅頭盤，果然夠晒滿足。餐湯方面我選擇咗羅宋湯，淡淡牛肉嘅香味，而且又唔會太酸，十分之正宗嘅口味。主菜嚟啦，食牛扒，就梗係要食五成熟㗎啦，一上枱咋渣聲，都已經變咗七成熟啦，好彩入邊仲係紅嘅，因為太熟嘅牛扒，唔夠軟滑，食落口淡淡牛肉嘅香味，肉質十分之軟滑，牛味十分之濃郁，果然係一級嘅扒房呀。

今日放工後翻到荃灣附近同屋企人食呢間金鳳大餐廳，質素好高！而且價錢都合理！我地叫左一份咖哩牛腩飯，一份香燒羊扒餐(三成熟)，一份蜜味燒雞翼。前两個跟餐都有餐湯餐包同餐飲。餐湯係羅宋湯，餐飲我地叫左個苹果汁同熱檸水。最鍾意係個咖哩牛腩飯，咖哩味好濃郁，牛腩同薯仔都好lum好易入口。三成熟既香燒羊扒煎得啱啱好，脂肪同肉既比例亦都完美！蜜味燒雞翼好惹味！咖哩牛腩飯香燒羊扒餐(三成熟)蜜味燒雞翼羅宋湯及餐包苹果汁

今個月就係我細佬生日，咁我之前坐巴士經過，見到中染大廈，附近開左間金鳳大餐廳，有扒餐食，搵左日帶左屋企人一起去食去到餐廳環境好大，位置有好多，最裏面仲有梳化坐，感覺舒服我地叫左小食拼盤有魷魚圈，炸薯格，炸蝦天婦羅，蜜味雞中翼，蝦炸完都好有彈性，魷魚可以食到鮮味，而且唔會太乾另外叫左龍蝦牛柳餐龍蝦有半隻，有芝士香同埋蝦肉結實，牛柳就比較淋，但好有牛肉味頂級西冷扒可以選擇碟上定鐵板上，可以食到好濃肉汁，肉質唔會太鬆散

今日放假去左做gym，做完運動就緊係要補充翻啲蛋白質。知道中染大廈果到有間懷舊冰室，甘就去食扒嚕！🍽美國安格斯肉眼扒餐 - $160肉簿，易入口。都吾韌，油脂同肉既分佈平均。🥣跟餐羅宋湯🍞跟餐餐包🥦芝士忌廉汁焗西蘭花 - $52西蘭花大大棵的，芝士忌廉汁味道偏淡，所以吾會太膩。🐔松露汁燴雞扒雞 - $ (+$20 轉餐)蛋白質點少得雞扒。雞扒好大件，松露配雞扒飯都係第一次。新奇又幾特別。🍹金蘋果汁 - 跟餐+$12金蘋果原來係叫木梨，果味濃，酸甜的，值得一試。

知道金鳳大餐廳喺荃灣開咗，感覺係有啲歷史嘅扒房但換上新裝修，地方都幾大，有間房係繁忙時間先開!! 紅湯加餐包，個湯都夠熱，個人喜好自己好鍾意食呢隻餐包，鍾意查完牛油點湯食!!美國頂級西冷($154，加蒜蓉再加$2)，配菜有粟米同薯角，可以揀跟唔跟鐵板上，叫咗五成熟，可揀配黑椒或者蒜蓉汁，牛扒肉質唔錯邊邊有脂肪肥肉，肉質仲keep到粉嫩，厚度亦適中!! 帶子牛扒餐($140，都有加蒜蓉)，配菜係薯條，塊扒非常大差唔多同個鐵板一樣size，切落去好鬆軟，但肉質都係美國扒靚d，價錢唔差得遠下次我會食返美國扒!! 見呢個金蘋果汁有好多功效，order左試吓，味道都唔錯!!

今日放工約左好朋友去食dinner朋友住荃灣 就去佢個區揾食啦見到呢間新野 好似裝修幾靚 就入去試下原來係一間新式的茶餐廳扒房大約7 點半到 多要等一下大概10 分鐘有位啦 見好多人叫扒 又大大塊 當然我地都要試下扒餐都有跟湯 麵包 同飲品但我唔想食太飽 無要到包羅宋湯好味！夠哂開胃忌廉湯就普通一d~~大蝦牛柳餐-$138牛柳肉質好林 好大塊 上菜時加埋黑椒汁 好惹味呀！朋友很喜歡大蝦超大隻 都唔錯！美國牛小排餐-$158牛小排叫左5 成熟 剛剛好不會太生 仲要有2 塊肉質不會un也不會太林 我比較喜歡這個apple juice-跟餐+$15apple juice唔太甜 都ok 可以試下總結呢間絕對係食肉獸的必食之選！！

星期日放假果陣行街經開荃灣愉景新城，本身想係果邊搵間餐廳靜靜哋坐低食嘢，奈何呢個商場實在太多親子活動，嘈到爆、啲餐廳又full😫所以就轉戰咗過隔離8咪半，人流稍為少啲，見呢間餐廳下午茶都幾抵❗️又多選擇，一於就試試🤤一入到餐廳已經見到隔離枱個公司三文治大份得好驚人🤣所以都忍唔住叫番個😋上枱真係好驚喜‼️因為真係超級足料😯要分開咬好多啖先食得完一舊。。另外再叫多咗一份乾炒牛河，新鮮即叫即炒！拎出嚟果陣仲熱辣辣🤤牛肉份量亦都好多👍🏻而且價錢真係好抵，呢2樣嘢食都係各$45咋😍

爸爸媽媽小時候常常帶我吃扒餐的金鳳，而家原來開左分店了，放工老公帶我去左荃灣既分店😋身份牛粉，黎到呢間幾十年老字號扒房當然要點一下牛扒及鐵板燒。坐底看看餐牌都幾多選擇，價錢適中都係百零蚊，我們點了美國德州頂級西冷及美國安格斯肉眼餐，跟薯菜餐湯及飲品呢。餐湯我們點了紅湯，蕃茄雜菜湯跟餐包！有驚喜是這個餐包暖暖的軟綿綿😋美國安格斯肉眼大大塊熱騰騰端出來，Order時加了生蒜又香又野味。本人點了黑椒汁，醬汁炸炸聲淋上鐵板上！肉眼扒order了三成熟，皮烤得微燶幾香口，口感就有點像牛柳，肉質都幾嫩腍身，個人認為呢個熟度加鐵板上剛剛好，唔會韌很美味😋美國德州頂級西冷老公因為不喜歡太血紅色的肉所以選了五成熟，肥瘦分怖都平均，西冷肉質和肉眼有小小分別，肉味較濃同juicy幾有口感！ 老公大愛😋價錢親民同埋係老字號，keep到水準下次會再幫襯！

再來一次喺荃灣同同事試新餐廳呀！之前都經過見到呢度開咗金鳳，出名据扒嘅餐廳！今日終於嚟咗試啦！午餐佢又唔貴喎！幾十蚊就可以据到扒啦！同埋佢喺門口拎飛， 喺入邊用餐嘅人就唔會有壓力啦！ 佢間餐廳都好大間，坐嘅位置都好舒服好闊落， 加上佢有啲係梳化位好舒服！午市套餐包餐包同餐湯！扒餐都係可以揀配白飯、意粉、沙律或薯菜！我叫左個鮮西蘭花汁焗豬扒飯，佢既扒都好大塊同埋焗飯都唔錯啵！唔一定要食扒！食焗飯都唔錯☺️

今晚我哋去咗金鳳大餐廳食晚飯，餐廳位於荃灣地鐵站附近嘅中染大廈地下，喺門口已經俾佢嘅霓虹燈牌吸引着，再望一望門口，有我最喜歡的牛扒，所以就去試吓呢度除咗牛扒之外仲有唔同種類嘅小食，沙律等等，所以唔鍾意食牛扒嘅朋友都可以叫其他嘢食，而且餐廳有卡位，環境闊落雖然呢度有唔同種類嘅牛扒餐，但我特別鍾情帶子，所以就揀咗帶子牛柳帶子擺放喺牛扒上面，有兩大粒，帶子非常爽甜，以鐵板上嘅微溫，令帶子好似煎香左咁，而呢個牛柳肉質非常淋身，好易咬，鍾意淋身嘅朋友都會揀牛柳！介紹完牛扒之後，呢一個牛扒餐仲有餐湯同埋麵包🥯，麵包係熱辣辣，非常鬆軟！餐湯方面必點羅宋湯，呢個羅宋湯非常足料，有好多配菜喺入邊，而且味道香濃惹味！總括來講，呢度嘅牛扒真係唔錯，而且性價比高

今日我哋去咗金鳳大餐廳食晚飯，聽聞呢度嘅牛扒好出名，而且裝修型格，於是決定去一試見到個餐牌，牛扒嘅種類非常多，真係多到花多眼亂，而最特別嘅我覺得係T骨扒，佢可以揀鐵板上或者碟上，由於我唔鍾意啲醬汁彈到成身都係，所以揀咗碟上！除咗牛扒之外呢個餐仲有餐湯同埋飲品，餐湯有白湯同紅湯，佢個紅湯帶點辣，真係好香濃，要來點麵包🥯真係好好食，而且飲品凍飲都係唔使加錢！另外朋友叫咗美國安格斯肉眼扒，佢就用鐵板上，而鐵板上嘅時候真係特別香噴噴！兩款牛扒牛味都幾重，而且亦相當大塊，肉質夠嫩，見到呢度大部份光顧嘅顧客都係食扒！呢度牛扒嘅配菜有粟米、薯條同沙律菜

今晚喺荃灣收工，就同男朋友喺附近搵咗一間叫金鳳冰室度食野，入到去裝修好似八九十年代風格，什至連店員服飾都好似以前快餐店嘅感覺晚市餐牌種類算多，本身打算叫貴族牛扒，但係店員話呢款牛肉質較多所以會比較煙韌，所以最後都係叫咗店員推介嘅美國牛小扒，男朋友就叫咗個鴛鴦扒餐 晚市都會送餐包，餐湯同餐飲，加$12就會有肉醬意粉餐湯味道濃郁，水嘅比例適中，忌廉湯飲落唔會太稀，而且每一啖都有蘿蔔蓉，餐包係用最普通嘅甜餐包，味道見仁見智，我就覺得幾好食，好有懷舊冰室味道 輪到主菜牛小排，叫咗五成熟，同店員所講肉嘅比例比較多而且脂肪分布平均，最主要係火爐控制比較好所以係真正五成熟，而且呢個價錢嘅份量性價比絕對高 去到男朋友嘅鴛鴦扒，通常大家食冰室呢啲只不過係好基本嘅食物，但係餐廳都將呢兩款扒做到好好食，因為豬扒肉質好送院切落去唔會有好難切嘅感覺，都係一刀切到底，食落口感入口即溶，雞扒都係經過煎炸所以肉質都可以保持鮮嫩 餐飲方面我就加咗$18叫咗杯雪糕紅豆冰，淡奶同紅豆比例用得相當好，而且會因應雪糕怕用但又唔會令到客人覺得好蝕錢，冰嘅比例用得啱啱好，可以飲到好多紅豆冰之餘仲可以慢慢嘆個雪糕👍👍👍😱飲飽食醉

因為個人唔係咁舒服, 想近近地搵間餐廳食完晚餐就返屋企見到呢間好似難得唔使等位喎就入去試下啦Menu選擇唔算多, 但專食扒黎講算係咁~我係菇魔所以揀咗 "野菌牛柳餐"男朋友就揀咗"帶子牛柳餐"先上左個餐包同湯包暖暖地,好食白湯都夠味,好飲我既"野菌牛柳餐"好多菇夠足料汁偏甜, 但都算岩口味牛柳我叫7成, 雖然熟咗d但都係好嫩男朋友既"帶子牛柳餐"帶子大粒好食牛柳都係一樣叫咗7成, 但佢個舊就一半熟d一半生d雖然係食到既但如果可以再煎好d就更好整體黎講, 味道唔錯, 份量都ok平日夜晚黎講唔使等位又咁快有得醫肚算係一個唔錯既選擇