金鳳大餐廳 (中染大廈(8咪半))

营业中

休息中

🐂🐂金鳳呢個名相信香港人都好熟悉嘞！太子果間「金鳳大餐廳」最經典，更加係我由細食到大添😆而家分店開到去荃灣就一定要去幫襯吓，懷緬吓過去...😌去到門口已經好多人等緊位，排長龍！都等咗一陣先有位，餐廳座位多又好闊落，懷舊裝修，仲有部復古座地式嘅點唱機放在餐廳中間旁邊位置，old school得嚟又帶點摩登㗎！講返重點...都離不開据扒同据扒🤣🤣我哋叫咗$168貴族牛扒餐，採用「美國牛肩」堅持不另醃製，原汁原味！燒得外脆內軟，五成熟碟上🍽好正仲叫咗牛柳餐，鐵板熱辣辣一倒黑椒汁就「咋咋聲」，牛柳入口好冧，好滿足9月會再黎...因為有新優惠，晚市滿$500即送$50好抵

每到轉季的日子，又係時候睇睇新款傢俬，獨獨樂腸完傢俬當然要獨獨樂享受返一個豐盛晚餐，竟然比我發現到由太子食到去荃灣的經典老店!金鳳大餐廳!!繼荔枝角尖沙嘴後的第四間分店，位於連貫荃灣愉景新城的中染大廈8咪半。由1969年開鋪到現在的老店，尋找兒時回憶中屋企人帶到這間港式西餐廳鋸扒的時光，視覺與味覺重申感受一下那股從鐵板上飄出的牛肉香味!真係咩回憶都返哂黎!分店裝修時尚，貼近新市區的融合格局，從前的紅格檯布，現在變成了較潔淨的雲石檯，紅格檯布歷史就放了在店員的制服上，倚感親切。一看MENU已鎖定目標，叫了帶子牛柳餐(五成熟)$138記得要加生蒜!! (+$2) 超級超值的選擇，滿口香蒜味令人齒狹留香!!迪另外加配了一杯足料凍檸蜜。首先來個扒餐必有的經典牛油餐包以及金鳳羅宋湯!牛油軟度剛好融入餐包之中，紅湯濃郁不辣，而且多椰菜湯料，為食肉前有一個較均衡的準備。迎主角在遠處滋滋聲來到，傳統的牛鐵板放在木板上，懷舊美觀，店員在落汁料前貼心提醒要用張餐巾擋汁，並詢問需要黑椒還是洋蔥汁，決定好滋滋聲立時變了炸炸聲!香噴美味! 完全保留了金鳳傳統扒房精神。兩粒滿大粒的帶子搶眼非常!牛柳在薯條、粟米及

我至喜歡的豉油西餐金鳳大餐廳開到荃灣來喇！這天同車公公婆婆去嘆個大扒餐，估不到質素比太子老店更出色，新店樓底超高抽風亦佳感覺更見舒適啊！ 金鳳的扒餐全配有牛油餐包、餐湯及餐飲，以百元多點的價位來說十分划算！侍應先送來熱辣辣的餐包及獨立包裝的牛油，塗上牛油於餐包上半溶化的口感總教人歡喜。 餐湯有紅、白兩款可選！紅湯是羅宋湯白湯則是忌廉湯，我選上的羅宋湯甫上檯見到非常足料，我喜歡多菜又不重牛味的羅宋湯這兒的很合我胃口。 車公公選了忌廉湯我嚐了一口！質地滑溜得來並沒有粉味而且同樣非常大碗，喝罷已飽了一半呢！ 不吃牛的我選上鴛鴦扒餐＄92，內有雞扒和豬扒各一大件兩扒既淋身亦不乾，配合堂下的黑椒汁鐵板吱吱響香氣四射，喜歡它墊底用上翠玉瓜令成件事更加吸引！ 車公公、婆婆同選牛柳餐＄99又是大大件，兩老也十分喜歡牛柳軟淋質感，加蒜蓉＄2伴吃滋味更佳呢。 這兒的餐飲比太子老店小杯大，其實跟一般茶記同樣尺碼，我的凍檸檬茶走甜沒反茶又帶檸檬已夠我收貨有餘！

今日同仔仔玩足一日好累，婆婆話冇煮飯出去食，公公提議食金鳳，我未食過就答好呀！試下。6點去到剛有張4人枱，但在門口位置，眼見入面已經開始冇位唯有照座啦！今晚得我，公公，婆婆和仔仔4個人。仔仔一座低就話要食咖哩豬扒飯，我地話可能會辣佢都唔理照話要食，最後來到食左幾口就話辣要食其他。我和婆婆就 order 左兩客鐵板什扒，鐵板什扒送來時， 放左係 公公和婆婆到倒汁，一倒黑椒汁時，超大油煙，我覺得佢地抽風唔夠勁。好啦倒完，發現侍應唔小心倒左d 汁去公公的褲到，我地主動問佢地拎濕紙巾清潔，佢地都勁唔好意思過來say sorry, 禮貌上都唔錯。個鐵板什扒，其實我覺得一般，個牛太淋 ，個豬扒就唔錯。咖哩豬扒飯 ~ 公公話個汁好下飯豬扒好食。

金鳳餐廳，相信大家都聽過呢個名，但又有冇嚟食過呢？我記得我以前細細個好似跟屋企人你食過之後都冇再食，而家見佢做到咁大規模，就去試吓啦，坐低左之後店員就比Menu我哋睇，我就叫咗個美國頂級西冷牛扒，而朋友就叫咗個大蝦牛柳，因為本身個味國頂級西冷牛扒唔係用鐵板上嘅，所以店員就問需唔需要用鐵板上，如果需要嘅話就要加錢，另外我哋叫完幾多成熟之後，店員都會問你需唔需要生蒜茸，需要嘅話又係要加錢，然之後有餐包啦，餐湯又係有羅宋湯同埋忌廉湯俾你選擇，我哋都叫咗羅宋湯，而餐飲店員就會話上完鐵板牛扒之後先叫就最好👍🏻👍🏻先講下個羅宋湯,感覺啲蔬菜材料比較少,個羅宋湯比較稀，味道一般般，餐包你都係熱辣辣，再配埋牛油，都OK，之後到主角，個美國頂級西冷牛扒玉新比較晏，亦都較乾身，做唔到Juice口感，而我就叫咗黑椒汁，亦都加咗生蒜蓉，感覺每一啖都好似食緊蒜蓉入口，完全食唔到黑椒汁同埋牛扒嘅味道，至於朋友嘅大蝦牛柳餐，佢話大蝦都尚算新鮮，都算係大隻，牛柳嘅話不過不失，但係朋友同我有一樣嘅感覺就係每一啖都好似食緊生蒜蓉嘅味道咁😂😂😂

係我記憶中的金鳳係深水埗個間中學讀書時期個d 午餐set以前細個覺得已經好好味原本想去青衣城食飯意外地去左呢度坐低已經覺得有d 不倫不類想扮新潮，但裝修又唔型中間又加部唱片機懶懷舊完全唔match 唔知想點真係好想問腦細其實你知唔知自己間餐廳個價值係邊？！係個份味道而家俾你搞灣晒講番食物一個嗌頂級肉眼扒肉質唔錯❌但成塊扒有一半都滿佈肥膏同筋 ❌黑椒汁唔野味❌生蒜原本係幾好，但我自問係蒜蓉怪都覺得加左唔好食❌薯條或薯角太淋另一個叫什扒蒜蓉汁竟然比黑椒汁好豬扒竟然好食❌第一次食什扒冇雞扒比雞奕不如俾雞蛋丫笨❌條腸仔接近冇煎過，一d都唔香口唔好奇怪點解個湯後寫因為佢真係好奇怪❌上左個鐵板先上湯！！最後我想講當我打開將紙巾！頂！你！個！製！❌竟然係用過，有一點點汁然後摺番好！❌好嘔心！！好啦，叫伙記拎張新紙巾過黎好似唔願做咁老公話服務0 分

今日的午餐：黑椒汁新西蘭牛扒配意粉$65牛扒幾大幾厚，似西冷口感，65蚊真係勁抵焗水蜜桃雞扒飯 $52等左15分鐘，waitress 焗飯係要耐少少，如果係餐牌到寫明要等待會好d, 不過好彩我都唔趕時間。好食既，本身以為水蜜桃會伏，但佢切細細粒都幾好入口，茄汁連芝士係唔錯既配搭。雞扒都好大塊，幫你切好埋，飯底係白飯，唔係炒飯來的所以唔會油膩👍🏻餐廳愈坐愈多人，後來見到仲要等位，同埋人齊先可以入座的。

細細個媽媽經常會帶我去金鳳食扒，我最鐘意就係飲個紅湯，覺得又辣又惹味。得知屋企附近開左間金鳳，即刻同媽媽去食扒，尋找兒時回憶。餐廳就係地鐵站附近，夠曬方便。地方都算幾大，空間感十足，而且裝修都幾靚幾新穎。除左有不同既扒類套餐，仲有其他小食，意粉或者飯類，選擇都非常多。餐包熱辣辣好鬆軟，加埋一舊冰凍既牛油，正！紅湯一如往常咁好飲，多料，少少酸但又唔會太酸，仲有少少辣。T骨牛扒餐依家已經得返好少餐廳有T骨扒叫，牛扒要7成熟，鐵板燒得勁熱，落埋呢度馳名既蒜蓉醬，油煙四起。侍應落醬前會好貼心叫你用張餐巾擋一擋，但黎得金鳳，就當然要食呢種風味啦。美國德州頂級西冷餐以為都會係鐵板上，但原來係西式碟上，牛扒都係要7成熟，火喉剛剛好，肉味濃。黑牛 凍檸蜜可樂加雪糕，呢個配搭唔會輸，好好飲。凍檸蜜正常，足料好飲。

~今日難得放假，就去 荃灣 8咪半宜家傢俬 ，買碗碗碟碟🍽 ~行到咁上下 ，就睇下有咩好嘢食， 咦！原來金鳳大餐廳 ， 係呢度開到分店 🍴 好啦今晚就決定鋸扒啦😍~未入到去，已經感覺好有懷舊feel餐未到，先來熱辣辣的餐包🥖， 加上熱辣辣 好濃沃的羅宋湯 ， 真係想飲多碗🍵就叫咗美國安格燒肉眼扒鐵板上，黑椒汁 ，五成熟 ，肉眼扒， 五成熟啱啱好 ，唔韌 ，好多肉汁 好juicy荷蘭豬扒餐🐷碟上 配黑椒汁 豬扒夠淋 有兩塊咁多 食得十分滿足😍😋·這間餐廳， 服務好， 環境舒適， 有殷勤 值得一讚👍🏾👍🏾

這間金鳳是老牌字號了，今日來到荃灣中染大廈，晚餐決定來個西式扒餐。大紅色的梳化令餐廳顯得格外優雅。餐牌有中英文，非常多款式。話明今晚要食扒，所以揀了兩個扒餐，配牛油餐包餐湯及餐飲。牛油餐包餐湯及餐飲我喜愛餐包涂上牛油後再點上忌廉湯，令餐包又腍又香牛油味。餐飲要了可樂及熱檸水。貴族牛扒碟上六成熟$168貴族牛扒非常厚切，煎得外表有點焦啡，伴碟配有薯角及車厘茄，還有青色及紫色的椰菜。貴族牛扒帶少少咬口，蒜蓉黑椒汁調較得頗入味，與牛肉味頗濃的貴族牛扒頗夾。西冷牛扒七成熟$99西冷牛扒要了鐵板上，鐵板上時還在高溫中，想要牛扒熟多㸃的，可以撥開牛扒下面墊著的薯條及翠玉瓜等，用牛扒再煎多一會兒，不過廚師煎得這個牛扒七成熟剛剛好不用再煎。西冷牛扒也是要了黑椒汁，牛扒肉質嫩滑，再加上黑椒汁很是惹味。,

港式扒房既話，之前都只係去過元朗試，近排突然心郁郁想懷緬過去鋸扒去，上下網睇下邊間傳統扒房出名啲，我就搵左間近近地屋企既一間分店試下。7點鐘左右等位唔使好耐就入得到去，見到都full house。餐湯鐘意揀紅湯，酸甜羅宋湯入面多材料，唔會過分嗆辣。白湯唔錯算creamy，蘸包食幾match。要試牛扒好唔好食，梗係要試肉眼同西冷啦。兩個都用鐵板上，我地可以揀黑椒汁或者燒汁，侍應好貼心咁提示我地一定要用餐巾防止啲汁彈到自己。我自己就偏好西冷牛扒，呢個西冷牛扒做得唔錯，肉質嫩滑油脂豐腴，食落去唔會好似俾鬆肉粉破壞哂牛肉既texture。朋友既美國安格斯肉眼扒餐仲正，佢係有薯角instead of 普通薯條，肉眼肉味香濃，唔會有大大塊既肥膏咁油膩，不過我自己一向鐘意西冷多啲，呢兩個扒餐滿足哂我想食扒既慾望。

好開心，聽聞金鳳大餐廳，在荃灣中染大廈地下新開張，門口就系巴士站。以後不用特意出尖沙咀食。從前常常相約朋友去吃的，貪其平靚正，數十元就有牛扒吃。真的是美味的回憶。今天和同事去吃午餐，早些去取位，都已經有人潮了。我們點了黑椒汁薄T骨，乾炒牛肉米粉。先來例湯，麵包，份量好大，同舊鋪一樣。肚仔已經飽了一半，再吃薯條T骨，真怕吃不落。T骨份量不多，可能是薄身原故。啖啖肉，好味道。乾炒牛肉米粉，份量適中，但驚喜好有鑊氣，好乾身，米粉不會糊口。牛肉也爽口，不會好淋身。食物都不錯，最重要系以後又多一個聚腳的地方。

星期日嘅晚餐，都知道呢間扒房會好多人，所以一早6:30就去排隊，大概排咗一個鐘先有位，環境係唔錯，都算乾乾淨淨好光猛，今餐個餐包同個紅湯都唔錯，但係食物就出事啦，兩個大人加兩個小朋友一共叫咗三個餐一個係帶子牛扒餐一個集扒餐一個普通牛扒餐，三個餐嘅主角，即係啲肉完全唔掂，質感勁差，完全冇肉味，雜扒餐塊牛肉仲要有少少酸，帶子牛扒餐嗰兩粒帶子難食到不得了，un到呑唔倒，叫5成熟，黎到就係well done既，不過佢well done定真係俾個五成熟我我覺得都冇乜大分別，因為啲肉嘅肉質真係好差，我完全唔覺得自己係食緊牛扒，一定冇下次，絕對唔推介！

住荃灣的人有福了，以後唔使出九龍都可以食到金鳳靚靚扒了有別於舊舖的金鳳，荃灣的裝修較時尚，迎合年青人， 一入門口更有一部播歌機， 不肯定是擺設還是真的可以播歌呢七點多已經有十幾人 在排隊， 一坐低已經被周圍的牛扒香籠罩著了，急不及待點菜。品嚐了 一個貴族牛扒餐( 肩膊位) 六成熟加蒜蓉， 完美演繹六成熟的透度 ,牛扒入口即溶，牛質極之鬆化，煎得香，充滿牛味。餐跟羅宋湯， 微酸帶辣， 多椰菜，蠻開胃呢！另外散叫了香濃雜菌忌廉湯 ,湯料豐富，濃郁， 飲完個湯都飽了一半皇牌焗豬扒飯 滿滿的番茄醬汁配上濃濃的芝士 ,加上誠意的蛋絲炒飯底 ,主角豬扒 厚而鬆化。 這樣出色的焗豬扒飯真的很難在其他店品嚐到呢！

今天工作來到荃灣，在愉景新城旁的8咪半，和同事一齊食晚飯，同事喜歡吃牛，所以選了這間「金鳳大餐廳」食牛扒。餐廳裝修走懷舊風格，樓底高，空間感十足。我們叫了兩份不同的牛扒share 食。餐湯和餐包都ok《美國德州頂級西冷鐵板餐》$154鐵板上枱時燒到熱熱的，把蒜蓉汁倒下，立即冒出一陣濃煙，同時發出「喳咋」的響聲。這塊扒果然是頂級西冷，肉質有嚼勁，充滿牛的肉香味，味道也恰到好處。《野菌牛柳鐵板餐》$128牛柳和西冷相比，肉質較腍較滑，野菌菇吸收了牛的肉汁，味道更香濃。