金鳳大餐廳 (中染大廈(8咪半))

营业中

休息中

我記得金鳳這間餐廳在深水埗很有名是一間老牌扒房地方細、服務態度唔係咁好、得知在荃灣開了分店而且還有早餐食、所以諗住去試吓、我和屋企人這幾星期六、星期日都有去食早餐、我覺得佢哋D服務態度比深水埗老店好得多、先講食物早餐呢個價錢平、我還要讚揚一吓佢哋早上那個收銀員態度好、真係好Iike、笑容好、在等位時同她傾閑時也見她又要聽外賣電話又要收錢、還好有禮貌、我屋企話改咗已經每日去呢度食早餐食物方三文治好大份、價錢24蚊有交易、凍飲唔洗加錢、另外有一至二個女樓面態度雖然麻麻、但整體叫做好、再一次表揚一吓那位笑容的收銀、我自己也做服務行業、但現在真的好難揾咁有熱誠的收銀員。

#金鳳食鐵板大餐最近去食了一間呢具話題的連鎖餐廳，就係金鳳大餐廳。餐廳以懷舊港式扒房作主題，主打就是各式港式鐵板燒，我行完ikea就去了荃灣分店食晚餐鋸扒。我地點了兩個套餐。兩款牛扒餐，一款蘇格蘭牛扒；另一款是安格斯肉眼扒，都點了五成熟。兩款套餐都跟餐湯、包和飲品。白湯和紅湯味道都不錯。白湯都算香滑；紅湯都幾足料；餐包就正正常常，不過不失。蘇格蘭牛扒餐 Scotland Beef Steak ($99) 加蒜 Extra Garlic (+$2)蘇格蘭牛相對安格斯肉眼扒，感覺有更多油脂，肉味不及安格斯牛；油脂分怖都算均衡，不過就未至於有和牛般的入口即融的層次。另外，我加了蒜頭和選擇了黑椒汁，兩種味道濃烈的醬料感覺蓋過了部份肉味，太重口味。美國安格斯肉眼扒餐 U.S Black Angus Rib Eyes ($160)原來安格斯牛原本是用碟上，不過是可以改成鐵板上，畢竟食港式扒房就是期望吃鐵板燒和感受那種"sa" 一聲的興奮感覺啦！這安格斯肉眼扒，我地揀咗用蒜蓉汁倒喺鐵板之上。蒜蓉汁感覺就無黑椒汁般濃烈，所以無蓋過肉味，而且本身安格斯肉眼扒牛味都係較多，不過就欠缺了蘇格蘭牛般的厚重和油

對於住係九龍區 有返咁上下年紀 又鐘意鋸扒既食肉獸 金鳳大餐廳呢個名一定唔會陌生但原來小胖男友一次都未食過之餘 仲竟然未聽過?!今次就等吃貨小妹帶佢去荃灣朝一朝聖啦最鐘意就係港式扒房既大大個餐包配餐湯金鳳既餐包熱辣辣好軟熟 配傳統扒房既忌廉粟米粒白湯就最夾除左餐包同餐湯 另外兩樣小妹認為鋸扒必備既最佳配搭就係凍OT同茄汁汁有黑椒同蒜蓉兩種當扒送上枱時 侍應會一次過拎晒兩種汁俾你揀 吃貨小妹揀左大蝦牛柳配蒜蓉汁為左唔好破壞大蝦既鮮味 侍應姐姐專登避開無將汁淋落大蝦上牛柳又大份又厚 加埋墊底既薯菜 份量爆晒棚小胖男友就揀左美國德州頂級西冷扒配黑椒汁呢塊扒就更加大件食落亦比肉質較軟既牛柳有口感係金鳳除左食物本身既味道 更食懷舊既味道

今早上班前去了金鳳食個靚早餐，呢度有好多款早餐可以選擇，最平的三文治餐唔使三十蚊有交易。想食豐富啲可以選擇麵餐或扒餐。呢度啲質素好過大家樂、大快活、美心嗰啲，價錢很公道。 我要咗個沙爹牛肉麵，跟牛油多士、炒蛋和熱咖啡，36蚊。 炒蛋係3.6牛乳，可以選擇原味或選配料蘑菇和番茄，我就選擇咗番茄。 咖啡夠濃，飲咗好醒神。炒蛋好滑，加咗番茄的炒蛋就多咗分鮮甜感。沙爹牛好腍，啲沙爹汁味道都幾惹味。而麵底質地都OK。食到好飽，充滿力量去返工。

原來荃灣都開咗間金鳳大餐廳的分店，地點位於中染大廈，呢個市況都擴充營業，值得敬佩，值得支持，搭檯都要支持。 一向都知佢哋啲餐大件夾抵食，原來凍飲仲唔使加錢添! 很感動! 今日就叫咗個B餐美式什扒餐配意粉。 餐湯要了羅宋湯，味道夠濃，而且有檸檬汁味。 餐包熱辣辣、軟綿綿。 凍咖啡，淡咗啲，下次記住要 “少冰”。 份什扒意粉真係好大份，有腸仔、炸雞翼、牛柳和豬扒，味道、質素OK無欺場，盡晒力才能KO佢哋，早知唔食個餐包。

今早大約10點半去到金鳳，攞籌後，收銀員安排一張近收銀柜前的座位，我要求唔想坐呢張枱，跟住，個收銀員一輪咀講左d話，咁冇理佢，之後，另一個侍應叫號碼，嗰個收銀員就話：佢哋唔知想坐邊。語氣和態度差。我哋叫左兩份A4早餐，整份餐都冇問題，就係舊牛排有問題，淋bet bet,又冇牛味，雖則係平，都唔好咁差，啱冇牙老人家食，唔會再去幫趁

見到荃灣開左新茶餐廳 今日就去試一試！哇！冇諗過茶餐廳都會排曬長龍等位！😳餐廳裝修幾用心 營造懷舊感覺侍應都著住紅色格仔恤衫🤩餐牌都係簡潔為主 冇太多花巧又圖咁！先黎餐包餐湯！個紅湯好足料！好有菜味！一黎已經好驚喜 因為平時飲開都係罐頭味精湯🥺見到個個都据扒好滋味 我地都唔執輸！叫左個五成熟美國西冷扒！重點係加左$2要生蒜🥰侍應俾左黑椒汁同蒜蓉汁我地揀一倒落碟就”炸”😆好滿足！個扒好入味！口感剛剛好！加左生蒜真係令成個扒生色不少！🤩再叫左焗豬扒飯！即焗熱上！好惹味！芝士好香濃！而且好夠蕃茄味🥰蕃茄控好滿意😊貪食既我地叫多左個炸魷魚！呢個都好正呀！炸粉一啲都唔厚！而且魷魚超有彈性！配埋佢個醬一流！呢間非一般茶記十分推薦！見到食滿$500會減$50 下次多啲人黎食仲抵！🤤

假期最開心係可以優優閒閒吃早餐。今早去了荃灣的金鳳大餐廳，嘆了豐富的早餐。睇餐牌，一共有21款早餐選擇，一時間都唔知揀邊個好，最終揀了一個A5和一個B2，合計都係$71。喺呢度食，坐得舒服又有人招呼，總比起去隔離間大快活食好好多。B2係香煎雞扒，配火腿、香腸、焗豆、餐包和熱咖啡，$36乍，咁大份，真抵食。雞扒煎得鬼死咁香，而且好入味。A5係雪菜肉絲米，配牛油方包和炒蛋。炒蛋係3.6牛乳炒蛋，非常高質，而且更可配野菌、番茄或粟米粒去炒，我揀咗野菌。炒蛋好滑，野菌又好香，總之好食啦。至於個米粉就有好多雪菜，其餘就比較一般啲。餐飲要了杯熱奶茶，味道OK的。

金鳳餐廳喺深水埗就非常出名，估唔到越開越多間分店，今次仲開到嚟荃灣，仲要係首間係有早餐供應嘅，咁作為新界人嘅我當然要試吓啦，較早前見到佢經常都排晒長龍，今日中午時間去大約等五張枱左右，我哋一行二人去試，入邊都好大好深，裝修都幾靚，一坐低就叫嘢食，價錢算唔貴，免加一並凍飲唔使加錢，我就叫咗個夏威夷汁雞扒，我朋友就叫咗個黑椒汁薄T骨，食物好快就到啦，麵包熱辣辣正，碗湯都好飲，啲飯夠大碟雞扒好食，T骨我自己就覺得熟咗少少，但都合格，旁邊有位客人話因為T骨唔熟，要求換過碟，我見到侍應馬上幫她換，服務都唔錯，總結：抵食選擇， 下次威試夜晚

荃灣好西當然多，而抵食既都有好多，今次就去左8咪半既金鳳食佢既下就，Lunch set有餐包有湯有飲品，重點係凍飲唔洗加錢又唔加一，抵到爆🤩經典据扒地方今次就決定食佢個薄T骨，份量夠哂，蒜茸汁T骨都好食，肉食都夠哂呀🤤仲可以揀配飯、意粉、沙律同薯菜都算多野揀😇手殘🧒🏽就切得有點辛苦咁哈哈，整體尼講都唔錯，尼個價錢絕對抵食👅💦💦💦⠀⠀Lunchtime雖然多人排，不過返桌速度好快，🧒🏽同同事一行5人都等左15分鐘度都入到座了，不過不失既速度，打工仔一流食😂⠀

同朋友去荃灣行街，去到呢一個最近都幾熱門嘅商場。見到一間多人排隊嘅特色扒房，就入咗去喇。餐牌上嘅選擇都算多，不過都係比較簡單嘅路線，扒類為主。我同朋友就嗌咗兩個套餐，分別係帶子牛柳，同埋美國安格斯牛扒。咁佢包埋嘢飲同埋餐湯，仲有餐包。上餐嘅速度都好快，兩個熱辣辣嘅餐包配牛油，個餐包夠熱，同埋甜甜地，非常好食。我哋叫羅宋湯，湯底都比較濃味，同埋都夠辣呀！而且好足料，有非常多嘅菜喺入面，好開胃！至於個扒我哋就叫咗五成熟同七成熟，可惜七成熟嚟到上咗鐵板一陣，就幾乎變咗全熟😂 所以勸大家都係叫五成熟就好了。然後帶子幾鮮味，配黑椒汁唔錯，大大粒有口感！ 牛柳我覺得比較好食，因為佢一啲都唔銀，而且都好厚肉，食落有少少似牛腩咁😂❤安格斯牛扒就因為七成熟了，所以就變得有啲太熟喇。因而比較un咗啲所以勸大家都係叫五成熟比較好😂😂😂配上蒜蓉汁，亦都相當開胃。同埋薯條作為配菜，份量夠大，男女都會食得飽。我哋仲叫咗雪糕紅豆冰同埋谷古。紅豆冰味道都唔錯，配上雪糕係好特別嘅特色飲品。谷古都比較少地方有，可惜個味道真係唔係好夾我嘅口味。下次都係叫朱古力好了😂整體係幾好食，而且價錢好合當，都幾推介大家嚟呢度食！！

太子荔枝角都食過金鳯，今次開到荃灣都見到，會一會扒。中秋前一日好多人等位。等到乜都睇哂！見9月份晚市消費滿$500送$50現金券，一齊食抵抵地喔。唔怪得好多5 6人嚟食。新店環境大好多，樓底高坐落無老店咁親蜜。裝修工廠風mix西方，店員全部紅白格仔衫懷舊。大家等左咁耐，終於叫得扒餐！牛油餐包兩件「磚」温暖配上牛油，好快食左大半，太餓了。記得留肚食扒。羅宋湯 如果單叫$38一碗金鳳馳名羅宋湯 ，食真d飲多幾啖先得。大椰菜、蕃茄、紅蘿蔔、西芹配次次地辣。依種辣好少見，係辣入喉嚨既羅宋湯 ，有料到喎！巧有洋蔥同紅蘿蔔甜中混辣。雞茸忌廉湯咸咸肉粒，濃度似糊仔。朋友飲哂一碗叫飽，有無咁誇呀？因為我羅宋湯夠香辣，所以我反要開胃左。T骨牛扒餐 $128 加生蒜$2T-bone steak大過塊臉、大過隻牛牛板。T骨牛扒脂肪比例高，當比牛腩低。佢有齊脊肉脊骨，姐係有哂西冷同牛柳既部分咁。有骨位既肉食落往往最香口。因為T骨牛扒大過鐵板，所以店員細心地落埋蒜蓉汁係底。再加上加左生蒜同配蒜蓉汁，濃味一牛餐！T骨牛扒食落好軟，厚剛好，感覺比西冷厚身。近骨既位置，牛味比較出。粗薯條入哂蒜味，翠玉瓜係牛上一條草，

dinner食物：以下所有鐵扒歺包歺湯+歺飲+歺包．凍飲+$3.⬆羅宋湯不錯．歺包不夠熱軟．⬆帶子牛扒所以類別牛扒一定有用粉拿過，係鬆林既．帶子不算太大粒．所有扒歺可選蒜蓉汁（完全冇蒜蓉味）或黑椒汁．⬆豬扒歺有2片大豬扒和一片煙肉．底有脆瓜．普普通通的．⬆雞扒歺一片大，一片中size既雞扒．底有薯條+脆瓜⬆龍蝦牛柳龍蝦得半邊，但menu冇寫明得半邊．呃人！不完整的龍蝦．又鞋，又冇龍蝦味，又少肉．牛柳幾好．底下有脆瓜+薯角．吾知点解有D歺係薯角，有D係薯條．現食滿$500送$50 coupon

金鳳，小時候已去食過，原來荃灣也開了分店，今天經過豈能不吃? 人多是預期之中，等一會亦不在乎。這間是新店，非常闊落，保留著很多老店的特色，例如紅梳化、霓虹光管、紅白格仔恤衫……來金鳳，必然是要吃牛扒，大件夾抵吃是出晒名的。扒餐有很多款選擇，$168便以嚐到美國貴族牛肩牛扒，而想吃得較經濟一點，便可以選擇什扒餐，$92有交易，而且仲係鐵板上的。原來晚餐惠顧500元，便會贈送$50現金卷，下次搵多兩個人一齊來吃，便夠數攞現金券，用來吃早餐都好呀!今晚的餐湯是忌廉湯和羅宋湯，配以牛油、餐包，這就是餐廳的經典提供。比較上，羅宋湯會好飲一點，因為味道較濃較重。【美國貴族牛肩牛扒】很大件，很厚，相信起碼有16oz，非常夠食。選了七成熟，肉質嫩得來有口感，而且很多肉汁。配上蒜香汁和炸薯角，yummy yummy。【美式什扒餐】用鐵板上，店員即場淋上黑椒汁，咋咋淋，香氣四溢。有豬扒、牛柳、腸仔、火腿和雞翼，呢個餐絕對食得過，況且件牛柳質素非常唔錯。餐飲要了熱咖啡，吃完扒，嘆下咖啡，很chill。

貴族牛扒 💲168香燒羊扒 💲132扒類套餐附送牛油餐包🍞、餐湯🍲及餐飲☕✅ 小時候食開山林道金鳳🌲 荃灣呢間今年暑期新開 環境夠曬乾淨企利🔆✅ 貴族牛扒其實係美國牛肩🐄 夠腍又有牛味🤤 食落有少少似熱石牛扒🤔 不過就更厚更滿足🤰🏻✅ 提提大家 呢間老字號適逢5⃣0⃣周年 9月份做緊晚市推廣 消費滿$500即送$50現金劵💵👅Taste：3.5/5💰CP值：3.5/5🙋🏻‍♀Service：3.5/5👁‍🗨Stylishness：3.75/5