金香緣雲南過橋米線 (已結業)

又黎到荃灣，想食米線但又唔想黎黎去去都係果幾間？呢到有間好介紹，位置有少少偏，但都好易搵到路，今次揀左食金香緣雲南過橋米線。入到門口一眼睇晒，座位不算好多佈置有少少中國風，鋪頂上面仲擺咗幾把紙傘，望落就無咁單調之餘又為店內添加左中國的特色。有四個唔同嘅湯底俾你揀，有辣有唔辣仲有有蕃茄湯、麻辣湯、酸辣湯，可以揀米線同埋紅薯粉添！而且最普通一碗嘅米線都只係＄27，都幾抵架！仲有好多唔同嘅餸俾你揀，當中有啲幾特別例如有扎肉、黑毛豬豚肉，牛孖荕。仲有幾款開胃小食，個價錢仲好平添！叫多兩個試試都無防呢涼拌皮蛋成隻碟都鋪滿左好多紅油同辣椒，食落去都幾惹味，皮蛋個皮好爽口，皮蛋心真係好好食，食落去嘅口感有啲似溏心咁食完一個你會忍唔住係咁食。但整體就偏辣既花雕雞中翼第一眼睇落去以為平平無奇，但係只要你一咬落去，成個口內都係花雕嘅酒味，酒味好重，鐘意酒既人都要試下！因為呢種呢味道既酒香同外面有d唔同！呢間醃得非常入味呢酸辣小窩米線 配 鮮牛肉、牛孖荕、牛柏葉碗麵一黎到就聞到好香嘅酸辣咪，今次只係叫咗小辣，都已經好香口。成碗面嘅份量都好足，配料嘅份量亦都好多，一啲都唔hea架。鮮牛肉食落去肉質都幾嫩，同埋

金香緣雲南過橋米線某天下午去完熊貓廣場，打算去荃灣街市找一間餐廳吃個午飯，中途見到這間雲南米線好像滿吸引，反正不知吃什麼，試試也無妨。餐牌上有3餸麵、小菜等供你選擇。花鵰雞中翼3隻味道不錯，酒味相當濃郁，大熱天吃這個冷盤小食也不錯。章魚燒口感十分爽彈，炸得滿香口，這個小食值得一吃。同女友一人3餸麵，一碗餸菜有腐皮、四川牛孖筋、豬大腸，另一碗腐皮、豬膶、豬大腸，整碗份量滿多的，豬大腸非常入味，腐皮軟綿綿，吸了湯汁更惹味，牛孖筋口感滑嫰稔口，個人覺得牛孖筋味道濃一點更佳。

唔食辣既我，食譚X既清湯又覺得淡，食雲X香都覺得太濃味，但今次終於比我搵到間岩我口味既米線，就係位於荃灣既♥金香緣雲南過橋米線♥啦！入到去個環境都幾開明，感覺都好乾淨，帶有少少中國風既裝修。湯底有四款，唔食辣既都有選擇，唔洗次次都食清湯咁淡某某。比較吸引到我嘅係豬骨湯小窩米線，用豬骨湯代替左傳統既清湯，好有新鮮感！😆其餘三個湯底有蕃茄湯、麻辣湯、酸辣湯，而且亦都可以揀米線或者紅薯粉。最重要既係佢係好親民價錢！！花雕雞中翼以為無咩味，點知竟然真係好重花雕既酒味😳佢唔單止最面果層有酒味，佢連入面啲肉都入哂味，成隻雞翼都好重花雕味！估唔到可以腌得咁入味～值得一試涼拌皮蛋成碟野紅當當，鋪左好多辣椒係上面，唔食辣既我就淆淆地，不過都試左。雖然辣就辣左啲，但個皮蛋質感好爽口，好似啫哩咁，皮蛋心好似糖心蛋入口慢慢係個口到溶化，食完的確係有啲開胃。😋豬骨湯小窩米線配料：炸醬、腩肉、雞翼尖首先講吓個米線，佢同出邊嗰啲米線有啲唔同，米線嘅咋咁咬落去比較淋身，但係佢又唔會好似其他嗰啲一夾就斷，真心比出邊嘅好食。😳炸醬係分開上，微辣且偏咸，望落比較乾身。建議食法係一口都加埋啲湯，再食炸醬，就唔會咁咸架啦。腩肉

今日去荃灣行街突然間好想食米線咁岩就見到呢間金香緣雲南過橋米線即刻走入去試下先響鈴,牛筋,牛腩 中辣響鈴夠脆 夠新鮮牛筋同埋牛腩都整得好入味 好好食再有少少汁係個湯入面另到個湯更加鮮味辣度舒中 岩哂鐘意食辣既人豚肉,蘿白,竹笙 小辣豚肉勁爽口 肥瘦度岩岩好蘿白整得夠"林"身竹笙係食米線必點因為可以食到個湯底既味道如果可以再小多小小辣就岩我多D手拍青瓜青瓜勁爽口 味道亦都好正切到岩岩好一啖一粒好貼心涼伴皮蛋整到兩隻兔仔足見店家既用心皮蛋好好食 個汁配合皮蛋簡直係一流豆漿唔會太甜 健康之選總括味道,環境都唔錯座得幾舒服米線大大碗食得好飽可以推薦俾大家試下！

又一加班之夜 放工已經8點 拿拿聲搵野食見到金香縁 即刻拉埋飯腳一齊入去食一人一碗小辣過橋米線 再加兩個小食我㨂左牛腩 魚腐 牛柏葉 米線大大碗 師父真係一碗碗咁即叫即煮 有心思 所以要等一陣米線面有大量芽菜+䓤 好似好好味咁湯底較淡 唔似其他餐廳咁多味精辣度岩岩好 牛腩唔會太硬 牛柏葉爽口小食叫左口水雞同香辣炸豬頸肉 口水雞味道一流 夠辣同埋個醬好食而且好嫩滑 重點有脆卜卜花生重有香辣炸豬頸肉 炸到咁我真係第一次食入口唔會太肥膩 好脆口 越食越過癮

台灣朋友來左香港，入住荃灣熊貓酒店，貪佢經濟又方便，而附近shopping、食肆都特別多，我一收工就馬上會合佢，佢話食少少嘢跟著去shopping ，於是帶左佢去沙咀道呢間餐廳食米線呢間米線，最近我經常幫襯，價錢親民唔在講，配料新鮮又好味，唔使成日食嗰啲乜哥物哥小店式經營，店內座位坐得舒服，保證唔會背脊頂背脊喺熊貓酒店行過嚟轉過彎就已經到首先我介紹朋友飲呢支椰汁，要用返佢個蓋來𠝹開封口嘅錫紙，幾得意架，椰汁味濃郁，仲有粒粒椰肉纖維，朋友讚好不絕先叫兩個小食，呢個花雕雞中翼，有好香嘅花雕酒味，雞肉又特別嫰滑另外呢個川味口水雞，實在太惹味了，啱晒鍾意食辣嘅台灣朋友每人要左一個自選三餸米線，我就要紅薯粉，貪佢煙煙靱靱而台灣朋友始終鍾情米線，仲揀咗個中辣嘅湯底，佢話認真滋味，喺台灣冇可能食得到咁靚嘅米線，猛讚我冇介紹錯特別要一提嘅就係我嘅至愛章魚燒，彈牙好味，裏面有粒粒嘅章魚架店內裝修簡潔光猛，老闆、伙記都好好人，知道我朋友係台灣遊客，都特登用國語同佢交談左幾句，氹得我朋友鬼咁開心，呢啲小店嘅人情味，就係我最欣賞嘅地方

行緊去西鐵站，但雨越下越大，決定避下雨去食晚飯先，見呢間米線舖望落幾骨子，有辣湯啱哂我同朋友，就食佢啦。天花板掛著傘子，望落優雅坐低睇下餐牌先，原來店都幾大，枱與枱間有一定空間，最正係夠冷氣，我同朋友都係勁怕熱的人呀…晚餐就豪一豪佢，點下小食先，再加埋三餸麵，都唔使一百蚊個人，今時今日黎計算平啦。海南鮮椰汁（$14）＆鮮豆漿（+$6）食辣野好似都係點返支凍飲穩陣，哈哈，夠哂凍啱哂咁熱嘅天氣飲，豆漿就成日有啦，但椰汁未見過其他地方有賣嘅？幾好飲喎，好清甜，入面仲有粒粒椰果增加口感。涼拌皮蛋（$18）皮蛋係至愛黎㗎，去到邊都點黎食。雖然賣相麻麻，但皮蛋夠綿滑正喎，最正係夠辣油，辣辣地加埋芫荽香超好味川辣口水雞（$36）雞件夠滑，肉多骨少，皮下又唔算多肥膏，辣汁辣度剛好，但略鹹左啲，掉開啲辣醬食就ok，整體黎講都係好味嘅麻辣小鍋米線+柱候牛腩+腩肉+墨魚丸（$50）朋友點左麻辣湯中辣，望落好紅呀～餸方面呢，因為佢係食肉獸，諗都唔諗就要哂腩，哈哈。牛腩軟腍，墨丸彈牙，最正係腩肉，夠肥又爽口，好味。雖然好紅嘅麻辣湯，但都唔算好辣。酸辣小鍋紅薯粉+豬大腸+豬脷+竹笙（$48）自己碗要左酸辣小辣，好

米線嘅舖頭應該係荃灣區最多，雖然間間店舖嘅米線都好似差唔多，但係食落就知道有分別，前日行經 悅來酒店附近就食咗一間“金香園雲南過橋米線”，家庭式作業老闆親自下廚，佢哋嘅米線份量夠多，全部用鍋上，而且味道好，主食係米線同紅薯粉，材料選擇多，真係要食多幾次先至試得曬所有材料。我地每人點左一個米線鍋， 我點左蕃茄湯底，而配料選擇牛筋、豚肉 同埋章魚丸，蕃茄湯底味道濃郁，充滿番茄肉，牛筋夠咬口，唔會太 淋，亦唔會過硬，章魚丸比較特別，由章魚造成嘅魚蛋，夠彈牙好味，但豚肉就偏肥少少。另外點左一個酸辣鍋米線，酸辣嘅程度可以揀大中小辣，我哋唔食得太辣，所以要小辣，湯底帶酸帶微辣，非常開胃，有芽菜同鹹酸菜作配菜，配料方面選擇豬扒、牛腩同埋大腸，鹵水大腸非常入味，而且肥瘦適中，唔會見到入面有一舊舊嘅肥膏，牛腩炆得好淋好入味，而最好味嘅我覺得係豬扒，煎豬扒夠入味，咬落亦又淋，推介配料。而小食方面必食口水雞同酥炸豬頸肉，口水雞唔會太辣，我唔食得太辣嘅亦都非常喜歡，雞肉夠嫩滑， 連雞胸肉都一樣咁滑。酥炸豬頸肉炸得香脆，配埋泰式醬汁絕對開胃好味。另外推介飲品係椰汁，呢個飲品有椰果肉，出面好似未見過有得買，離到就

老師親自下廚兼洗碗，職員又熱情親切，好評！推介香菇燒及章魚燒，超正！份量十足！住係附近的街坊不坊試下呢間新店，自由食過幾次，人流稀少，但食材的確係真材實料，例如香菇燒，真係有好多粒冬菇、魚丸好有口感，有魚味，而環境裝修具有特色，希望大家吾好錯過呢間寂寂無名的小店，抵食！

天氣咁熱，冇胃口食飯，自然都係唸下食什糧，而米線都可以算係我嘅常餐，荃灣沙咀道呢間金香緣更加係我近期嘅至愛第一口先吃米缐，當中夾集着雲耳絲、芽菜，配合豬骨湯底已經好好食，再嚐香茅豬扒，竟然有點驚為天人，豬扒鬆化而且調味極佳，金黃表面帶點香脆，推介呀👍。豬大腸、豬肚都是鹵水製作，炇得腍滑入味，濃淡適中，一啖肉香，一啖米線，非常美味我嘅同事揀選左番茄湯底紅薯粉，蕃茄湯酸酸甜甜，極之醒胃，紅薯粉滑嘟嘟，確係炎夏之選。自選配料係牛孖根、豬脷同魚旦，牛孖根晶瑩通透，一望而知入口即溶，豬脷亦係自家鹵水製作，當然靠得住，魚旦新鮮彈牙，小鍋紅薯粉分量絶對唔小同場加映花雕雞中翼，手帕青瓜，成個午餐生色不少豆漿少甜、豆味香濃。生榨椰子汁，有粒粒椰子肉，味道清新好飲。服務店上枱時更會為你打開扭蓋，好貼心呢店舖裝修清新, 清潔明亮，好評啊

今日同朋友經過荃灣熊貓酒店想再去特賣場，見到這間米線裝飾吾錯而且價錢合理，所以和朋友一齊入去食晚餐。麻辣米線小辣加三款餸，腐竹，豬潤，鮮牛肉，已紅叫咗小米線但都份量吾少，最後都吃不完添，湯底味道夠而吾會好咸同味精濃，紅薯粉口感岩岩好，豬潤都保持到滑度，牛肉厚得黎吾硬有肉香。朋友就叫咗另一碗蕃茄米線配冬菇，牛腩和竹笙,蕃茄味都可以而米線份量勁足，冬菇厚身而牛腩味吾錯，朋友都話抵食。小食叫二款，香辣炸豬頸肉面夠香脆，豬頸肉份量多而吾油身，抵食。炸章魚燒新鮮都幾熱，一咬入面料堅多喎而且夠彈牙。飲品今次十分特別，見到有海南島椰汁味道吾太甜剛好入面仲有蘆薈粒增加口感，朋友就豆漿正遠不嬲都保持到水準，整體晚餐都滿意而且十分飽肚。

滿有驚喜既過橋米線上枱既米線熱辣辣，又好香先講米線，比一般食既較粗身，又唔會煮到好淋👍🏽湯底有得揀：豬骨湯、酸辣、蕃茄湯、麻辣今次我就叫左酸辣，小辣哩到既酸辣，同平時食開既有啲唔同，酸味濃，但唔會搶走辣味，同都好辣下🌶🌶腩肉都有驚喜，肥瘦岩岩好，仲幾爽口添❤️

復活節假期玩左幾日，今日終於可以休息下啦，下午茶去咗最近時常幫襯的特色米缐店酸辣很對口味今日叫咗碗酸辣牛筋豬潤米線，牛筋又淋又滑，豬膶煮到剛剛好，米線肥嘟嘟滑脫脫

裝修有誠意, 地方闊落, 坐得舒服, 價錢優惠, 仲要好大碗!! 唔止係碗, 真係名乎其實小窩上,  加$5有支裝豆漿, 支裝雀檸, 心諗成本價咩,成本價都要啦!見人地點過橋米線, 湯係滾住上, 真係好有過橋傳統特色, 加埋所有配料, 大大一滿碗!! 我食個單餸都大碗到食唔哂, 不過大碗唔夠的, 最緊要好味!今日經過, 學生午巿$35 仲要有豆漿, 我覺得超值! 好味又有誠意的街坊小店, 想佢長做長有!

啱啱同未婚夫搞完搬屋啲嘢見有啲肚餓就諗住喺附近搵吓有啲咩食嚟緊就嚟結婚唔可以食得太heavy諗左好耐都決定唔到食咩最後未婚夫話不如食米線啦通常米線都會比較冇咁油膩荃灣咁多間米線 睇咗一陣就決定呢間貪佢間鋪又新淨又光猛同埋好似新開無耐試吓有咩好食都好平日夜晚去都唔少客好彩唔係太迫都坐得幾舒服未婚夫揀咗一個麻辣湯底嘅過橋米線一上枱我即刻o左咀 份量都幾大同埋個米線係用熱鍋上!!!!!!!勁暖笠笠!!!啱晒男人既胃口 一上枱有好多小碟既餸 好似上面個圖咁未婚夫一見到即刻加晒落個熱鍋搞到我影唔到相加晒d餸落去就即刻食 好快手聽佢講麻辣湯底好正我就唔食辣既 我自己叫左個蕃茄湯底既黑毛豬豚肉+牛筋米線個湯底蕃茄味都幾正 酸酸甜甜咁(雖然同麻辣好似樣 不過呢個真係蕃茄湯) 飲落都唔似有味精 好健康 like!D餸都唔錯 個牛筋 好 正 呀!!!好入味 唔會硬 好爽滑食下食下成碗清左都唔記得左自己要減肥._.遲d搬黎附近一定會成日食呢間!!