影片
想食米线，上网见到介绍，似企企理理，所以专登去试下先，因为我地系区外人，都揾左一阵路去到见到个餐牌...越南喇沙？越南有喇沙咩？我地以为入错铺...网上介绍既过桥米线既套餐或者蕃茄汤底都无左（但铺名仲叫过桥米线？网名only?）米线一𩠌要48蚊，仲要饮野另加，好贵！我叫左鱼腐米线猪骨汤底，鱼腐得油［亿］味，食左一旧，我就全部都无食，但米线都淋滑既..老公叫左猪软骨酸辣米线，佢话无酸味，猪软骨不予置评...服务方面，真系好到不得了，我地习惯预先拎左钱出黎放枱面，饮埋杯野先出去找数，但佢已经问所无问，一手就拎走左d钱...好失望，无下次！
继续阅读
由于是住附近，先会到此店食饭。我估外区仕是难找的。店内是灯光充足，位置阔落。但可惜冷气好冷，未食完就想走，叫左杯热柠水都吹到冻晒。如大家去食，记得带番见衫，呢个天气好易病。叫左碗喇沙海鲜米线，买相好大碗，看似无料，原来有蟹柳，虾米，虾，贝贝，炸豆腐，猪红，好多芽菜。但尾中不足是汤底，完全无椰汁味道，偏淡味。炸鱼好厚粉，粉仲厚过鱼。
继续阅读
帮衬过好多次，虽然位置有少少吊脚（宝石大厦对面），不过佢既米线性价比都高过晒坦仔、男记同生哥。。。落单唔洗讲坦仔话，虽然最近加左个扫code落单，但仲未完善（无得拣辣）。落单阿哥好好人，如果米线食落唔够辣可以叫厨房加辣，因为佢d麻辣汤无坦仔咁辣，可以重手d个人就最钟意食净干捞米线，米线会滑身d，同埋又有肉燥，又有半只卤蛋，够晒饱，仲可以免费转薯粉！今次帮朋友加左猪排同猪大肠！猪排炸得香脆唔干身又唔鞋口！次次帮衬都唔洗等位，有下午茶优惠，坐又坐得舒服唔洗迫！
继续阅读
荃湾简直系米线之都，机乎每条街都会见到一间米线店，而且仲好迫，坐得好唔舒服。今日我去呢间就唔同，可以坐得舒舒服服呢！鱼腐、牛腩蕃茄汤小锅米线 $42见卖相都好不错，有一个沙锅煲咁热住上，鱼腐口感软熟，而且牛腩份量都好多，蕃茄汤唔会好稀，有好浓嘅蕃茄味，好开胃。里面嘅枱櫈都好大张，坐得舒服。侍应嘅态度好好，好友善呢，见我冇叫野饮，佢地都俾左杯水我，好窝心呀！而且可以慢慢食唔驶急住走，就唔怕急住食完烫亲喉咙啦😆
继续阅读
沙咀道后边因为比较少野行 所以平时都唔会话成日经过 晏昼同朋友嚟咗呢间米线舖食米线 米线份量非常充足 劲大碗 同朋友分别叫咗番茄汤小窝红薯粉配猪扒 $36 同酸辣汤小窝米线配牛腩 $36呢间野汤底做得唔错 番茄汤有蕃茄粒 酸辣汤亦都够辣 再加埋爽脆嘅木耳丝 芽菜等等令到成碗米线非常有口感 另外我见佢餐牌系有得叫套餐 五十零蚊左右会包嘢饮同埋多几款𩠌 不过自己同朋友𠮶日嚟嘅时候唔算话太肚饿所以就冇叫啦 虽然地理位置唔算太方便 不过都值得一试
继续阅读