金雞去骨海南雞專門店

营业中

休息中

以前住西頁, 長大後不時都會入西頁揾好野食這間鋪想試好耐，因見OPENRICE食評很好但因鋪面積細,時常都要等位，坐到出外面 (個人唔鍾意坐係條小巷路中心食野),一直都無機會今天4時多來到 (早上只吃過BUNCH,所然特別肚餓，不然，平日這個時候實在吃不下飯類的)可能過了LUNCH peak hour竟然得小貓三幾隻二話不說即刻入去試下這個聞名中的"雞飯"湯很快來了,是家中老火湯但只是微微暖, 不是心中期望的熱燙燙到了中段已變成全凍..........輪到"雞飯"先嘗"雞油飯", 賣相不錯但食落飯有些小乾及硬, 也沒有油香只有外表到雞, 賣相是很好的但同樣是 "淡而無味"最後我只是靠拌汁食均所有只此一次我一定不會再來

淨係西貢巷仔已經有3間賣海南鷄飯的食店，只有巷頭巷尾兩間比較好食，去參觀完朋友裝修中之新餐廳酒吧，當然要食返碟海南鷄飯，今次又再食巷尾的金鷄，點了無骨海南鷄套餐，配油飯及包一碗南瓜湯，一分鐘未夠就上枱，賣相有八十分，鷄肉尚算滑嫰，油飯有乾蒜在內，令到飯粒更入味，雖無之前那麼好食，但已經算很不錯的，南瓜湯夠火喉夠入味，不過$48太貴了！

 常常覺得海南雞飯都係幾塊雞肉加一碗白飯, 總覺得食唔飽, 但往往食完又幾飽窩, 而這裡的海南雞很滑連著油脂豐富的雞皮, 食落口是滿滿的油脂香, 但這只適合喜歡食肥雞(黃油雞等...)既人, 如果你係常走雞皮, 對d滑嘟嘟都唔岩既人, 可能就會覺得好肥, 成口係油。我所叫既麻辣其實係普通海南雞飯再澆上辣汁, 並不是隻雞係辣味, 建議唔食得辣既人 (如我, 只受麻,小小辣), 叫普通好了或汁另上, 又可食原味又可試第二隻味, 同埋隻辣汁沒有麻的感覺只有辣而已。試完成餐反而好喜歡個湯, 對於一碗附送既湯, 一點都不馬虎, 當天係南瓜煲紅蘿白, 南瓜打茸重有一絲絲, 食落有口感加埋紅蘿白好清甜, 成碗感覺好freash好健康, 喜歡喝湯的人會明白, 喜歡喝湯同綠色生活的人會更明白。

只有不足半小時，要吃個晚飯，當然不要去西餐廳。在西貢，不想吃老麥，pizza，還有雞飯，雞飯有泰國版，還有海南版。這店水準穩定。如果跟泰國雞飯比較，這店的🐔較有🐔味。醬料有三種，海南版嘛，甜醬油，好味！吃🐔要有薑蓉，才有錦上添花的滿足。我當然不會配白飯，油飯好味D，我不吃雞皮，所以不評價它夠不夠滑。碗湯真係少咗D，我冇偷飲ga，📷先吃。在我吃飯那十五分鐘，有三個人來買外賣，其中有兩人買半只雞，（外賣有八八折）這店的生意真不錯。買回家，吃得更舒服。店裡其實幾屈質。吃完快閃，繼續我的活動。

常聽說在西貢碼頭附近的小巷, 除了泰式美食外, 也有很著名的海南雞飯, 於是襯假期入西貢試試. 這間叫做"金雞"的小店, 位於巷入深處, 不算難找.到達時店內剛好有位, 所以不用等位. 店子小小, 只有三數張枱, 而且頗為擠迫. 之前看過食評, 知道食物份量不少, 所以點了個金雞二人餐 ($158), 另加白飯 ($10).最先來的是住家老火湯, 內有南瓜茸, 甜甜地也夠味道.無骨海南雞雞肉雖然有雞味, 但入口卻較嚡口; 雞皮滑但不夠爽,可能沒有用冰水收縮過. 可能是期望過大, 感覺上沒有其他食評說的那麼好吃.元蹄很入味, 味道不會太鹹, 但可惜煮得太腍, 吃起來口感差一點.蠔油時菜一般味道, 菜心夠腍油飯飯粒不太油, 粒粒分明, 雞油香味一般, 不過勝在較健康.熱奶茶 - 茶味很重, 奶較少有點嚡, 但加奶後好得多.阿華田 - 味道ok, 但較甜侍應禮貌OK, 手腳夠快. 不過始終覺得海南雞飯只是比一般的好, 但未至於是很好的一類, 入開西貢, 一試無妨. 

近排愛上食海南雞飯，但食左好多間都無正宗嘅感覺，聽朋友介紹黎呢度，果然無令我失望！食完一次之後已經忍唔住再黎過幾次喇！去骨海南雞唔難搵，但去骨得黎夠滑就好多間都做唔到。 呢度嘅海南雞完全符合水準，連雞胸都是滑的，雞皮嘅油份唔多得黎都好滑。 個油飯亦都好正，又香軟硬度又適中。另外個咸魚肉餅製作都幾特別，薄薄的同煎得好香，食落有住家味，唔似用攪肉機攪碎果種。雖然比正常的再偏咸少少，但送飯都可接受的。呢度食物品種唔多，但每樣都有水準，其實淨係個海南雞同油飯已經夠令人食過返尋味！我一定一定會再黎的！

係西貢玩完見到呢間野即刻衝左入去，因為太肚餓冇影到野食相。我地選擇左個4人套餐，有南瓜粟米湯，好飲，南瓜味算濃郁。佢個蝦醬煎肉餅好好食啊，雖然我唔係好鐘意蝦醬，但食落陣味唔係臭蝦醬味，煎得好脆，值得一試。個重點(套餐)半隻海南雞好滑，本身好驚D雞凍左會腥，但佢唔會，點佢既甜醬好食。個餐仲有包一碟菜，4杯野飲，雞油飯都好食。個環境雖然唔好，但個老細幾好人，得閒會同客傾下計。

今天到西貢花圃拿之前所訂年花honey 蘭花，途經西貢市，見天色不錯  ，就一個人到市中心橫街雜巷尋美食去。途經此食店，印象中有open rice 用戶推介過, 又有點餓空肚，就入去吃碗海南雞飯吧。 雞肉白雞皮油黃，在皮下可見帶透明橙黃色滑流流的油脂，油飯帶點焦香熱呼呼啲, 即時食指大動。隨套餐有半碗例湯，一小片金黃色的玉米，有南瓜味道，沒有味精，一口氣喝了。吃海南雞除了雞肉雞皮和皮下啲脂油外，調味料不可馬虎。例行有三種調味料，我最喜歡的是帶綠色的薑蓉及帶甜豉油，此店做得不錯，但比在皇家太平洋酒店吃的海南雞飯的豉油還差一點。吃飽心𥚃還有不足，即時再買一隻海南雞外賣回家和家人再吃一頓 

三人前往，見唔係咁肚餓，買外賣唔使霸住張大抬。叫左海南雞套餐，見門口有抬沒椅子，決定企度食。海南雞又滑又夠味又無骨。sauce 每一款都好好味。老細超好人，見到我地企，馬上拿椅子等我地有得坐。之後又拿新sauce俾我地，非常細心。之後仲送左碟鹹魚肉餅。我未食過咁好味嘅鹹魚肉餅，非常香嘅鹹魚味。咁細心又有實力嘅食肆，真係非常值得去！我已經plan好下次再去。

禮拜日，冇節目，朝早9點在想好唔好去九龍城搵食嘅時候就接到我細舅父嘅電話喇，佢話今晚去佢屋企食飯啦，好～都兩個禮拜冇去探佢地Lu，就去吧。。。西貢。。。西貢啊。。。夜晚去西貢，咁我日頭做乜？九龍城？o個邊交通一般，由九龍城入西貢，一係去士多叫阿伯call旺角小巴留位，一係就轉車吧，反正感覺上好唔方便。。。又唔想去太遠，想黎想去，不如早啲入去好過啦，西貢搵食一向唔錯～由牛池灣坐轉巴士都坐咗我超過半個鐘頭，唔怪之得叫入西貢，入去果然係要花唔少時間的。。。去到巴士總站，11點半，之前冇食早餐，餓喇，食咩呢？突然記起有間想食好耐，但每次唔係陪人走去【金山粥店】食粥，就係走咗去食甜品，而苦無機會去嘅食店，就哩間吧！過咗成日去嘅甜品屋，就到咗啱啱定下嘅目的地，【金雞去骨海南雞專門店】，聽講哩間嘅海南雞唔錯，就入去吧。坐低先，望下餐牌，好似有幾樣都唔錯，不過第一次黎，我一個人，就黎份【海南雞飯】吧😊先送上一碗湯，有舊紅蘿蔔o係中間，隨便飲一啖，有南瓜味（好似係，唔肯定，因為我想。。。。。。😁），啱啱想攞起個電話同返咗大陸嘅老婆留句言嘅時候，碟飯就上檯了，同時送上3色1份調味料（甜辣醬。調味醬油。蔥油

同肥髀遊船河之後，要預備埋三人晚餐，西貢雞飯好出名！當然要試下，入到食街，人多店多，好多都係遊完船河上岸搵食，我去到已經有人等位，地方細，裝修無乜特色嘅食店，入到店內最盡頭落單，叫了：無骨雞一隻：雞肉嫩滑，有雞味，有啲位都肥，有三款醬汁，自己最喜歡黑醬油，撈飯同點雞都好味，蔥油同酸汁都好味，但嫌幾浠！橙色醬料完全唔辣！三個油飯：，倒埋一齊去加熱，叮熱好好味，每粒飯粒都索滿雞油！中間有啲香料味！配無骨雞好夾！煎咸魚肉餅：呢個餐廳特別唔煎咁香脆，同埋原個肉餅唔切，等我返屋企用空氣炸鍋炸脆表面（又唔會油膩，又唔使乾！）再剪開細件食，味道咸香，肉質彈牙，打得好滑！唔會起渣！表面又脆！好味！完全係咸魚肉餅嘅一個更好嘅做法！我問佢個女店員有無小食推介，佢介紹我食煎咸魚肉餅，仲問定我返家距離，幫我唸堆點樣可以最好味！（雖然唔算好笑容，但好落力幫我考慮）落好單出門口等，地方好窄，夾住兩個細路，真係唔算方便，大約10分鐘後，女收銀攞住包好嘅外賣出來比我，再提醒多次返家再煎一煎！先至最好食！因為我住得遠！店員包得好堅固，加多幾個膠袋，雞肉有個手挽紙盒另外盛載！設計幾特別！完全唔似裝切雞嘅盒！西貢幾好嘅選擇

2014.11.02同男朋友得閑去下西貢行下吹下海風天氣開始轉季 涼涼地好舒服的日子~一開手機的OPENRICE 排第二就係哩間 所以今日既晚餐就係泥左哩間~大約七點幾 入到好似迷官既食街 搵左一陣先搵到 差唔多喺最入的位置一人嗌左一個海南雞飯餐 無嗌到二人餐 因為D配送唔係太岩食:-S無骨海南雞飯餐 $45油飯有D乾﹐雞份量一段﹐一個人夠食﹐三種醬都好好味分別係ABC豉油﹐泰式辣雞醬﹐薑蓉仲有南瓜湯 有少少渣食下 都唔錯食左大約半個鐘食完就要走 因為外面仲有好多人等緊環境比較差 好迫 而且唔算好乾淨 WAITER既速度令你食完會更快走:-O

貓爪子美食1) 招牌去骨海南雞2) 住家老火靚湯價錢HK$50/人貓爪子希望記下喜歡的香港食物西貢的晚餐其實選擇很多, 一整條食街已經有各式各樣的餐廳小店, 今次貓爪選上的是金雞。金雞店子很小，店內最多可坐１２多人左右，亦可以選擇開台子坐店外，不過作為喜歡乾淨的貓，我決定久等一點坐店內。2個人簡簡單單叫左2碟去骨海南雞飯套餐先送上的湯似足屋企煲的南瓜粟米湯，餐廳無添加味精的煮法令我好放心，南瓜融和於湯水中，清清甜甜的，為我的晚飯開始了一個溫暖的前奏。後送上的海南雞油飯伴著薑蓉、泰式辣醬及甜鼓油，我３種醬汁以混醬的方式點上海南雞，再夾一小口的飯放入口中慢慢咀嚼，海南雞肉超滑溜，沒有痴牙及"鞋"口感，飯有淡淡的雞油香。而我沒有吃雞皮的習慣，不過光看光夾上已經感覺到有滑滑的啫喱感覺。吃過金雞令我心情好愉快，才發現西貢有平靚正的店子。期段某天幾過９龍城才知道原來金雞是有分店的，下次試試９龍城分店的水準如何。

以海南雞為主打的食肆開至成行成市，但本人獨愛西貢巷子內的「金雞」！眼見店內地方不大，毫無裝修可言，但整潔度比像想中理想。食肆主張「無味精」烹調，令我吃得份外安心！ 住家老火靚湯乃南瓜青紅蘿蔔㷛豬骨。呷一口湯夠燙口，清潤鮮甜，足料餚製的老火湯，加上南瓜煲至軟爛，絲絲南瓜浸在湯中，很家常的味道，實屬好喝！ 招牌去骨海南雞雞的份量絶不欺場，雞肉保持嫩滑，雞皮爽滑，脂肪少，稍欠雞味，而雞本身略帶鹹味，蘸以醬油一起吃，令海南雞生色不少，既有不用吐骨的快感，還有啖啖肉的幸福口感呢！ 滷水狀元蹄元蹄看似肥膩，連皮帶肉，入口肉質鬆化，肥美甘腴，半點膩的感覺也沒有，加上滷水汁香濃，味道恰到好處。而且外皮厚身，炆得軟腍重膠質，口感豐富，高水平之作！雞油飯油飯更是另一亮點。飯粒分明帶油光，沒有油膩口感，炸過的乾葱份外香口！𧐢油時菜菜莖雖然粗但勝在入口無渣，不錯！提倡「無味精」小店，在香港買少見少，價錢亦經濟實惠，「金雞」真的沒有令我失望！

一直想帶爸媽來西貢吃美味的海南雞飯，難得紅假，終於有機會了！正值端午節，西貢有大批遊客看龍舟，源源不絕的人流也令店家忙個不停。炎熱的天氣下，我們三人在坐在店外巷子的膠椅上，雖然不如在店內享受空調的涼風般舒服，但也比在門外站著等候座位的人幸運。不消一會，店員推介我們的二人套餐到了。份量真不少，所以足夠我們仨吃。先別管兩道主菜。套餐的例湯是南瓜湯，味道跟一般茶餐廳的例湯沒有什麼分別，不過多加了南瓜和沒有味精。雞油飯有油香，但不會有油膩的感覺，反而粒粒分明，很是爽口。飯粒夾雜了些乾蔥，偶爾吃到些脆脆的，令整個飯更有層次。碧綠的蠔油菜心煮得剛剛好，味道非常鮮甜，甚有山水風味。招牌的去骨海南雞真是神奇！所謂「神奇」，就是因為雞的口感非常「神奇」—鮮而不老、滑而不肥，超級出色！雖然有些雞件斬得不夠仔細，但真的太美味了！海南雞滑得讓人不用咬便能把它吞到肚子裡。雞皮很滑很爽脆，而且肥膏甚少，所以多吃數片也不要緊。雞肉肉質鮮甜，絕無雪藏的味道，好久沒吃有雞味的雞了！沾上甜醬油、酸辣汁或薑蔥蓉，海南雞變得更加惹味！我最愛沾酸辣汁。套餐有另外一款主菜選擇，我就在滷水西貢狀元蹄和咸魚蓉肉餅中苦惱了數分鐘。但爸