金雞去骨海南雞專門店

营业中

休息中

睇了食評，雜誌報導！來到西貢就試下海南雞啦！店內有4款飯類選擇，啱我這些不想去諗食邊樣好的人！叫了3樣來試，個湯係南瓜湯無咩味精味幾好！睇食評都知飯是小的！來到一看49元就好像得半碗飯，又真係太小了！講返個雞，都叫皮幾滑！但食完一次就可以不用再來！個肉餅！乾到不得了應該叫係肉乾！個另一個完全無特別！可以不提，叫了4個飯190幾元！價錢都算合理，不過係唔夠飽但又無東西可以再叫所以！唯有走吧！來了這次！不會再來，反而想試下個條街的泰國餐廳，下次去試下

出走了香港數日，因回港時是凌晨，故請了一天假，偷得半天閒。一覺睡醒，便很記掛那海南雞飯～換好衣服後便往西貢出發～今日平日，也不算太多人，去到便有位坐今次叫了2人餐 $178餐有半隻海南雞、1份咸魚蒸肉餅、時菜一碟、2碗飯及2杯飲品及2碗湯 （凍飲+$3）海南雞半隻+2碗油飯我想這店最出色的地方，就是這油飯了，炸香了的紅蔥頭碗上油飯，一點也不會覺得油。而且雞肉也很滑，由其雞胸，不會給人感覺「乾乾的」蒸咸魚肉餅大愛～一上枱已經傳出香噴噴的味道配上咸魚的香味。口水都流晒出黎😆再配上油菜，2個湯及飲品。只能說，真的很飽呀。

端午節同晉豬入西貢睇龍舟，順便去食呢間海南雞飯，西貢位置有點難搵，最好避開食飯時間，又熱又多人真係會想放棄走人，加上帶住晉豬，環境唔算坐得舒服，但為左食好野，晉豬都好乖企定定等位，辛苦哂喇😁當然要食招牌去骨海南雞飯喇！飯其實無咩雞味，但唔會太油，要加$10轉雞脾肉，其實有d唔低，但雞肉一定滑d，鐘意辣的朋友仔，就試下麻辣雞飯，唔算太辣，夏天食好開胃👍🏻我同晉豬當然食唔辣既雞飯喇！味道清清地，有餐湯送，但天氣太熱，所以直接叫了凍飲，我認我浪費左個餐湯😅，雞飯晉豬都食左一半，雞肉份量如果多返d就最好囉，雞肉夠滑，味道適中，小朋友都鐘意食，值得一試👍🏻

入親西貢都會心掛掛佢既海南雞飯. 每次都要排隊等, 今次要等4張檯.再次叫左"去骨海南雞飯" 及 "香煎手剁咸魚蓉肉餅"食套餐會跟埋餐湯, 每次都係南瓜粟米湯, 唔似有味精, 又大碗又濃, 好足料!去骨海南雞飯: 有一半雞件係無皮的, 一半有皮. 雞肉係順住紋甘撕出黎, 有D似手撕雞.雞肉真係超級滑, 唔會鞋又唔會韌, 配搭的醬油 (黑醬油/辣/薑蓉)真係好味.啖啖肉, 一D骨碎都無. 不過雞味就真係少D.香煎手剁咸魚蓉肉餅 :上檯已經好香咸魚味, 薄煎的, 肉餅唔覺有肉粒, 比較滑身, 送飯一流！個人鍾意香煎手剁咸魚蓉肉餅多過去骨海南雞飯!

叫左一個二人餐$168,d雞冇雞味,又多肥膏,滑就尚可,半隻不過超細隻,薰蹄又唔好味,又多肥肉,送杯熱檸茶更加不知所謂,自己沖仲好飲多多声，茶只係加色，冇味，我唔係要求高既人。另叫一個一人餐，雞又少，d飯又少，相片影出來好似好多，其實好少，全部mini板，女仔都唔飽囉。

傾盤大雨，入到西貢，為的是一客海南雞飯！好耐冇來食，落大雨生意也不錯，堂食外賣也多人！雞是已去骨的，超嫩滑，真的食唔停，當然我加了$10要脾位就更加滑，其實之前食過雞胸也好味的！另必點的是咸魚肉餅，未上枱先來咸魚香，薄薄的香口又好味！仲有我至喜歡的濃濃南瓜湯！最後，當然要整多隻海南雞外賣回家同家人分享啦！

假日到西貢郊遊，當然不能不先吃個海南雞飯。今次到的金雞都相當多好評，假日非常多人，店面不大所以需要排隊。海南雞飯（$49）跟餐連南瓜湯海南雞飯，飯香！有雞油味但不油膩，值得一讚！雞肉嫩滑，無骨口感滑，完全沒有雪藏味，但雞味稍為唔夠。跟餐的例湯有老火味，料足好香南瓜味，有誠意的例湯。

聽話尼一間餅店好出名，今日可能落雨，去到發現唔洗排隊，直接買左一個菠蘿包10蚊。攞到菠蘿包，熱辣辣，好香，一個都幾大既，咬左一口，上面脆脆地，下面麵包好鬆軟，真係好正。同埋上面脆脆地既「菠蘿」小小甜，我好鍾意。本身諗住留半個等陣間行山時食，但係忍唔住一次性食洗喇⋯⋯⋯一路食一路安慰自己，凍左唔好味⋯

一場來到西貢，本來想跟男朋友一同去食海鮮，不過又擔心２個人食唔到太多。走著走著，到了福民街這條被稱為「食街」的小街，發現原來也有很多小店呢！看到這一家評價不錯，於是入去試下！價錢也十分經濟，跟男朋友各自點了一個飯～先送來一碗南瓜湯，南瓜打成蓉再煲成。飲落去甜甜地，加埋紅羅白，本來我對南瓜都不太喜歡，不過個湯也易入口，很驚喜的一個例湯！之後主菜出場，無骨海南雞飯 ($49)雞件完全去骨，可以加$10轉雞脾，不過很好彩地師傅切了雞脾比我。油飯不油膩，但有很香的味道。而且雞肉十分鮮嫩，很滑！而且因為去了骨食落好方便，加埋特製的醬油，酸辣醬及薑蓉，這才是整個海南雞飯的靈魂！誰說去西貢只有海鮮食？不過晚上都十分多人，也有很多人專程來外賣海南雞！可見小店十分有名呢！

路程實在有點遠，由小到大去西貢的次數大概只有五次。指的固然不是西貢區，西貢的話通常只會是學校旅行有包車才會去。否則總覺得是如像長洲，要搭車又搭船的偏遠地區來著。然而這次是幾個柴娃娃的想要說試坐友人的車，出去玩一玩。選址就是西貢，剛剛好就是我沒有怎樣探索過的地帶。　　先問過對吃喝玩樂頗有深知的朋友們，西貢到底有何必到之地，必嚐之物。他們第一反應卻是：「去遠啲啊嘛，西貢搭小巴都得啦！」。說是如此，不過冇所謂啦，重點都係大家一堆人出黎行下玩下姐。言歸正傳，清單之中又怎會沒有人氣高企的勝記？但礙於時間，還是沒有辦法大吃一番。唯有將大餐館分散投資都幾家小食去吧，其中一家就是位於小巷之中的金雞了。　　望少一眼都會錯過，本來快要放棄不吃的了，幸好最後還是成功去到。說香港是美食天堂，中西交匯之外，多國的文化及美食都可以接觸得到。話就係咁話，只係要搵到好食既海南雞其實不容易，得個名既就周圍都係。友人推薦之下，又點會唔親身試一試？由於之後要繼續覓食，我們還是點來分享就算。　　二人餐包住家老火靚湯兩碗，清甜滋潤的南瓜湯又怎會不討好呢？表面略有浮油是意料中事，不算太膩口就可以了。甜得自然不人工，也不覺調味太重

本身入西貢諗住食車仔麵， 點知好黑仔咁撞正間野裝修。。。所以我即刻開openrice個app睇下附近有咩好野食 見到金雞咁多好評，加上我哋好肚餓， 所以我哋都無再揀三揀四，即刻搵金雞試下先！我哋一入去就有人問我哋幾多位， 其實間舖一眼望晒，地方唔算大，但五臟俱全。我哋嗌左兩個去骨海南雞飯加錢轉左要雞髀， 當然嗌雞髀都係去左骨， 岩晒唔想整污嘈對手嘅人嗌完野食，即刻有南瓜湯上檯 個南瓜湯感覺好足料！仲好大碗添跟住就到主角 --- 去骨海南雞髀飯 我嗌雞髀嘅原因係因為我鍾意雞髀夠滑， 我第一啖就咁食無點醬，試下佢夠唔夠滑， 嘩！皮唔算厚，但d雞真係好滑好嫩～ 個飯係雞油飯，仲撈左d乾蒜， 食落啖啖飯都有雞油同蒜香味 我哋坐左唔夠一個鐘，見到有好多人叫外賣， 口碑咁好，真係抵佢有咁多好評！

西貢行完山 肚餓到飛起回家前 醫下個肚仔先呢間海南雞聞名已久難得有機會就 ……海南雞飯 雞香軟嫩清 飯乾身小小南瓜雞骨湯 香濃味美醬三寶 調得好好 蔥油同雞最夾奶茶 正常套餐 $45 同 "拍檔" "三巡" 差不多光顧時 勁外人買外賣價錢合理 會再光顧

遊車河去西貢，順便當然醫下肚啦，聽聞ｅ間餐廳海南雞飯好出名，咁就試下啦！好好彩門口有張吉枱，我地當然立即坐低，點左兩個海南雞飯！第一樣野係飲湯，起初對眼話俾我聽ｅ個係什菜湯，但係一放落口就覺得好多南瓜味，另外裡面都好多南瓜肉，幾香！到飯啦，都好香雞油味！到左雞肉啦，雞肉好滑，我最欣賞就係餐廳提供左三款汁醬，三款都各有特色，而我覺得最好味就係ｄ醬油，煮得好好味！最後我同我老友都係五分鐘就食晒啦！！好好味

激讚無骨海南雞飯!雞:　皮薄, 肉嫩, 油份剛剛好醬汁: 有自家調教風味雞油飯: 有雞油同香蒜, 好香口南瓜例湯: 好甜又夠濃完全感受到每個細節都用心經營, 請支持有實力的小店!

本身好錐鍾此食海南雞，但好食既海南雞真係唔易搵，好多出名既都只係得個貴字，又未見得特別好食~~~入去時車上見到有海南雞飯，又好似幾OK喎，去左咁多次西貢，都唔知有間食海南雞飯既舖頭，不如就試吓啦~~~間舖喺食街入面，細細間，但感覺好有風味。好型，成間舖只係食四樣野，勁！我地叫左2個金雞去骨海南雞飯套餐，個套有個湯(當日係南瓜湯)，本身唔飲南瓜湯既我地都覺得好味，好home feel好正個雞望落去已經覺得好滑，一食果吓，嘩，雞胸都好滑，好香好鮮味。雖然，我本身唔太鍾意食雞皮(其實皮都唔太鍾意食)，但都覺得佢好爽滑。雞脾，簡直係升級版，真係正！下次突登搭車入嚟買隻返屋企加餸都好！