金雞去骨海南雞專門店

营业中

休息中

西貢呢個地方去左好多次，貪佢遠離塵囂，雖然都好多人係西貢，我們今日冇野做，所以又去啦。午餐時間就揀左呢間食海南雞，已經好多人排隊等候，好在等待的時間不會太耐，不用5分鐘就有位坐，坐係出面，幾有風味我們叫左一個二人餐，有半隻海南雞，兩杯野飲，兩碗南瓜湯，鹹魚蓉肉餅，海南雞好嫩滑，雞味濃郁，所配置的醬料中以黑色的甜豉油最得我歡心，那碗油飯香噴噴，飯粒分明，至於鹹魚蓉肉餅一上台就聞到濃濃的鹹魚味，煎得乾身，伴飯一流，南瓜湯很好喝又好清甜，有南瓜肉，看似清淡，卻很有住家的味道，兩杯涷飲叫左凍檸茶同涷奶茶，涷奶茶茶奶比例同一般茶餐廳差不多，不錯👍一個餐兩人份量係足夠的，滿足的離開了！

好耐冇去西貢覓食喇，難得金雞海南雞依舊係度。嗌左一個麻辣雞飯餐（$54，連餐湯）：先送上老火湯一碗，應該係南瓜紅蘿蔔湯，餐湯係冇附有任何湯渣的，呷一啖湯，味道都幾清甜。之後就係麻辣海南雞飯碟上，碟頭份量唔多，雞肉淋上麻辣醬，辣辣地好惹味。雞肉已經起骨，選上雞脾位附近的肉，咬落都幾滑。飯係油飯，滲雜d炸蒜一齊食，齋食飯都好好味。我想要碟雞醬（濃豉油薑蔥）點雞，店家話我點麻辣雞係冇醬跟，要就加$5，最後我冇要到。整體評價：麻辣雞飯係幾好食，但服務態度麻麻，檯面亦唔係太衛生（有個阿姐就咁將上手食剩的嘢食掃落地下算）

東港城買東西滿$20, 可向商場職員換一張去西貢的車票.由於有這種優惠, 過去一年去西貢遊玩的次數超過十次.說起西貢, 大家通常想起的都是吃海鮮以及菠蘿包.今天只有我一個人, 心裏想: "不如吃點其他東西吧."小巷裏有很多食店, 我在海南雞店前停下. 店前的男人問: "幾位?"我: "一位."他望一望店內, 叫我先等一等. 2分鐘後, 有人離開, 男人叫我進店.我只想了五秒, 叫了一客雞飯.海南雞飯:飯來時, 我眼前一亮. 海南雞看起來扎實油亮. 我夾一口試試, 雞肉爽滑.海南雞的飯油澤香口, 沒有令人失望.牆上的菜單寫著海南雞可以一隻外賣的, 我怦然心動, 卻又控制自己.西貢除了海鮮和菠蘿包, 還有海南雞.P.S.:在網上一找, 原來金雞有幾家分店, 但總店應是西貢這一家.

今日同屋企人出完去西貢郊遊之後，出返市區，個天已經開始黑，喺返屋企之前，諗住喺市中心食個晚飯，先至返屋企。我哋轉左入呢一條食街，見到有好多間餐廳，又突然間好想食海南雞飯，行到去街嘅差唔多盡頭嘅位置，見到呢間以海南雞作為招牌嘅餐廳，滿心期望地試一試佢有幾好食。餐廳內嘅枱數量唔多，大概有五至六張枱左右，當晚，店內嘅位置全部坐滿，係店外亦都開咗幾張枱，招呼多出嚟嘅客人。店員大概有三個左右，似係家庭式嘅店，但要同時應付大約20個客人，個人覺得安排有啲差，因為佢哋完全無派飛比等位嘅客人，我哋叫完嘢食，亦都冇一張單俾我哋，完全冇記認，叫咗嘢食之後，等咗大概10幾20分鐘先至有一碟飯到。睇返嘢食先，我哋太頸渴，所以未影就飲咗半碗湯，呢個係南瓜湯，有啲驚喜嘅，因為南瓜肉都幾多，好足料下，味道亦都幾清甜！黎到海南雞專門店，當然要試一試個海南雞啦！相信叫得海南雞專門店，味道同質素都唔會差得去邊，但正正就係抱住呢個期望，第一眼睇佢個賣相，就覺得普通到不得了，本人都食過好幾間海南雞飯，呢間算係最差。調味亦都麻麻地，突出唔到雞嘅鮮味。真係唔好意思，味道差得我一定要比劣評，我哋冇加＄10轉脾，可能因為咁，有大約三

難得西貢搵到咪錶位，半身冇諗住食野，但既然係咁，就落車覓食！穿過横街窄巷，終於到呢間好細，但門口貼滿晒訪問嘅餐廳。從來都唔多信呢啲訪問嘅我，今日又真係好想食海南雞飯，OK就試吓！南瓜湯見到一絲絲南瓜肉嘅湯！清甜滋潤又足料，熱辣辣暖到入心去骨海南雞髀飯 ($59)雞肉肥瘦均勻，冇乜肥膏，又砌得整齊，非常嫩滑而且有雞味，唔係嗰啲雪到乜味都冇晒嗰啲雞；亮麗嘅油飯粒粒分明唔會過鹹過膩或過濕，軟硬適中，有超濃嘅油香，最特別嘅係有葱及乾葱，食食吓仲有一粒八角，比起平時食開嗰啲油飯，呢個明顯有心思及香口得多！雖然環境麻麻，而且都幾迫吓，但真係好好味，食完之後有好溫暖嘅感覺！雞未必係全港最好，但個飯就肯定係我最鍾意食嘅！2017之前竟然食到咁好味嘅海南雞飯，真係太滿足了！

放假起身見到枱面有個好似蛋糕盒既外賣盒，上面寫住去骨海南雞，原來媽係西貢市中心賣番黎加餸，依家外賣雞都可以包裝得咁靚，雞肉連皮切得好整齊，非常嫩滑，仲有甜醬油，蔥油，酸辣各2盒，很滋味，下次去西貢又有好野食。

入西貢唔知食咩，上openrice搵到呢間野食，位置係就係有少少難搵，但原來都好似幾出名，門口幾多人排隊等食😂講返個海南雞飯，啲雞真係好有雞味，幾新鮮，份量都正常，起碼夠我食😂😂呢個價錢食到呢個質素真係唔錯👍🏻👍🏻

值得去食~黎到西貢食野 當然唔少得去呢間食我第一次黎到就試咗個海南雞飯 味道好正 好入味 而且飯量充足 唔錯唔錯之後會再試吓其他款先 叫埋班Friend 見到啲四人餐都幾抵食😋😋😋

真係勁好食ahahhahah雖然鋪頭細咗d 但係一般都唔使等好耐 係有位嘅 老細好nice 招牌雞飯真係好好味 鹵水都唔錯 sauce好正 仲送埋南瓜湯添 會帶多d fd過嚟嘅la

比起啲雞，更為欣賞個到嘅咸魚肉餅，有家鄉嘅味道👍🏻 送飯一流 佢地嘅油飯都絕不兒戲，又不膩，還加入了蒜香， 雞方面，雞皮好薄，雞好滑，外賣仲有折添！！！！下次可以再去！

曾經經過呢間餐廳，但因為太忙而無珍惜機會入到去。因為一次遇然既機會重臨，令我踏出咗第一步。試完之後，我只係想講，如果可以俾我再選擇，我第一次經過既時候一定會入去。

今天碰巧到西貢行山，行行下的途中嗅到撲鼻的海南雞飯味。由小到大都喜歡食海南雞飯的我當然要捧場，嘗試一下這個雞飯。我點了一個去骨的雞飯。一吃進口，我就回想起過去曾吃過的那一個飯。此外，最大的優點便是去骨，吃的時候不用就著就著。

依間野叫得海南雞，咁就梗係要試下海南雞啦！一見到隻雞，睇上去好多黃油漏晒出黎，用筷子夾一夾，又真係冇骨架喎！岩晒我依D唔識LUR骨既人，咁食得海南雞就梗係要有個好味既汁啦，汁食落就唔錯，不過美中不足既係隻雞有D細，同埋對於我依D大食既人黎講飯有D少。同埋個人大份坐得有D辛苦，不過都值得去試一試！

終於到10月啦!! 豐富既節目開始啦!! 10月1號就帶埋屈小姐同賴生既同事們去西貢麥理浩夫人渡假村宿營! 好好彩，個天賜我地好天氣!約左大家1230係西貢等，入camp之前，梗係要食個lunch先啦! 屈小姐就一早做定research, 帶左我地去食海南雞!金雞海南雞，聽聞係西貢都幾出名下嫁!我地一行5個人就去探下路啦。佢係條巷仔入面，如果你坐唔到入舖，就要係巷仔坐檯食。其實條巷仔唔算太乾淨呢…! 好彩我地早去，坐到入舖。冷氣ok, 不過座位就窄d d店員見我地拎住1袋2袋都好細心比左張凳我地放野，又介紹埋4人餐點食會比較抵!由於賴生同屈小姐去之前食左個豐富早餐，所以我地5個人叫左個4人餐share! (盛惠$288)個4人餐有1) 南瓜湯x4 (4.5星)- 好濃南瓜味，見到個湯一絲絲南瓜肉- 唔錯既中(?)湯2) 油飯x4 (3星)- 普普通通，不過不失3) 1碟油菜 (3星)- 份量同你係粉麵舖食既一樣，但係佢話for 4人份的，唔多夠食…4) 原隻元蹄(冇揀) / 魚香煎肉餅 (5星)- 店員話食元蹄抵d, 因為原價要$118/隻但我地有人唔食元蹄，所以無揀- 魚香煎肉餅煎得

今日行山前同友人黎金雞，一人一個海南雞飯。我叫左麻辣海南雞飯($48)送例湯湯冇加味精👍好甜呀黃油飯雖比不上在新加坡吃過的，但在香港這個價錢肯定是上品👍起碼夠味，夠香!不過海南雞加到麻辣變得太油，所以扣了少許分。但喜歡辣的是值得一嘗的，辣椒油真的很夠辣:yummystick:stick:stick雞夠滑，有雞味，不是普通街外的雪雞，真的超好吃 ，友人很快便吃光光了😂ps相片因光線問題影得不太好🙇🙇荃灣那間也很好吃👍如果嫌逼，要靠背，建議去荃IMG: