金雞去骨海南雞專門店

营业中

休息中

上星期六一時興起同左朋友去挑戰吊手岩原本諗住好難爬既⋯點知過哂去到馬鞍山山頂先知原來吊手岩一早就經過左睇黎我體能都唔係想像中咁差姐！咁黎到西貢已經6點嚕⋯話食雨午茶又太遲晚飯又太早但醒起呢度有間海南雞飯好出名！！印象中黃秋生都有大力推介過～就一於試下啦我地叫左二人餐$176除番開都係貴過單叫飯2、30蚊～但有湯有茶有飲品同小食！咁就十分抵比啦！首先黎既係老火靚湯～好濃郁！～湯料勁多～而且最重要係冇落味精！好開心唔係飲化學湯呀～我地叫左油飯～食海南雞配油飯係絕對需要㗎！一共有3款醬汁點雞：醬油、酸甜醬、蔥油主角接住上～海南雞半隻！配任何一隻醬汁都好好味 因為佢啲雞肉真係一啲骨都冇！超 級 嫩 滑！最危險既雞胸肉都做到好滑口我地連嘆左幾聲點解可以整到咁滑！小食我就揀左手剁魚蓉肉餅～以為佢係蒸既原來係半煎炸！雖然有啲熱氣既感覺，但味道好好喎幾特別，出面好少見，份量又大！佢底下仲有幾塊㗎最後就係菜心啦，新鮮有菜味！熟度啱啱好，唔會太熟或太生！總括黎講好滿意老闆娘都好好服務～會搵位比我地放背包又同我地講冇落味精～問我地好唔好食，都幾親切！

與老弟說好往西貢拜訪米珈琲，先吃午餐是常識吧！旺泰與金雞兩者取其一最後老弟說吃海南雞，就坐下來吃吧！位置不是太好坐，但都是吃午餐，好吃的話也就不要緊了！海南雞飯外也有麻辣雞或煎肉餅可選。49元一客已包湯，我們都想吃雞腿，也只是加$10。先來是湯。青紅蘿蔔粟米湯是簡單但美味的，沒有有油，喝的滿意。接著就是主角海南雞飯了。雞不算太有雞味，但肉質嫩滑就沒有投訴了。三色醬油味道恰如其份。至於油飯個人認為有點太乾身不夠香，是因為我們吃的是尾水嗎？整體來說$59我會說是可接受的，但要特地吃就不必了。不過見到荃灣有分店，找天經過也可再吃一回看看水準如何吧

專程揸車入西貢，真心想搵到間做海南雞出色的食店。因為抱有希望，結果超級失望。原因有兩點，收費雖不貴但不算平，當然不能期望店家用上新鮮雞，但以這收費只少也應用貨源靚的冰鮮雞。第二 ，雞和飯味道不見特出，油飯還尚算可以，沾醬做得好壞絕對重要，但感受不到廚師重視。煎肉餅吃一口已不再吃，超級無誠意，煎肉餅是需用心及時間才能制作到好出品，不是像這店家拿肉餅去炸成肉乾，若不願花時間或不懂怎樣處理才能做好，還是不做好了，不要讓食客難受。

今日天氣好好，同女朋友去左西貢行下。我地搵到呢間都幾出名既餐廳，就入左去試下。話明海南雞飯專門店，就當然要試吓佢哋嘅去骨海南雞啦，我仲加左$10要雞脾，果然冇揀錯。雞肉非常嫩滑，d雞皮好爽，油飯得黎又唔油脷，仲有d炸乾蔥喺飯入面，真係好好味呀！而女朋友就要左個比較傳統少見既香煎手剁鹹魚蓉肉餅飯，肉餅係比較薄身，煎到好香好脆，鹹魚蓉份量剛剛好唔會太鹹。跟餐仲有個青紅羅白南瓜湯，好滿足。去西貢都唔一定淨係食西餐，食吓港式風味都唔錯！

週日一大早就起身，就係為咗食黃秋生無星推介嘅西貢金雞海南雞。（其實入到去都已經3pm）好好彩早少少迫到同前面外國人一齊入，唔係咁熱喺出面等位，真係面都黑埋🌚🌑。唔使多講，一坐低就叫半隻雞($95)嚟先，兩個人份量係啱啱好，唔一定叫碟頭飯。再叫多一個黃油飯($12)share，老老豆豆睇返個menu先發現原來我哋之前喺荃灣食過！！！不過唔知係咪總店，質素高過荃灣好多。個飯真係令我哋keep住食唔停～但個雞皮真係有少少偏咸，雞係滑過荃灣嗰間，但係仲未夠喺新加坡食天天個次咁滑，唯有等11月再戰！好嘢指數︰👍🏻👍🏻👍🏻👍🏻（5👍🏻為滿分）

我都幾鐘意食雞，呢間好耐之前食過，寫番個人感覺。小小小店裝修，吾comment🤷🏼‍♂️，食味道吾係食裝修，你明啦！先講雞反，上台靚，大路泰式海南雞反，味道ok,反亦乾身岩我口味，三款汁冇特別！肉并，一個字，好乾，好似薯片 ，我吾like!例湯有驚喜👍🏼👍🏼👍🏼老母水凖，正

香煎手剁鹹魚蓉肉餅飯不得了😍😋肉餅的賣相雖然一般般 薄薄的😂但肉餅表層煎的很脆 口感豐富👍🏻鹹魚蓉的比例及份量剛剛好不會令肉餅太鹹之外 又有鹹魚香😚店長還主動問我們 要不要轉油飯是免費的✌🏻️☺️而且跟餐送的自家南瓜湯 沒有味精帶有不少南瓜蓉和湯料 好喝😋-去骨海南雞飯與外面大部分的海南雞飯一樣轉雞脾要加錢的 依度加$10😭賣相不錯 每片雞皮都佈滿油光😏立刻想一口咬下去 對吧?😍雞肉嫩滑 沒有雪藏味略嫌肉不夠多 可能雞太細隻吧油飯的口感帶黏黏的 夾雜著蒜片 頗特別不會太肥膩 還不錯!😋

真係食完都會想再食既雞飯🤤🤤D雞勁嫩同滑身!!完全係走地雞😍😍☝🏻D飯勁香麻油味！叫埋杯可樂！ 簡直係樂事🤗🤗雖然望落好似好細碟！但完全食埋會好滿足！因為真係啖啖都肉！

it was still a very hot summer weather like in Hong Kong. we decided not waiting the real autumn come but start hiking. we only hiked for around 2-3 hours but good enough to make us exhausted! afterwards we went to a bar for a drink before going for this famous restaurant for dinner. it was around 7pm but already a lot of people queuing at the door. luckily the owner organized the seats for customers efficiently n so the waiting time was not long!would like to add money for chicken thigh but all

係Openrice見呢間海南雞飯店嘅評價唔錯，玩完一日水上活動，就決定黎呢度醫肚食晚飯。由於我地都有選擇困難症，所以決定點金雞二人餐，可以試多幾款。老火湯一般，南瓜蓉配中式湯感覺怪怪地，總覺得食海南雞飯要配冬瓜湯 個油飯裏面有好多香料，好大塊嘅月桂葉同好多香茅嘅碎，好鞋口我唔係咁鍾意，所以一邊食要一邊挑出來，好麻煩。雞肉都幾大碟，無骨啖啖肉。可惜唔算好滑，三款醬汁都好普通。滷水元蹄，好入味，但肉質太軟。總括來講，份量好多，兩個人食係超飽嘅！但味道真係好普通，有啲失望。

注意間舖係係巷仔入面既 好逼好細就岩架啦 .出面有間同名既係流既...失乖地跟住google map 入去啦～ 食評都係照舊睇相啦 注意番野飲都幾好味 2個人叫左1個海南雞飯 1個豬手飯 佢d 飯都用紅蔥爆過 好香口 btw 一路食好多西貢人takeaway 成隻雞 搞到我都心郁郁都想叫番隻...原來openrice 要打到200字先比得好評我要點仔細形容d 雞皮 雞肉 同雞油 同d 紅蔥飯 同d 豬手 同野飲 同其實間舖有幾細 有幾多人嗌外賣 先打得夠200字呢

西貢海南雞飯出名好多人都知，但其實有兩間，不過我就食開金雞。有時食飯呢家野都講感覺，二揀一揀左呢間就次次都食呢間，冇試過第二間。呢間嘅湯係南瓜老火湯，比較少見，清清甜甜，飲落舒服，都唔細碗架。主角雞飯碟頭都唔細，以前食仲可以同老細講多飯唔洗加錢，不過唔知呢排得唔得呢？好鍾意佢個油飯，加左啲乾蒜落去成個飯就更加香。雖然啲雞望落甩左啲皮，但食落去嫩滑，同新加坡天天有得比，點埋醬食啱啱好，不過雞皮肥左少少。整體黎講都唔錯架。

同朋友去西貢泳池游水，西貢泳池又收得早，所以求其食啲嘢，叫咗一個海南雞飯，啲飯幾入味，啲雞真係幾滑，就算雞胸都好滑，因為平時我真係完全唔食雞胸😂😂50幾蚊性價比都高嘅，出去求其一間泰國餐廳都要五十幾蚊啦，仲要唔好食

因為工作既需要，要長途跋涉咁黎到西貢呢一個地方。小弟出世到而家從來都未去過既，咁坐個零鐘頭車到左西貢，已經好肚餓。所以決定尋下寶，睇下有乜好食。找尋左一陣就見到d橫街窄巷有間叫金雞既食海南雞飯，門口都放左好多雜誌介紹同近排txb節目，馬x開飯既cap圖，先知道原來咁出名既，之後就入左去試啦。唔需要講都知嗌海南雞飯啦，山長水遠黎到，當然要轉脾 +10蚊去骨海南雞飯套餐 轉脾 $59 南瓜湯無味精，仲有d肉同粟米食個人認為味道濃左d，不過都good既到主角海南雞飯，一個字 滑 無一舊係唔好食，全部都係皮夾肉滑既 旁邊位同事就教落點哂三個醬，不過個人認為中間辣既可以不點，其他二樣醬汁都要點，非常美味。飯都有特別架，加左炸蒜落去，令口感更豐富同香口好多。總括，食完之後好羨慕住西貢既居民，可以成日食到呢d美食。如果你問我會唔會為左食呢間餐廳，而長途跋涉去西貢既話，我會答你：一定會

近幾年金雞開左好多分店，但我始終鍾意西貢呢間，可能始終係出始老細對手，感覺係特別好佢地湯，永遠係老火南瓜湯，名乎其實嘅例湯第一樣無得輸嘅係個湯，係好濃老火南瓜，甜！無味精！第二個無得輸係三個醬！次次去其他店食海南雞飯，呢三個醬總會有一個係唔特別好食，但呢度真係三個醬都好食，問你死味！第三個無得輸當然係主角雞飯啦，先講雞，佢地呢度係去骨海南雞，皮夾肉滑，而且佢地最利害係，我每次黎食，都未試過食到肥膏！雞亦好夠味！而油飯更顯出佢地用心！有油香但唔膩，配埋乾蔥真係一絕！一個飯餐由湯，醬料，雞到飯，所有嘢都可以做到一流水準，難怪我幾年黎，每個星期都食一次都唔厭！其實金雞提供嘅選擇真係唔多只有雞，豬手同肉餅，但好食嘅話，原來真係幾樣就夠，足己養活幾間分店！