金酒屋

营业中

休息中

作為一個吃貨OL…荔枝角開新日本餐廳簡直係一星期最值得慶祝的事! Happy Firday當然要食好D。呢間金酒屋係長沙環道旺中帶靜位置，人流唔會太多，唔怕比其他同事發現我..haha，入面環境不錯，有自己包廂，但我就中意坐bar抬，睇住師傅整，最療愈!日本餐廳來講，呢度lunch menu都幾多樣化，有定食有壽司有熟食仲有我今日食嘅丼，而且食物質素好高!先講丼，我order左呢個金丼，入面有幾個我最愛及新鮮材料包括海膽、三文魚子、拖羅蓉，最正係上面有一顆日本雞蛋黃，流心蛋黃真係不得了，同海膽mix埋一齊真係好滿足! 我最欣賞其實係個份量控制得好好! 個set其實有個前菜有個烏冬有個沙律以及湯，但所有份量都剛剛好，我可以成個餐食曬!同事就食個極尚丼，貪有多款魚生，可以嘗試多D! 入面有三文魚、三文魚子、真鯛、赤蝦、深海池魚皇、海鱺魚、白旗魚、油甘魚、松葉蟹肉蟹膏以及金槍魚赤身。但我見到佢食到深海池魚皇大叫好新鮮好正，我又偷食左佢d松葉蟹肉蟹膏，甘香入口…真係好滿足!!最後我要講性價比真係好高，我個金丼餐，成個SET都只係$198，荔枝角雖然美食雲集，但要呢個格局同呢個新鮮程度，真係唔多

第一次黎食呢間餐廳，餐廳環境好有Feel,好似去左日本一樣。今日食左自家製雞皮蝦，雞皮燒到焦焦地，隻蝦又卜卜脆，好味😋秋田煙燻蘿蔔薯仔脆脆沙律都幾得意，沙律下面仲有片薯片，薯仔沙律綿綿地幾好味。宮崎和牛飯好有心思，一片和牛一舊飯，但係配左三種醬汁，都算心機嘢👍最鍾意北海道帆立貝，帆立貝好新鮮，仲配埋三文魚魚子，粒粒都係口中爆開，推薦👍👍和牛海膽刺身都好味，薄薄地嘅和牛片保住新鮮海膽，真係勁鮮美😊😊最好食埋個慕絲甜品 結束美好的夜晚

長沙灣區新開的高質素日本菜 地舖經營 環境優雅 食物質素不錯 588刺身拼盤用料到位 選材新鮮 燒烤類火候把握不錯 牛舌心香嫩有嚼口 鵝肝香脆 唯獨是切的較薄 推薦自家製雞皮蝦 很特別很彈 蝦滑有蝦味 雞皮香口不油膩 和牛海膽刺身非常推薦 用料非常新鮮 兩種高級食材搭配起來相互呼應 北海道帆立貝燒的恰到好處 配合魚子地的鹹香 提鮮又不失口感 和牛卷配合搭配無菌蛋味道很有特色 餐廳環境優雅 壽司吧師傅手藝嫻熟 與客人溝通感比較強 如果師傅戴番口罩可能會更好 因為師傅與同事和客人是有談話溝通的 整體而言值得推薦

日日OT到七八點先收工 落到樓下想食個飯又咩都閂哂好嬲 今日見到對面開左間新開嘅居酒屋 個門口勁光就同同事過去食個飯先番去啦 至少唔使出旺角尖沙咁搞到咁夜我地兩個人叫左個香蔥金槍魚蓉卷 好足料又好新鮮嘅金槍魚蓉 醋飯個味較得幾好 最重要係先$68仲抵過連鎖式迴轉壽司店火灸左口魚裙邊壽司 its our all time favourite🥰🥰一上台已經聞到d 油香 師傅燒到舊舊一樣 上到枱仲見到啲油脂出緊嚟 OMG 一咬落去入口即溶講唔到野之後叫左支sake 再加個伴酒恩物河豚干 人少少靜靜地傾多陣就走啦總括而言各樣野都做得唔錯 環境音樂幾有feel野食比起同區好好多 員工服侍態度好好 重點係覺得好好好抵食 性價比好高 店員走果陣力推lunch會搵日再嚟試試

收工見倒有間新開居酒屋，約埋同事去試下，有驚喜因為得三個女仔無叫太多野：海膽鵝肝飯、原條白鰻、剌身併盤(金槍魚腹、三文魚腩、牡丹蝦)。落左單無耐，師傅話新開業送左碟前菜比我地食，個蒜頭好特別，食完個口無臭味仲好開胃。刺身非常新鮮，放入口滿足感覺爆登。鵝肝撈埋Ｄ飯好夾，入口香而不膩。最驚喜係條白鰻，勁抵，原條價錢同我去街市買差唔多，仲燒得好靚又香口。侍應同師傅都好有禮貌，上菜亦快同smooth，總括黎有驚喜，價錢合理，可以再戰試下其他野食。