日本餐廳來講，呢度lunch menu都幾多樣化，有定食有壽司有熟食仲有我今日食嘅丼，而且食物質素好高!
2
1
先講丼，我order左呢個金丼，入面有幾個我最愛及新鮮材料包括海膽、三文魚子、拖羅蓉，最正係上面有一顆日本雞蛋黃，流心蛋黃真係不得了，同海膽mix埋一齊真係好滿足! 我最欣賞其實係個份量控制得好好! 個set其實有個前菜有個烏冬有個沙律以及湯，但所有份量都剛剛好，我可以成個餐食曬!
1
同事就食個極尚丼，貪有多款魚生，可以嘗試多D! 入面有三文魚、三文魚子、真鯛、赤蝦、深海池魚皇、海鱺魚、白旗魚、油甘魚、松葉蟹肉蟹膏以及金槍魚赤身。但我見到佢食到深海池魚皇大叫好新鮮好正，我又偷食左佢d松葉蟹肉蟹膏，甘香入口…真係好滿足!!
最後我要講性價比真係好高，我個金丼餐，成個SET都只係$198，荔枝角雖然美食雲集，但要呢個格局同呢個新鮮程度，真係唔多，而呢個價錢真係無得輸，所以都真係要BOOK左先，下次去要試埋有和牛的銀丼!!
