金酒屋

营业中

休息中

朋友生日，訂座關係，所以不用等候！店舖裝備具日風，餐牌都多元化。月見宮崎和牛卷(四件）外觀相當吸引，大大粒日式無菌蛋，晶瑩剔透，用筷子一碰，蛋黃流入和牛卷中，勁滑！香氣和味道都十分出色，絕對是賞心悅目！另一特色菜是自家製雞皮蝦，看圖是蝦串，原隻蝦上，外皮用雞皮，咬落去不會油膩，蝦肉彈牙，雞皮酥脆，兩者融合得天衣無縫，值得推薦和欣賞金丼•月見海膽三文魚籽拖羅蓉， 個人系因這道菜而選擇這店這道菜色澤香濃，看到滿滿的紅橙色的魚子籽及粉嫩的拖羅蓉和新鮮的海膽，真是讓人垂涎欲滴。飯粒口感紮實，每一口有魚子+拖羅！最後叫左：豚骨濃湯豬軟骨稻庭烏冬大大碗烏冬！勁濃的豚肉豬骨湯底， 有三大嚿豬軟骨， 份量好足，豬軟骨煲得好「林」，烏冬口感順滑，加糖心蛋令這道菜更加豐富有好感、有層次、有驚喜

今日過嚟荔枝角約咗朋友放工食飯， 同佢一齊黎試下呢間高質居酒屋。 估唔到八點半都仲好多人食緊。 一入到餐廳就係一種高級帶點傳統日式裝修嘅餐廳。餐牌選擇都好多，我哋都揀咗一陣先決定到😆 首先叫咗宮崎和牛海膽刺身， 一客有兩件， 和牛刺身望落都已經夠曬高質， 喺好靚嘅雪花😍配搭鮮甜海膽原來係可以咁夾㗎。 另一前菜係秋田煙燻蘿蔔薯仔脆脆沙律，係一個好清新爽脆嘅創意料理 ，唔錯～呢個月見宮崎和牛卷好特別呀 ，首先要將上面嘅日本蛋蛋黃整穿再包裹住每舊飯卷， 食落口感豐富，同和牛飯卷味道融為一體。 另一款都係 月見系列🤣 叫咗個月見宮崎薄燒和牛飯， 超大片肥美嘅宮崎和牛一上碟超吸睛！ 店員幫忙將和牛火炙幾秒，包住蛋黃同飯一齊食，好豪華嘅享受呀😆 接住落嚟繼續食牛唔好畀佢停！ 試咗呢個安格斯牛肉鰹魚湯稻庭烏冬， 牛肉份量唔少， 鍾意牛味較重嘅朋友推薦一試 👍 佢嘅半熟蛋亦非常出色。 朋友仔叫咗金丼， 有豐富嘅拖羅蓉，三文魚子同埋海膽 ，賣相一流～另外燒物自製雞皮蝦好有驚喜～ 雞皮非常薄, 包住蝦肉咬落彈牙, 冇多餘嘅油膩感。

最近去荔枝角買野，順便約表弟食飯~佢suggest 我黎到新開既日本餐廳 - 金酒屋.我地點左三文魚牛油果卷，三文魚非常新鮮，牛油果豐滿，份量都多，每人三件竟然有少少飽肚感。自家製雞皮蝦 - 呢個真心正, 雞皮炸到脆卜卜, 而蝦肉非常大隻又彈牙, 食完再encore, 唔好講笑.宮崎和牛海膽 - 又和牛又海膽，完全岩哂我同表弟, 大家都最愛. 宮崎和牛一食即溶化，海膽亦新鮮唔會腥, 必點!!最後怕唔飽, 點左個安格斯牛肉鰹魚湯稻庭烏冬, 呢個份量非常多, 一定要share 食. 牛肉口感順滑嫩口，鰹魚湯清清地幾正. 價位合理, 而且食物質素非常高， 下次可以帶朋友/同事黎食～

位於荔枝角的金酒屋，新開日本料理高級餐廳。前菜「煙燻蘿蔔薯仔脆脆沙律」是一道令人印象深刻的開胃菜，蘿蔔和薯仔的煙燻味道與沙律的清脆口感完美融合。接著的「月見宮崎和牛卷」，將頂級的宮崎和牛與滑嫩的月見蛋完美結合，味道絕佳。而「宮崎和牛海膽刺身」則是一道不容錯過的刺身，海膽和和牛的組合出奇不意，令人驚艷。另外，「金丼」是這家餐廳的招牌菜之一，包含了月見蛋、海膽、三文魚籽拖羅蓉，每一口都是一次味覺的盛宴。「安格斯牛肉鰹魚湯稻庭烏冬」是一道極具創意的菜品，安格斯牛肉的豐富口感與鰹魚湯的鮮美完美融合，再加上烏冬的Q彈，簡直是一道美味的藝術品。接著是「自家製鷄皮蝦」，這道菜將鷄皮炸得酥脆，搭配上新鮮的蝦，口感層次豐富，令人難以忘懷。最後，「月見薄燒宮崎和牛飯」，這道菜將宮崎和牛燒得恰到好處，搭配上月見的滑嫩，每一口都讓人感到幸福。金酒屋提供了一個極致的日本料理體驗，食材的選擇和料理的技巧都表現得相當出色，是一家值得一試的高級日本料理餐廳，強烈推薦給所有喜愛日本料理的朋友。

最近知道荔枝角開咗間日式居酒屋，再上網睇見到佢嘅丼飯好吸引，而且見到午餐有set lunch ，所以決定午餐時間去食😆😆🍣 金丼·月見海膽 ·三文魚籽拖羅蓉配稻庭烏冬一上到枱就忍唔住嘩咗一聲🤭🤭因為整個丼飯鋪滿咗三文魚籽、拖羅蓉，拖羅蓉上面仲有海膽同生蛋黃。所有食材都好新鮮，三文魚籽漲卜卜，拖羅蓉有鮮味，再撈埋海膽蛋黃一齊食，成啖飯超豐富同十分滿足啊！！！！除咗有丼飯外，仲會有稻庭烏冬，食埋真係會好飽🙈🙈🙈午市定食會有麵豉湯、漬物同沙律。另外見到有開幕限定優惠，只要係ig post story再tag返鋪頭，午市會有飲品送👍🏻👍🏻👍🏻

睇咗相先嚟嘅,嘢食真係好吸引🩷叫咗個金丼,有三文魚籽、吞拿魚蓉、海膽等,吞拿魚蓉食落好香魚脂味🥹日本海膽超甜,好新鮮,好creamy!大愛呢個飯!一啖食落去超級鮮好滿足!!另外仲叫咗個牛肉飯,師傅喺面前用火槍燒熟塊牛,好fancy,牛肉食落好腍,油脂豐富,超好食不過小貴

知道荔枝角開了一間甚有日式氣氛的型格居酒屋「金酒屋」，據知他們的金丼、銀丼丼飯…都會裝得滿滿至滿瀉，真係非常期待！自家製月見雞肉棒以雞肉製成的棒狀，其肉質嫩滑細嫩，再有蛋黃醬汁增添濃郁的口味，口感滿滿，非常開胃。三文魚牛油果卷 (六件)柔軟鮮美的三文魚反卷地包著綿綿的牛油果，最後更撒上三文魚籽，口感清爽不油腻，有層次。月見宮崎和牛卷(四件) 和牛卷嫩軟多汁，充滿豐富綿綿的肉香，再有原隻蛋黃的加成..入口清新不油膩，新鮮感十足。月見薄燒宮崎和牛飯這款和牛飯非常特別，先來一份生和牛，當中放了米飯加蛋黃，旁邊再有黑胡椒，岩鹽和醬汁，再來是店員即場火炙，燒出陣陣香氣，那宮崎和牛充滿油脂，入口即溶，蛋香滿溢，嫩滑香濃。金丼。月見海膽三文魚籽拖羅蓉來到主角了，丼飯中加上了眾多魚生刺身：濃郁海膽、鮮甜三文魚籽、綿綿拖羅蓉等…滿滿的放上米飯上，還加上日見蛋，那澎湃的效果，金光閃閃，打卡一流！口感鮮味，蛋汁濃郁，令人一食難忘！

在這個位於荔枝角的角落，有著一間極具品質的居酒屋，以其優質的食物和細心周到的待客之道而聞名。你來享用這頓美食，我保證你都會開心滿足，就像置身於日本一般。🇯🇵🇯🇵首先，我要介紹的是「月見宮崎和牛卷」（四件）。這道菜的外觀相當吸引人，日式流心蛋晶瑩剔透，色澤、香氣和味道都十分出色。每一盤的擺盤都充滿了細緻的心思，上頭還佈滿了紫色的食用花朵，絕對是賞心悅目的一道菜。🐮🐮接下來是「宮崎和牛海膽刺身」（兩件）。這道菜以如此價格享用到和牛和海膽，實在是物超所值。宮崎和牛入口即溶，肉質雪花般的美麗，而海膽則帶著罕見的鮮甜味道，這樣的組合實在讓人回味無窮。🐂🐂「三文魚牛油果卷」（六件）是另一道值得推薦的菜品。廚師會在你面前精心製作，刀工一流，看著他們的手藝，你能體會到他們的匠心精神。這份菜的份量剛好適合兩個人分享，絕對能滿足你的味蕾。🐟🐟另外，還有一道「秋田煙燻蘿蔔薯仔脆脆沙律」。這道菜將蘿蔔和薯仔製成一個蓉狀，然後鋪在脆片上，再撒上魚子，煙燻的味道非常出色。作為餐前菜，它能夠很好地開胃，讓你期待接下來的美食。🥗🥗居酒屋的招牌菜之一是「自家製雞皮蝦」。廚師們精心製作的這道菜是雞皮蝦的始祖，絕對值得推薦

估唔到荔枝角都有咁高質嘅居酒屋呢！款款菜式都食得出係心機之作😳⁣• 秋田煙燻蘿蔔薯仔脆脆沙律 $78⁣呢個沙律好得意！薯片上面放上薯蓉沙律同煙燻蘿蔔，營造出脆脆口感，蘿蔔嘅煙燻香味令整體味道更加豐富，一啖一件啱啱好☺️⁣⁣• 自家製雞皮蝦 $58/串⁣雞皮燒至脆口，油香滲曬蝦肉入面，肉質爽彈不油膩，調味亦恰到好處😋⁣⁣• 黃金粟米天婦羅 $88⁣新鮮炸起熱辣辣嘅天婦羅唔會有錯！粟米爽脆清甜，炸漿做得再薄身啲就更加好😉⁣⁣• 宮崎和牛海膽刺身 $138⁣採用油花超靚嘅宮崎和牛，卷住鮮甜海膽，口感嫩滑，兩者配合得天衣無縫，推介😚⁣⁣• 月見宮崎和牛卷 $168⁣呢個和牛卷都好好食，以香蔥引出和牛嘅鮮味，米粒煙韌又軟糯🧡⁣⁣• 金丼·月見海膽三文魚籽拖羅蓉 $198⁣招牌菜之一，滿滿嘅拖羅蓉、三文魚籽同海膽，mix埋係好幸福嘅combo！撈埋蛋汁一齊食更濕潤同香滑😌⁣⁣• 安格斯牛肉鰹魚湯稻庭烏冬 $108⁣牛肉肉量好多，蓋過整個烏冬！滑溜烏冬配上清香暖胃嘅鰹魚湯，美味而飽肚嘅主食選擇✨⁣⁣• 巨峰乳酸梳打 $38⁣• 白桃乳酸梳打 $38⁣⁣

近日荔枝角開設了一間新的居酒屋，才剛開業就已經大受歡迎，當然要約饞嘴的朋友一同去品嘗。金丼。月見海膽三文魚籽拖羅蓉 ($198)是店內的招牌菜。鋪有滿滿配料，包括：三文魚籽、拖羅蓉、海膽和新鮮赤卵蛋黃，賣相令人垂涎！啖啖鮮味，可說是一大享受。月見薄燒宮崎和牛飯 ($336)在客人面前即席輕炙和牛表面，並傳來陣陣肉香！口感嫩滑，入口牛脂香中帶有濃厚的蛋香，最後蘸上燒汁，讓味道層次更豐富！三文魚牛油果卷 (六件) ($68)赤醋飯裡包著柔滑的牛油果和爽脆的青瓜，配合鮮美的三文魚，加上鹹鮮的三文魚籽，口感相互交融，帶有多層次的風味。月見宮崎和牛卷(四件) ($168)生和牛卷配上新鮮赤卵蛋漿，壽司赤醋飯滿滿地吸收牛脂香及蛋香，配搭清新而不油膩。自家製月見雞肉棒 ($96)金黃焦脆的雞肉棒內含有雞軟骨，口感爽脆有咬口，配上蛋黃醬汁，令肉質更鮮嫩。

係荔枝角地鐵站行幾分鐘就到金酒屋，裝修好靚，有日本feel。我哋兩個人食咗好多嘢。薯仔脆脆沙律薯仔沙律份量啱啱好，唔會好膩，同脆片好夾宮崎和牛海膽刺身和牛入口即溶，入面包嘅海膽好鮮甜，好食海膽天婦羅係紫菜包海膽，外脆內暖，海膽份量多，夠新鮮三文魚牛油果卷三文魚都新鮮，入面有包青瓜同牛油果，口感豐富豚骨濃湯豬軟骨稻庭烏冬開頭驚濃湯會太鹹，但係啱啱好。豬軟骨份量多，烏冬都好食，冇酸味月見海膽三文魚籽拖羅蓉丼賣相好靚，打卡一流。所有嘢都好新鮮，海膽、拖羅蓉同三文魚籽真係好夾，同埋蛋同飯一齊食，真係好正雞皮蝦係雞皮包住虎蝦嘅串燒，價錢唔算平，但係真係好有驚喜，因為估唔到入面嘅虎蝦會熱到辣口之餘咁爽口彈牙白桃乳酸梳打同熱食同串燒好夾，唔算太甜，好解渴

放假之前同朋友嚟試新嘢，裝修好有風味，啲Staff都好有禮貌。前菜要咗薯仔脆脆沙律，賣相好靚，食落好清新，配埋脆脆好有口感。海膽天婦羅第一次食，真係好有驚喜。外面嘅紫菜好脆，入面嘅海膽份量多，暖暖哋好新鮮，好好味。三文魚牛油果卷大小啱啱好，包咗青瓜同牛油果，口感豐富。三文魚都幾多，夠新鮮。宮崎和牛海膽刺身超正，和牛入口即化，海膽夠鮮甜，強烈推薦中意食牛同海膽嘅人試吓。雞皮蝦係staff推薦，外層嘅雞皮脆卜卜，包住熱辣辣又彈牙嘅虎蝦，真係冇介紹錯。主菜係月見海膽三文魚籽拖羅蓉丼，啲飯本身有少少醬油調味，撈埋隻蛋，同埋新鮮嘅三文魚籽、海膽同拖羅蓉嚟食，真係停唔到口。朋友要咗豚骨濃湯豬軟骨稻庭烏冬，湯頭好味，一啲都唔會太咸。配料嘅份量都幾多，豬軟骨好香口，烏冬冇雪藏味，好食。Follow ig post story tag餐廳就會送飲品，我要咗柚子乳酸梳打，解渴好飲。走之前見到可以除鞋入房食，下次多啲人就可以book間房啦。

最近荔枝角新開左間日式居酒屋🇯🇵 —「金酒屋」😍😍餐廳主打壽司、刺身、天婦羅同串燒等日式料理～～佢地的主廚擁有十多年廚師發辦的經驗，品質有保證！前幾日放工後就約埋朋友黎試試❤️❤️-🍱金丼·月見海膽三文魚籽拖羅蓉 $198✨呢個係佢地的招牌菜式，必試！！金丼包括有拖羅蓉、海膽、三文魚籽同生蛋黃，全部都好新鮮！食之前先將蛋黃拮穿🥚，然後再同其他食材撈勻，十分滋味😋😋🥔秋田煙燻蘿蔔薯仔脆脆沙律 $78✨薯仔沙律口感綿滑，味道好清新～～下面仲有塊脆卜卜的薯片，鹹香十足！推介大家試試👍🏻👍🏻🥑三文魚牛油果卷(六件) $68✨賣相豐富！卷物面層鋪滿牛油果，口感香濃幼滑～～赤醋飯味道好香，中間包住肥美三文魚🐟！整體層次好豐富🤤🤤🐮宮崎和牛海膽刺身(兩件) $138✨入口即溶的宮崎和牛加上甘美鮮甜的海膽～～咬落去爆哂餡咁，好足料！估唔到呢個配搭又幾夾❤️❤️🔥月見薄燒宮崎和牛飯 $168✨店員會即場用火槍火炙牛肉，和牛經炙燒後油脂溢出！！然後再包住生蛋黃、白飯一齊食，一啖擺落口好滿足😋😋🍜安格斯牛肉鰹魚湯稻庭烏冬 $108✨牛肉大大片，肉質軟腍、牛味重🐮～～配上滑溜烏冬同清爽鰹魚湯底，食完好飽肚🔥🔥🍤自家製

這間荔枝角全新日式餐廳給人一種充滿日式風格和特色的感覺。裝修設計充滿了日本傳統元素，讓人彷彿置身於日本的氛圍中。餐廳內有傳統的日式座位，提供了寬敞的空間，非常適合與朋友聚會。他們的牛油果三文魚特色卷物、吞拿魚溶卷和日式雞蛋等料理令人印象深刻。這些卷物不僅味道出眾，而且擺盤非常精緻，給人一種視覺上的享受。飛魚子吞拿魚海膽丼飯是這家餐廳的招牌菜之一，也是打卡必點的選擇。這道料理非常鮮美，飛魚子的鮮味和吞拿魚以及海膽的組合相得益彰，令人回味無窮。另外，燒蝦串燒也是推薦的菜品之一。燒烤得恰到好處，蝦肉鮮嫩多汁，口感彈牙，非常美味。最讓人驚喜的是，這家餐廳的性價比極高。菜品的質量和份量都非常滿意，價格相對合理，給人一種物超所值的感覺。總的來說，荔枝角全新日式餐廳是一家值得推薦的地方。無論是裝修風格還是菜品味道，都能帶給顧客一個愉悅的用餐體驗。如果你喜歡日本料理，這裡絕對是一個不容錯過的地方。

荔枝角的這家高級日式餐廳給人的第一印象就是其高貴的裝潢和營造出的氣氛。進入餐廳時，立刻被其精緻的室內設計和舒適的用餐環境所吸引。餐廳的氛圍營造得相當出色，為用餐體驗增添了一份奢華感。品嚐到了幾道特色菜-薯仔脆脆沙律給我留下了深刻的印象。這道沙律以薯片作為主要成分，這種創新的做法給傳統的沙律帶來了新鮮感。薯片的酥脆口感與其他蔬菜的爽脆相結合，給整道菜帶來了有趣的食感。此外，巨峰提子乳酸也是一道令人驚艷的菜品。巨峰提子的酸甜與乳酸的濃郁味道相互融合，帶來了口感的平衡和愉悅的味覺享受。接下來，我品嚐到了牛油果三文魚卷和和牛刺身海膽卷。牛油果三文魚卷的口感鮮嫩，配上牛油果的奶油質地和濃郁的風味，給整道菜帶來了豐富的層次感。而和牛刺身海膽卷則展現了日式料理的精髓。高品質的和牛刺身與鮮美的海膽相結合，口感鮮嫩，味道鮮美。這兩道卷物都展現了餐廳在食材選擇和製作技巧上的精湛水平。最後，點左個安格斯牛肉鰹魚湯稻庭烏冬。這道湯麵以安格斯牛肉和鰹魚湯底為主要材料，配上彈牙的烏冬麵，味道濃郁而美味。湯底的鰹魚風味與牛肉的鮮嫩相互融合，為整道菜帶來了豐富的口感和深厚的味道。