金記冰室 (屯門時代廣場北翼) (已結業)

有時幾個人食飯一個想食扒，一個想食中菜都唔知就得邊個時， 我就會決定去金記冰室， 因為可以解決哂大家的需要唔洗煩我 🤭。⚛ 鐵板美式什扒 ～ 薯菜黑椒汁仲有帶點辣的羅宋湯， 什扒疊到好高，有齊雞牛豬，腸仔煙肉超豐富。⚛ 無骨海南雞飯 ～ 油飯，餐湯轉羅宋湯，加錢要多碟白灼菜心，菜心夠甜， 海南雞幾滑。⚛ 韭黃叉燒炒滑蛋 ～ 叉燒大大件， 蛋味夠濃加左韭黃好香。🍹 抹茶紅豆特飲 ～ 謙謙大讚好味， 抹茶香得來唔會過濃有苦澀味， 配上甜甜的紅豆好夾。有時每樣食dd 都已經好足夠。

沙嗲金菇肥牛粉絲煲 去茶餐廳，煲是必叫的😌呢個煲多牛、多粉絲、多菠蘿，好滿足，好飽肚😋另加咗碟油菜- 意想不到，碟油菜都幾大碟！。金記炸雞脾 - 會叫炸脾，唔係因為唔夠飽，係因為食炸脾呢啲真係童年回憶。傳統和尚跳海 - 好少見到呢杯飲品，見個名咁得意，於是就叫黎睇下係咩黎。等緊嘅其間，就上網睇下係咩黎。原來和尚跳海，係舊式茶餐廳先有嘅一個飲品。第一次飲，感覺都幾有趣。和尚跳海其實就係一款冇乜加工過嘅飲品—滾水蛋。滾水蛋會被叫做和尚跳海原來係因為一杯滾水加隻雞蛋再加白砂糖，當生雞蛋放滾水「跳海」果一刻，蛋白喺滾水入面化開並且慢慢熟透嘅情形，就好似和尚件袈裟飄下飄下咁，至於個蛋黃，就似和尚個光頭，所以就叫「和尚跳海」。

今次已是食第二次。比我想像中更差，由拎飛到安排入座到點餐再見倒啲夜食，期間有很多令我反感的地方。第一次去既時候係食早餐，但眼見入面坐不滿還有吉位，但還有一批人在外面。不安排人入座，我們拎飛後都要等了很久三十分鐘，但我要強調入面有位的，還有為數五六張吉枱，第二次去既時候係食晚飯，不用等位就入去，眼見客只有一半。我們叫了一個椒鹽豬扒及金銀蛋肉碎時蔬，那個菜做得好那西，你可以睇下圖啲咸蛋同賣相，好像蛋碎砌出黎甘。那個豬扒都整得幾濕下，唔夠乾身，我相信呢幾個月我唔會再side錢食金記屯門個間，啲侍應又慢，又唔熟啲枱，

金記冰室近年越開越多分店，而除左食飯之外，金記近期仲好似酒樓咁推出自家嘅月餅，但我見都己經全部沽清啦，想試下佢地嘅月餅就唯有等下年啦。今日幫襯返佢嘅小菜先！$158有兩款小菜，咁我就揀咗XO醬蝦球炒西蘭花，炒得夠入味，唔會煮得太淋，蝦球亦好爽口。韮黃滑蛋炒蝦仁同XO醬蝦球炒西蘭花，用嘅都係大大隻嘅蝦，而蛋今次仲煮得好似上次咁滑，果然keep到水準。另一款跟餐小菜就揀咗粟米魚柳炸得乾身，要浸耐D 粟米汁先得，好彩嘅係粟米汁份量都夠多。無骨海南雞去骨去得好乾淨，就連雞翼都去埋，而味道都唔錯。油飯屬於正常水平，比白飯好DD。

每次都覺得係邊區都會見到金記，可以話每區都有一間，可以點樣做到咁出色？就係因為服務好，食物品質高。今次晚餐都係點咗個海陸空餐仲有個口水雞，有西餐有中餐，點揀都有，同另一半分就冇死啦。今次個蒜蓉汁好香好惹味，鐵板上菜可以保持熱度，豬扒都幾有嚼勁，魚柳大塊夠嫩滑，另外仲有雞翼，炸過香脆，可以配飯/薯菜/意粉，我同DD 揀薯菜，都好飽肚。另外點少得口水雞飯，個飯算係軟硬適中。口水雞唔會得個辣字，有齊麻香感，入有帶點麻感，雞肉滑溜不多說，還有雞皮也很惹味，皮下脂肪不會太肥，但也有點脂香。

成日經過屯市，都會見到燈光🌆猛烈的這間餐廳，環境整潔，今晚就同男神👩‍❤️‍💋‍👨係到共渡晚餐❤️❤️「客家沙薑雞-例牌」沙薑味夠濃，而且係髀位🥰 夠滑👍🏻「無骨海南雞套餐」重點要配上醬料🥳 夠味🥰 滑稽👍🏻而且配上老火湯👏🏻👏🏻「鐵板香煎雞扒拼吉列魚」好大份🎉 吉列魚特別欣賞😋仲配上我最愛的粗薯條🤣😂🤣😂「羅宋湯」好味👍🏻👍🏻👍🏻 夠哂料味道剛好，少少辣❤️「白灼菜心」甜甜的菜心😍備註：🔺電腦化自己用手機落單😆🔺店員 nice👍🏻

最近屯打新開左金記 夜晚無煮飯就落去食一餐 呢到裝修好新好光猛 坐落都舒服好多 今次一共叫左3個小菜 有兩個以套餐形式，加埋野飲 湯同飯 相當抵食 兩杯飲品質素亦不錯 由其奶茶茶味香濃首先咕嚕肉炸得香脆 醬汁亦不會太酸 撈飯食岩岩好另一樣係叉燒炒滑蛋 叉燒份量十分足，亦配有韮黃 突出香氣 如果蛋可以生一D 就更好黃金豆腐 外脆內軟，炸得剛好 面頭淡淡蛋黃香味，不會過濃，但味道亦有提升最後就有清炒時蔬 上碟是亦新鮮翠綠總結而言，食物質素不錯，而且又是街坊價錢，實在十分不錯

OT放工返到屯門已經8點，撞正朋友又上完興趣班就同在附近食個飯～去到門口都見到有3、4個人等位，好似都旺場，幸好不用等多久有位啦！上網見不少人都推薦扒餐，當然叫個鐵板西冷牛扒，焗豬怕兩個女人太多吃不完會浪費，於是叫個白汁粟米焗魚柳飯，最後朋友想食菜補補纖維，鐵板餐加$16就可以有一碟小菜。不錯配套嘿～最先到是湯，朋友飲的雪耳湯，雪耳有夠大塊，而且無味精味喝完不會口渴，值得一讚。我飲的羅宋湯都好足料好多蔬菜，蕃茄味濃，不錯不錯。加錢嘅菜心亦都無敷衍，翠綠飽滿，夠鮮！焗飯先到，第一時間check下是否炒飯底，是真的正！白汁跟芝士足，粟米粒夠多，魚柳亦都夠大塊入味。重頭戲～牛扒好厚好大，成份送上時不停影相，薯條份量令人滿足，脆卜卜，粟米係有令人驚喜嘅牛油味。牛扒order咗5成熟，比想肉安全熟些少，不過牛味足也不會乾身。難得去冰室當然叫特飲，兩個都叫了抹茶紅豆特飲，非常好飲，抹茶奶不會太甜有茶味，軟硬適中嘅紅豆同抹茶奶配合～夏天飲覺好爽！成晚盛惠211，茶餐廳來說真的食得豐富！😬

預早約朋友今天屯門區晚餐，隨意找個地方傾下計食個晚飯！屯門太個選擇，朋友住屯門，他推介這家！在門囗等左一陣！食物真係太多選擇了😂朋友又想食扒餐，我又想食中菜😂只好點一個二人餐，加一個牛扒餐👍下單5分鐘已送上熱熱的湯，中湯清甜，西湯味道蕃茄味濃！生抄骨酸甜開胃，配菜也夠足料，份量也剛好，每一囗也感到肉多於骨👍欖菜肉鬆四季豆，火喉夠！餸飯一流！這牛扒份量十足！厚厚的！帶點油脂在邊位，朋友非常喜歡😂兩個女的清哂咁多，別人以為我地大胃王😂

好耐無行過屯門時代廣場地下，原來啲食肆都大執位左！今日就試試呢間由老牌冰室轉型做連鎖餐廳既金記！懷舊一下～MENU超多選擇，食物可以自選少油少糖揀岩自己口味！用QR code落單可以慢慢揀！揀完野食揀飲品都花多眼亂～有幾款懷舊飲品真係好耐都無見過了！（笑）點左金牌乾炒牛河少油，的確無咁油膩，唔會食到成口油！仲幾有鑊氣～河粉爽身，牛肉亦夠嫩夠腍，唔會過韌難咬！另外點左鐵板海陸空配薯菜，有雞扒豬扒魚柳～份量十足！上菜好夠熱，雞扒好嫩滑、豬扒都夠腍！平民茶餐廳之中算中上質素了！唯一美中不足係冇咗「渣渣聲」（笑）～跟餐羅宋湯酸酸甜甜好足料，好開胃！仲有我最愛既扭紋薯條～炸得脆卜卜！加配左白灼菜心，清甜無菜渣，抵食！飲品點左紅豆冰同抹茶紅豆冰，紅豆偏淋～奶香味偏重，但唔會太甜！新裝修坐得好舒服～乾淨衛生！出餐都好快手，食物質素合格！下次再見～

每日返工放工都必經屯門市中心，金記冰室早餐就食得多，但夜晚真係未試過，今日放工經過就心思思入左去啦，估唔到依家茶餐廳已經轉哂qr code下單，方便快捷隨時加單都可以，我就叫左個海南雞飯而老公就叫左個鐵板牛扒，出街食飯都不忘要叫個菜，金銀單菜就我每次出街必叫，因為自己整就好多功夫，牛扒叫左七成熟，餐廳都煮得出啵同埋好大塊，性價比高！至於我個海南雞飯，雞身肉質好滑，份量同樣都好多，女仔既話可以share都仲得，最後我地仲每人一人一杯紅豆冰，辛苦左成日可以食返餐飽飽又好食既一餐真係好滿足！

今日我家娘親唔煮飯話要請我食飯🥰🥰唔知食咩好就走左嚟食金記冰室，我知道呢間係連鎖店周圍都有，但真係第☝️次嚟食，我好少去茶餐廳食晚飯，因為自從我番嚟香港之後，都冇食過好食既茶餐廳。今次嚟真係見佢入面都算多人，而且睇落去好乾淨就試吓啦！.我哋係6點左右到，唔洗等位直接入座！而且我哋好好彩有張勁大張既卡位😍😍我見佢大部分都係卡位，靠窗既就一般位，位置睇落都算闊落。重點係感覺好乾淨光猛👍🏻👍🏻坐茶餐廳我最唔鍾意d位同枱都黐立立，呢度唔會，超級難得👏🏻👏🏻.服務部分，我認真講冇去過咁好服務態度既茶餐廳，我見到隔離枱問一堆關於套餐同單嗌既問題😂😂d staff都好有耐性咁答，換轉係佳x應該冇人會理佢😂😂.嘢食方面，佢有2人套餐，但我冇嗌因為冇我想食既嘢，所以我就嗌左3個中式小菜，另外加左2個15蚊做套餐，有湯有飯有嘢飲，如果你唔加既話就得一碟餸咩都冇，咁緊係加啦！.我哋落完單之後大概等咗5分鐘都冇，啲餸就陸續送到，超快😱本身諗住咁快d餸會唔會唔熱架？點知完全唔會喎又！個啫啫雞煲直情係100度滾住咁上枱😂😂張相都應該見到佢上枱既時候有幾熱情❤️‍🔥😂.味道方面，認真係好食過其他一般茶餐廳勁多！佢係唔會

最近行過屯門是在廣場發現新開咗間冰室感覺都好乾淨同新鮮光線都幾充足 所以就入去試吓坐低之後發現都幾智能化側邊有個水可以自己浸熱水 幾方便之後落單係用二維碼  最啱一支公食 又唔怕冇落到單我揀咗精選晚餐入邊嘅無骨海南雞飯配油飯仲加配咗菜心 飲檸檬可樂 首先嚟咗個羅宋湯 熱辣辣好新鮮 而且都足料夠味 大概等15分鐘就上主菜上菜速度都算快有驚喜位係 竟然有一半係雞脾肉 肉質好滑溜 啖啖肉 仲有個姜溶新鮮即磨好正我好鍾意食 再配埋特色嘅花生 正油菜份量都幾多 抵食！

難得平日放日，一家人去行商場又唔會太迫，買左幾袋野，順便去附近金記食個下午茶我發覺每間金記都好大間😅而且餐牌選擇多到眼花撩亂而且店員非常有禮貌，唔該前，唔該後👍🏻👍🏻用QR code落單真係好方便，點好餐，資料直送廚房果占多士(飛邊)配抺茶紅豆特飲: 首先在門口等位時，見到張海報係餐飲加錢可以改為抺茶紅豆，見幾正就先點件多士配呢杯特飲多士揀左飛邊，然後入面搽滿果占，脆口得嚟又甜甜的而搽茶紅豆就唔太甜啱晒我口味，而且紅豆又夠淋下午茶絕配金記生炸雞脾配沙律：我除左食多士之外，另外點多個雞脾餐無得頂，熱辣辣外脆內軟，當一啖咬落去，肉汁飛出嚟😍😍無骨海南雞套餐(配油飯)：老媽子就鍾意食雞，點左呢個套餐比佢，油飯唔會太膩，雞又夠嫩滑，最緊要起晒骨，老人家食起上嚟都方便啲海南雞半隻：見老媽子個海南雞套餐咁正，我都點左半隻做外賣，晚餐蒸熱少少都仲好滑

禮拜六夜晚黎到屯市搵食，由於屋企人係附近返工時食過幾次覺得唔錯，所以就決定一齊黎試下！咁啱去到門口見到好多人等位，令我都好期待呢間冰室嘅出品，一家四口點左兩個西冷鐵板，一個雜扒鐵板，同一碟乾炒牛河，落單無幾耐牛河同雜扒已經上枱，牛河正正常常，而雜扒睇落就好驚喜-感覺大份又抵食....點知兩份西冷就遲遲都未到，我左右張望見到出親都係其他枱嘅小菜，終於等左差唔多半個鐘，屋企人都就黎食完，我忍唔住催左單-五分鐘後兩個餐終於黎到...當我滿懷期待同等左好耐極度飢餓嘅情況下切開塊扒，一落刀已經feel到難切，入面更加係全白.....說好的七成呢！？簡直係熟過全熟，而另一份可能好少少，起碼中間仲有dd粉，但一定唔係七成可能九成左右，根據出餐時間我地判斷係餐廳太多人塊扒煎到唔記得左，直至我地追先拿拿臨上碟比我地，其實果下真係好嬲，因為滿懷期待且等左咁耐嘅情況下，一個鐵板餐一百元雖不很貴但質素甚至連鎖快餐店一成都比唔上....本來想投訴但係一來好餓，二來屋企人話驚廚房會加料，一陣食完又要趕住去買野，所以都屈服左求其食左半塊-幸好我個餐有意粉，因為塊扒實在難以下嚥，直頭好似咬擦膠咁，去到埋單我地都深深不