金記冰室 (屯門時代廣場北翼) (已結業)

今晚收工過來屯門時代呢邊食晚飯，選左金記冰室，因之前有食過其他舖，見屯門有就在來食。點左二人餐新鮮菠蘿咕嚕肉和XO醬蝦球炒西蘭花。熱西洋菜蜜味道夠濃。套餐飲品加$10換一杯桂圓紅棗桃膠茶，和黑糖生薑桃膠茶，兩杯都好足料好多桃膠又好好味。 XO醬蝦球炒西蘭花，蝦大大隻好彈牙，西蘭花又炒到好入味。，新鮮菠蘿咕嚕肉，咕嚕肉啖啖肉又酸酸甜甜幾開胃，肉又幾嫩滑。南乳大盛蝦有蝦，雞肉，豬皮，魚蛋，豬手，蘿蔔和菜，豬手，蘿蔔炆到好入味又唔會太咸。白灼菜心好淋又好味道。

今天天氣轉冷，市區13度，放工不想煮飯，便到附近屯門時代廣場金記冰室吃晚餐。每次晚飯時段經過金記門口都有客人排隊，今天亦不例外。不過，很快便編排到座位。天氣凍凍地，點了冬日推介：豬手肉骨茶，配白飯。豬手燉煮在肉骨茶中，入口鬆軟而不爛散，帶藥材清香，幾件豬手瞬間被我們吃完呢! 另外還有一只雞蛋，和肉骨茶湯同吃，好味又補身。最後我們還把剩下的肉骨茶湯喝完，沒味精，不油膩，鹹淡適中 ，暖身又美味，很喜歡👍。韭黃蝦球炒滑蛋，好大蝶，分量十足。炒蛋很軟滑濕潤，蝦球則爽口又大隻(有大約6，7隻)，加上韭黄香味，配飯一流。秋冬季節，蔬菜正合時，點了白灼菜心來均衡一下飲食，好吃又健康。粟米魚柳，又是分量十足的一碟中菜，味道不俗，皮脆內嫩。68元，很抵食。這裡的杏仁霜亦不錯，蛋白杏仁霜發打後起泡，入口特別綿密順口，杏香濃郁。另外一提，餐廳採用掃電子二維碼點餐，更方便快捷。

新搬入黎屯門真係要慢慢食先食得哂所有餐廳！今晚求其想嗌餸食飯，我地2個人嗌左個2人餐都仲要嗌多2個餸揀咗霸王雞重點係個豉油同埋啲蔥蒜，好香滑隻雞又唔會過肥叉燒炒蛋唔好睇好似好簡單，啲叉燒唔可以太鞋啲蛋又唔可以太熟呢度做得剛剛好送飯一流。太好食嘅關係覺得佢份量太少所以再嗌左咕嚕肉同金銀蛋肉碎浸時菜。咕嚕肉唔會太酸，大大粒甜甜嘅菠蘿更有胃口。乾身唔會太多汁令到夠咕嚕肉林晒最後個金銀蛋肉碎浸時菜，清清地唔會覺得個湯好多味精，一大碗好足料我哋兩個人全部食晒就知道幾好食啦。

屯市廣場食晚餐，突然想起生滾薑絲牛肉米，記起這家 金記 group友話質素唔錯，就嚟試吓☺️☺️地方都算大，當然就腳啦！QR code 下單，二話不說點了生滾牛肉米🤣🤣另再點了二人晚餐🥣上菜好快，熱騰騰，大量薑絲，新鮮牛肉，湯底先甜，薑味十足，冬天食好暖胃😌😌二人套餐跟是日靚湯和飲品，老火湯足料👍霸王雞，雞肉嫩滑，大量蔥絲，非常香呀，很好下飯👍👍新鮮菠蘿咕嚕肉係佢哋嘅招牌菜，果然香口，肥瘦適中，酸酸甜甜，新鮮菠蘿非常甜☺️奶茶同紅豆冰都係茶餐廳水準之上確實不錯，難怪飯點經常等位，被列入我們的開歺list🤣🤣

冬天到就好想食個鐵板餐🤗 就去左食過幾次既金記🙆🏻‍♀️ 🤩鐵板西冷牛扒$102 呢個牛扒勁大份，大過我個拳頭，勁厚身但肉質都夠腍唔會勁乾勁鞋，仲有薯條同蔬菜，勁飽勁滿足😋😋個餐仲有配餐湯同飲品，真係勁抵食🙆🏻‍♀️  😋新鮮菠蘿咕嚕肉$70 菠蘿鮮甜，咕嚕肉炸得香脆可口☺️☺️  😍中式鳳梨小牛排$78 呢個小牛排好香濃牛肉味，肉質嫩滑😎😎 🤗法蘭西多士$29 配左煉奶同糖漿，勁邪惡丫炸得金黄香脆，內裡仲有花生，見到都流口水🤤🤤  😙果占煉奶多士$20 見西多咁好食又叫左個烘底多士，脆脆既多士配上香甜果醬同煉奶真係好豐富🤗🤗  埋單$299，真係好足料又好食🤤🤤🤤 

｜金牌乾炒牛河｜ $62大碟夾抵食，有多舊牛肉、醬汁味道微甜充分滲透於河粉裡面，炒得唔會太乾或太濕～｜招牌鮮豬膶通粉｜$55豬潤都大大件腍滑有肉汁，湯底仲係藥膳湯底有杞子，連埋滑蛋多士，所以食完都好飽～｜麻辣口水雞｜ $118口水雞麻辣味夠濃，雞件好多肉嫩滑，雞皮又爽口又唔油膩，醬汁又香又麻又辣，食得好滋味～｜金記三文治｜ $44三文治材料好豐富，有雞蛋、蕃茄、午餐肉、芝士、火腿、生菜～配搭完美～口感層次都一流～

收工好肚餓，行過屯市見到呢間金記冰室燈光火猛，望落去餐廳環境幾舒服，二話不說就同朋友衝左入去。因為我地黎嘅時間較早，6點左右，所以吾洗等位😄自助取水，去食壽司就見得多，冰室就真系未見過，好方便，隨時可以系位斟熱水餐牌其實有好多吾同嘅選擇，有鐵板餐、咖喱、海南雞飯、粉麵、小炒、焗飯。但兩個人食吾到咁多野，所以最後我地只系叫左三個小菜四川重慶口水雞一望見就口水流，麻辣味好香，雞肉咬落去吾會「鞋」口，但以我個人黎講如果再麻啲同辣啲咁就perfect啦金銀蛋肉碎浸時菜睇見就知好足料！店員拎黎個陣時，我同朋友都嘩左聲，咁大碗嘅😅 ，皮蛋夠晒香，仲有好多菇，湯嘅味道濃淡適中京都肉排肉排大大塊配搭酸酸甜甜汁，仲有菠蘿同洋蔥🧅，好開胃整體黎講，食物味道同份量都好吾錯，環境又舒適，店員好有禮貌，價錢吾貴，下次都會繼續幫襯🧏🏻‍♀️

今晚又是不想煮的系列，所以就同囡囡食金記，方便快捷，又好味。今晚都是叫了一枱餸系列。鐵板海陸空有魚，雞全翼，豬扒。魚柳用蛋漿包裏然後煎，比起吉列來得更健康，還有蛋的香味，更保留了魚柳的滑溜，豬扒亦很大一塊，肉質不會柴，加上燒汁，鐵板餐當然要配薯條才夠邪惡，波浪型薯條懷舊。糖醋黃花魚即叫即炸，賣相不比酒樓的差。我們最愛吃糖醋汁，黃花魚炸得剛好，外皮脆，肉嫩，糖醋汁非常開胃，配白飯一絕。金記三文治即是公司三文治，即烘即整，加上沙律醬的味道，口感豐富。蛋白杏仁茶每次必叫，滑溜溜的蛋白，加上杏仁的濃稠，喝起來很滑順，養顏之選。

10年都未試過放工入屯門，不過朋友叫我陪佢睇樓就一於去行下，原來屯門市廣場而家變得咁發達。唔怪得知上次追星都追到屯門啦！睇咗幾間屋之後收隊，喺樓下見到排長龍的金記冰室，價錢經濟實惠，菜式都好多選擇，一於坐低再傾吓。 店員服務態度很好，殷勤敏捷，坐卡位舒適度高，自助下單，一目了然，衛生環境抗疫做得好，上菜非常快。自選小菜二人餐套餐自選小菜選擇非常多，我們都比較 old school ，揀咗最經典的。粟米魚柳兩款小菜都好啱口味，仲奉送白飯2個，粟米汁撈飯一流，魚柳炸得香脆可口，魚肉鮮嫩。新鮮菠蘿咕嚕肉新鮮菠蘿酸甜開胃，咕嚕肉仲係熱辣辣，炸得外皮脆口，鎖住肉汁，肉味濃郁，份量也不錯。老火湯幾清甜，有湯渣食，啱晒我哋無飯主婦。鐵板美式什扒男人就鍾意食肉，鐵板美式什扒夠晒多肉，最緊要係鐵板上熱辣辣。牛扒、豬扒、雞扒、煙肉、腸仔⋯分量夠晒大堆頭，而且全部都係肉，好開胃。汁底淋上黑椒汁，非常惹味呀！薯菜喺粗薯條🍟 沾茄汁吃真係回味無窮。羅宋湯雜菜餡料豐富，味道濃郁，招牌之選。白灼菜心，吃得健康一點。綿滑蛋白杏仁茶天氣乾燥，綿滑蛋白杏仁茶夠晒滋潤，甜度適中。凍杏仁霜男人就鍾意飲凍嘢，他說是澳門的杏仁香

約咗朋友喺屯門行街，行到攰諗住是但搵間茶餐廳食，突然間見到有間金記？咁幾時開到嚟屯門㗎 ？以前喺灣仔嗰間食過都OK，裝修新穎而且食物款式好多選擇，點都有款啱食！XO醬蝦球炒西蘭花蝦球都幾大粒，而且好彈牙，食起來無雪藏味，即炒好有鑊氣，配上XO醬，就連西蘭花都好入味，配白飯一流！XO海鮮炒公仔麵今晚特別想食XO醬的味道，公仔麵炒到好乾身，配菜可以轉雞扒或豬扒，海鮮配料主要有蝦、蜆肉、蟹柳等，夾起公仔麵就發現原來配料分量都幾多吓，食完碟底唔算多油再加錢轉了蛋白杏仁茶，平時真係好少見！杏仁茶唔會太甜，加上杯底有少許滾熟了的蛋白，感覺很滋潤！紅豆冰係去茶餐廳必飲的，呢杯的紅豆超級多而且係大大粒的紅豆！口癢點了份西多士，內裡塗滿花生醬，所以切開細細粒時仲可以貼實唔會散開，上面邪惡的牛油融晒，再加上糖槳，味道唔會有油膩的感覺，再邪惡都會食晒

係屯門市中心有好多嘢食，度度都咁多人，係地面街舖好幾間餐廳，諗緊食邊間，揀咗呢間金記。好，坐低睇下有咩好食先。呢度幾好喎，中西港式咩都有，我反而有啲選擇困難添。無骨海南雞套餐，配油飯，仲有湯，可以揀中或西湯，個羅宋湯都好足料，唔錯。海南雞好滑，無骨真係好正，可以大大啖咬，平時食雞我唔食皮，但呢個雞皮真係好好食，所以我食埋。伴碟仲有花生同兩個醬汁，薑蓉要黎點雞，個甜豉油汁要黎拌飯都唔錯。最後叫咗杯熱菜蜜。

其實我都幾鍾意食茶記，因為快靚正！今日黎到屯門人生路不熟，求其搵間餐廳食，估唔到又幾有驚喜我地叫左個麻婆豆腐火腩煲，熱辣辣火腩炸香過幾正，餸飯岩哂呀另外叫左個粟米魚柳，估唔到都幾大碟炸粉唔厚，啖啖肉另外加 ＋$16有個白灼菜芯除咗平時普通嘅咖啡奶茶，見到佢哋有桂圓紅棗桃膠茶梗係要叫杯試吓補補，一黎到估唔到勁足料，值得加配！最後口痕想食D甜野，所以叫左個法蘭西多士即叫即整夠新鮮，裡面既花生醬餡仲好厚添！整體價錢 大眾化，食物質素都幾高

屯門市中心開咗呢間金記已經有一段時間，小妹就等到唔使排長龍先嚟試吓啦首先呢度係用QEcode點餐既，當然都可以用傳統既人手方式點餐啦，小妹個人就比較喜歡手機落單啦，因為唔會落錯單同埋有好多細節位可以選擇今次試咗薑絲豬潤通粉，薑味好充足，豬膶就煮到啱啱好，粉嫩粉嫩咁，通粉好彈牙充滿口感好有質素既一碗豬潤通粉跟餐配埋牛油多士，可以選擇烘濃啲，啱晒我嘅口味炒蛋又可以選擇正常啦熟啲或者生啲，或者如果你唔想食炒蛋可以轉煎蛋，總有一個你會滿意

茶餐廳成日比人既感覺好似好普通，又細又坐得唔舒服咁但其實而家好多茶餐廳都越來越講究今次約左個朋友係屯門食個快飯，茶餐廳就岩哂啦見到金記冰室環境光猛而且座位睇落都幾舒服，所以一於快快決定揀左佢我自己都幾鍾意食小菜，所以叫左個茄子魚柳煲，＋$15就會有埋例湯、白飯同埋飲品呢個茄子魚柳煲色香味俱全，魚柳份量好多另外 ＋$16可以跟埋碟油菜，都幾抵食朋友就叫左個鐵皮美式什朳，有豬、牛、雞朳、煙肉同埋腸仔非常豐富，朳類味道醃得都幾好，仲煎得好香，90幾蚊黎講包埋飲品同餐湯性價比真係幾高

這一間金記冰室位於屯門時代廣場北翼地下，係一間中西式混合新派嘅冰室，店面環境都算寬鬆舒適😙，坐著感覺都唔錯🤔!.四川重慶口水雞(例牌) $68呢款口水雞好有四川風味🤔，賣相都好睇得吓，色香味都有😙😋，食到入口帶有小小辣都好野味，而佢嘅肉質都好嫩滑，味道都好有雞味😙感覺都幾好!.招牌豬潤通粉 $38呢一碟招牌通粉同以往有D唔同🤔，佢嘅賣相都唔錯，湯底味道配埋D通粉好夾😋，豬潤食到入口好有咬口帶點爽口，尤其是係通粉面放咗D彊絲蔥花紅籮蔔增添香味😙，食到入口更加好味😋!.芝士西多士 $38呢碟西多士金黃色嘅外皮外鬆脆內軟，包住香濃嘅芝士更加美味😙😋，加埋D煉奶食到入口外甜內咸味道特別🤔😋，口感感覺軟中帶滑口!.綿滑蛋白杏仁茶 $28呢杯杏仁茶味道十分之香😙，聞到好香杏仁味飲到入口又夠滑口味道適中😋，加埋軟綿綿滑滑蛋白相當之好好飲😋!.茶走 $20呢杯茶走聞到味道😙都唔錯，飲到入口味道恰恰好😋，感覺茶味都好夠都算唔錯🤔!.*我覺得價格一般，食物質素都幾好，值得試吓*