金記冰室 (屯門時代廣場北翼) (已結業)

沙嗲金菇肥牛粉絲煲 去茶餐廳，煲是必叫的😌呢個煲多牛、多粉絲、多菠蘿，好滿足，好飽肚😋另加咗碟油菜- 意想不到，碟油菜都幾大碟！。金記炸雞脾 - 會叫炸脾，唔係因為唔夠飽，係因為食炸脾呢啲真係童年回憶。傳統和尚跳海 - 好少見到呢杯飲品，見個名咁得意，於是就叫黎睇下係咩黎。等緊嘅其間，就上網睇下係咩黎。原來和尚跳海，係舊式茶餐廳先有嘅一個飲品。第一次飲，感覺都幾有趣。和尚跳海其實就係一款冇乜加工過嘅飲品—滾水蛋。滾水蛋會被叫做和尚跳海原來係因為一杯滾水加隻雞蛋再加白砂糖，當生雞蛋放滾水「跳海」果一刻，蛋白喺滾水入面化開並且慢慢熟透嘅情形，就好似和尚件袈裟飄下飄下咁，至於個蛋黃，就似和尚個光頭，所以就叫「和尚跳海」。