金記冰室 (屯門時代廣場北翼) (已結業)

有時幾個人食飯一個想食扒，一個想食中菜都唔知就得邊個時， 我就會決定去金記冰室， 因為可以解決哂大家的需要唔洗煩我 🤭。⚛ 鐵板美式什扒 ～ 薯菜黑椒汁仲有帶點辣的羅宋湯， 什扒疊到好高，有齊雞牛豬，腸仔煙肉超豐富。⚛ 無骨海南雞飯 ～ 油飯，餐湯轉羅宋湯，加錢要多碟白灼菜心，菜心夠甜， 海南雞幾滑。⚛ 韭黃叉燒炒滑蛋 ～ 叉燒大大件， 蛋味夠濃加左韭黃好香。🍹 抹茶紅豆特飲 ～ 謙謙大讚好味， 抹茶香得來唔會過濃有苦澀味， 配上甜甜的紅豆好夾。有時每樣食dd 都已經好足夠。