金記冰室 (屯門時代廣場北翼) (已結業)

又到下午茶時間了。今天上午工作忙，沒有時間吃午餐，只好等待下午茶時段了。屯門時代廣場的金記，下午茶時段一樣旺場，在門口取票也要等十枱，非常熱鬧。坐下來，每人叫了一個下午茶餐，中西都有。掃二維碼點菜真方便，還可以自選「少油鹽」等個人愛好，真貼心。🤣“金牌乾炒牛河”, 炒得夠鑊氣，河粉乾身，牛肉分量不少，而且很入味，口感極佳。👍“咖喱豬扒飯”, 大大塊的炸豬扒，香脆可口，咖喱香濃惹味，送飯一流。😋“特製豬扒包”, 有兩個，烘脆的麵包夾住大件豬扒，再配上生菜、蕃茄、沙律醬等，非常美味。喝一口港式香濃咖啡，為下午的工作振奮精神。金記餐廳無論服務、食品質素都有保證，難怪任何時間都其門如市。

金記咁多年歷史，無人會唔識，次次走入金記冰室都想食金記個西多配雪糕，難以抗拒，西多內軟兼且索滿牛油，然後配一口凍雪糕，爽。鐵板西冷牛扒，大份抵食，1條友食唔晒，餐配薯菜，包羅宋湯，一杯熱杏仁奶，其實同快餐店差不多。細個愛食鐵板燒因為聽到咋咋聲，今次淋汁聽到咋咋聲就知塊鐵板燒夠溫度，牛會更好味。口水雞醬汁間間都不同，我自己就愛金記撈既醬汁，麻香味重，但食落去又唔係好辣，係帶少少麻，自己覺得可以加啲芫荽會更好味。

今日同屋企人喺屯門市廣場行街，行完屋企人話食返啲地道小菜-菠蘿咕嚕肉，所以就決定去屯門時代廣場新開嘅金記冰室食下。同其他金記一樣，可以用電話下單，好先進，好方便。我地叫咗新鮮菠蘿咕嚕肉，屋企人最鍾意食酸酸甜甜嘅食物，個汁好好味鮮茄濃汁焗豬扒飯，豬扒都幾大塊，又夠厚，仲要有啲芝士喺上面，好味羅宋湯，都幾足料， 好多雜菜綿滑蛋白杏仁茶，好滑，好大塊蛋白，好香杏仁味鐵板吉列魚柳同雞扒，份量好多，薯條夠哂脆食咗咁多肉，當然要叫返一碟油菜

OT完超肚餓呀,喺屯門市廣場落車,梗係食埋返屋企．八點鐘金記仲有十幾人排緊隊,應該都好快啫,證明等質有保證😏😏等咗十多分鐘,店員服務唔錯,仲有好多細心位㖭😉q r code點餐，役情嚟講真係很方便,卡坐有自助熱水👍👍食肉獸嘅我點咗美式什扒餐,雞扒、豬扒、牛扒,可以配薯菜飯或意粉,食得雜扒餐當然去返熱辣辣嘅薯條最邪惡啦😁😁牛扒剛剛好七成熟,有少許粉红,雖然不是高級牛,但絕對對得住個價錢,火候拿捏得很好,就連豬扒雞扒都非常嫩滑😌😌配上黑椒汁,鐵板滋滋聲,好有童年嘅感覺😝😝羅宋湯好足料,稠稠的,酸酸地好開胃😍老婆鍾意食中式,揀咗佢哋嘅招牌鮮菠蘿咕嚕肉,大排檔質素,外皮炸到脆卜卜,醬汁酸酸甜甜🤤🤤四川重慶口水雞,中獎！雞髀位😬😬雞肉好嫩滑！唔會好辣，反而多咗麻香可以配埋我最鍾意飲嘅凍檸樂，凍奶茶添難怪八點幾都在等位啦，質素真心不錯！菜色選擇又多，價錢實惠😄

剛好到屯門逛街，短到新開金記在地下，茶餐選擇蠻多，坐位算夠，跟朋友休息一下。點餐用qr code非常方便，版面設計清晰易用。🤗鐵板雜扒餐配上羅宋湯，微辣夠酸開胃。黑椒汁另上，雜扒餐質素依舊，腸仔煙肉烤得外脆內軟，牛扒豬扒軟稔大塊，雞扒肉質厚實，還有粗波浪薯條，套餐一次過滿足不同願望！👍🏻👍🏻海南雞飯配上中湯解膩，無骨雞件嫩滑帶油香，加上微辣薑蓉和甜醬油，味道恰到好處，還有炸花生做伴碟。😋沙薑雞食肉獸的我們，再選了沙薑雞來試，雞件大大塊，剛好熟透能保持肉汁，沙薑粉不會過多，調味剛好。😙吃過下午茶都人來人往的，店員友善主動，一邊聊天一邊喝熱檸檬利賓納，酸酸甜甜，解渴一流。😘

這間茶記食物種類也算多，而且環境亦頗具特色，衛生條件亦不錯。我點了鐵板西冷牛扒，真的有點驚喜，沒想到這塊西冷扒是那麼大塊，當把蒜茸汁淋上鐵板時，啫啫的響，熱氣騰騰，香氣四溢，令我想起小時候吃扒餐的感覺。牛扒有點也不韌，而且有香濃的牛味。配上茄汁炒意粉，令人更有懷舊的感覺，不但好味，而且有人情味。這店的海南雞飯頗有水準，雞肉十分嫩滑，所配的甜鼓油真的很好味，濃淡適中，鹹甜得宜，配上滑雞，非常美味，值得一試。把鹹脆花生加在油飯上一齊吃，堪稱一絕，而且油飯不會過油膩，恰到好處。這裏的特色飲品也不錯，抹茶豆花和抹茶紅豆都好好飲，不太甜，頗具特色。豬扒包的麪包很鬆脆，豬扒香嫩，配上蕃茄及醬汁，很不錯，最好的是一份兩個，不會太大個，方便食，真不錯。

屯門區發展迅速，大型商場林立， 購物飲食一應俱全。 今日在市中心購物完畢， 往附近時代廣場金記茶餐廳用膳， 這間餐廳清潔寬敞，座位闊落，二維碼落單，方便快㨗，點了幾個家常餸菜。沙薑鷄雞肉肥美多汁有鷄味，肉質嫩滑， 沙薑汁很惹味，鹹度很合適。菠蘿咕嚕肉用新鮮菠蘿特別清甜，咕嚕肉炸得香脆，肉質保持嫩滑， 酸酸甜甜很開胃。魚香茄子魚腩煲熱辣辣夠曬新鮮，魚腩軟熟，配以鹹魚咸香，更加美味。XO醬西蘭花炒蝦球蝦球爽脆，西蘭花夠新鲜，XO醬好惹味，炒得夠鑊氣。這幾個家常餸菜，配白飯很合適，既温馨又滿足。

同老公兩小口子做節．收工收得晏，唯有屋企附近搵食啦,屯門市廣場新開咗 金記,一於試下佢啦😉地方喺大拇指舊址,地方都夠大,就算等位唔都唔會太耐,新開張裝修企理乾淨店員服務好主動．早餐午餐晚餐好多選擇😝叫個二人餐有飲品例湯小菜兩靚仔都係148．價錢絕對抵食😍鮮菠蘿咕嚕肉好有驚喜,餐廳嘅推介菜式炸得外脆內軟分很薄落去略有少少脆,醬汁酸酸甜甜好開胃，仲有青椒同新鮮嘅菠蘿做配菜,新鮮菠蘿好鬼甜呀🤩🤩xo醬蝦球炒西蘭花有鑊氣夠惹味呀．爽脆大大隻,西蘭花都好多☺️做節梗係要食雞啦😉叫咗半隻地道霸王雞,雞肉好嫩蔥油唔會太鹹,略嫌肥咗少少🤏例湯幾好飲，老黃瓜煲豬骨加咗陳皮,冇乜油．下火😜好抵食,148餐,份量足！夠曬飽小菜質素中上👍飯堂之列🥳

今日和家人去屯門市廣場購物，附近食肆甚多，各款美食俱備，大家都想去茶餐廳食嘢，原來金記近來也在時代廣場開了分店，正好吃個茶記餐，這裡地方也很大，座位也闊落。星洲炒米炒得很香口，配料有蝦，蛋絲和火腿絲等，辣度適中，米粉腍度恰當不油膩。干炒牛河河粉炒得夠鑊氣，沾滿豉油王，牛肉夠滑有牛味，洋葱配料也清甜，碟頭也足夠。咖哩鷄扒飯鷄扒煎得皮脆肉滑，肉汁豐富，咖哩汁也很香濃，撈飯很合適。炸鷄腿米粉炸鷄腿份量十足，外皮香脆鷄肉夠腍滑，配上湯米粉很適合。還有凍咖啡和凍鸳鴦等凍飲，享受美味茶記。

今晚去吉之島食飯, 見到有間新開食店好多人等位, 我八卦去望下原來係金記冰室, 由於晚飯時間,我同屋企人等咗陣好快就有位,服務質素都很好,坐低之後用QR code 點咗兩個餐無骨海南雞🐔飯配羅宋湯🍲海南雞已去骨,肉質鮮嫩, 雞皮又不會太肥, 配埋薑蓉和甜醬油好惹味, 油飯帶有淡淡油香,唔覺得油膩。羅宋湯有微微嘅辣,好醒胃、好飲凍檸檬菜蜜-甜度適中,唔錯芝士蕃茄焗炸脾飯焗飯滿佈茄醬和芝士賣相吸引,生炸雞脾炸得脆口又大隻,肉質嫩滑, 蕃茄醬濃郁,酸酸甜甜,滋味萬分雪糕紅豆冰-紅豆冰甜度剛好,紅豆粒粒分明,綿綿起沙,仲要加埋雪糕食,正！最後仲打包咗半隻海南雞

一直都唔知原來金記有咁多分店😅屯門分店開咗幾日，見門口唔使等位就入去試吓。樣樣都好新，職員都好多後生仔女。一坐低用QR code落單，好方便👍🏻下午茶金牌乾炒牛河😁買相唔錯，味道一般。但真係第一次食乾炒牛河見咁多牛肉🤭食極都仲有。河粉炒得好分明，最怕幾條黐埋一齊。最後成碟食晒，食到最後個碟唔多油👍🏻下午茶呢個量好OK😄焗豬扒飯塊豬扒好足料，味道一般，對得起個價錢。住屯門新餐廳可以一試，所有杯碟餐具都好新。味道一般但好足料，上菜速度好快，趕時間首選😃

沙嗲牛三舊勁腍用鬆肉粉乸過一舊好韌似橡筋👎🏼 得4舊牛肉咁大把 爽麵唔爽 沙嗲味淡得一粒花生碎 咁嘅價錢完全冇CP值焗豬有色冇味最高境界 都係用鬆肉粉乸過豬扒勁腍👎🏼凍奶茶係奶水冇茶味勁多奶 凍檸茶冇茶味爆甜 杯有怪味水亦有怪味根本係水喉水原本諗住試新嘢，點知𡃤曬嘢😭

屯門新開冰室，前幾日晚上去食左兩個茶餐都ok,佢晚市都有茶餐，麵加炒蛋麵包，及雞髀沙律公仔麵，係豬潤米粉豬潤少D，質素都好，於是去試吓午餐,因新開星期六中午都要等吓，等左15分鐘可入座，自助QR code落單及有自助斟水器都几方便，諗住試金牌乾炒牛河及焗朱扒飯真的有點失望，尤其是金牌乾炒牛河簡直買相又唔得,份量少，炒到過左火有D濃味，牛肉又碎完全冇咬口，朱扒飯朱扒有D厚度及淋，但𠆤汁偏甜冇乜茄味，面芝士ok有拉絲，飯就一般，要保住金牌美譽真係要努力，唯一可取是食物款式多及員工尚算有禮，價錢不算貴.

在屯市逛街看到金記冰室在這裡開了新店，所以決定進去吃東西吧🙈。店舖位置時代廣場地鋪，環境挻大涼快的。這裡是以掃碼下單方式點菜，可節省等待時間。-💥客家沙薑雞 HKD$68，這個是例牌份量，份量不算少。沙薑味道濃郁，帶點咸味挻花味。雞肉肉質滑身，口感煙韌無雪味🤤，用來拌飯不錯。-💥芝士西多士 HKD$38，可選配煉奶/糖漿，熱辣辣吃口感挻好。西多士煎到金黃色，外皮帶點脆🤩，口感軟綿綿不太油膩。裡面加了芝士，帶點半溶狀態，咸咸甜甜的挻特別😚。-💥金牌乾炒牛河 HKD$50，這個上菜時聞到很香的味道，可選擇少油少鹽，可以吃得健康一點😆。牛肉入味肉質不韌，河粉口感滑身不油膩。-💥炸雞骴配薯條 HKD$40，雞骴大大隻份量十足🤩，月雞皮炸到脆卜卜，雞肉飲質不會太韌。另有薯條拌著吃，薯條熱辣辣吃口感脆身，配著茄汁吃味道更好。-飲品方面點了茶走/熱杏仁霜/熱蛋白杏仁茶，飲品味道香濃。食物質素不錯份量挻多，價錢一般。

超級垃圾嘅食物，個蕃茄牛舌飯完全凍凍嘅同d牛舌已經唔新鮮。杯凍奶茶d冰已經熔哂！落錯單死都唔承認！對不起都冇句！今時今嘅服務態度真係好唔掂，我對金記冰室撤底失望，一定不會再幫襯！