金西南米線

营业中

休息中

我：2份牛肝菌黑框眼鏡男店員：唔可以兩份，我邊夠比其他客我：咁一份牛肝菌，墨魚頭，通菜，走肉碎，多蔥黑框眼鏡男店員：洗5洗多芫荽我：好啊碗米線嚟到，只見多芫荽，見5到多蔥我：冇蔥嘅黑框眼鏡男店員：d芫荽遮住咋我撩開d芫荽，都5見有蔥我：冇遮住喎，真係冇蔥黑框眼鏡男店員：你要多芫荽就唔可又多蔥，一係你加$5蔥我：係你問我洗5洗多芫荽，你頭先冇話多芫荽就5可多蔥請大家評吓理。有食開這間食店嘅你應該都領教過店員們的服務態度。1. 我認為黑框眼鏡男店員可以話今天5夠牛肝，介5介意要其他；2. 黑框眼鏡男店員冇事先講明要多芫荽就5可多蔥，而且係佢主動問我要5要多芫荽，嗰少少蔥值幾錢? 咁做生意5掂喎，反口覆舌，堅。做到咁衰，幾好味都5會再來，何況味道5係特別出眾，只係一般麻辣米線，態度就出眾

有晩行完 Time square，見有少少餓，諗起附近條街有好多選擇，於是去睇睇。最近天氣好熱☀️，又成日想落雨⛈，好悶熱🔥。見到有間米缐鋪，心中即時想起'酸辣'兩字！入到去坐底，當然第一時間睇餐牌啦。見到有雲南小鍋米線，又有重慶酸辣紅薯粉。我即刻揀左重慶酸辣🍜，因為小鍋周圍都有，但紅薯粉通常要係街邊食，仲要坐得唔舒服！我叫左小辣，一心期待着一碗香噴噴嘅重慶酸辣粉。點知碗粉上到枱覺得好奇怪，首先係湯底嘅顏色，好似加左雞粉咁淡黃色，而且一啲辣嘅感覺都冇！於是我同個侍應講，佢話如果唔夠辣就加面前嗰啲辣醬。然後又好關心咁問需唔需要俾多啲肉碎你，佢話因為啲肉碎係同辣椒一齊整所以加左會辣啲....佢講完啲肉碎之後，我突然間醒左！通常係小窩米線先會有肉碎，而且我你想講好似小窩米線多啲。所以我再問個侍應係咪落錯左單？因為我叫嘅係重慶酸辣唔係雲南小鍋！！點知佢竟然答我，兩個都係一樣！我呆左一秒然後再問佢： 「點樣係一樣呀？你意思係我就算叫邊個，個湯底都一樣呀？？」結果佢真係答我 :係！其實我已經好嬲😡，佢係咪覺得自己講嘅嘢好合理？過左一陣，佢又行埋黎問要唔要加肉碎。😑其實佢究竟明唔明，唔係加肉碎嘅問題。

係銅鑼灣搵碗粉面, lunch閒閒地都要三四十蚊公司附近的都試暈晒咁濟,今日行遠少少黎到登龍街試食呢一間未吃過既米線。一碗米線$25, 當然要加D送食既~於是叫左個"醬爆鯊丸星豆腐燕餃"米線, $42叫左個清湯試真下味先。不過真係估唔到, D米線比較少 (比起其他差唔多價錢既米線食店黎講)我食量不算多, 今次食完都覺得飽, 只是剛剛好。同埋好像沒有莞西, 因為听到隔壁枱有人說要加莞西, 收多$5...如本身有點莞西加下味道會香D好味D,不過這只是個人口味XDD湯底:勁咸...不知道是今天重手了,還是本身係咁咸。平時會吃面連湯飲的我,今次真係飲唔到。由於太咸既關係,沒太喝到是豬骨湯底還是什麼..米線: OK不錯,不會太過軟或硬。醬爆鯊丸: 很一般,裡面沒有醬爆, 可能煮得太耐了。同埋食到有大舊既碎骨, 吃的時候要小心D啊~星豆腐&燕餃: 都OK, 普普通通。份量少,很快就吃完。吃完之後出左去買水飲,一下子飲左大半支(...笑)如果米線份量多返少少, 同出面米線店既差唔多, 就會好D喇。

去到今期糧尾子 仲要去到銅鑼灣上堂上緊堂都諗緊今晚食咩好呢?! 附近都最少要6 70蚊先食到個晚飯無理由去掃個街咁唔健康架嘛 話晒都係正餐黎行到去登龍街 見到有間米線舖 望完個MENU 發現都可以食平少少喎 慳得一蚊得一蚊啦!!! 一卜個月先再食過好野有配搭好既米線組合 都有一淨米線咁自己再配搭價錢上係呢區真係合理架喇 側邊個啲要兩碗以上價錢先食到架最後揀左呢個木耳貢丸米線 加 炸醬 小酸辣呢排天氣又濕濕地 食少少辣可以去一去濕 個人唔洗咁攰同咁易病木耳好爽口 佢用呢隻係鮮木耳 所以特別好咬有口感而貢丸唔知點解我食到有芝士味 哈哈!! 但我又唔覺佢有芝心或者寫住有芝士唔緊要啦 芝士味原來同貢丸又OK夾到喎!! ANYWAY 炸醬就少左啲囉 一PAT咁多 仲要我加5蚊 好似唔係咁抵米線幼同埋比較林身 我米線都OK呢隻口感 不過如果硬多少少可能仲好湯底岩晒我呢啲又唔食得好辣既人 但又想食下調下味 不過42蚊可以係呢區食飽 同唔係伏 都算係咁喇 

港女呢個名詞實在太深入民心，好多時大家都會認為女生們都係十分之現實，鍾意高級野，食好西，唔係要食日本餐家，就要西餐，法國菜。其實大家又知唔知道唔係每一個女仔都咁需要食好西着靚衫買貴野，我呢，就好想搵到一個同我一齊食米線嘅男人。可能大家會出奇唔係啩竟然鍾意食米線？我嘅要求十分之簡單就係想搵一個願意同我食平嘢，掃街，Dook 魚蛋嘅男人。因為生活本身就唔離地，又點會要求別人一定要識飛呢？米之蓮幾星餐廳冇食過？其實，點樣都唔夠一碗雲吞麵家艇仔粥或者雲南米線好。每一次去完旅行返到嚟香港第一時間就會食返碗雲吞麵或者打返屋煮個出前一丁，呢個係習慣都係習性。今日我又來到我最鍾意食嘅金西食雲南米線！呢度最出色嘅就係腩肉同埋牛肝菌，牛肝菌長期去到晏晝四點鐘就賣晒呀！是日去食嘅時候已經無囇！點左一個金牌腩肉米線配付竹同埋豬膶，湯底揀咗比較少有嘅麻辣湯，當然呢度出名嘅係酸辣湯底啦但係佢嘅麻辣湯亦都十分出色。用上十分足了嘅花椒胡椒等等，香濃無比，另外呢一度嘅米線比較優生而且富彈性，特別好味！金西吸引我嘅地方就係任何時間無論午餐下午茶定晚餐，佢嘅份量都係超級大，無論係米線配菜去定係你叫嘅餸都一定會食得你飽！眼見

行完街 有d肚仔餓妹妹話好似好難搵但幾好味嘅米線舖仔雖少 店員亦好似不多但一入舖店員即安排好位置餐牌一目了然Order左米線後就"極速"上菜涼拌米線(極少辣)好惹味 加左竹笙 撈下撈下 辣味慢慢浸出唔似好食得辣嘅我都受得到本來想叫牛肝菌米粉 左售罄所以叫左個小窩米線(中辣)加左大腸同魚腐妹妹話呢個辣度啱啱好啵雖然第一次嚟食但我估腩肉應該係最好味因為坐喺間舖咁耐最多人加嘅餸就係腩肉等我下次再嚟試下先

之前陪個朋友去銅鑼灣買野, 同個SALES勁ARM傾, 佢推薦左我地食金西南的米線。今日一試果然有料到, 真係幾好味呀!!!首先睇下MEUN先~腩肉似乎係佢地招牌配料, 當然要一試拉。加上本人中意薯粉, 所有叫左腩肉薯粉少辣多酸。其實佢連多芽少芽都可以自己揀, 幾好呢~油菜, 叫左芥蘭, 有D硬不過, 吾知係芥蘭原本係咁定滾吾夠。朋友吾食得太辣, 所以揀左清湯米線, 配料都係要腩肉, 但腩肉本身就有小小辣, 好彩佢都食到。

位於銅鑼灣食街，仍能找到二十五元一碗麫確實難得。抱着一試無妨的心態,點了一碗重慶酸辣粉和海鮮卷。舖內環境不俗，座位空間合理，店員也十分熱心。海鮮卷先上，新鮮炸香味十足。咬落有酒樓影子，二十元能為晚餐加餸，也算合理。酸辣粉隨後送到，確實有些失望。重慶酸辣粉配料是重點，可惜碗中只有少量花生和酸菜,湯底也不夠濃，少辣的辣度真是太少了吧。不過，這家店絕對是附近上班人士的便宜之選。

從金西南米線銅鑼灣舊舖一直幫襯到而家，米線愈來愈細碗但慶幸水準還在，但昨晚再度光臨卻遇上不愉快事情，經此一役，金西南從此不再在我米線名單上！話說昨晚懷著興奮心情到金西南，入去時有一哥哥仔熱心帶位，很快便坐下了，我們坐了一會，哥哥仔亦很俐落地幫我們落單，米線亦很快送到，一切看似沒有問題，但食了一口，問題便來了：點解d米線咁生嘅？！好似食緊鐵線咁！酸菜又得兩粒，令湯不夠濃味！腩肉味道還好，但肉質好乾同'鞋'，本想叫廚房幫我整過d米線，但心想可能只是一時失手，無謂搞咁多嘢而作罷。之後快快食完埋單，戲肉便來了，張單$81,我老公比$101佢，個老闆竟然話我地個1蚊污糟唔收！但個1蚊只係黑左d,完全無油無其他污糟嘢！跟住我老公再比5毫同2毫個d佢,佢又再話唔收毫子！我老公超嬲，問佢話呢d唔係錢呀？佢話我地唔收毫子嘅，呢度寫左(佢指牆上notice,但我老公唔識睇中文的),你唔再嚟完全無問題！最後仲找左$19勁散嘅散銀比我地(我地就係唔想要散銀先另外比1蚊佢，點知個老闆玩嘢)其實佢唔收毫子無問題，但一開始比1蚊佢唔收，個理由唔合理，態度又勁差，為個1蚊得罪個客真係值得？咁得閒同個客拗埋d雞毛蒜皮嘢

開完OT都未食晚餐，在小巴站附近搵食，呢間米線店開咗好耐都未試過，今日就試下，普通麵店格局，外賣在門口收銀落單，店員都有比啲意見我參考，食物都好快出到，店員爽手包好就交比我！回家打開！涼拌米線配松茸豬肚（$36）：小辣，肥髀都食到！豬肚較硬，好在餐廳都切得細，食到，自己一向鍾意食菇菌，本來想叫牛肝菌（濃味啲）但今日無，所以改了松茸，一聽松茸好像很高級，但食落只係覺得好滑溜，唔覺濃菇味，米線淋身但中間夾雜啲硬硬嘅米線，好似煮唔透咁，雖然唔多，但都覺得一間以米線為主嘅店爭啲！配菜仲有有衣爽脆花生，同酸菜，增加了口感同風味，但份量就好細，我食完只係唔餓，男仔一定唔夠飽！

是晚獨個兒去搵食，身處於銅鑼灣，一定唔担心搵唔到食。行吓行吓行到登龍街，宜家成條登龍街成條好似食街咁，有平有貴，好多選擇。話雖如此，自己一個人食嘢當然揀啲平靚正嘅嘢食。最後揀咗一間叫「金西南米線」來作為我嘅晚餐。一入去就已經有位坐，之後又好快手揀咗「腩肉配紅薯粉，加一杯凍檸茶」，因為本人實在太肚餓嘅關係。過咗一陣，好快就有杯凍檸茶上，講開杯凍檸茶，首先自己冇要求嘅情況下，即冇話少甜，少冰，多乜…….結果出到來杯凍檸茶，好淡口，希望店主能改善一下。不過咁呢杯凍檸茶只需$6蚊，嘩! 真的好平!當然大家都要幫襯碗米線先啦。之後好快我碗少少辣嘅腩肉配紅薯粉，首先講吓湯底，好微辣湯底加上有啲酸菜，芽菜，都算好味。我今次只係叫咗腩肉一味送，佢哋啲腩肉，嘩! 好好味，佢哋整到啲腩肉好入味，有好少嘅辣味，$5蚊一味送，算抵啦!加埋杯凍檸茶都只不過$36蚊，係銅鑼灣喎，好OK啦! 

第一天在銅記上班，最擔心就是午餐太貴，在找友人吃過的拉麵店時意外找到這家，看到才二十多元就有一碗麵馬上走進去。點的是腩肉米線，小辣(不會吃辣又愛吃辣)湯很一般但沒有太多味精不會渴，裡面有芽菜韮菜還有酸菜跟肉碎，味道偏酸辣但其實很淡，愛吃辣可以點中辣，麵偏硬。但腩肉好好吃！最推薦就是腩肉了！在一碗味道清淡的米線裡，咬下那塊鹹而香的腩肉，把酸辣的米線帶出鮮味。重點是，留在桌面上的單寫著，跟餐飲料是不要錢的，因為是下午茶時段！！！！感謝老細在我準備去吃飯前留我搬貨，才趕上下午餐的價錢！$29一碗米線連汽水，抵到爛！

自從觀塘的分店關門口，已很久沒嚐過金西南的米線。在openrice找到這間新分店，但一直都沒食評，都不肯定這店是否還在。我的新工巧合在這分店附近，上個月提議同事過來試試。幸好，真的找到了。同事也頗喜愛我這個介紹。這天深圳同事出差來港工作，我與同事便帶她一起來吃米線。我選了竹笙與蟹粉蟹子丸，很愛竹笙吸收了酸辣湯，味道更惹味。這兩款也不是其他米線店常有的配料，或許這個原因，總令我對這兒念念不忘。這兒很貼心…不止酸與辣可多可少，連米線也可多可少呢!深圳同事也很喜愛這個介紹，她說下次來港，可以多一個選擇了。唯有不好的地方，是在等待時，店員便催促落單，每次都要急著落單，沒太多時間給我選擇。不過，入座後，便很快有得食，亦明白小店經營不易，唯有作配合。噢…我因此亦在急趕中忘了其實想點麻辣呢…唯有下次記著吧！