影片
营业时间
今日营业
11:30 - 22:00
星期一至日
11:30 - 22:00
以上资料只供参考，请与餐厅确认详情
收工冲入金西南谂住求其食碗米线，点知$241叹到两主食＋五小食＋两饮品，饱到宵夜糖水都悭返！好食到变光碟🍜 汤捞双雄｜酸辣对决► 酸辣小锅米线 + 猪润$9 + 卤水鸡翼$9 + 鱼腐$7 汤底一上枱白醋香攻鼻，BB辣温柔带微麻，啱晒怕辣又贪刺激嘅我！猪润切到啱啱好，灼到刚熟粉嫩冇渣；卤水鸡翼炆到离骨，嗦一啖卤汁直冲喉咙～最惊喜系鱼腐吸汤超海绵，咬落爆出酸辣精华！韭菜堆成小山，夹住米线嗦嗦声食超爽。► 凉拌米线(冻捞) + 墨鱼丸$9 + 生菜$7+酸菜 $3捞米线嘅秘制麻辣油坚邪恶！小辣麻香后劲似按摩，捞匀多到泻嘅酸菜肉碎，每条米线挂满红油金光✨ 墨鱼丸弹牙到可以打乒乓，生菜索咗麻辣汁，脆辣过瘾～🍢 小食三重奏｜$12起跳抵到笑► 椒盐炸烧卖$12：外皮炸到蜂巢脆，猪肉馅热辣辣爆肉汁，洒满椒盐咸香到舔手指！► 泰式炸鱼饼$25：柠檬叶香气超突出，鱼肉混青豆粒增加口感，点甜辣酱食秒穿泰国～► 日式捧饺$25：脆皮似薯片！点红醋仲可以解腻。🥤 饮品神助攻► 冻华田$0(跟餐)：少冰真系得三粒！阿华田浓到挂杯，甜度刚好中和辣味。► 冻豆浆$0(跟餐)：豆味浓到似食紧豆腐花，冇渣又够冻，饮到尾都唔淡。💡 下午茶必杀技✅ 所有「多字头」要求完美执行（酸菜多到遮住米线！）✅ 冷气够冻食辣唔流汗隐藏攻略：1️⃣ 下午茶时段(14:30-18:00)2️⃣ 炸物即叫即制，上枱5分钟内食最脆
继续阅读
以前响Times Square返工，成日嚟食！今日再食已经唔系我心目中嘅金西南，太失望。萝卜超恐怖，劲腍，真系唔知浸左几耐，腩肉劲咸劲鞋，米线超腍～唔使再嚟无下次！
继续阅读
铜锣湾金西南米线已开业多年，最近重新装修，风格变得像韩式食店般，环境干净企理，扫 OR CODE 落单，简单快捷下午茶拌米线 $38夏天怕食到成身汗，拌米线分热同凉拌，份量十足， 口感爽滑配料已包括辣肉碎、酸菜、芫荽、葱、花生！ 𩠌拣左竹笙（+$9）、盐香手撕鸡 (+$15) 鸡件以盐水腌制，鸡肉唔会太干，另加了多一份炸酱令拌米线更加惹味😄酸辣小窝米线 $38汤底点了BB辣度好开胃，裹面加入大量肉碎，必点金奖腩肉 （+$9），半肥瘦食落会更加香，墨鱼头（+$9）夹脆鲜味，仲加了猪大肠（+$9）同鲨鱼丸（+$15），可自选𩠌多选择小食加左最爱藤椒鱼皮 $25鱼皮爽口弹牙，又香又麻泰式炸鱼饼 $25即叫即炸热辣辣通菜 $20翠绿通菜，食落无揸🎈金西南米线🎈登龙街41-51号金龙大厦地下D号舖
继续阅读
「金西南」我已经食咗十几年🤫而家店舖新装修，比之前更加光猛明亮，点解我钟意食呢间米线？系因为有牛肝菌同松茸，其他米线舖食唔到架👍🏻仲有每次必点嘅金奖腩肉，食过你一定返唔到转头😋今日下午茶时间黎食，仲有饮品送添🥳酸辣小窝米线金奖腩肉｜墨鱼头｜牛肝菌｜萝卜中辣对我黎讲啱啱好，汤底里面加入大量肉碎，可以根据自己嘅喜好选择多葱/芫荽/芽菜/酸菜，必点嘅金奖腩肉带有点肥肉，食落会更加香，微微辣非常入味，墨鱼头爽脆鲜味，牛肝菌有两种不同嘅口感，菇嘅顶部位置又滑又腍，菇柄位置就比较爽脆，营养丰富又鲜美👍🏻萝卜软腍又多汁，大大碗有足料酸辣小窝米线金奖腩肉｜炸酱｜卤水鸡翼｜猪皮｜牛肝菌朋友仔食唔到辣，佢嗌咗BB辣就话啱啱好😆我同佢交换咗啲𩠌食，一大羹嘅炸酱全部都系肉粒，少少辣配埋米线食好正👍🏻卤水鸡翼卤得够晒入味，一啜已经脱骨，猪皮超大一片系酸辣嘅口味，爽口又Q弹藤椒鱼皮鱼皮香辣爽脆，藤椒嘅口味入口又麻又爽，店员再帮我加咗花生同芫荽令口感更加丰富，真系会令人食唔停口😋炸海鲜卷网状嘅外皮酥脆香口，满满嘅馅料份外鲜味，配上沙律酱更加美味📍金西南米线 (铜锣湾)铜锣湾登龙街41-51号金龙大厦地下D号舖人均消费：$50-100食物：⭐️⭐️⭐️⭐️⭐️环境：⭐️⭐️⭐️⭐️服务：⭐️⭐️⭐️⭐️⭐️回头率：⭐️⭐️⭐️⭐️⭐️
继续阅读
「临尾朋友饮咗啖豆浆，即刻举手叫多三杯，话：『真系坚好饮！』呢个就系我哋喺嘅压轴惊喜！我哋今次专登试佢哋招牌嘅，一碗走辣肉碎嘅「唔辣版」（$95），另一碗就拣「小辣」（$71）。走辣𠮶碗我落足心机自选配料：浸透汤汁又冇异味，咬落肥糯带卤香；（+$6）咸鲜惹味，捞埋汤底食超夹；仲有得意嘅（+$9），吸汤之余口感软弹，小朋友实钟意！（+$9）微辣香口，肥瘦啱啱好；走辣版本弹牙唔油腻。重点系「多葱多花生」嘅要求完全满足，花生炸到脆卜卜，捞埋米线食层次即刻升级！朋友𠮶碗小辣汤底酸香醒胃，辣度温和唔呛喉，配埋（+$15）咬落爆汁，同腩肉双拼够晒满足。饮品方面，（$3）真心要赞——豆味浓得嚟清甜，冰凉解辣，难怪朋友饮完要即时encore三杯！我自己杯（$9）少冰够贴心，蜜糖甜度平衡，啜一啖即刻中和咗米线嘅浓味。两个人食到捧住肚，埋单（免加一）真心抵食！米线分量足，配料价钱明码实价，尤其豆浆咁高质，经过附近绝对会再encore，仲要学朋友话斋：「记得叫多几杯豆浆慢慢叹！」
继续阅读