金西南米線

营业中

休息中

之前港🐷都介紹過唔少登龍街美食 除左日式餐廳 仲有平民啲嘅粉麵舖 食得多連鎖嘅 都可以試下呢間低調抵食小店😁----------豬大腸小鍋米線 ( $34 )賣相係一般 但份量超多 米線啱啱好唔太淋 酸辣湯香濃唔會太重味精 不過鹹左少少 叫左小辣都唔算辣😂 豬大腸大大粒 而且都有成6、7舊 都幾入味同淋☺️ 港🐷走左青(芫荽 韭菜 ) 喺銅鑼灣黎講 呢個價錢都算唔錯😬-最平$27可以食到#雲南小鍋米線 重慶酸辣紅薯粉 額外加餸每款都係$5-6 而且可以「多米」 唔怕份量少唔夠食 真係好抵食呀!-P.S. 下午茶時段 (1430-1600) 仲送飲品～

在銅鑼灣要吃得便宜真的很難，現在茶餐廳也要$60，除了米線之外，也别無選擇了。而譚仔和南記我也吃到有點悶了，今天下午本來想去譚仔，但沿路經過金西南米線，見價錢合理便進去試試。本來想要雞肉，但它們只有雞絲，有點失望。最後我點了魚皮餃雲南小鍋米線，小辣對我來説也不太辣，湯的味道酸酸的，有點像雲桂香那個。魚皮餃也有三，四粒，還有點肉碎，芽菜和韮菜作配料，很豐富。寶寶點了腩肉小鍋米線，還可以叫多米。腩肉味道也不錯，入味而不韌。

呢間米線嘅style係類似雲貴香，主要係食酸辣湯底嘅～如果唔係朋友推介都唔識走入去食，因為呢度位置都幾偏僻，細細間唔多起眼～朋友推介熱撈米線，佢話同出邊嘅撈米線唔同，呢度係會加埋豉油汁，所以特別惹味～由於本人鍾意食湯米線多啲，所以叫了腩肉黑木耳小窩米線，清湯底～外表睇落平平無奇，但味道又真係幾驚喜首先佢嘅米線都幾彈牙，特別鍾意佢哋嘅湯底夠香濃，加埋莞西芽菜等配料，雖然清湯但幾好味～但最值得讚係佢嘅腩肉，腩肉厚切，夠淋同入味，而且唔會好多肥膏，所以口感好正，值得一試另外黑木耳同墨魚頭都唔錯，兩者都好爽口，同米線好夾～佢哋仲可以免費加底，但女仔食嘅話唔使加底都好夠飽～總括，我覺得呢度嘅米線味道同價錢都幾好，會令人回味

話說下午茶時間，想打個電話叫個外賣，聽電話嘅姐姐要我等咗佢幾分鐘，平時食過都知佢哋有啲忙，咁我都等咗陣，但到佢問地址我講唔清楚，佢都無好好同我講，即時cut咗我線！以為佢唔小心收我線，於是打番電話去，打好耐至有人聽，到聽電話問佢做咩收我線，佢話佢哋好忙喎！仲有大大聲鬧人！朋友都話唔好再食佢，怕佢哋加料唔洗食哩間嘢都出名無禮貌，無諗過我等咗佢幾分鐘聽佢同其他人講嘢，佢都咁無耐性接我哩個電話仲要咁惡鬧客！哩世都唔洗我再幫襯佢！

成日都食譚仔、南記，會唔會想食其他特別嘅米線呢？今次黎到一間位於銅鑼灣嘅米線鋪！金西南米線位於登龍街；至於登龍街係食街黎，我點解要簡依間呢？話說有次中午時間，我係銅鑼灣''搵食''，見到呢間食店望落好平凡喎，但入面都幾多人咖，於是我就入去試下喇！食完發覺，味道幾驚喜，一試就愛上其實我今次唔係第一次食呢間米線，至於愛上呢間米線嘅原因，係因為佢嘅酸辣小鍋米線既酸而唔鹹，食完唔會好口渴，又好頂癮！今次係夜晚食嘅，可以睇到個menu，係銅鑼灣地段，呢個價錢已經好實惠！飽肚又唔算貴，我嗌左野食加飲品大概30幾40蚊，不過，如果係下午茶食，仲包埋飲品！今次我嗌左嘅係雞絲豬潤酸辣米線，雖然賣相一般，但我欣賞佢嘅米線係彈牙嘅，煙煙韌韌。湯底好香，唔會太酸太濃，但配合埋芽菜、青蔥、芫茜、韮菜同酸菜，好似好普通，但又幾有風味！至於配料，其實睇落份量的確係幾少，呢個都係一個不足之處，可能銅鑼灣地段租貴，呢個價錢都唔要求咁多喇！整體而言，呢間米線味道唔錯！大家係銅鑼灣想食一餐經濟d嘅時間都可以試下！

講起米線唔少人都會諗起連鎖嘅譚x等等....但呢間米線真係值得一試 係同出面嘅有唔同。佢嘅米線係幾彈牙有咬口 但最值得試嘅反而係佢嘅薯粉 同其他成日食到嘅唔同 一般嘅都較硬身同難夾，但呢到嘅薯粉係十分軟身 直接吞都得🙈 如果配埋腩肉個湯底就更野味！另外我最鐘意嘅就係叫佢地嘅口水雞 個汁真係一絕👍🏻👍🏻佢下午茶餐仲送埋野飲 都幾抵🙈所以鐘意食米線 雲南野嘅朋友可以一試！

這間店主要推介麻辣米缐，佢既麻辣係非常香，鐘意食辣必去。👍首推腩肉，牛肝菌，大腸，雞絲，菜肉雲吞👍可選擇不同辣度，走/小酸👍可選米缐，薯粉平均消費：$50/位，性價比超高

大家來到登龍街的目的通常都是攻著拉麵而來的，這間不起眼的雲南米線店自然被忽略了，本身很喜歡吃米線的我，除了常常光顧附近的連鎖店，都會到處找尋發掘別的米線店，這次就想一試這家店！點完沒多久，熱熱的湯麵就端過來了，湯底濃味，配料入味，這次揀了紅薯粉，夠彈牙，配料如韭菜、豆芽、蔥花、芫荽、連粉麵份量也可自選多少，跟出面相比，這裡給食客多了份細心。幸好這家店沒令我失望，份量大大碗，材料挺多，十分飽肚，而且經濟快捷之選，下次再來！

其實我覺得呢間嘢幾好食點解咁多負皮？但係佢嘅食具真係極度污糟個杯聞落去好似洗潔精嘅味但係飲落杯華田又好似冇事筷子同匙羹都好似畀人蹂躪左好多年已經全部甩曬色真係極度恐怖坐得又唔舒服其實如果唔裝修下都應該換下啲食具雖然唔係我心目中嘅辣麵但係佢嘅麻辣真係夠麻夠辣 都算唔錯但係真係幾油下米線又夠彈牙叫咗少米線都好大碗淨係叫咗一個餸都已經飽到上心口唔怪之咁多人呢個餸係豬大腸都算唔錯唔會太肥又冇豬躁味你係估唔到服務真係幾唔錯好勤力

九十後朋友介紹的米線店，說非常好吃，值得一試。這店我曾路過，但要不是朋友介紹，我想我並不會特別去試，原因是經常客滿，要擠在一有限空間來吃辣並不容易。外在條件並不影響食物質素，點了碗腩肉雞絲木耳菜肉雲吞小鍋米線，湯濃，配料入味，米線、蔥、芫荽也可選多少。整體來說是區內一不錯的選擇，而且價錢便宜。要說米線之一二，此米線比較接近燜煮類的米線，但看其煮法，實質就用上比較濃的湯底，配以車仔麵式的餸菜。好吃的米線必須將配料與米線同煮之，不然直接吃車仔麵。要我選我喜歡的米線店，我想我還是喜歡曾經在永隆街的譚仔，那時候，每碗米線用上新鮮的配料後後慢慢的用心煮，那種鮮美，是沒辦法能比較的。當九十後在說著那裡的魚蛋有多好吃，而我們還沉醉在那些年的陳皮魚蛋的時候，不是誰的錯，土地問題，此情不再………

去過幾次，但又唔算真係好好食的米線，而且份量超少但湯底幾味精，環境衛生一般地板係油立立。價錢響銅鑼灣來說算係平(唯一的優點!) 所謂的招牌牛菇菌咪其實係D酸汁菌，墨魚丸、腩肉之類的就無驚奇，連最簡單的菜肉餃係散的！不得不提呢間店的特色，佢嘅的人就知道一定有共鳴！呢間店的特色就係-受氣！最最最最衰就係店裡面坐櫃檯的黑色眼鏡男人(疑似老闆)...黑口黑面都算，態度個個要佢乞食一樣！無論你1個,2個人或者4人，繁忙定空閒食段都要你塔檯,係迫到舉手用筷子食米線都困難的迫！最絕係有一次想話唔坐入面最迫的位，打算響外面等一陣想等個鬆動D的2人位，個眼鏡男人居然話"咁你不如下次再來啦⋯"，哇..態度真係香港一絕! 好心你得閑顧下一下你間店個地板長期都油淋淋，D枱長期立chichi，改善下環境先寸啲客！生意唔係咁做的，遲早走曬D客...不知所謂的米線店!

男友是米線愛好者，早前發現銅鑼灣有間裝潢不起眼既米線店！於是今天約他一起去試試看！2點到達，午飯時間剛過，不用等位！滿心歡喜！餐牌選擇與一般米線店無咩分別，我叫了豬潤熱拌米（唔辣，走肉醬），男友很喜歡食辣，叫了大路的腩肉豬紅熱拌米（小麻辣）！不用多久食物送到米線很林身，醬汁的顏色與味道似是蒸魚甜豉油好在份量剛好，不會過咸！但豬潤太過乾身，唔夠漱滑，還有改善空間，而男友個碗太辣了，我只嚐了腩肉及豬紅各一件？腩肉厚薄適中，豬紅滑dodo如果店員再加d笑容就好了下次再來要試下有湯底既呢⋯⋯繼續shopping去

好味的涼拌米線在香港不多。米線要有彈性，涼拌汁要少咸。這裡就做得很好。涼拌汁不咸帶點甜，少辣也是慢慢辣出來，十分過癮。如果下次黑木耳能切成絲就好了。酸菜是必點的！

話說呢間米線由中學嗰時食到依家，大大話話食左有10年，由舊鋪食到去新鋪，味道始終如一，都係甘好食，唯獨有時d辣度嘅控制爭d，一時太辣，一時就唔辣。呢到米線有酸辣或者麻辣嘅口味，我起初係食酸辣，食食下轉左麻辣，貪拒香d，仲有d麻麻地嘅味夠刺激。首選推薦係牛肝菌同松茸。出面好難有嘅兩樣菇類食，去到d雲南的店鋪買呢兩種菇，唔知點解又好貴，所以呢到食最好。今日牛肝菌無貨，食左松茸，質感滑，咬落去有小小酸味，再加埋菌類本身的鮮味，好好味。豬皮--呢到d豬皮係經預先處理過的，並唔係白烚，而係有汁料處理過。咬落有汁滲出，微辣，夠軟身。腩肉都係必食推薦，我其實好怕食譚仔嗰隻腩肉，白烚無味。呢到腩肉係用醬汁炆淋，肥瘦分明，味道更好。最抵食嘅係拒嘅下午茶，2點半到6點，會有杯嘢飲送，平時就要食一碗嘢加6蚊先有嘢飲。午市食左兩碗三送米線加兩杯嘢飲，埋單99蚊，價錢合理。

我：2份牛肝菌黑框眼鏡男店員：唔可以兩份，我邊夠比其他客我：咁一份牛肝菌，墨魚頭，通菜，走肉碎，多蔥黑框眼鏡男店員：洗5洗多芫荽我：好啊碗米線嚟到，只見多芫荽，見5到多蔥我：冇蔥嘅黑框眼鏡男店員：d芫荽遮住咋我撩開d芫荽，都5見有蔥我：冇遮住喎，真係冇蔥黑框眼鏡男店員：你要多芫荽就唔可又多蔥，一係你加$5蔥我：係你問我洗5洗多芫荽，你頭先冇話多芫荽就5可多蔥請大家評吓理。有食開這間食店嘅你應該都領教過店員們的服務態度。1. 我認為黑框眼鏡男店員可以話今天5夠牛肝，介5介意要其他；2. 黑框眼鏡男店員冇事先講明要多芫荽就5可多蔥，而且係佢主動問我要5要多芫荽，嗰少少蔥值幾錢? 咁做生意5掂喎，反口覆舌，堅。做到咁衰，幾好味都5會再來，何況味道5係特別出眾，只係一般麻辣米線，態度就出眾