金西南米線

营业中

休息中

話說呢間米線由中學嗰時食到依家，大大話話食左有10年，由舊鋪食到去新鋪，味道始終如一，都係甘好食，唯獨有時d辣度嘅控制爭d，一時太辣，一時就唔辣。呢到米線有酸辣或者麻辣嘅口味，我起初係食酸辣，食食下轉左麻辣，貪拒香d，仲有d麻麻地嘅味夠刺激。首選推薦係牛肝菌同松茸。出面好難有嘅兩樣菇類食，去到d雲南的店鋪買呢兩種菇，唔知點解又好貴，所以呢到食最好。今日牛肝菌無貨，食左松茸，質感滑，咬落去有小小酸味，再加埋菌類本身的鮮味，好好味。豬皮--呢到d豬皮係經預先處理過的，並唔係白烚，而係有汁料處理過。咬落有汁滲出，微辣，夠軟身。腩肉都係必食推薦，我其實好怕食譚仔嗰隻腩肉，白烚無味。呢到腩肉係用醬汁炆淋，肥瘦分明，味道更好。最抵食嘅係拒嘅下午茶，2點半到6點，會有杯嘢飲送，平時就要食一碗嘢加6蚊先有嘢飲。午市食左兩碗三送米線加兩杯嘢飲，埋單99蚊，價錢合理。