金石寿司 (已結業)

第三次幫襯！ 係石門返工，想食日本菜真係冇得選擇。所以又心大心細再俾機會佢，上兩次一般般，今次加咗價又差咗！ 主餐牌嘅 稻庭烏龍麵(冷) 由$52 加到$78 嘩，嚇死人咩！ 加幅勁高！好啦，講下午餐。燒銀雪魚定魚，舊魚細過上次一半呀，$168 想點！我地3個人，所以再叫再個$168 嘅十件壽司加熱烏冬定食！中伏！ 新城市地下果間都係$188，貴佢$20， 但好食過佢十倍有多！ 真係好難過到心理果關。 (午餐送雪糕雪米慈)服務就唔好提，趕客程度100%唔想同你斟茶都算，咪食完就收野澳牛仲好

公司附近開左間新既日本餐廳，我最喜歡食日本野，所以lunch就約埋幾個同事落去試下，一行5個人，好快有位，入得！日本🇯🇵野最緊要新鮮，呢間d魚🐟生幾新鮮，好鮮甜。份量都算大，一個set lunch 食到飽飽！食日本野價錢就預左高少少，今時今日物價黎講，呢間叫合理架喇！ 我諗我一星期會黎幫襯最少一次啦🤣🤣🤣。下次放工再黎試下晚餐先！不過有一點希望改善下，可能天氣熱又新開張，個冷氣空調爭d，感覺有少少焗！

記得呢間鋪啱啱新鋪開張時，我地幫襯book左食母親節晚餐，感覺環境同服務不錯，所以話會再試下lunch。喜歡食牛🐮的我，叫左一個set$88~ 牛肉薄燒定食，前菜（蘿蔔牛腩）、沙律、蒸蛋、麵豉湯。另一個set～$98迷你雙色飯、蔥吞拿魚腩茸飯、油甘魚飯、油揚烏冬。前菜（蘿蔔牛腩）、沙律、蒸蛋。好快已上前菜，之後再嚟我個牛肉薄燒定食，牛肉整得啱啱好吾乾，再加d菇同燒汁，配飯真系一流。而嗰兩碗迷你雙色飯真系一d都不迷你，油甘魚切得厚厚的同鮮甜，蔥吞拿魚腩茸配飯真👍🏻再加埋個烏冬同d前菜，真系可以飽到一個點😅男仕也話飽到呢😋用呢個價錢食到呢個份量同質素，友人話簡直係回本👍🏻👍🏻臨走時見到有間嘅房，原來是vip房間，或者下次有機會多人就book房試下先。

搬到沙田冇耐，好鐘意周圍搵新野食。前幾日經過石門見到有間日本餐廳新開張，侍應姐姐比張九折單我😍見到介紹餐廳文章，原來講鋪頭係由知名日本料理嘅時任總廚親自主理，食物大部分由日本北海道九州直送，睇到呢度咁吸引，再睇埋Menu覺得價錢OK，鐘意食日本野嘅我，即刻book左一行8人，昨晚提早食母親節飯，試一試先😋母親大人最愛食海膽刺身，二話不說就order左拼盤，刺身超鮮甜，尤其係海膽刺身👍🏻👍🏻絕對係必叫剌身😋😋而我就最愛食魚，見到餐牌有喜知次🐟都落單試一試先。冇令我失望，魚燒得啱啱好，出面脆脆，肉質柔嫩。再黍串燒同海蝦天婦羅，串燒燒得好香口👍🏻食到一半，侍應話廚師有個推介，汁煮吞拿魚面珠，聽到話要$238，起初都有啲覺得貴，不過見母親節晚飯都試吓啦。好彩黎到，覺得值回票價，炆得啱啱好，初頭食落好似豬肉，食食下先記起原來係叫咗吞拿魚，好特別，味道甜甜地，一流👍🏻再order小朋友最愛的鰻魚飯同埋雪葩，成餐母親節飯已經好滿足🥰

沙田石門新開張壽司店，食過兩次都有好驚喜!食物味道同擺設同出邊高級日本料理可比美!但價錢是好相宜。是晚兩人消費480元已經食得好飽，仲有坐位舒服好濶落一D都唔迫!聽餐廳員工講呢度廚師全部都喺係好出名高級嘅日本料理度過嚟!所以我都得食物同出邊平價日本料理好唔同。性價比非常高，我會再去幫襯。