金石寿司 (已結業)

話說今日在石門工作，女友接我放工，大家都肚餓想搵野食，行過商場見到一間專食日本菜*金石壽司*，網上評價不錯，我地決定試下。店內環境清潔。我地揀左2人餐，好多野食咁，另外仲叫左串燒雞翼。溫酒煮螺先到，豉油味甜，螺新鮮彈牙，醒胃蟹籽沙律，蟹柳份量多，配上爽甜青瓜，唔錯刺身到，夠晒新鮮，厚切，三文魚劍魚腩鮮甜，蝦厚肉，海膽夠creamy冇苦味吞拿魚蓉份量多，魚香鮮味夠，充滿口感炸雞大大件，即叫即炸，皮薄少油，雞算嫩滑，最重要唔𠝹口！燒雞翼，即叫即燒，肉嫩滑，中間有明太子，辣辣地幾好食蜆湯鮮甜，蜆肉大大粒，鵝肝大大件，油脂夠好正，配飯一流最後仲有雪糕糯米糍做甜品，完美結局！埋單連加一$498，價錢合理，好飽夠晒滿足，值得再黎幫襯！

今晚只得我和女兒用膳，她提議食日本菜，趁聖誕及新年間食好的，她帶我去附近石門區之前曾惠顧過的一間壽司店。我們沒有訂位，好在來得早，否則就沒有位了。店內面積不大，但有分餐枱及吧枱，好像還有房間。坐下後我們就簡簡單單地要了個二人餐A，不一會菜色就陸續送上。先來的是甜酒煮螺，這個螺比我上次食的那間為小，但勝在隻數多些。螺肉煮得腍，甜酒也入味。繼續來的是每人一份的蟹籽沙律，沙律清新爽口，上面放了很多蟹籽，都是很好的前菜。然後是主菜之一的刺身5點，包括有三文魚、油甘魚、劍魚及甜蝦各2件，及一件白身魚伴海膽。前四款都是常見的，切得厚身，亦很鮮甜，較為特別的是白身魚伴海膽，海膽鮮甜，有著一些鹹香味，而白身魚雖然切成小塊，但頗為油滑爽口。跟著是兩個碎吞拿魚腩手卷，吞拿魚腩清甜，上放了些白芝麻及蔥，外面的紫菜也烘得很脆。一口炸雞細細粒也有很多件，炸得香脆，上面放了些沙律菜作配襯。再來的是炭燒法國鵝肝飯，法國鵝肝細細件，不似中式的厚身大大件，但燒得甘香可口，滲出的油份吸收在飯內使白飯也變得美味，還有一件醃蘿蔔，亦可解膩。最後是大蜆清湯，清湯是最後上，吃飽了可以清一清口腔，甜品是雪米糍。

今日和老婆往石門金石壽司食日本菜, 我們點了魚湯, 吞拿魚腩壽司、炙燒左口魚邊伴海膽壽司、松葉蟹膏豆腐、枝豆、雞扒稻庭烏冬和鰻魚飯。魚湯溫度適中, 魚味道鮮甜；松葉蟹膏豆腐賣相吸引, 蟹膏味道香濃, 魚籽甜度適中, 豆腐香滑, 入口即熔；枝豆食落新鮮鮮甜；雞扒稻庭烏冬雞扒燒得香脆, 肉質鮮嫩, 烏冬食落爽口；最後鰻魚飯鰻魚肉質肥美, 鰻魚汁味道鮮甜, 飯食落軟綿；餐廳座位舒適, 食物美味, 我和太太食了一頓高質美味日本菜。

約咗女同事CS今日(18-12-2019 Wed)食佢嘅生日飯,佢揀食日本嘢,咁就嚟呢間.我哋去到,要坐bar枱喇,睇完menu,CS要$98.00嘅牛肉火鍋定食,我要$68.00嘅燒花魚一夜干定食.定食裡面有茶碗蒸蛋,沙律同麵豉湯.茶碗蒸蛋口感滑; 沙律正常冇問題; 麵豉湯一般般.我嘅燒花魚一夜干到嚟喇,飯只有半碗,條魚都幾夠味,又唔鯹,我完全冇落檸檬汁.而CS嘅牛肉火鍋呢?我冇問佢覺得點.抵食係2.5分上次食評: https://www.openrice.com/zh/hongkong/review/%E8%BE%B2%E6%9B%867%E6%9C%8814%E6%97%A5%E6%99%8F%E6%99%9D%E9%A3%AF-e3505133

石門好多嘢食不過從來未試過喺度食壽司所以同同事收工就去試吓啦佢個門面都幾靚嘅內裏都乾淨整齊坐得舒服嘅但就唔太日式叫左芥末八爪魚同玉子兩款都不差仲叫咗甜蝦刺身同埋三文魚刺身仲叫左帶子刺身新鮮又好味仲叫咗鹽燒鯖魚即叫即燒熱辣辣然後仲有雜錦天婦羅佢哋嘅炸粉唔會太多仲帶咗燒大蜆～平時通常都係清酒煮第一次咁樣食呢個鮮味十足最後仲食埋甜品我覺得佢唔算太貴而且你適合同客人坐低食飯又安靜又可以傾計而且座位同座位之間唔會太近

星期天來到石門，本來想先去附近取包裹，但一出A出口便看到一個大大banner,心想既然都有點餓，便決定先吃個lunch進內看到有9張四人枱，下午2時進內，以為lunch 時間已過，但位置八成滿，幸好還剩下一張枱。Lunch menu 有刺身定食刺身定食的刺身分別有磯煮鮑魚、吞拿魚腩、油甘魚、鯛魚、三文魚、劍魚和甜蝦，配上沙律、麵豉湯、滑嫩蒸蛋和飯。刺身新鮮又鮮甜，個人特別欣賞牡丹蝦。而劍魚、油甘魚和吞拿魚腩特別肥美，入口即溶除了Menu上的選擇，廚師推介當然是必選之一鯛魚刺身薄切伴土佐啫喱: 肉質爽脆，點上淡淡像柚子蜜的醬特別夾，更顯鯛魚的鮮味和甜味不要點壽司豉油，因為壽司豉油反而會掩蓋了刺身的甜味。吞拿魚頭頂肉刺身，屬於矜貴部位，每條只有兩片，果然沒有令人失望，口感較滑和肥美，而且魚味濃。這裏的串燒都很入味，卻不會過鹹，串燒肉嫩多汁仍能保留肉汁，不會燒得過乾。由左至右分別是串燒牛舌、鹽燒荔枝豬肉串和汁燒免治雞肉軟骨串。厚切牛舌特別爽口。而豬肉串夾住荔枝令荔枝的汁和清新的香味滲入豬肉，中和油膩的感覺，意想不到地夾。最後更送上雪糕糯米糍作為甜品。

佢地址石門京瑞廣場，點解話佢係隱世嘅美味呢?因為唔係喺商場入面，喺商場地下嘅背面， 而且個門面唔會有打橫老土招牌，門面係好日本風格嘅木趟門。一坐底就叫野食鰻魚壽司肉身都算厚牡丹蝦壽司蝦味濃海膽軍艦新鮮唔會有腥臭芥辣八爪魚軍艦唔算好芥辣我幾中2佢個酸薑，唔會好酸同太辣左口魚配海膽壽司幾爽口又有油脂帆立貝壽司size有小小細，強迫症嘅我夾起中間斷開左，心傷左一下😂牛舌串燒切得厚，燒得岩岩好，好正!雞翼串燒都唔會燒得老左，唔會柴蟹子沙律唔會太多沙律醬，但係我中2食青瓜，青瓜可以多少少甜蛋唔會好甜，我中2食軟身小小，呢個有啲硬同有小小老早去到唔洗等位，坐得都舒服

好耐無食過日本野喇，心血來潮好想食，不過平時好少黎沙田，所以要朋友帶我去覓食店員很親切有禮，坐底不久，便很主動介紹精選推介軟殼蟹手卷朋友的愛好隻軟殼蟹好完整，食到底都仲有的，唔會只流於表面北寄貝壽司+炙燒平目邊壽司原來平目邊就係我平時好鍾意食既左口魚邊口感好細滑朋友第一次食都讚口不絕一件壽司仲要有兩塊左口魚添架海鰻壽司唔係間間都有海鰻壽司食架，平時多數都係河鰻為主，河鰻肉質較爽彈，而海鰻令肉質較軟綿綿，口感會滑啲兩種我都好鍾意食不過海鰻壽司比較少餐廳有三文魚刺身係三文魚腩黎架，好肥美蕃茄牛油果沙律鹽燒豬腩肉串+日本雞腎豬腩肉燒得岩岩好，唔會好鞋日本雞腎超好味雖然較為細粒，但真正的日本雞腎就係咁細粒的，口感超爽脆，一啲都唔硬而且雞既味道好突出汁燒免治雞肉軟骨串味道較為濃味，應該係汁燒份量多左既關係，但也不錯的鹽燒三文魚鮫呢個超好食，燒到外脆內滑三文魚既油份令肉質更juicy甜品：雪米糍我地兩個食左咁多野每人都係$260咋

慶祝朋友新屋入夥，這晚朋友帶了我來到一間高質日本餐廳「金石壽司」食飯。門前的裝飾，帶日式和風的風格十分搶鏡。日本立魚湯，奶白色的魚湯，順滑鮮甜。鹽燒油甘魚頭，燒得金黃色，口感很香脆，雖然是魚頭，但吃到有很多魚肉，可以沾柚子醬油或鹽吃，味道更富層次。雜錦海蝦天婦羅，有海蝦、茄子、南瓜、番薯、冬菇、青椒六款天婦羅，粉漿很薄，吃起來非常之鬆脆，又不會很油膩。黑松露三文魚釜飯，這需要20分鐘時間製作，稍候一會，店員會幫忙攪拌，飯底結焦了甚為香脆，而米飯混合了矜貴黑松露，口感郁香，還有嫩滑的三文魚肉。差不多吃飽，店員會附送雪糕糯米糍，今次是香甜的紫薯味道，順便清一清味蕾。臨走時同店員傾咗陣計，原來餐廳經常會有不同的海鮮由日本直送過來的，並有廚師發板製作特色料理，好似今次吃的鹽燒油甘魚頭、日本立魚湯都是每日限定啊！

石門日本餐廳唔算多，試過水準都唔算高金石味道唔錯，算係性價比較高食過幾次，質素正常，價錢中等勝在前菜夠多，所以lunchtime都係排晒隊我食過煎雞扒，同事食過魚生飯等等最後一致認同呢到既燒鯖魚最好食最抵食😋😋😋前菜有沙律🥗、茶碗蒸、味噌湯沙律落左甜甜酸酸既醋幾開胃，菜同蕃茄都新鮮茶碗蒸味道幾好，有柴魚湯既味道，蛋蒸得幾滑嫩，仲有啲料係入面👍🏻味啫湯味道正常，入面有豆腐同紫菜，值得一讚係豆腐好嫩口其實食左三個前菜都飽左一半，正餐份量唔多，可以食晒燒鯖魚配少少沙律，芝麻醬味道香啲鯖魚燒得好靚，微焦但唔會太燶，夾落去微脆魚肉好嫩唔會柴，鯖魚少少肥，帶有油脂增加番個魚香唧啲檸檬汁去一去腥，點埋個醬配飯係幾好食魚骨都唔算多，唔會食得好麻煩☺️加埋一 $75 CP值都算高💪🏻

今次就朋友去了石門站附近嘅寿司店食飯，真係朋友懂得搵食，這裡有個非常抵食套餐，而用料十分足料之外，口味亦十分好味！感覺就好似食緊omakase咁，九款類型食物，先上蟹籽沙律，沙律上面放滿了脆口嘅蟹籽，青瓜絲配埋蟹柳絲一齊入口，作為今餐嘅清新開始！甜酒煮螺，螺肉十分入味，入口軟熟香甜，十分好味！接住就係刺身五點，一次過上了吞拿魚、三文魚、油甘魚、牡丹蝦、白身魚伴海膽，每樣兩件，入口刺身新鮮肥美，絕對唔夠！好彩再來壽司三點，帆立貝、縞鰺、劍魚三點壽司大大件，入口都新鮮好味！而比較好味嘅縞鰺嘅肉質細緻爽口帶油份，味道甜美，感覺唔錯！再來天婦羅四點，紫蘇葉、日本番薯、日本南瓜、魷魚都炸得好香脆，粉薄而且唔會覺得油膩， 魷魚炸得好香口軟熟，正！燒物鹽燒吞拿魚魚顎，呢個燒得十分香滑，入口魚肉肥美嫩滑！接近尾聲還有個黑松露三文魚斧飯，店員先將斧飯上枱，待一回開蓋將黑松露同三文魚肉同飯攪勻，幫忙分碗上，飯身煙韌彈牙，加埋香濃嘅黑松露同肥美三文魚肉，入口十分滿足！當然還有碗大蜆清湯，蜆肉清甜，湯底清新，完全將今餐嘅肥美清新一下！最後送上跟餐嘅雪米糍，作為一個完結！以呢個價錢二人份，絕對超值吸引！差點忘了

平時比較少去石門站，通常都係有電器要維修嘅時候，一般都會順便食個飯。今日就經過一間日本料理嘅門口，比抵食二人餐吸引著。店內裝飾以原木色為主，環境衛生又舒服，睇介紹知道 chef 曾任灣仔萬麗酒店松菱和食部主管，相信出品有一定水準。坐下來店員推介先 Like Facebook 送啤酒，如果不用想太多就可以食一個豪華的二人餐，因為餐內各款食物都好啱口味。另外再加點店內的推介特色美食，那就Perfect了！《燒帆立貝柱博多》$48這個真心推介，一份有兩件，鮮甜的北海道帆立貝燒到半熟，再夾上特別脆脆的白飯魚苗乾，用紫菜包起食，陣陣香氣兼且口感豐富，大讚！《磯燒海膽翡翠螺 》$50磯燒北海道海膽十分奢侈呢！入口即化味鮮甜，再加上加拿大翡翠螺，彈牙有囗感！《鹽燒荔枝豬肉串》荔枝豬肉串入口香濃軟滑，用豬肉包住荔枝一起燒，一啖入口清甜又有層次！《串燒雞翼》$28燒雞翼佐酒一流，雞翼外脆內嫩又多肉汁。《刺身五點》品嚐完一連串香口的前菜小食，吃日本料理又怎能夠少了刺身呢！漂亮的擺盤，增加了進食的胃口。牡丹蝦、白身魚伴海膽、吞拿魚、油甘魚、三文魚。這裏的牡丹蝦特別鮮甜，加上蝦膏入口時囗感有層次！吞拿魚可以話

兩公婆搵食黎到石門，探完朋友去試試新日式店。門口很和風，仿如去了日本，沒有誇張。壽司 - 未見十分驚喜，但精緻手握，女士一口剛好。什錦天婦羅 - 有三隻蝦和雜菜，份量正常，炸得熟度剛好，炸粉粉漿調得好，入口脆而保持到食材本身新鮮味道，油溫控得好，所以可見沒有滲出油份。串燒 - 牛舌，厚切加燒烤熟度剛好，香口又保留到肉汁，超超讚好有口感，好味道，而家好少店會厚切，可見老闆不計成本。另點了豬肉腸，雞翼，豬腩肉，不會很重口味，及過度醃製調味。黑松露櫻花蝦牛肉炒飯（2 人份） - 有驚喜！份量很足，炒得不乾不油，粒粒分明，配料足，切得細緻，炒得均匀，可見廚師巧手，而且既有黑松露香，又有櫻花蝦帶出鮮味，fusion 得好夾，不知不覺會吃了很多。服務員又叫我們在某社交平台like 後有drinks送 - 我們選了凍檸檬蜜糖特飲 - 是用真峰蜜，不是普通糖漿。最後送來兩粒芒果雪米糍 - 好味註 ： 服務員好殷勤和有禮

呢排都有無食過日本野，又係時候發掘下附近有咩新既又好食既日本餐廳，沙田市中心果d多數都係連鎖店所以唔係好大興趣，不嬲鍾情小店既我搵到呢間開喺石門既金石壽司，開頭都覺得有d遠，但係原來沙田火車站有小巴直到，仲比我想像中快就去到。餐廳環境唔錯，幾企理感覺幾舒服，值得一試既係餐廳侍應服務非常好，無論講解廚師推介既食物，落單，上菜，埋單，都會係笑住口既，值得加分。食物質素都非常好，令我好有驚喜。首先講左d壽司先，感覺非常新鮮，我最愛既帆立貝厚肉肥美。另一個我而家開始越黎越中意既燒左口魚邊壽司，燒得好香，左口魚果種甘香得黎唔膩既油脂感真係獨有既，配埋甘甜既海膽絕對係極品。另外廣島蠔，海鰻同鰻魚都好肥美，值得一試。順帶一提like餐廳facebook會送多2件三文魚壽司，我覺得非常抵食。另一個推介既係燒帆立貝柱博多都好出色，特別中意佢果d魚仔薄脆脆好香口，同帆立貝好夾，好有特色。蔥吞拿魚腩茸卷，魚茸份量多，而家非常肥美。熟食叫左雞翼，牛舌串燒同埋一口炸雞。雞翼皮夠脆，重點係非常juicy，餐廳處理得好好，牛舌厚肉重牛味，炸雞都非常惹味，整體黎講絕對係非常滿意。

好久沒有到沙田閒逛搵食 除左新城市大圍馬鞍山其實石門都有不少好選擇 好友係石門搵食時搵到呢間日本小店 裝潢以木色及黑色為主 牆上掛有多幅畫作 頗有日系風情感覺 雖然舖面不算大 不過坐位間空間感足夠 坐得舒適唔會迫夾   望望餐牌 款式齊全 由壽司手卷到燒物串燒都有  除左特定菜式 仲有不少廚師推介 十分周到三文魚/北寄貝壽司 三文魚刺身係厚切 大大塊頗新鮮 質素好高 一口咬落油脂甘香可口 北寄貝味道有點似象拔蚌 新鮮味美 口感回饋都很不俗 八爪魚刺身 雖然相比三文魚同北寄貝來得薄身一點 不過仍無損口感 爽口彈牙 鮮味十足 配合海帶一併食用更添大海鮮味 牛油果蕃茄沙律 蔬菜新鮮爽脆清甜 配上帶點酸酸甜甜既蕃茄  口感清新之餘亦可增進胃口 作為開胃前菜甚為不俗 沙律仲加入左牛油果粒 配以和風黑醋汁 味道討好  令整個沙律鮮味度提升不少 軟殼蟹反卷 份量十足 賣相亦十足不俗 雖然白飯外露 不過飯粒沒有四散 黏度不俗 軟殼蟹是新鮮即炸 食落香酥脆口 外脆內軟 配合新鮮混醋既飯團 一口一啖 基本上不用沾什麼醬汁都已經好好吃 鹽燒荔枝豬肉