金石寿司 (已結業)

去石門搵嘢食，好多韓燒、米線同中餐。見到間日本菜，門口裝修好靚但睇唔到入面，心諗唔方平，但睇完門口餐牌價錢出奇地平民化，就咁我地就入咗去了。入到去格局好日式小店，感覺好warm，職員又會介紹是日新鮮精選。原來呢道有提供Omaskase,但我地睇完餐牌已好多嘢想食，所以先試咗散叫。先黎壽司，三文魚同松葉蟹膏壽司之後見餐牌好多燒物，忍唔住要點。先試雞軟骨、牛舌同鹽燒荔枝豬肉串。鹽燒荔枝豬肉超超超級好味，入面有一整粒荔枝肉，剛好中和豬肉嘅油膩，仲有荔枝嘅香味，呢個必食，我地仲encore咗一次。仲值得一提，個牛舌好冧好juicy,燒得完美再黎燒雞皮同雞翼，都係燒得好好，令我諗起去日本旅行時啲居酒屋雞腎同encore嘅鹽燒荔枝豬肉串之後我地試天婦羅，野菜同蝦天婦羅都好正，粉夠薄、乾身我最鍾意個秋葵蝦又係好正，好多餐廳都會整到外面好脆但入面隻蝦就冧哂，但呢道係做得好好，入面隻蝦係juicy彈牙但唔會水哂咁壽喜燒係另一推介，味夠濃之餘啲牛肉係超滑我地仲叫咗鰻魚飯，燒得唔錯，又大盒最後加咗份清酒燒大蜆，好好好味，好香清酒味但無搶到蜆嘅鮮味埋單媭人送咗雪米滋清下喉嚨呢道位置唔多，但寧靜、坐得舒服。以呢

「石門站」已經發展到一個美食天地, 最可貴的是暫時未有太多「連鎖式經營」的進駐、所以如果要搵一些有特色的小商舖其實「石門站」是一個不二之選｡｡｡今次到訪便是位置較為角落的一間日式店，入座時間正正午市當然有套餐定食亦設有丼飯選擇~裝修簡潔貫以一半日式格調，正正方方目測還隱約見到一間小房大概可以容納兩張枱~午餐方面便叫上一個「醃漬吞拿魚丼」HK$108.另加一，包括：茶碗蒸、沙律與及味噌湯這些前菜~茶碗蒸來者是一個標準型的茶杯，內裡的蒸蛋份量恰好味道亦不會過於偏咸~至於沙律菜就踢走慣常(胡麻醬)的日式方式，感覺清新而且不會過於膩之感~輪到手上這碗味噌湯感覺亦屬於不會過於死咸，濕濕口清清喉嚨剛好迎接我的主角醃漬吞拿魚丼飯~白米飯濕潤軟糯但日米香氣欠奉，三片醃漬三文魚份量適中不用沾上醬油亦都好吃，身旁伴已一件切角蛋卷、而切割成肉碎般呑拿魚以份量計就未為鋪平整碗飯面，飽滿度僅屬一般視覺上亦沒有太大之震撼感、咀嚼在口間魚油香並沒有太於突出，整體來說個人覺得算是中平之作~走出店外其實在於這兩個一、二期廣場亦有太多食物可以選擇, 只是日本餐僅於(石門區)真是為少,如果不想外求偶爾開餐亦未為不可。

我係石門收工，同朋友係石門站鄰近商場發現金石壽司，見門口裝修幾骨致就入去試下。望左一陣餐牌，都係覺得二人餐428蚊幾抵食，都有8樣野食。首先上左清酒甜酒煮螺，味道不過不失；跟住上蟹籽沙律，份量剛剛好；跟住上刺身，有樣野每人一片，分別係三文魚，油甘魚，劍魚，甜蝦同埋海膽，每樣都大大塊，口感吾錯既。跟住到碎吞拿魚手卷，紫菜好脆，魚腩夠份量，味道不錯，我同朋友都贊不絕口；跟住到一口炸雞，食第一口就異口同聲話吾得，太大件了不算一口雞；之後上鵝肝飯，賣相吾錯，急不及待試第一口，我第一次食鵝肝飯，咁既煮法好正，估吾到食到尾聲都7-8成飽仲有驚喜，成大碗飯食晒😀😀跟住上甜品，雪米磁一個，份量有點少，一口食晒🤭總結：食物質素可以的，二人餐價錢也合理；服務幾好，經常換碟加茶；食物份量都夠，二人去食足夠飽；地偏可能偏左少少，識去傑志個訓練球場好易搵到，環境餐具有特色，要彈既係上菜慢左少少，綜合我都會推介朋友去食。

休息，為了走更遠的路。忙碌左1個禮拜，當然要食返餐好既，慰勞下自己，慰勞下個胃，慰勞下d手手腳腳啦，之後2日仲要同手足去爬山ga嘛💪🏻💪🏻自從石門熱鬧左之後，周不時都去下搵食，響正馬鐵隔離，真係好鬼方便既姐響openrice search下，見到多左間未見過既日本野，就1於黎試下啦，1出馬鐵站沿商場兜左成個圈，差唔多行返去馬鐵站出口先知，原來行左反方向，原來1轉左就到入到去舖仔細細，但枱同枱之間都有足夠空間，唔會覺得行都行唔到，最怕擺到密則則既枱櫈，行過都撞到隔離，依度就唔會，實在係良心小店而且侍應姐姐都好好，1黎就會介紹當日既廚師推介，個牌太遠，仲會影埋相俾我地睇，點解可以咁窩心既因為有選擇困難既關係，結果同男朋友都係費事諗咁多就揀左2人餐，再加1杯啤酒（因為男朋友不嬲拎住杯啤酒好似養金魚咁😂，所以我地2個人share1杯）第1樣黎既係清酒煮螺，夾埋啤酒1流，螺肉入味，而且有咬口第2樣係蟹籽沙津，沙津醬控當然覺得好果第3樣係刺生拼盤，刺生新鮮，仲有海膽，Yummy第4樣係吞拿魚手卷，由於小妹麻麻地吞拿魚，所以將d吞拿魚俾晒男朋友齋食飯😂，不過估唔到係既吞拿魚份量原來頗多，到手卷底部都

係沙田覓食, 除了新城市大圍一帶外, 依加仲多了一叫石門的地方, 今次去了金石壽司食日本嘢.先點了海蜇雜菜沙律. 雜菜幾新鮮爽脆.海蜇也夠爽, 若多一點就更好. 串燒點了串燒牛舌, 鹽燒荔枝豬肉串, 串燒雞肉和串燒雞翼.串燒牛舌.牛舌夠咬口, 味道調教不俗.鹽燒荔枝豬肉串.豬肉中加入荔枝肉, 雙重口感, 也無咁油膩.串燒雞肉.肉質唔會太乾和硬身, 啖啖肉, 方便食.串燒雞翼. 外層帶點脆身, 內裡的肉質還算嫩滑.這四款串燒也不錯, 我自己最鍾意牛舌.主菜點了鹽燒吞拿魚鮫. 本身對這個魚鮫有所期望, 諗住二百幾蚊會有一個魚鮫.可惜上枱時較失望, 只有兩件, 而且無乜肉. 幸好肉質嫩滑.  

除了沙田，石門是我常去的地方，今次發現新日式餐廳，金石，馬鐵站一出就看到。內裡木系設計，好有日本地道感覺，內裡還有VIP房。江戶前甜蛋 $30甜蛋上打了金石的名字，賣相不錯，甜蛋是凍食。北海道白粟米 $68這個粟米可以生食，每粒粟米肉鮮甜多汁。軟殻蟹手卷 $46熱騰騰的香脆軟殻蟹，還有鬆脆的紫菜包著飽滿的飯粒，好好味。什錦天婦羅 $98有3隻大蝦、5款蔬菜炸粉好薄好薄，炸蝦相當彈牙可口，而冬菇厚身可口，蕃薯、青椒、南瓜等都幾清甜。壽喜燒 $98上檯時打了隻雞蛋湯底幾濃郁，牛肉好多塊，也算嫩滑，還有好多鮮甜的蔬菜、豆腐、冬菇等，$98 幾經濟。冷稻庭烏冬 $78上檯的賣相不其然嘩聲，因為好精緻，怪不得要最後才來。稻庭烏冬幼身彈牙，沾上冷麵汁，在夏天食一流。日本立魚魚湯 $45個湯好鮮甜，味道似大眼雞魚，好滿足。最後有附送的香芋、紫薯雪糕糯米糍，美味又完滿的結束。

從來未想像過服務態度甘差，而且無視舊客人的價值。這個餐廳剛開我已經消費幾次，每次都人頭消費400到800不等。但唔明點解今晚一坐低有個生面口但好西面既server。一過黎第一時間就係keep住西面，問咩都話無無無，唔得唔得。大家都係黎消費，星期五晚想舒服食餐飯，點解甘對我呀！我實在覺得人生苦短唔好浪費自己寶貴金錢同光陰所以馬上走左喇。附上上一次兩個人既消費收據，想問一下點解甘樣對熟客呀！

尋晚慶祝朋友石門新居入伙，揀左去食日本料理。餐廳響石門港鐵站Ａ出口附近，唔駛點搵行幾步就見到，餐廳門外以木為主的裝潢和味十足。入內環境舒適寬落燈光柔和，係閒談慢食的好地方。餐牌有甚多選擇，朋友唔食生野關係，所以今次主攻熟食野多。燒鱈魚片鱈魚片燒得非常香口，似食薯片的口感，食完一片又一片，餐前小食的確唔錯。燒帆立貝柱博多紫菜包住乾魚仔和帆立貝，小小的乾魚仔咸味帶出帆立貝的甜美。鹽燒荔枝豬肉串薄薄的豬肉片燒得微焦惹味，荔枝肉汁滲透到豬肉內，味道清新咬落仲好多汁，口感有層次配搭得宜。燒明太子雞翼漲卜卜的雞翼燒得金黃，翼內釀滿明太子食落唔腥有些少辣味，質感豐富好味。灸燒三文魚芝士反卷反卷面層和中間都有三文魚肉，魚肉新鮮入口軟滑且切得厚身，只得四件好快食晒。鰻魚飯鰻魚肥美肉厚沒有碎骨，油份不算多，吃起來沒那麼膩，米飯粒粒分明軟硬適中。壽喜燒牛肉薄片非常嫩滑份量唔少，蘸生雞蛋食一流，湯汁甜美材料豐富，大蔥洋蔥香菇金菇豆腐等列席之內，是必食之選。菠蘿雪葩未送到嘴邊已嗅到好香的菠蘿味，味道清甜可口。桃雪葩桃香突出甜度十足，口感綿滑。

今日(14-8-2019)同女同事ES,男同事FCP, RL出街食晏,佢哋揀咗呢喥,睇完menu,價錢算OK.ES同RL分別要$68.00嘅醬汁燒雞扒同燒鯖魚定食, FCP要$我要$118.00嘅北海道刺身飯。所有餐都有沙律，麵豉湯，蒸蛋同甜品。沙律菜算新鮮，醋嘅味道醇;麵豉湯鹹咗啲。蒸蛋滑同清淡，內裡有冬菇，魚蛋蟹柳同肉糰。之後所有主食都到嚟，menu上寫，北海道刺身飯刺身有赤蝦，三文魚，海膽，貝柱同松葉蟹肉。係對版嘅，海膽新鮮同靚，所有嘢都唔差但唔算有驚喜。其他:俾咗張印花咭,咭上寫明"凡惠顧滿一百元,可獲得一個印花",我哋食咗$365.00,但得一個印花,返轉頭問,店員竟答係每次惠顧滿一百元,而唔係每一百元有一個.呢個有問題喇,佢哋應該寫清楚.抵食係2.5分

社會動盪，到處都有危險，不過，也需要吃飯的，之前午餐來過金石壽司，感覺質素不錯，這晚就跟同事來到，再好好享用一頓晚餐，平均一下這幾天心情。食物種類多，有套餐亦有散點，這裡是部份餐單。吞拿魚腩壽司$68，雪花好平均，口感軟滑，入口即化，大滿足。真鯛伴梅醬紫蘇葉壽司$24，清爽鮮甜帶少許油脂，伴著鹹甜的梅醬同吃，雙重口感享受。軟殼蟹反卷$68，喜歡見到蟹肉的軟殼蟹，除了味道鮮甜一點，也會軟身一點，口感較佳，以青瓜作配料，一軟一脆爽，簡單美味。蕃薯天婦羅$40(4件)，熱騰騰即製天婦羅，炸漿薄脆不油膩，一口咬下時，要小心燙咀呢… 蕃薯清甜，中間位置有點爽脆，不錯啊!鹽燒豬腩肉串$25 及 鹽燒荔枝豬肉串$25，荔枝這串大粒得像牛丸，整粒放到口裡，甜蜜多汁的荔枝，與柔軟帶肉汁的豬肉片是完美搭配。鹽燒鯖魚$78，燒得香口，仍帶有少許魚汁，輕輕唧幾滴檸檬汁，已經好惹味。燒大蜆$88(6-8隻)， 雖然欠了點水份，未有爆汁的口感，但肉質尚算嫩滑，海鮮我至愛。最後，點了水蜜桃雪葩$38消消暑，真的有像吃原個水蜜桃一樣的甜度。

今晚慶祝囡囡過probation，阿囡話要食日本菜，佢同事話石門站開張了幾個月那間日本菜也不錯，加上地點非常方便，當然不妨一試。江戶前甜蛋（$30）擺在面前還在冒煙，熱辣辣又不會烤得過乾，沒有選錯。 燒鱈魚片（$50）外貌不揚，但食落口卻另一回事，燒得脆卜卜，再加埋沙律醬，好香口的小食，瞬間給我們吃完了，實在帶點驚喜。 甜酒煮花螺（$52）花螺帶點酒香味，味道不錯。 壽司赤蝦（$28）、松葉蟹膏壽司（$18）、北寄貝壽司（$13）和帆立貝柱（$18），相比之下，帆立貝柱的味道最好。 軟殼蟹手卷（$46）軟殼蟹炸得不錯，但紫菜略嫌不夠脆。 串燒牛舌（$38）牛舌夠厚身，口感不錯。 燒明太子雞翼（$25）可能太多明太子的關係，稍微有點咸。 蕃薯天婦羅（$50）（5件）我兩母女是「蕃薯粉絲」，所以番薯天婦羅是我們必點的，炸醬不厚，沒令我們失望。天婦羅蕎麥麵（$88）蕎麥麵質感不錯，炸蝦天婦羅最好味。 店員服務很周到，整晚主動加茶和換碟，最後還送我們每人一粒雪米糍！

今晚接女友放工，大家都肚餓，石門出名多好野食，諗緊食咩好之際，網上搵到一間新開好評既日式料理，我地決定去試店內清潔，環境簡潔舒服。食物選擇多，我地揀左2人餐+甜蛋。甜蛋先到，熱辣辣，蛋味夠同鬆軟清酒煮螺，螺大大隻，配上醬汁，夠晒開胃！蟹籽沙律，青瓜絲爽甜，配上滑蟹柳同蟹籽，有層次感，唔錯！刺身新鮮，三文魚肥美，海膽夠creamy又甘甜，甜蝦大大隻，爽吞拿魚蓉份量多，鮮甜，仲有軟綿綿既口感炸雞即叫即整，夠晒熱，肉質夠滑又粉薄，掂！鵝肝飯，鵝肝肥美嫩滑，入口即化，而且配飯一流，唔會太膩蜆大隻鮮甜，配上淡淡既清湯，我飲晒啦甜品係香芋糯米糍，粉薄香芋味濃，為這餐搭上完美既句號！最後我地食左$504，好抵食，因食左唔同既款式，好味又夠飽，服務又有禮，岩晒我，下次會再黎惠顧

今次初到這新開的寿司店見到有新鮮刺身真是喜出望外。首先叫了一板海胆，售價祗係 $520, 真低食。 最特色是哪下吞拿魚面頰刺身，十分有味道及新鮮。 再叫了兩隻牡丹蝦亦同樣很大隻很新鮮。 從刺身盤的擺設， 知道廚師很有心機去製作這些食品。 店長再介紹食那個燒帶子，試過果然好味。 燒牛脷及燒豬腩肉亦有特色調味肉質有水準。 再叫多一個煎蛋捲， 可惜這個煎蛋捲不是傳統制作的 ，有點失望。 這個小店有日本特色，員工埸招呼得很好。會再次嚟試其他食物。

**金石壽司**呢日陪媽媽黎石門拎返身份証之後,就周圍行,搵野食見到呢個門面幾靚,而且價錢唔太貴,就話入去試下.我地帶住 7個月大既小公主 , 都怕佢會嘈住哂. 不過店員見到都好WELCOME我地.好彩呢度都有BB櫈,雖然唔係獨立既,係加上去 但小公主都好開心環境好清優 整潔!總共嗌左7款壽司  壽司飯係手握既,SIZE好標準 ! 最鐘意係小貝柱伴明太子茸壽司 HKD18燒物都要左2款 串燒牛舌 HKD38 - 唔會燒到好乾 唔錯! 鹽燒荔枝豬肉串 HKD25 - 雖然荔枝味唔重,但係都幾FRESH ! 什錦天婦羅 HKD 98(南瓜,蕃薯,青椒,冬菇,茄子,大蝦) 即叫即炸, 炸粉唔厚 亦唔會太油鹽燒三文魚餃 HKD58 加少少檸檬汁 , 正 !!鰻魚飯 HKD 98 大大盒 ! 一個人食一定食唔哂 ! 最後仲有甜品送每人一粒雪糕糯米糍

是次純粹試試石門區可讚既.服務.今時今日叫好了👍🏻☺️訂位好.現場好.比到你舒服感可惜既係食物個人感覺放題貨式壽司🍣.飯散.料太薄.（鰻魚一夾都散）湯麵烏冬類.味噌味精湯.烏冬麵牛肉麵係一般燒魚.好咸（有同佢講佢都話會跟手改善下👍🏻起碼佢會好禮貌答）茶水都足.識自己跟酌