金石寿司 (已結業)

今日同朋友喺石門食飯，見有間幾特別嘅日式餐廳就入咗去試，唔使等位就有得入。咁我哋兩個就叫咗一個二人餐，同埋額外叫多咗一個玉子燒。咁如果二人餐都幾豐富，有一個蟹籽沙律、螺、刺身、一份炸雞、一個碳燒鵝肝飯、吞拿魚手卷、蜆湯、甜品就有雪米糍，另外佢仲有推廣活動只要like佢某社交平台就會送兩件三文魚壽司。首先，佢全部嘢都好新鮮，特別係d刺身，質素亦好高。炸雞亦係啱啱炸出黎，好熱同好脆。另外要講一講個鵝肝飯，之前未試過所以幾特別，而且都好肥美，加上有少少鰻魚汁，撈飯食都係一流。

今日去左金石壽司食飯，同朋友嗌左個2人餐，真係好豐富，多野食之餘仲好好味添！有甜酒煮花螺，好新鮮，味道又濃厚，而且花螺好大粒！兩人餐刺身有三文魚，油甘魚，甜蝦同埋吞拿魚。油甘魚口感入口即溶，而且刺身唔會太凍太冰，冷熱岩岩好，真係好好味好正，不過二人餐每款刺身都得兩片，真係唔夠喉！沙律都好夠味，而且味道好好好開胃！天腐羅口感好脆，咬落去好香口之餘仲好好味，唔好會有油既感覺。仲有黑松露三文魚飯，大蜆清湯，最後仲有個甜品添！

對馬鞍山人黎講，馬鞍山真係一個美食沙漠，大部份都係連鎖同快餐，食左咁多年，食列嘴都歪埋。所以們日決定同老婆出去石門站，睇下有咩好食。石門站因為係新屋村既關係，商場開左好多大大小小既食店，林林種種令人花多眼亂｡今日我地揀左一間門口唔喺好起眼既日本野。入列店內別有洞天，居酒屋型式裝修，加上壽司吧枱，賞心悅目。食物壽司同刺身種類都非常多，仲有她多時令海鮮刺身，店員亦好積極推介。自家製甜蛋，賣相已經夠吸引，中間暖暖地，唔會太甜，蛋香超足，水準之作壽司刺身樣樣都好新鮮，特別要講下甜蝦同海膽，係香港她少見到有咁大隻甜蝦，鮮甜，口感超好。海膽最怕食到化學苦味，呢度既海膽無怪味不特只，仲又新鮮又甜，好出色串燒都做得非常好，尤其係個燒三文魚鮫，油份非常充足，外脆內軟，心機之作。估唔到而家連石門村都可以搵到咁高質素既日本野，今餐實在太滿足

石門突然開左好多新食店，搵到呢間食日本野，個門口好日式有feel店仔細細竟然有間獨立房仔，坐到六個人左右。講下食物先: 1. 個海膽壽司好靚仔，食落都ok2. 牛肉烏冬湯底好淡，烏冬係扁身果隻唔夠彈牙3. 好彩叫左個寿喜燒煱，可以配烏冬就有味好多，正常寿喜燒既味道4. 有兩碟唔記得乜乜卷，味道一般無乜印象5. 三文魚松露釜飯，呢個超好食，加得松露一定好香職員會比個原貌你睇睇影下相呃like，之後佢會幫手撈好個飯再分比你，岩哂我地d懶人，個飯好香好有味道，仲有小小飯焦，我一個可以隊哂全份囉！6. 炸蝦天婦羅新鮮炸好脆口，正常好食7. 南瓜天婦羅又係好好食，好甜好薄好脆食物份量偏細....三個人都叫左好多野食，但又未係飽到上心口喎Like jor Facebook page仲有野送，三個選擇中竟然有Asahi 總結，為左釜飯值得去試一次！

吾記得第幾次黎食了，原因係鵝肝飯太吸引吃，超大塊鵝肝，一啖一啖咬落去好爽口，配埋鵝肝汁無得頂！例牌都係order左498蚊二人餐，清酒煮田螺仍係水準之上，連汁都飲埋，好汁有好香既酒味！跟住要講既係刺身拼盤，師傅厚切食落真係好新鮮，放題食吾到既味道，最欣賞係提供三文魚腩，咬落口感吾似食緊刺身，似食緊忌廉個口感，吾點壽司豉油油都食晒😀跟住上埋檸檬炸雞，今次食落比上次更加脆，好香口！細細件一口咬一件，幾啖就食晒lu! 我哋上次試左牛舌串燒好食，所以今次翻食，都係一個字形容，正！食野期間店員不停幫我地換碟，濕紙巾用左refill一塊新既俾我，俾我感覺到置身在日本餐廳感覺！其實教發現一啲要改善既野既，食緊野時候如果播啲音樂更加好，同埋燈光太光猛，暗返啲可能更加有情調，門口招牌吾顯眼，其他人如果行過都未必知餐廳存在，要加多少少閃燈招牌，整返個自動門更佳，因為鍾意呢間餐廳，所以字數多左，多謝各位耐心睇呢篇文。

第一次到石門覓食，原因是朋友推介說這裡已經慢慢變成了一個小型美食區，沒有太多的連鎖店，有的是更多有特色的小店。我們行了一個圈後，最後還是被門口很特別和漂亮的金石吸引了。壽司 個人覺得壽司價錢合理，用料新鮮，例如三文魚只係$13/件。火炙左口魚邊伴海膽壽司超好吃，火燒後的魚油滲進米飯，特別可口。而我一般係香港好少食海膽，因為驚有臭味，但食完其他壽司後覺得質素滿新鮮，便決定每人叫一件試試，大大件的海膽壽司裝的海膽多到差點跌出來，一口食落去，幸福感滿滿！金石卷名字的意思我估計應該是店舖的自創卷物，外型好豪華，有金箔呢。卷物上添加了天婦羅碎，令本來軟身的吞拿魚蓉卷多了一份口感。串燒我們叫了牛舌、雞腎、豬腩肉、雞軟骨和燒茄子。牛舌是厚切的，爽脆有咬口，要知道一塊好的燒牛舌就是要有那種爽脆口感，激推！！(後來我們再追加了一串牛舌)。 燒茄子一定要襯熱吃~~熱辣辣的茄子放進口有一種爆漿的感覺(小心！超熱的)，好好味。豬腩肉和雞軟骨都不錯，但雞腎就有點過咸和乾，可能是切得不夠厚的源故。醬燒雞扒稻庭烏冬店員好貼心地為我們把麵分成兩碗再上菜，雞扒份量超多，外皮燒得脆脆的，烏冬是幼身但不會淋。Faceboo

朋友介紹試呢間餐廳，話性價比高，就捉咗老公一齊嚟試吓。首先食紫菜夾帶子，比想像中好味，帶子是半生熟的，好鮮味。老公鍾意食串燒，收左雞翼同荔枝豬串，個荔枝豬串超級好味！要encore!!!! 而我就比較鍾意食日式牛肉鍋，好好好好味😋。其實其他嘢都好好味，不能盡錄，仲要喺Facebook like 佢個page 就有免費贈飲，好開心😃！最值得一提嘅就係價錢一啲都唔貴，又食帶子又食鮑魚，每人三百蚊就出到門口。😍😍

今天晚上試了這間金石壽司，商店位置非常方便，距離石門地鐵站只需3分鐘的路程，店舖內的裝修很有日本的味道，每日有不同時令的海鮮刺身！在店內侍應非常耐心解釋是日新鮮的魚生刺身，我點了一碟鯛魚刺身，味道非常新鮮而且口味較淡，比較沒有腥味。其後我點了一個雞泡魚干，味道非常香口而且熱騰騰，價錢亦非常實惠，好有日本的感覺。我點了一個海蜇沙律，海蜇非常爽脆，配上沙律醋加菜，令到菜的口感亦變得爽脆，是不錯的開胃小食！這間店舖亦有不少串燒的選擇，我點了雞軟骨串及菠蘿串燒，菠蘿串燒加了一種特別的醬，味道甜甜的，配搭了菠蘿的酸味非常獨特！主菜方面我點了一個芝士三文魚反卷，三文魚配上芝士，非常夾及好味！主食方面，我點了一個黑松露牛肉櫻花蝦炒飯，價錢不太貴而且非常大碟，櫻花蝦非常惹味，配上黑松露，整件事非常有層次！另外值得一讚的亦是服務非常好，最後侍應送上一杯熱茶及甜品，感覺到他們有熱誠！

當你食過金石壽司後，就會好想介紹這日本餐廳給身邊的朋友試試！今晚約了我的倆個閠蜜一齊食好嘢呀⋯⋯牛油果蕃茄什菜沙津，蔬菜好新鮮，分量三個女個女仔剛剛好！三個女仔，唔想食咁飽，只叫了北寄貝壽司必食厚燒牛舌，荔枝豬肉串。燒得非常香脆，而且還有好多肉汁！天婦羅炸蝦卷，好正又一必食推介燒茄子，廚師好細心，已經切好一斷斷，可以食得好斯文。燒菠蘿，勁多汁廚師推介鹽燒三文魚鮫什錦天婦羅，蔬菜好新鮮閏蜜食過金石後都讚美味

朋友仔約我去沙田食日本料理，原來喺石門，估唔到搭馬鐵一出就到餐廳，都幾方便👍🏻門口好神秘喔食物價錢都唔太貴😝無花果沙律，我都係第一次食新鮮無花果，原來酸酸甜甜，又幾好味喎，不過係季節食材，唔係成日有得食法國生蠔，都幾新鮮，有海水味帆立貝博多配炸白飯魚，好特別既配搭，但口感好好👍🏻𩶘魚剌身配土佐醋啫喱，醬油少酸帶起魚肉鮮味秋刀魚刺身配薑蔥豉油，秋刀魚多數煎，用來做刺身都係第一次，很鮮甜呢😍燒呑拿魚鮫，好香，魚肉燒完都好滑荔枝豚肉串燒食埋個飯，超飽

石門依家真係越開越多餐廳，住喺沙田嘅我都成日過嚟搵嘢食！今日就黎到呢間叫做金石餐廳，睇嚟開咗冇耐！食日本野就當然諗都唔諗叫咗壽司先啦！我哋分別叫咗帆立貝壽司，赤海蝦壽司，油甘魚壽司，三文魚壽司，魚生嘅質素真係好高好值得讚！一食隻蝦就知道啦因為其實蝦最明顯分得到佢新唔新鮮嘅一件魚生！另外佢嘅三文魚壽司用嘅係魚腩部分！感覺好似又抵食左！之後上嘅係鰻魚壽司！其實唔知係唔係呢間餐廳嘅小小細心位，我估係因為鰻魚壽司有執佢唔想影響到其他壽司嘅味道所以特登分開擺！講返嘅壽司嘅質素真係好高！鰻魚裏面都有魚油味！朋友最愛嘅軟殼蟹手卷！佢叫我一定要寫低你個手卷因為玄學蟹係新鮮熱辣炸出黎，炸粉做得好出色另外分別仲叫咗玉子同埋兩個串燒！牛舌做得幾好！不過比較起上嚟當然係佢嘅壽司出色好多！最後係蜆清湯！好鮮味好鮮味，鍾意食蜆嘅你呢個係必叫！埋單啱啱好$500，呢個價錢咁嘅質素實在好抵！

自從沙田石門開放之後，去沙田約朋友食飯，彷彿多了一個新地方。不但方便之外，比起新城市會更加安全。今次去了食金石寿司，於馬鐵站一出，步行30秒即到，地點十分方便！餐廳環境方面，都十分舒服，而且裝修都幾日系，加分。除了餐牌上指定的食物之外，都會有「是日精選」，推介食材~ 點了一個牛肉鳥冬，烏冬十分彈牙，而牛肉方面，脂肪分佈得平均，不會太肥，加上湯底不太咸，值得推介！壽司方面，十分新鮮！！而蝦壽司完全蝦頭，蝦膏可以吸~ 十分Fresh!!! 卷物方物，雖然配上炸物，但都不會太油膩南瓜燒起來十分香口，而又不會太油，本身的甜味令整個味道很特別。加上牛舌: 不會薄切，燒得很香口，加上油味，十分出色！

今晚走咗去石門，朋友住附近話要食哩間日本菜！餐廳裝修以水泥牆配上木器為主，感覺都幾舒服。 無花果沙律是季節限定，配上和風汁酸酸甜甜，木魚花帶起咗正個沙律嘅鮮味。法國生蠔好新鮮，質地少少爽口帶creamy，鐵味唔重。鯛魚薄切伴土佐醋啫喱，鯛魚味本身係魚味唔重，勝在肉質爽脆，加上土佐醋酸啫喱及䓤花，正好作開胃菜。帆立貝博多，外面紫菜，魚乾在內應該有少少沙律醬，帆立貝係火炙帶點焦香。店員好細心，見我影相提我盡快食，因時間長咗，紫菜會淋。原條秋刀魚刺身，店員介紹中秋前後才有，刺身配上特定香䓤花醬油，魚味鮮美肉質滑嫩。荔枝豚肉串，荔枝肉多汁配上豚肉嘅油香，正雞翼串，我個人覺得燒得好好食，係少有食串燒會燒到雞翼唔乾又唔會實，仲柔軟有汁。朋友覺得味道淡，但我反而欣賞調味適中，可以食到燒雞皮嘅油香。天婦羅蝦、南瓜、蕃薯，脆漿薄脆蟹肉釜飯，飯味應加上湯煲，蟹肉混上焦香飯焦。天婦羅(蝦、南瓜、蕃薯)鹽燒吞拿魚鮫，魚香十足。豐富嘅晚餐，芒果糯米糍配綠茶蕨餅作結尾。下次又多個食日本菜嘅地方。

九月份特別多朋友仔生日，今日一次過為兩個壽星慶生先，當然係由佢地話事食乜啦無花果沙律季節限定配上和風汁,無花果入口幾清新法國生蠔生蠔肥美飽滿，好鮮甜鯛魚薄切伴土佐醋啫喱，鲷魚捲住土佐汁食，感覺帶少少酸，提升鯛魚味道燒帆立貝柱博多,由紫菜包住帶子還夾着白飯魚同沙律酱，店員還温馨提示我地要快些食，免得紫菜會淋日本秋刀魚剌身配薑䓤鼓油第一次食秋刀魚刺身,出奇地好食松葉蟹肉斧飯有松葉蟹伴飯，還有飯焦的香味，加分雜錦天婦羅，有海蝦天婦羅、南瓜天婦羅、番薯天婦羅7：30食好彩還有位，今晚食到美食舖仔比較穏閉,細心就會發現美食了

今日朋友仔生日，約左佢食餐豪d，我地去左石門「金石壽司」慶祝我地order左幾款朋友仔鍾意食既冷盤首先食無花果沙律，配有和風汁，新鮮無花果非常甜，配埋和風酸汁，非常夾法國生蠔，非常肥美，脹卜卜，帶有海水味非常新鮮帆立貝博多，紫菜入邊包住燒香咗嘅帆立貝，再用兩片炸香左嘅白飯魚餅夾住，香脆可囗秋刀魚刺身，第一次食，好鮮甜，好特別，朋友仔話唔係度度地方都有得食荔枝豚肉卷，用豚肉包住荔枝肉，咬落去肉嫩帶有果肉甜美，不錯鹽燒吞拿魚鮫，好juicy, 肉質鮮美，天婦羅-有南瓜、番薯和蝦，炸得非常香脆日本𩶘魚湯-湯味濃郁，夠曬鮮味蟹肉斧飯-有少少飯焦香味，好食有亮點，比like就送凍檸蜜/汽水/啤酒