金玥 (已結業)

之前見飲食男女介紹過銅鑼灣新開左間四川菜餐廳，有我最鍾意食嘅酸菜魚而且係一人份量，唔使下下要約齊食辣嘅人一齊試。今日見經過開銅鑼灣，就諗住去試一試。唔知有冇人同我一樣鍾意食酸菜魚嘅魚同薯粉但係唔鍾意食酸菜本人😂同埋與一定要盡量無骨，之前試過好多間都係有好多細骨，又或者係用雪藏魚柳，會食到好冇癮。今次呢間啲魚感覺OK新鮮，而且無咩骨所以好啱我心水。講返個午餐set，$78 招牌老酸菜魚，本身包左白飯前菜同茶，我轉薯粉加咗$8，午餐外賣自取有折，以酸菜魚黎講我覺得個價錢合理。講返個午餐先，酸辣度適中，薯粉係粗身有口感，而且份量充足，不過係個兜溶溶地🙈希望可以改進始終食落肚🙈🙈總體評價覺得合格，得閑午餐可以再食過。

酸菜魚-等左15分鐘外賣 估唔到個湯咁難飲 得個酸同辣，無其他味。我試多好多啖，好似酸嘅水浸魚 酸菜無味 好差本以為講到推薦 會好好食 個味真係攪唔掂。哎 出菜慢都算 又唔係特別抵 唔會再試

朋友介紹來吃，太驚艷了...重點戲就係鮑魚燒鵝，提前一個星期拿鮑魚比師傅先發，即場燒出來，皮脆肉嫩，鮑魚完全吸收鵝的精華，好入味！比我地打卡後就分成小碟上菜第二驚艷的菜色是鹽酥鴨。鴨煮到一d都唔柴，而且調味剛剛好！獲得大家一致好評👍小食拼盤中的夫妻肺片都是極力推薦，調味是十分正宗的四川風味，好香！麻婆豆腐調味都正話梅豬手！燜得好好！肥而不膩！叉燒都好正！！水煮牛肉功夫湯！第一次飲！有d意思咕嚕肉最後的重頭戲，冰粉！！勁好味！！主廚同埋員工都好nice，食物質素一流，服務都一流！下次要同d四川朋友再來測評下😊😊

好耐未嚟過登龍街，今日重回舊地，很熱鬧的一條街。在眾多食市中選了呢條魚。本人係對酸菜魚有偏好的！除咗魚之外，仍有其他小菜，但由於只得兩人，為免浪費，所以只點了兩人份酸菜魚，加薯粉及白飯。點菜之先，店員已送上兩杯杞子桂圓水，略帶甜，唔錯。之後就上白飯，望住碗白飯一段時間後，才上一大碗酸菜魚，驟眼看來，每一台都有一大碗酸魚，我哋要咗中辣，味道適中，唔算好辣，再食魚，魚肉十分嫩滑，份量都足夠。唯一欠奉的是配菜。係店外放嘅海報，見到除咗酸菜以外，重有其他配菜，所以以為會包埋，如果想再食多啲先追加，點知原來係要追加先至有配菜，原碗就只有酸菜及白蘿蔔片。薯粉就屬粗厚質地，十分彈牙！如果唔駛排大隊，都可以一試！

三兩知己聚餐點，午餐、晚餐好去處，老闆介紹酸菜魚，魚肉滑滑好好味🥰🥰、麻辣魚皮魚皮爽脆超美味，麻辣又夠香食到停唔到口😋😋🥰、椒鹽菇菇外脆內滑好味道😋🥰亮點仲可以喺佢哋對面間姊妹店「大壹燒鵝」，柯打她岀名的燒腩仔，皮脆肉柔嫩、肥义燒香滑食唔停、燒鵝香噴噴，也是皮脆肉柔嫩，真係超級超級正！整體兩間店舖的食物質素都好好，道道菜都有水準，好味道😋😋值得推薦👍🏻👍🏻一定會再去🥰🥰

今日係銅鑼灣登龍街覓食，呢度一向都多美食，我就揀左川菜來試下先。招牌老壇酸菜魚：呢度既酸菜魚辣度同酸度都可以揀，甘就岩晒想試又怕辣既朋友仔。而呢度既酸菜魚係有酸蘿蔔架，好正宗吖！蘿蔔酸得來好爽脆~魚唔好使講啦，無骨之餘仲好滑，yummy~金玥招牌口水雞：講得招牌就一定要食，雞好滑，就算係雞胸位都唔會柴，口水雞既醬汁調得好惹味，辣辣地配埋飯或米線食，好開胃。爽清麻辣魚皮：平時炸魚皮就食得多，涼拌既就第一次試啦。魚皮勁爽口，加埋墊係底既青瓜一齊食，解辣之餘仲好清新，好易食唔停吖。泡椒脆藕苗：呢個小食簡直係我至愛，香港很少地方有，而呢度居然有。藕苗好嫩又脆脆，加左泡椒浸，辣辣地，而且份量超多。呢間餐廳既餐飲係自已無架，全部都係養生飲品，好健康的。

銅鑼灣登龍街多餐廳係人都知~今日嚟到開咁無耐嘅川菜餐廳-金玥🌟以前嘅川菜份量比較大，起碼3,4人食但呢間餐廳夠體貼 推出一人午餐就算自己一個人都可以食川菜😆呢個川菜餐廳，都好跟得上潮流，2樓有個打卡位，真係食嘢不忙打卡影相😜🌠招牌老檀酸菜魚有得選辣度同酸度岩曬唔同口味嘅人，今次就試咗小辣😜平時係香港食酸菜魚，都係偏辣差啲酸味，呢間反而好夠酸，酸同辣嘅比例控制得好好😆食酸菜魚最重要當然係個魚，魚夠薄而大塊，食落嫩滑無骨，而且份量都唔小，2個人都夠😄🌠金玥招牌口水雞除咗酸菜湯，口水雞都係佢地嘅招牌菜一上菜見到上面鋪滿麻辣醬汁，已經知道店員冇介紹錯！食落醬汁味道層次豐富，辣中帶香、香中帶麻，麻中帶嫩爽，食落有小小醋香夠開胃！口水雞夠嫩滑，吸曬啲麻辣醬汁，真係令人再三回味！🌠爽清麻辣魚皮爽魚皮係香港食係唔係好多地方有，每到都必點✨食落爽口鮮味，再配麻中帶辣，真係快比我食曬！🌠泡椒脆藕苗作為前菜真係唔錯嘅選擇~藕苗食落微甜而脆，十分爽口，要保留藕苗嘅爽脆，廚師煮嘅時間真係控制得好好，呢間做得好好，藕苗好脆嫩，而且有齊酸、甜、辣等味道，值得一試😆

剛剛調職到銅鑼灣， 朋友介紹去登龍街食嘢， 逐間逐間試，到咗哩間， 食咗一次之後，連續嚟咗三日。 最出名嘅係酸菜魚。好食，要咗中辣，辣度剛剛好，魚好滑。炒大腸都好正， 用鹹酸菜炒，酸酸辣辣好惹味又開胃。仲有一個湘思小炒肉， 唔記得咗影相， 仲要食咗兩次都忘記影。 鍾意食辣嘅一定要揀佢，湘思小炒肉＝辣椒蒜苗炒五花腩，餸飯一流夫妻肺片，有啲辣，好食。口水雞麻麻地冇乜特別， 熗炒金肉福剛菜花，略為酸咗少少，如果輕手啲會好食啲。呢度嘅午餐略為貴咗少少，但係份量都幾多，白飯可以再添食㗎。希望呢間店可以keep住呢個水準。仲會再嚟呀～

有咩驅使我哋2個人叫咗咁多嘢食係好味呀！原來銅鑼灣開左一餐食四川菜嘅餐廳他愛吃辣 一於就去試吓哩度嘅套餐大約$60-$70幾就有交易 都幾抵食而且主菜都幾大份吓小食亦有好多款選擇🔸招牌老壇酸菜魚（$78）（👍🏻推）可選辣度，我哋叫左正常辣。湯底又濃惹味，食落夠香夠酸又夠辣！會唔小心飲多幾啖。酸菜好爽脆，魚新鮮唔腥，煮到入哂味好好食，而且份量夠2人食用。🔸老壇酸菜花膠（$68）（👍🏻推）第一次食酸辣嘅花膠，原來口味好夾，花膠又多又厚，養顏又好味。配料還有金菇、芽菜、酸菜、蓮藕，酸酸辣辣好岩送飯。🔸老四川麻婆豆腐（$75）（👍🏻推）老闆話同平時出面食嘅味道唔同，我鍾意食豆腐所以叫嚟試吓。先想講豆腐個質地挺身但又好滑，唔會一夾就散。醬汁係比平時食到嘅較為杰身，好有豆豉、麵豉嘅香，食落微辣好惹味，而豆腐煮到夠入味，好好食！🔸清爽麻辣魚皮（$35）好有花椒嘅香辣味，麻麻辣辣嘅味道會停留喺口腔，魚皮好爽彈，食唔停口。🔸醬香脆海蜇（$35）海蜇好脆，食落有麻香蒜香，味道微酸，而海蜇已入哂味，好開胃。🔸手工酸菜炒大腸（$78）（👍🏻推）平時晌街好少叫炒大腸，因為好多時食到嘅都好韌。但我見老闆推介就放心

銅鑼灣又一川菜好選擇聽老闆講，原來廚房師傅特登去咗大陸學師幾年，唔怪得知味道咁正宗，真係未食完已經好想聽日再食，樣樣都好得，味道一流！今日四人午餐必選推介鹽水鵝鹹香味十足（老闆話唔係日日有得食，限量發售）蔥爆牛肉孜然味好特別，好嘢味酸菜魚夠酸夠辣，又唔會死鹹連小食酥炸菇菇，姑姑入邊都好juice煉奶饅頭,沒有油膩感,都做得唔錯好味到要即刻encore比公司同事食，個個食完都問我邊間味道咁正宗,我諗晚市開返呢間一定大排長龍

食完個手撕雞同酒雞，只覺得味道偏鹹，沒有特別可嘗的味道，食完會反胃，所以不會再推薦其他人去嘗。嘢飲係茶，味道特別，會有點冬菇味，個人不太喜歡，感覺好像在飲用浸完冬菇的茶一樣。小菜混合了不同的菜，味道偏酸，有少少辣， 感覺良好。白飯不像其他店舖的，質地比較棉，不太喜歡。這是我第一次寫的食評，大家可以參考，但係本人真係對這間店舖失去信心，若果有所改善，希望大家可以再分享。不過本人暫時都不會再光顧，因為食後感很反胃

登龍街最近好多新餐廳，有我最愛既酸菜魚 味道好有驚喜 性價比超高！而且兩樓有打卡位！下次lunch會黎試其他菜式～✅ 招牌老壇酸菜魚 ($78)配前菜｜金玥飯｜小麥茶-前菜：有好開胃既青瓜 萵筍 蓮藕 芽菜～-湯底：本地好多酸菜魚湯底唔夠酸 依間夠酸又夠辣 (叫左bb辣only) 而且見到湯底有大量蒜 薑同麻應該都係惹味既原因！-魚：魚片切得夠薄 嫩滑 而且份量比想像中多-配料：有芽菜 藕片 蘿蔔整體黎講係一個味道 份量都好rich既酸菜魚 超有驚喜！🦁 金玥 (銅鑼灣)銅鑼灣登龍街31-35號玉山大廈31-35號地鋪🦁 人均消費：$78｜推介：❣️❣️❣️❣️

今日一人行就到銅鑼灣，行入登龍街見到新開張的金玥。招牌掛住傳統酸菜魚，下午三點幾仲未食晏，決定入去試一試。侍應個個都非常有禮貌，坐低立刻叫招牌酸菜魚，加錢唔要飯轉薯粉。先送上一杯大大杯熱辣辣嘅茶，同一碟涼菜，應該係醃製蓮藕粒，味道一流。跟住薯粉嚟啦，非常大碗，唔係一般嘅水晶薯粉，係非常有咬口結實大大條嘅薯粉。加8蚊轉粉，係非常高性價比。酸菜魚主角到場，非常大碗，魚片亦非常滑。酸菜豬湯底非常香濃，叫咗小辣香辣好味，10分好味。其他人好多都叫麻辣雞，口水雞等等雞嘅菜式，下次有機會一定要再去試吓

係銅鑼灣經過登龍街見到呢間川菜，就入去試下！呢度午餐選擇有好多選擇🤭真係咩都想食😂朋友揀咗酸菜魚🐟呢度用自家醃製既新鮮酸菜去煮，係餐廳招牌菜🤩魚片好新鮮👍我叫左蔥油雞上枱份量好足😍👍，仲有叫左一份豬手，豬手好淋好入味👍🏻👍🏻好多骨膠原😍😍 送飯最啱，好好食🙌🏻推介豬手👍🏻仲有小食梅子車喱茄，酸酸甜甜，好開胃👍🏻飲品有自家製檸檬薏米水好清新開胃我地仲叫左一份甜品紅糖冰粉😍👍🏻👍🏻

金玥, 主打宣揚川菜飲食文化, 亦有自設工場, 自家醃製酸菜, 這賣點在香港的確比較罕見.店子今天終於都正式開開了, 之前吃過1次是以試業形式營業的.今天是第2次光顧, 仍然是點了<撚手蔥油手撕雞>套餐($65).店內座位不少, 亦附設閣樓, 同時貌似附有VIP房.套餐包括前菜, 白飯(可轉薯粉/土豆粉)及健康茶水, 這價錢在銅鑼灣也不算是太貴.撚手蔥油手撕雞, 是去骨的, 上面灑了不少蔥和金蒜, 相當惹味, 底層鋪滿青瓜絲, 份量十足相當, 如果是2個女生, 基金可以分享一起吃.整體味道相當不錯, 或許下次光顧時, 我會再嘗試其他菜式的.