金玥 (已結業)

上完堂食晚飯登龍街成條街都係嘢食，琳琅滿目，八點幾都好熱鬧，走去食川菜！做咩會打埋號碼呢，因為佢落單寫no，加上鬼馬咕嚕肉好襯404，唔知點解😂😂一坐低就有兩杯紅棗桂圓茶，讚好又有嘢送，所以今餐好抵食！.404洛神鬼馬咕嚕肉精彩，油炸鬼10分，食到尾依然脆口，好好食，咕嚕肉醬汁酸甜適中，極度開胃，雞肉炸到外脆內軟，又大碟！食到尾好想叫對面食晒佢🤣415老四川麻婆豆腐加白飯好想食麻婆豆腐，本身諗住叫炒飯，最後叫白飯，因為白飯最夾最食得出麻婆豆腐嘅香味！炸小饅頭細細個好易入口，童年酒樓回憶！魚皮切到幼身，爽口彈牙！正。人均：100蚊找兩蚊.

本身跟朋友打算吃另一間，最後還是試一試新餐廳。二人套餐 - $298招牌老壇酸菜魚(二人份)辣度和酸度也可以選擇，選了少辣比普遍的辣。酸辣度適中，辣味久久停留口腔中，入口刺激。裡面有很多鱸魚肉片，滑嫩而不腥，不過有幾片略帶魚刺，還有很多酸菜和青筍片。脆口麻辣魚皮新鮮魚皮帶點半透明，有點像海蜇，入口好爽口，富四川麻辣風味干煸四季豆四季豆還略帶脆嫩，少少香辣，夾雜肉碎帶點咸香。土豆粉 +$5馬鈴薯製成，形狀近似烏冬。紅糖冰粉透明的冰粉嫩滑爽口，入口冰涼香甜，好生津解暑。金玥招牌口水雞 - $68已去骨的雞肉不怕有碎骨，嫩爽的雞肉幾鮮美，又有麻辣的鮮香。

約左朋友去銅鑼灣登龍街，經過見到門口既霓虹燈吸引咗入嚟，呢度主打食酸菜魚同川菜😎招牌老壇酸菜魚都好大一盤酸菜魚，魚肉份量剛啱啱好 魚肉滑溜 仲有自家製酸菜小食我哋叫左脆口麻辣魚皮 下面鋪滿青瓜絲仲有墨魚餅，大小朋友都鍾意食仲有辣子雞 脆卜卜好惹味炒大腸 都好惹味甜品仲食埋紅糖糍粑下次可以試下燉湯及新出紅湯酸菜魚，仲有紅糖冰粉地點夠晒方便位置在銅鑼灣登龍街，食物質素及環境都感覺好，餸菜都夠大碟抵食，下次同朋友想食酸菜魚又可以多個地方

看得出來餐廳是真的非常用心在經營，連一坐下遞來的是一杯杞子桂圓水，這個小細節真的加了還多分⁄(⁄ ⁄ ⁄ω⁄ ⁄ ⁄)⁄▫️紅湯酸菜魚 ($238)▫️脆口麻辣魚皮 ($45)▫️老四川麻婆豆腐 ($75)▫️金玥招牌口水雞($64)一般酸菜魚都是普通有麻味/酸味較重的選擇~第一次嚐有番茄在裡頭的酸菜魚，一吃下去真的好想加日本綜藝節目很常見的小窗口嘉賓即時反應🤣是真的不由自主發出「えええ~」的語氣詞🤣真的意外好吃，不愧是用了自家醃製的酸菜🤩 畢竟這道菜是混合傳統川菜和現代口味研發而成~酸酸甜甜但也有帶點銷魂的辣，口感層次更加分明豐富，吃起來一點都不油膩!! 而且跟網評寫的一樣: 份量十足，怎麼吃都好像還撈到魚肉🤣 超級不喜歡魚肉煮得很爛的那種酸菜魚，而這家是把魚片煮得很嫩滑😍 滑溜的魚肉配上湯的精華，簡直絕配! 下次要試一下加配料😚 (有些魚片稍微有點小骨頭所以吃的時候要小心喲)本身喜歡吃海蜇的人一定不能錯過這裡的麻辣魚皮!! 還是頭一次看到有賣涼拌魚皮😳 天哪，簡直是炎熱的天氣下最佳的開胃小食😌本身以為會有魚腥味，但實際是一點都沒有!! 非常清新爽脆，麻味十足✨ 口水雞也是他們的招牌菜~上面

可能係有個唔食魚唔食辣嘅人肯陪我一齊食<<招牌老壇酸菜魚>>($198)所以特別覺得好好食❤️其實好想追加魚腐同薯粉…好多配料都係只需$12就有得加配👍🏻不過我驚萬一辣得滯…朋友仔食唔到嘅話…我一個人會食唔晒…所以唔敢加🧸好彩BB辣唔算好辣!貼心嘅姐姐又幫我哋配番BB酸，會balance d~最終見佢喺我唔夾俾佢嘅情況下都會自己夾吓魚片食🥲太好了👏🏻👏🏻👏🏻其實都唔係所有魚都有骨又腥啫😌唔驚唔驚😉而且呢煲魚片肉質嫩滑，嗦埋微酸微辣微麻嘅湯底~好味到我想添飯🤫<<撚手蒜蓉萵荀絲>>($77)都係我食親川菜必點嘅non-spicy之選🤗正常嘅好味👌🏻應該呢度嘅廚師都冇咩落味精🙂因為店員喺我哋一入嚟坐低後就即刻俾羅漢果茶我哋飲💯可惜我唔鍾意羅漢果茶😅但食晒成餐飯…一啖水都冇飲過都唔覺得口渴~~算佢啦😊

好耐冇食酸菜魚，今次就同姐姐出左去銅鑼灣試下哩間有得食酸菜魚既川菜館。餐廳分為兩層，環境闊落，而且有唔同既霓虹光管打卡位，仲有間房比人慶祝生日，入面有生日快樂字眼既霓虹光管。一坐低就會比杯暖暖既羅漢果茶，餐牌上面既選擇都幾多，今次專登揀左出面無既紅湯酸菜魚黎試下。🎈紅湯酸菜魚 $238係出面既餐廳淨係見過老壇酸菜魚，紅湯酸菜魚真係第一次見！湯底加上番茄同辣椒，味道好似冬陰功，非常酸辣惹味，特別推介比鍾意食辣既人，裏面仲加左佢地自家製既酸菜，質感爽脆，魚肉嫩滑無骨，仲可以額外追加其他配菜，我地就加左金針菇同薯粉，兩樣都非常入味。🎈金玥招牌口水雞 $68雞肉分量好多，好抵食，上面鋪有滿滿既麻辣醬，肉質新鮮嫩滑，配有青瓜絲同花生。🎈功夫干鍋大腸 $95大腸大嚿肥美，香脆惹味，裏面仲有洋蔥、紅椒、青椒、蔥同埋大量薯仔，薯仔亦整得好入味。🎈蘇杭鹽水鴨 $70肉質一啲都唔鞋，入口味道較咸香，底下亦有好多青瓜絲。🎈千絲萬縷情侶蝦（4條） $38佢係用芋頭切絲，之後包住隻蝦炸成，表皮炸得酥脆，入口好香芋頭味，另配芝麻醬。🎈紅糖糍粑（6條） $46去親川菜餐廳都會叫哩個甜品😆糍粑質感煙韌綿軟，上面仲灑上

金玥 (銅鑼灣).🔹脆口麻辣魚皮🔹.個汁係譚仔小食個汁嘅味，個魚皮好爽脆，份量都多.🔹香爽脆海蜇🔹.呢個同樣海蜇份量多，但唔係好夠索味.🔹功天干鍋大腸🔹.呢個干鍋比較一般，一上枱以為嚟錯左，店員表示大腸拍扁左，我地無諗過原來全部都炸完再上，較油膩，而且仲有好多其他配料，薯仔粒午餐肉粒都係炸左，配料味道反而好啲，但大腸炸完仍覺得洗得不太乾淨，有味.🔹金玥招牌口水雞🔹.呢個口水雞份量比較少，但味道是不錯的，雞肉嫩.🔹黃金小饅頭🔹.見到$24有6粒，原來係一個大饅頭切開，但一口的size很好，而且可以沾滿曬煉奶再食.不過呢到衛生情況有待改善，我食緊有隻烏蠅飛來飛去，大部份川菜餐廳都有呢個情況金玥 (銅鑼灣)銅鑼灣登龍街31-35號玉山大廈31-35號地鋪

前排經過登龍街發現開咗間川菜，招牌菜係老壇酸菜魚，我好鍾意食酸菜魚，所以搵日放工嚟食。酸菜魚分1-2人份同3-4人份，1-2人份只係$198，喺香港嚟講都算平。店員話本身係中辣，但可以揀不同辣度。另外可加錢加配料，例如土豆粉、豆卜、金菇、豆腐等等。落咗單大概五分鐘酸菜魚就上枱，聞到好香花椒味。湯底係金黃色，面頭有炸蒜同乾辣椒碎，賣相唔錯。魚片同酸菜份量都好多，就算無加配料都夠兩個人食。老壇酸菜係自設工場自製，果然係好好味魚片應該係羅非魚，塊塊都好厚肉，唔會碎濕濕，食落好滑有鮮味，但就有少少短嘅碎骨。揀咗中辣，辣度剛剛好，至怕有啲餐廳為遷就香港人口味，煮到啲本身辣嘅菜色完全唔辣。一邊食魚片，一邊飲酸辣嘅湯底，好滿足另外仲點咗桂花鬼馬蜜脆雞，即係桂花蜜煮炸雞同油炸鬼。食落好香桂花味，味道偏甜可以順便解下辣餐廳做緊優惠，只要follow 社文平台同share post就有小食或甜品送。呢碟麻辣魚皮係送嘅，食落好香花椒油味，夠晒麻，魚皮好脆好好咬口。埋單人均$160食得夠飽，食物質素幾好，性價比唔錯。唯一缺點係白飯好乾又唔香，希望餐廳可以改善下🙏🏻

本來想食酸菜魚，但發現佢啲小菜都好吸引，我哋就叫左清炒萵筍絲，同手撕雞，另外再叫多個蔥油餅小菜整到來講都好有鑊氣，值得一題係個手撕雞個份量都幾多，而且味道都不錯，至於個蔥油餅就好普通，我哋叫咗兩個菜一個小食，都好飽，下次應該會叫酸菜魚同口水手撕雞試試😙

呢間第二次黎食，佢有間分店係上環，我忘記了咩名。。之前食過酸菜魚，好味既，但今晚同女友要輕食，所以淨係叫左幾份小食。。麻辣脆魚皮，好味到傻，我地可以每人各食一碟，爽口，麻辣，過癮！！椒麻雞，味道可以，好麻辣，食完個咀仔好似有野係到跳下跳下。唯一既係味道偏鹹蒜蓉炒荀絲，两個字: 好味，又一推介黑糖冰粉 好好味，都係為左佢而黎食，都係可以每人食一碗。。總括而言好滿足，地點方便，值得去試！用OpenRice 訂枱仲有88折！我地賣單都係188，抵食！

今日同朋友去左銅鑼灣行街，經過登龍街見到呢間酸菜魚專門店有好多lunch set可以選擇，所以我地諗都無諗就入左去，入到去侍應都好快手同好有禮貌，侍應好快手拎左杯茶俾我地，杯茶好香飲落去個味好特別，我地最後擇左呢度好出名既酸菜魚，一碟蔥油雞同埋蔥油餅，仲加左兩碟小食~酸菜魚個味道好正宗，份量真係夠哂足而且食落無咩味精，所以食完唔會好渴，而碟蔥油雞同蔥油餅都好正，尤其係碟雞唔係淨係得d骨，啖啖肉呀！！ 碟小食魚皮都好新鮮，夠麻夠辣。總之整體都係好味，而lunch set既價錢真係好抵，一d都唔貴，而且d店員都好好禮貌，我一定會再去既！！

銅鑼灣登龍街有唔少食店，每次經過都會有新發現。小編跟朋友去銅鑼灣搵食，發現多左間川菜餐廳🌶️，主打自家制酸菜魚，門口裝修走非傳統路線幾特別，被吸引入左去試試。酸菜魚是一道融和了多種味道的菜式，工序繁多，湯底講究口感醇厚，味道以鮮、辣、酸為主，魚片則講究嫩滑。餐廳老闆好熱情，閒聊幾句，得知餐廳選用黑魚做酸菜魚，因為黑魚肉質爽嫩緊實，唔會散開又唔多骨，而且無論魚片、酸菜都係自家制，非內地加工來貨，唔怕有現成酸菜嘅縮臭味，確保食物質素。另外，老闆還向小編推介左失傳夫妻肺片，除常見的牛舌、牛肚，牛心外，還有一片片透明的是牛頭皮。小編見識少，都係第一次食，口感獨特，有點爽口又帶點膠質感，含有豐富骨膠原，麻辣鮮香，小編食到唔停口。🌶️招牌老壇酸菜魚(1-2人份) $198 😋😋😋😋/5🌶️金玥精選燉湯 $48 😋😋😋😋/5🌶️金爺手撕家鄉咸雞 $65 😋😋😋/5🌶️撚手蒜蓉萵荀絲 $68 😋😋😋/5🌶️失傳夫妻肺片 $60 😋😋😋😋/5🌶️檸檬薏米水 $18 😋😋😋/5🌶️山楂羅漢果 $18 😋😋😋/5

lunch諗唔到食咩，係銅鑼灣兜左一圈，最後呢間川菜店門口超多既小菜款式吸引左我。順勢試下，覺得都幾好食，下次要試下酸菜魚。鍾意食小菜可以試下、多少少人來食就可以試多幾味餸。午市套餐有羅漢果茶送，配中式菜都好夾，套餐仲有前菜送，係自家醃制的，好開胃。我好鍾意食酸菜，酸菜心炒腩肉好好味，仲揀左土豆粉.湯粉既湯底都幾好。仲揀左咁乾煸四季豆、秘制薑蔥手撕雞（個底有好多青瓜舖住，如果青瓜有小小味應該更加好食）

🥢銅鑼灣抵食啖啖魚肉自家製美味酸菜魚惹味辣子雞🥢去開銅鑼灣搵食，發現登龍街地下有間門口幾搶眼的川菜店，店前有個大燈牌招牌 , 上面係一條活跳跳的魚，就知道係出名食酸菜魚，一於去試下好唔好食先得🥢泡椒脆藕苗$58餐前小食竟然有我至愛蓮藕苗，口感咬落爽脆又酸酸甜甜咁，個味有d 似蕎頭酸酸爽爽少少辣好開胃🥢招牌老壇酸菜魚 (1-2人）$198追加魚腐 $12 土豆粉 $12酸菜魚可以再加入自己喜歡的配料，今次加了魚腐，土豆粉，上檯時原來酸菜魚係大大一盤，仲有非常多魚肉，食極都仲有，認真夠曬抵食，而最正既係佢地的酸菜係店家自己醃製，仲要份量好多，鐘意食酸菜的朋友一定好開心，魚腐軟熟又吸收曬湯的精華，辣辣地好惹味🥢帝王辣子雞 $128辣子雞要爆到乾曬脆卜卜先夠正宗，呢個就係咁啦，好似食緊辣雞脆脆咁，鐘意食脆卜卜的朋友可以試下🥢金玥精選燉湯$48一間餐廳如有燉湯提供，通常我都會叫返個燉湯，呢個燉湯係餐廳限量供應一日只有十零個左右，入邊有螺頭瘦肉冬菇雞腳，飲落好滋潤而且火喉足夠夠曬清甜滋潤🥢黃金小饅頭（6 件）$28即炸嘅迷你小饅頭，平時好想食炸饅頭又怕太多滯胃既可以放心，細細粒點煉奶制一口一個剛剛

中午同同事三丁友發現呢間新開既茶餐廳，係銅鑼灣黎講價格唔算太貴，打算一試。我地三人三碟餸，酸菜魚，四季豆肉碎，椒麻雞，全部BB辣，大家一齊share。酸菜鱼味道麻麻，唔夠味，唔知係咪因為我地嗌左小酸小辣？我最鍾意椒麻雞，個雞肉夠滑夠嫩，仲有濃濃花椒香，我地最尾將下層既青瓜都全部食曬，入味👍四季豆肉末都算好食，肉末幹身入味，四季豆香脆入口，我都Keep住挑啲肉碎食😂最尾埋單平均每人69蚊，仲送埋開胃小食