金玥 (已結業)

一間性價比好高嘅川菜，位於銅鑼灣最多美食而又就腳嘅登龍街，啱哂行完街想食好西嘅朋友仔。金玥精選燉湯（$48）是日燉湯係螺頭花菇燉雞腳，聽講係每日限量供應。以茶壺及茶杯享用燉湯都係第一次，飲得出係老火燉湯，螺頭花菇味好出又好香，好飲又滋補👍🏻脆口麻辣魚皮（$42）魚皮少少半透明，口感似海蜇咁爽脆，夠麻亦夠辣，底部嘅青瓜絲吸收咗麻辣汁都好惹味，係一款勁正嘅餐前涼菜小食😋但味道比較辣，即使點咗小小辣都不容小覷。黃金墨魚餅（$42）墨魚餅有6塊，份量都好夠食，墨魚爽口彈牙，煎得香脆可口，加上泰式辣醬，正😋巧手蒽油雞（$68）蒽油香氣四溢，雞肉嫩滑唔油膩，每一啖都有香蒽嘅香氣係口腔擴散，簡單嘅配搭但食得出背後嘅心思，仲好啱未必食到太辣嘅朋友仔。招牌老壇酸菜魚（$198）追加：萵筍（+$12）追加：魚腐（+$12)酸菜魚係呢度嘅招牌菜，可自選辣度同酸度，而且仲可追加配料。一大盤酸菜魚好足料，魚肉多到食極都仲有，口感滑嫩又唔腥，魚腐吸收晒湯嘅精華好好食，萵荀入味又不失爽脆，整體微辣得嚟又好惹味，值得推介👍🏻紅糖糍粑（$46）糍粑外皮少少酥脆，面層加咗少少紅糖，口感熱辣辣且軟綿煙韌，重點係唔黏牙👍🏻再

不嬲都好鍾意食川菜特別係酸菜魚所以見到舖頭門口大大隻字寫住酸菜魚就吸引咗我入嚟食食完之後都幾失望明明未食飽，但係都食唔落口一個字形容，好難食仲要價錢唔平sosad首先個酸菜魚係每一舊魚都有好多骨明明小辣，但係好辣魚又唔係好入味另外加咗$24配埋薯粉薯粉又係唔入味平時好鍾意食酸菜魚，次次都撈晒成碗飯清晒今日食咗幾啖已經唔想食另外呢個桂花鬼馬麥脆雞仲搞笑個味係OK嘅，但係油炸鬼仲多過雞仲要炸粉勁厚，食完都唔覺得食緊舊雞完全係九唔搭八到爆冇下次完

辛辛苦苦喺銅鑼灣完成了3日全日event，非常疲纍😑到最後1日收工諗住在附近求其搵啲嘢食，點知喺登龍街比我地見到呢間餐廳，門口寫住有我最愛酸菜魚阿去到大約7點，星期日就要等一陣，不過好快有台😊事不宜遲，立刻點菜🙃首先上來的涼菜口水雞，80分，輸在雞胸唔夠滑跟住嚟的手撕包菜估唔到幾好食喔原來係用蒸魚豉油調味喔！重點：酸菜魚嚟啦！88分阿！魚好滑 👍自己加配料：選擇了雲耳， 豆卜 ，寬粉。湯底夠酸我很喜歡

心血來潮好想食酸菜魚喺OpenRice搵到銅鑼灣有新開嘅舖頭而且經OpenRice訂位晚市，可以有八折優惠咁抵一定要去試吓啦果然冇令我失望最好食嘅係酸菜魚我叫咗小辣超級多酸菜不過我冇加到其他配菜，佢可以加萵筍，豆卜，薯粉…… 一上台當然要飲吓佢嘅湯啦超級濃，但係又唔會鹹叫咗一個油炸鬼上枱嘅時候仲係脆卜卜不過個人覺得點落酸菜魚都唔好食回鍋肉味道比較港式，而且冇咩配菜唔似出邊有啲係有埋菜同埋冬菇不過份量都幾多最尾係炒椰菜有一啲腩肉片但係味道比較鹹同埋有啲鞋入面仲有啲花椒同埋好多油

今日又好想食酸菜魚，每日都要食酸酸辣辣先安樂既😂😂。之前同事都話呢間金玥好食，但次次去到登龍街都會俾其他野吸引住😅。可能因為呢度既門面唔似食辣野，好啦，今日見4：00呢D時間無咩人，可以坐得舒服D，即刻入黎order個酸菜魚套餐先😋😋😋。老壇酸菜魚套餐 $78套餐包括，酸菜魚(可以自己選擇辣度)，一碟前菜，一碗白飯同埋羅漢果茶😃。酸菜魚份量十足，好大碗，都好多魚，魚質幾滑，因為我叫大辣，所以辣道有勁唔錯😋😋😋，不過酸菜味道唔太突出，但都好惹味，成碗飯食晒。反而前菜好酸，同埋份量少D，但青瓜夠清爽，好快又食晒😂😂。羅漢果茶就可以添飲既，唔太甜，可以清熱氣，幾好😊。如果以銅鑼灣呢個價錢，可以話大件夾抵食😂😂，好飽丫。

依間位於登龍街既餐廳主打酸菜魚,鍾意食川菜食辣既lunch set既選擇都有頗多,而且價錢吾算貴☺️******************************招牌老壇酸菜魚($78)包前菜,飯同飲品,可以自己自選酸辣度,我地叫左bb酸同辣,食落去辣度岩岩好,佢地既酸菜係自家醃製,而且份量都幾多,而魚片口感嫩滑而且吾會腥招牌口水雞($64)口水雞鋪滿醬汁,麻辣蒜香味重,雞肉肉質嫩滑,而且最好既係佢無骨,食落去啖啖肉開胃酸湯肥牛($70)肥牛再配左粉絲,粉絲吸收左湯底既精華,不過酸辣味再重d會比較好!

窮遊香港-銅鑼灣登龍街招牌酸菜魚 最近銅鑼灣開咗好多主打酸菜魚既川菜 個人幾鐘意酸菜魚 唯有一間一間試試 再寫下記錄 （餐牌睇圖）環境方面 每張枱十分闊落 空間感十足 加分入邊有啲霓虹燈裝飾打卡位呢日午市黎到 午餐大概$60-70 份量幾大份.⭐️招牌老壇酸菜魚‼️呢間魚肉係我食過最滑身👍🏻即使被湯浸住 食到最後都仲係滑既👍🏻叫左小辣 湯底辣同酸度平衡 岩我口味酸菜同蘿蔔 都係佢哋自家製👎🏻但呢間有個缺點 今日ok多碎骨 扣分👌🏻飯粒佢哋用咗金鳳米 飯粒偏軟（我個人食酸菜魚 飯粒比較鍾意硬身啲for湯飯）.簡單講講小食小菜類值得一讚既 每碟底下都有青瓜絲 幾開胃⭐️金玥招牌口水雞👍🏻雞肉小滑 厚肉 幾肥美 表面大量麻辣醬⭐️尖椒麻辣皮蛋👌🏻醬汁同上 尖椒唔太覺 皮蛋口感OK⭐️老四川麻婆豆腐👍🏻大量肉醬 有啲魚香茄子feel👍🏻豆腐滑身偏小甜 個汁送飯一流‼️呢碟有驚喜 高質 可以一試⭐️洛神鬼馬咕嚕肉👍🏻真係幾鬼馬 入邊有油炸鬼 同咕嚕肉唔認真睇 真係比舊油炸鬼呃到⭐️爽脆海蜇好耐冇食過咁粗身既海蜇好爽脆 呢碟主要食口感⭐️麻辣手撕雞呢個手撕雞 真心偏辣 有中辣亦都做到絲絲 有麻香 送飯唔錯.#h

餐廳有上下兩層，好多位，我地夜晚9點去到，都好多人，等左一陣先有位，都坐得迫迫地一坐低就會送一人一杯紅棗水，幾貼心～餐牌有好多選擇，因為得兩個女仔，只可以精選最想食既三款1）招牌酸菜魚追加魚腐土豆粉：份量好足，魚片無骨好滑好好味，土豆粉同魚腐吸曬湯汁，好正，必食！2）川椒皮蛋：我係皮蛋fans, 呢度汁料味道調得幾好，辣辣地唔太咸，幾香口開胃3）椒麻雞：雞肉整得好滑，但唔夠麻，我地撈左皮蛋d川椒一齊食，好味好多整體食物味道同質素唔錯，價錢合理，會再黎試其他野食😉

餐廳既酸菜魚用上草魚、自家醃製酸菜、泡辣椒、花椒 麻得黎唔苦 花椒後勁好強 呢種川香滋味令我念念不忘 $198兩個人食啱啱好另外餐廳既辣子雞都好正 把雞肉炸得酥脆 再落花椒同辣椒 有齊麻同辣兩種刺激

金玥 La Golden Bistro @la_goldan📍銅鑼灣登龍街31-35號玉山大廈31-35號地鋪.呢間位於銅鑼灣登龍街川菜店「金玥」其實係中環酸菜魚名店「蓉玥」名廚李文金班底開設嘅副綫，佢哋西環亦設有分店～ 餐廳主打嘅酸菜魚湯底以雞骨、豬骨及魚骨等熬製四個鐘，自設工場，銅鑼灣店更特別供應酸菜花膠𠻹😋 餐廳內外佈滿霓虹燈相當吸睛🤩 室內分為兩層，夠寬敞，佢哋嘅午市套餐亦相當抵食，份量夠大，大家不妨過嚟試試👍🏻.🍅 紅湯酸菜魚 (1-2人) $238: 紅湯主要以番茄和酸菜作配料，採用自家醃製嘅酸菜，特別酸爽，湯底辣中帶鮮，帶岀冬蔭功嘅味道，好開胃，用上黑魚，魚片嫩滑帶少許細骨，肉質唔易散，非常足料，更可自選酸辣度👍🏻 另外亦追加了薯粉，煙煙韌韌，掛湯能力強😍.🐟 脆口麻辣魚皮 $45: 新鮮魚皮帶半透明，清新爽脆，麻味十足，呢款涼菜小食絕對啱哂炎熱夏日食，必叫😋.🐮 失傳夫妻肺片 $54: 有牛肚、牛舌、牛心，仲有好少食到嘅牛皮，爽口，膠質感重，含豐富骨膠原，有驚喜😁.🐓 金玥招牌口水雞 $68: 醬汁夠麻辣，面頭有好多蒜頭和花生粒，配上嫩滑嘅雞肉，撈飯食一流👍🏻.🍡 爆漿

因為好鍾意食酸菜魚見到佢有午市套餐即管入去試吓個酸菜魚一上菜嗰陣已經見勢色不對個湯顏色非常奇怪完全唔似正宗酸菜魚仲有陣浸酸宿臭味初初以為係啲榨菜嘅味道但食咗一啖已經唔想再食首先成個湯底小辣都非常辣辣味係死辣唔似正宗四川嗰種香辣好奇怪佢個酸味同辣味係完全分開嘅泡辣椒同花椒亦非常之少總之成個湯底就好似榨菜加醋咁上下嘅味道魚片數量算多可惜好多骨每塊魚片我起碼食到兩三條骨魚皮位置亦硬到咬唔開白蘿蔔已經切到好薄但都好多渣總括嚟講未食過咁難食嘅酸菜魚其實當時我勁肚餓但食咗四份一已經再食唔到落去（平時我係連啲湯都飲晒）Sor 真係冇下次一定唔會再幫襯

👍🏻洛神鬼馬咕嚕雞 $82咕嚕雞無骨啖啖肉，外皮炸得脆雞肉嫩滑厚肉，大大舊好好食😜醬汁酸甜適中，調味唔錯質地夠多夠黏稠，舊舊都均勻沾上咕嚕汁有驚喜😆！油炸鬼無因為醬汁變軟腍食到尾都仲係好脆口！酸酸甜甜，好Match😋👍🏻味道：8/10性價比：8/10-👍🏻老四川麻婆豆腐 $72豆腐切粒大粒，夠嫩滑又唔會碎哂，keep到完整一舊舊👍🏻面頭既肉燥帶麻香，有少少麻辣感🤤！豆瓣醬同豆豉味夠濃，好惹味🤪醬汁比出面食到既較稠身重味，撈飯一流😋👍🏻味道：9/10性價比：8/10-👍🏻四川之王回鍋肉 $78豬腩片夠哂肥勁邪惡👹！厚薄適中，爆得乾身爽口🤪好香豆豉同豆瓣醬既味，少少辣夾住蔥一齊食，食落無咁油膩😆腩片份量都幾多，抵食👍🏻味道：8/10性價比：8/10-👌🏻帝王辣子雞 $128雞肉炒得好乾身，香口惹味🤪叫左中辣，唔算好辣，但夠麻夠椒鹽味👍🏻花生比例都幾多，花生味幾重美中不足係比較細粒同多碎骨🥺味道：7/10性價比：6/10-👌🏻黃金墨魚餅 $42/6塊食到墨魚味，唔會好粉團咁但口感唔夠彈牙，偏薄身，亦唔算好大塊🤥味道：6/10性價比：6/10-👍🏻椰汁西米流心丸 $36/4粒外面口感有啲似鹹水

少有嘅平民川菜！仲有好多罕見嘅地道菜式！-有班好鍾意飲食嘅男女，唔係去左開川菜，而係去左開Channel，叫餓底TV。田中都係睇完佢地介紹，先忍唔住黎食！-🌶招牌紅湯酸菜魚 (套餐 $78)1️⃣極級海量嘅魚片，嫩滑無骨，夾起唔易散，呢個價錢絕對足料抵食。2️⃣湯底酸而鮮， 主要有蕃茄同酸菜等配料，非常開胃，有得揀辣度，同時亦非常夠麻。👍🏻8.5/10🍗金玥招牌口水雞 (單點 $56)份量一樣非常大，能夠賣$56已經係奇蹟，醬汁極麻辣，乾身而香廿，夠重口味。👍🏻8/10🥦熗炒金肉福剛菜花 (單點 $50)金肉就係肥豬肉嘅肥膏炸香，滿口豬油香，非常邪惡，熗炒火喉夠，惹味香濃。👍🏻8.5/10🍗巧手蔥油雞 (單點 $56)啖啖無骨手撕雞，口味較輕，勝在蔥油夠香。👍🏻7.5/10

很久沒有吃到 地道嘅四川菜 今天中午吃到了 🌶🌶我們12時到了 客人不多 待應問我們飲 羅漢果茶好嗎 吃川菜較燥熱 飲羅漢果水 正好能清熱 就是這點點細節 讓客人對餐廳有好感 🥰🥰午市吃飯有個好處 就是以便宜的價格 吃到晚市較高價菜式 但份量會少得多 却可試吃更多款式菜餚 以老壇酸菜魚 晚上要收近200元一份 但午飯時段只要78元 而且還包四川泡菜 白飯 不要白飯改湯米線 亦只加8元 很化算今天三人吃飯 點了三份午餐 另加2款甜品老壇酸菜魚 青椒回鍋肉 鹽焗去骨手撕雞 紅糖糍粑 紅糖冰粉 😋😋這小店食材用料新鮮 廚房師傅巧手 調味手法得宜 味道亦很地道 酸菜是自家醃漬的 招牌菜 老壇酸菜魚可選辣度及酸度 迎合不愛吃辣的客人 體貼 🐟🐟還不到一時 小小的菜館 已客滿 確實 從服務到食物質素 確實是非常滿意的 🤩🤩

我外賣自取酸菜魚，啲魚又唔滑，又多骨食兩啖又有骨，唔香，個湯底都唔好食呢個價錢外面可以食到好多間高質過佢基本上下次都唔會揀食佢嘅酸菜魚小食嗌咗個菇，可能因為外賣拎返屋企食已經淋晒，但係都想像到佢啱啱炸起嗰陣係好食嘅其他不予置評，酸菜魚最差