金玥 (已結業)

今日又好想食酸菜魚，每日都要食酸酸辣辣先安樂既😂😂。之前同事都話呢間金玥好食，但次次去到登龍街都會俾其他野吸引住😅。可能因為呢度既門面唔似食辣野，好啦，今日見4：00呢D時間無咩人，可以坐得舒服D，即刻入黎order個酸菜魚套餐先😋😋😋。老壇酸菜魚套餐 $78套餐包括，酸菜魚(可以自己選擇辣度)，一碟前菜，一碗白飯同埋羅漢果茶😃。酸菜魚份量十足，好大碗，都好多魚，魚質幾滑，因為我叫大辣，所以辣道有勁唔錯😋😋😋，不過酸菜味道唔太突出，但都好惹味，成碗飯食晒。反而前菜好酸，同埋份量少D，但青瓜夠清爽，好快又食晒😂😂。羅漢果茶就可以添飲既，唔太甜，可以清熱氣，幾好😊。如果以銅鑼灣呢個價錢，可以話大件夾抵食😂😂，好飽丫。