金潮小廚

係葵芳行完街, 記起呢度有間小炒幾好食, 於是就行過黎

兩個人叫左三樣野
蒜蓉豆苗 - 落左好多油囉, 成碟菜油淋淋, 碟底仲超多油
胡椒蜆湯 - 呢排咁凍飲番碗暖身正呀, 蜆好鮮味, 胡椒味好重, 辣辣地幾正
黃金蝦 - 隻蝦有著淡淡既蛋黃味, 唔會太鹹, 送飯一流

我地 walk in 8:45pm 黎到, 唔使等即刻有位, 仲可以拉多張凳擺下袋,
又唔使限食個半鐘, 可以舒舒服服咁食

服務一般小館質素啦, 有個光頭疑似老闆既男人招呼好 d,
會同你介紹下今日有咩好食