金潮小廚

营业中

休息中

前陣子電視台某飲食節目其中一集有介紹金潮小廚，有朋友提議去食晚飯，故一行6人相約晚上7：30到金潮食晚飯，當日早上致電攞號碼，需到齊人數才可入坐。當晚幸好即時有枱，唔駛再排隊等叫號碼。由於晚上頗多食客，所以坐位較為逼，幸好我哋坐在角位張枱，減少被人碰撞。打開餐牌，首幾頁全是食物相片，賣相相當吸引，每款都想食，最後共點了10款食物，如下： 鮑汁雞腳 一碟有6隻 $30 脆皮南乳豬手 唔覺油膩，外皮真的夠脆 冰梅骨 食多幾件都唔覺滯，值得推薦 豉椒炒蟶子 一碟5隻，但不是想像中的鮮甜 胡椒蜆湯 未入口已聞到強勁的胡椒味，正！ XO醬海皇炒粉絲 粉絲炒得乾爽，又唔會炒得碎濕濕，食到碟底亦不會有一灘油 黃金蝦 其實只屬一般，蝦身唔算大隻，略覺唔夠新鮮 黃金鮮魷 需然咸旦黃同魷魚同屬高膽固醇，但處理得十分美味，值得一試椒鹽豆腐 外表十分吸引，但一口咬入，毫無豆味，豆腐亦唔滑，食咗半件，已想放棄啫啫通菜㷛 好香，好味，d通菜亦唔會油淋淋，值得讚賞汽水$4支每枱只得1小時30分鐘用膳，又或者見大家已食到七七八八，侍應會很有禮貌地詢問食物是否上齊，並示意結賬，因

上星期一同左女友同幾個fan去左呢間店食晚飯,之前已經book左位,而我地亦準時到左,所以好快有得坐下,我地5位但佢地比左張四人枱我地,坐得好迫而且同隔離枱根本就冇空位,成日比人撞,好特辛苦.食物方便我地叫左以下.....干燒伊麵:一般之作同平時茶餐廳般無異炒班塊:唔叫好過叫之作.啫啫通菜煲 : 好勁既酒香,都算ok,但要快d食曬,因為凍左就冇咩味 黃金蝦:咁多樣之中最好,炒得乾身,有蝦味,亦有蛋味,不暝錯,可能連殼食. 荷葉飯 :一般,得個大字,冇乜料,唔覺有咩香味.

搬咗嚟呢頭幾年都唔知有金潮小廚呢間小菜館，直至沅小儀同金剛個節目第一集就介紹佢，我先至知，睇完就已經好想去試，今日終於一嚐佢d招牌菜，仲趁人多一口氣嗌咗9樣招牌菜式~~一口牛柳~~~我同我d屋企人覺得其中一樣最好食嘅嘢，牛柳淋滑，食唔出用鬆肉粉或者食粉嗱過，仲有牛肉味嘅，茨汁係用喼汁加豉油加糖嗰種，非常好味，如果送白飯一流~~馬拉盞通菜~~~呢道菜好食，因為惹味，亦唔會太辣，炒菜亦無過火，菜葉依然係嫩綠色，唔錯唔錯~~荷葉飯~~~真係用料同份量都十足，我哋十個人（有大有細）都夠食，飯一d都唔削，真係食到荷葉嘅香味~~炸生蠔~~~其實炸生蠔用本地蠔係最好食，因為肉質冇美國桶蠔咁實，又可以生炸，蠔味得以保存，但會縮水，無咁有體面，所以一般酒樓大多數用美國桶蠔，不過由於桶蠔太大隻，一定會拖拖水先至拎去炸（包熟），但相對地蠔味就遜色咗，呢度亦都係，超大隻，唔知以為係錦鹵雲吞，全碟只得五隻，我嫌炸漿太多（佢唔係厚粉，但炸起已經隻船咁）菠蘿咕囉肉~~~食得出係即炸，脆皮肉嫩，甜酸汁搞得啱啱好，唔搶喉，亦唔覺得杰韃韃~~好味雜菌斑球~~~其實呢碟嘢冇乜特別，魚肉唔算特別嫩滑，同其他中式食市質數差唔多

老公一直話好想試街坊食神介紹o既葵涌"炸帝"!終於果日去葵芳行街順便搵埋"炸帝"~去到"正門"(去到以為街果個係門口見無人等位以為唔駛等,點知原來商場裡面果個先係門口)己經有好多人坐晌度等緊位...拿淋行埋去攞返個籌先~佢話大約要等40分鐘...一場o黎到...一個鐘都等啦真係~不過都講得o岩...哩個等位都真係有少少亂o黎...初初都好似見佢有叫號碼...後來見太子女走出o黎叫"四位...四位...三位...三位"咁...於是乎我走埋去問叫到咩號碼...跟住太子女問返我咩號碼...然後話下張到我...入返正題先~我o地兩公婆叫o左...1) 涼伴魚皮 OK唔錯! 不過我屋企果頭都食到差唔多的...而且平d...2) 胡椒大蜆煲 哩個都好味, 中度胡椒味, 但可能個湯係本身胡椒豬肚湯底, 比較濃, 食唔到個湯有大蜆o既鮮甜味, 但本身d蜆係鮮甜o既...所以都可以啦~3) 黃金蝦 黃金蝦真係好正~味道恰到好處...有好足夠o既咸蛋黃掛晌隻蝦上面, 雖然會漏, 但真係好好味~4) 菠蘿咕嚕肉 哩個都好食, 又係酸甜適中, 咕嚕肉個脆皮雖然比d汁包住, 但依然脆口, 又夠份

從朋友口中得知這間食店好多人幫襯, 她們去了 3 次都因等位太耐而沒有食過. 難得我入黎葵芳, 就去碰碰運氣. 今次我地有備而去, 我們決定晚一點才去, 希望避過多人時段. 我地四點半食個豐富ge下午茶餐打定底, 跟住九點才出發.去到已見到有十數人等緊位. 可能過左用膳高峰時段, 所以我地 4 人只需等 20 分鐘就有得入坐.其實我地係等位時, 已睇定餐牌揀定食乜. 我地一坐低就立即落單, 快點祭祭五臟腑. 我地點左 4 餸 1 飯 :1. 荷葉飯 : 真係好香及好味, 內有軟軟蓮子及鮑魚粒, 飯粒夠香.2. 冰梅骨 : 梅子味入晒 d 排骨, 不過記住要當場食晒佢, 唔好打包, 因為我朋友就係打包左呢碟野, 第二天吃則變得唔好味3. 豆角炒雞軟骨 : d 雞軟骨好鬆香, 食到唔停得口4. 啫啫通菜煲 : 好香, 內有豬頸肉, 入晒味5. 三杯雞 : 我幾位朋友都勁讚, 話係 5 樣野之中最好味, 雞夠滑, 又有九層塔香味大家都好滿意, 希望有機會再去試

呢晚同男友仔約好左另外 2 位朋友仔去金潮晚膳!!朝早打去 book 位...態度真係.......唉~店員: 喂 (好似自己聽電話咁, 完全無講店名, 我仲以為打錯 = =!)我: 唔該我想問係咪金潮呀?店員: 係 (悔氣 tone = =!)我: 哦, 唔該有無得 book 位架?店員: 咪比個 number 你囉 (有咪有無咪無囉, 9 唔搭 8 仲要悔氣 tone = =!)我: 咁唔該我想 book 4 位, 7 點半店員: 42 呀 (悔氣 tone = =!)我: 哦, 好呀唔該 (真係無奈......)雖然 book 左位, 不過以佢既態度, 實在唔夜心, 所以收工就急急腳走人去拎位去!!大約 6 點 7 左右到步, 人唔多...因為未到 book 位既時間...confirm 左朋友仔會 around 7 點就到, 所以決定重新拎過張飛仔等~朋友仔到步, 再等左一陣, 店員就問有無人願意搭枱, 因為搭枱就有位...我地都無咩所謂啦, 於是搭枱去~坐定定就睇 menu....揀呀揀....3 心 2 意...lol經過一輪商議, 因為個個都唔太餓, 所以我地就落單

這店要去試試，因有同事極力推介，其實過去午市已光顧一次，那次真的名過於實。今次真的不能同日而語，9點半左右到，嘩！重要等位 囡囡說走吧啦！ 我想食客也差多走，等一等再算，出15分鐘有枱。 推介食物真的很多，3個人叫4個餸應差多，但魚皮沒有了，於是黃金蝦 - 好唔好味? 漏單，沒有補回，因會有下次嗎胡椒蜆湯 - 好鮮、好辣、好好味 蝦醬豬腩肉 - 囡囡說一般，不知有咩好味。豬肉已把油迫走，蝦醬味和脆皮，腩肉全乾，那就已好好味。其實囡囡愛吃肉，這碟是全肉，所以沒興趣乾炒牛河 - 我真有點失禮，坐近我們那幾枱客，也聽我如何讚這碟乾炒牛河，過去20多元到80多元的乾牛河也吃過，能一上枱便讚，這是第一次。首先賣相，不用多說，看看相吧 味道不太咸、油、少洋葱，牛肉大片和厚，但不乾不硬。這乾牛河令我想起"金玉滿堂"，乾牛河炒得靚和好食，真的不易。我囡囡自誇吃牛河也不少，這算是極品。仔仔基本不愛吃河粉，吃了半碟好唔好食??唔使講啦可樂 x 2枝共158元炒粉麵飯，家中評價用最簡單標準，碟底剩多少油，沒油就最好，剩油就是差，其次味道、配搭份量，然後賣相。"金馬來"有這"功力"，只是

夜晚9點半左右黎到都仲要等位，好彩都只係等左一陣!今次冇叫招牌黃金蝦或大蜆煲，點左蝦乾蒸勝瓜及牛仔骨蝦乾蒸勝瓜︰清清地能夠突出勝瓜的清甜，豉油若能鹹少少更好牛仔骨︰叫時都唔知原來會煲上，洋蔥令牛仔骨非常香，正!

等位冇系統。太多人等位，老闆唔休做.因有知名度本人嘗試下:黃金蝦、魚皮$40、胡椒豬肚湯_蒸善_豉油皇炒面。等，味道一般。茶餐廳格局，酒樓價錢。其他地方都有這間味道，唔會再去

等左一個鐘，收銀個個女人服務態度差都已經不在話下，問親幾點得都唔同既，明明訂左六點半，7點都仲未有！入到去，泥得慢，又難食，粗製濫造，又多油！不去也擺，明星效應！

做完PRESENT 去食野輕鬆下...朋友介紹~ 因為早去唔洗等...但係林走果陣見到出面排長龍排得都幾誇張下....限時 1.5HR 要食完走~ 最後食左1個鍾多D..就比人請走左..要扣分/\上菜非常快! 菜水碗蝶都乾淨~味道 荷葉飯,黃金蝦都係超正的!!奇異果排骨..真係堅有特色...因為係牙膏味的= =" 不過又唔係難食..但係去食飯又唔係為左刷牙咁LO...其他都普普通通啦~價錢唔算貴~ 但係會唔會番食? 唔知呢@@! 可能今次唔識叫送所以先唔夠出色~可能下次會有驚喜的掛!

男友係附近返工一直介紹，但，每次想去食，晚市都係人頭湧湧...一間感覺上隱世o既「超正食肆」，竟然!!! 終於俾我係一晚等都唔駛點等o既晚上試o左!!! 因為得兩個人去食，唔係食到好多o野，但，好味就係好味，食過番尋味~不過，原來我今次叫o左個兩味菜唔係有好多人食過..哈哈! 咁我今次都推介一下啦!1. 西檸脆滑雞 真係外脆內軟o既雞柳，同其他小廚o既烹調製法好唔同! 脆而不膩，再配上檸汁，開胃感覺恰到好處，真係爭住食!2. 菠蘿甜酸斑球即係咕嚕斑球，斑球o既魚肉都好厚身，足料。雖然只係兩味餸，佢o既份量都好足，已經食到好滿足! 走o既時候都夜晚9點幾，出面仲勁多人等位! 食完返o黎再睇大家o既comment, 我睇我仲要去多好多次啦! 佢o既招牌菜都真係要排住隊試!!

能夠一家人一同吃飯, 在那裡都一樣高興. 當然, 能夠吃得一餐好的, 就更能給大家帶來好的回憶. 不知是晚我們一家人的回憶又是甚麼呢?一直想來這裡一試, 見是晚會去這邊看舞台劇, 就來一試吧. 訂了位, 也要等十五分鐘先有得入座. 無訂位的客人, 店方竟然說要等兩小時, 認真誇張. 店子擺位相當逼, 不過我們坐在埋邊的位置, 還算自乘一角吧. 來得這裡, 當然就會要那幾項招牌菜.鮑粒荷香飯 $68: 9分, 先來的就是飯, 都相當大碟, 四個人吃, 差點吃不完呢. 一打開, 果然是充滿荷香, 飯粒相當之香. 而這碟飯出色在把料放在底下, 但又不會弄到濕濕的, 飯夠乾身, 是高水準之作.豉椒炒聖子 $68: 8分, 本來想叫聖子皇, 但是晚無貨, 唯有要豉椒炒聖子. 聖子炒得香口, 夠鑊氣, 加上豉椒是好惹味, 也幾新鮮, 不俗.啫啫雞煲 $60: 8分, 大大煲, 又熱辣辣, 一樣是香口野, 雞肉仍算嫩滑, 而配上豬潤是豐富了味道.招牌黃金蝦 $65: 8分, 最後來的就是黃金蝦, 叫得招牌作, 也實在不失禮, 鹹蛋黃炸得香脆, 蝦肉新鮮, 也是必叫之選.四項菜色都幾出色, 怪不得要大

尋晚6:00未夠已經去到拎定位先,點知老闆果女都話要等1個鍾內先有位.等到大約7:00都係未有位,最過份係佢地比曬d熟客仔入去同d no.遲果我地d人都已經入佐去坐低食緊野問過果個女人幾次,又話下張木台到我地.點知下張又下張都未到我地囉~點知終於等到有木台果陣,又叫我地比另外3位坐呢張木台.話有另外一張靚木台比我地坐我覺得呢間野好似唔憂做你生意咁...短期內唔會返黎幫襯

葵芳的確有很多食市，所以好多時候會在附近搵嘢食，今次選擇已來過幾次的金潮小廚，都知道這裏等位需時又人多，所以七點幾我先到這裏，見到店外已有十多人在等候，我問收銀姊妺花竟然剛好有兩個人位，但坐下來之後等了超過差不多八分鐘也沒有人招呼及抹枱，直至鄰枱結賬才叫到伙記比茶及碗筷 ; 我們本來想叫鯇魚皮但老板話今日無來貸，所以最後叫咗台式三杯雞煲、XO醬脆魚雲、鮑粒荷葉飯 。最後我倆覺得好膩已吃不下了，所以叫老板拿一個外賣吉盒給我，他竟然叫我比張咭佢，他在咭上水吧一欄圈住並寫咗個‘1’ 字，完來現在堂食如果需要外賣盒携走所食剩的食物則要收取每個一元的費用，唔怪得我看見隔離枱有個太太將剩餘的食物裝落自己帶來很大的食物盒內，相信也是今年才開始吧 ! 我下次也應該學那位太太般要準備好一個環保盒嗱 ! 鮑粒荷葉飯 : 幾好味! 可能兩個人實在太小人吃所以覺得好膩。 台式三杯雞煲 : 好味但太多油。 XO醬脆魚雲 : 好好味，炸得幾好面層唔會太多粉 。