金潮小廚

营业中

休息中

朋友介紹話呢間野好好食，接完女朋友收工就同佢過咗去食，呢間野超級多人排隊，建議前一日訂位，不過太少人佢應該唔會安排。新鮮魚皮，魚皮非常爽口，而且一啲腥味都冇，陪埋芫茜同埋佢個辣汁呢個係賽螃蟹加一啲蛋白同埋少少嘅珊瑚旁，味道清清地，如果食開重口味嘅人，可能會覺得冇咩味道！我就食唔到好多蟹肉，蛋白就好多呢個係珊瑚旁配蝦仁，因為冇晒珊瑚旁，轉左我都唔知咩，佢嘅味道唔錯，蝦仁好爽口同埋都幾大隻仲叫咗一個荷葉飯，我只能說，冇四五個人都唔好叫，因為一定食唔晒。佢嘅荷葉味好香，飯裏面有D肉粒同埋蝦米，味道好唔錯

金潮的「黃金蝦」，真是美味，這道菜有鹹香的蛋黃味。蛋黃沾在鮮蝦殼上，炸後是黃金色澤，賣相賞心悅目。金潮黃金蝦是鹹蛋和鮮蝦炒，一定比一般麵粉更加酥脆。潻上鹹蛋的大蝦，外皮酥脆口感，內裏蝦肉爽嫩，蛋黃濃厚而不膩，令人食指大動。另外一味「黃金魷魚」，這是金潮是名菜，必食黃金魷魚，一定要試一試。脆漿不會太厚，超大隻魷魚，魷魚入味，果然美味無比。外層炸至皮薄酥脆，鹹蛋黃的咸香，加上保持爽滑的鮮魷。簡直是好吃得不能停口，相信㕑子用蒜蓉炒香味道中和蛋黃霸氣，令大家愛不惜手。

為免母親節與人逼，決定提早慶祝母親節，母親愛吃中菜小炒，金潮小廚當然是首選，唯一難的是不接受訂位，所以一早六點就到達門口，真幸運，尚剩兩張四人枱，可以直接內進。原來已經開始了母親節的價錢，比平日大概貴$10-$20，依然沒有加一服務收費。胡椒大蜆湯，每次必點項目之一。花甲份量多又大粒，味道十分鮮美。胡椒的辣味更能帶出花甲的鮮，喝下一碗湯，整個人都熱乎乎的。皇牌的黃金蝦一直是水準的保證，面層的鹹蛋黃又香又酥，裡面蝦肉彈牙又鮮甜，齒頰留香。順德污糟雞入味咸香，雞件嫩滑，用來配白飯一流。啫啫通菜豬頸肉煲上枱還滋滋聲響，今次的通菜太老了，豬頸肉切得太幼，失去了豬頸肉爽實的口感。冰梅骨味道酸甜，排骨的肉質不老但結實，十分開胃。

一個人無聊自己食飯，又唔想食茶餐廳，西餐又唔想食，點知見到間晚飯小廚。心大心細，搵間小廚做午餐有啲怪，心惗無所謂啦，麻甩佬一個咩都試下估唔到晏晝餐牌都幾多選擇，一壺茶一對快子，就叫一碟餸一碗白飯養生菌紅燒豆腐 hk78由於轉左母親節餐牌，感覺上價錢應該比平時貴，但惗起應該即炒即食，俾貴啲都值份量唔算大，大概有8，9舊豆腐，同埋切片既冬菇。但一上枱香氣就撲出，果然係叫先炒，熱辣辣。而且汁料足夠唔太杰，叫埋白飯撈汁一流。味道有少少偏咸，但豆腐外張內軟，炒得火喉十足，咬落去仲有汁既口感，而且冬菇非常香口，成個餸配埋白飯食感覺好夾。飲埋杯熱茶就算係完美一餐總括，雖然份量唔多，而且價錢唔平，但偶而食餐特別既午餐，同埋質素又有保證，都算唔錯啊

母親節到了，我帶媽媽品嚐明星餐廳的金潮，聽閒店主曾主持節目，閒時邀電視台朋友吃夜宵，大家想見明星，不妨碰碰運氣。金潮的「黃金蝦」$110，真是一絶，這佳餚有香濃美味的鹹蛋香。蛋黃蓉黏在蝦殼上，炸完呈黃金色，賣相悅人。酥炸黃金蝦加了鹹蛋黃同炒，吃下比一般用麵粉炸蝦更加香口美味。鋪滿鹹蛋味的炸蝦，吃下外脆肉爽，蛋黃香味濃郁，絕不膩耶，相信蒜蓉炒香味道中和蛋黃霸氣，美味可口，令大家愛不惜手。「胡椒大蜆湯」$98，有花紋的海蜆通常在海邊吃最美妙，像蜆這類型的貝殼就算用清水烹煮都十分鮮美。金潮的蜆湯沒有什麼沙，相信清水中靜養時間得宜，令其吐出體內全部雜質。蜆肉完整且吃下鮮甜，似乎經開鍋下油炒香，吃下蜆肉有點姜片和蔥爆香味。現在天氣較潮濕，金潮的胡椒蜆湯加入了胡椒烹制，胡椒香味谥出，香香辣辣的醒胃祛濕，驅寒又暖身。

入座時‘職員話入座起計食個半鐘.我們沒問題的。大約食至40分鐘後‘職員開始收拾‘我明白的‘都講佐我地飲埋啖茶會埋單啦。第45分鐘，兩個女樓面夾硬張塊大圓板剷上我地張桌面，嚇到我當時晤知咩事，我地出聲話有無離譜d呀‘‘未食完呀。桌面仲有野咖‘‘‘個兩個樓面係咁話趕時間，趕時間，趕時間要加大張台比下家，又繼續剷。我地袋又跌落地，個塊木板條邊又爛既‘又界落我地d手到‘‘E 間野真係好離譜，都話佐我會走‘該店要咁趕客‘之前食個一次覺得不錯‘今次帶家人試‘點知咁晤開心，一D都晤專重客人‘我真的貼錢買難受。

今日同GF行葵芳，夜晚揾左間野食，一去到門口已估到係好野，因為成個商場只有佢果間排滿晒人；我地下午3點多才周圍掃街，原本仲好飽夜晚晤想食，但睇到呢間D小菜相好吸引，所以都係入左去食; 我地叫左胡椒蜆煲和招牌黃金蝦，雖然飯店裏面好爆滿，但落了單後都好快已有得食，先嚟左煲胡椒蜆煲，熱辣辣都幾大煲，飲D湯好有胡椒味，亦有D似油鹽水煮蜆D味，辣得嚟晤會辣到入晤到口，真係好好飲，而D蜆隻隻都算大隻，唔似得有D食店只有個殼無左舊肉,而且都有好多隻, 之後，再嚟一碟7隻黃金蝦，隻隻厚肉爽口，炸得嚟鬆脆爽口而不太肥膩，但如果再咸少少會更好，可能本人太重口味吧😜！

九龍人既我，除左去葵涌廣場行街之外，其實都無咩機會入去，但朋友話呢間餐廳要等一個鐘先有得食，下！一個鐘﹖有無咁堅，點知~~~~ 見到有魚皮，點會唔叫﹖曾經係南丫島食過，爽口彈牙，呢碟確實有進步既空間！呢個荷葉飯，荷葉味未夠，不過四人份量就好夠！呢個湯，正！以為只會配豬肚，點知配蜆重鮮甜美味！只係聽已經好夠，啫啫果然名不虛傳，芥蘭我會用脆去形容佢，入晒味，正！黃金蝦，連殼都食得，而且唔太咸（以為蛋黃會好咸）！新鮮，但如果粉絲未夠入味！樣樣餸都上得快，清枱快，問你食完未﹖無法啦，星期日，食完出面重有大把人等緊，一個鐘‥‥‥果然係無錯！

這家餐廳由舊鋪經營到現在，都會經常和家人來光顧。紅燒豆腐，所用的豆腐雖不算滑或豆味濃郁。但味道不錯，外炸皮厚度適中，充分吸收芡汁的味道，有菇菌的味道，而且不油膩。南乳炸豬手，豬手再有另跟南乳醬汁。喜歡濃味一點可以點多點，但本人還是覺得南乳味不太足夠。薑蔥魚雲煲，味道較濃的一道菜，用來送白飯不錯。一上枱立即充斥著薑蔥香味，枝竹十分入味，魚亦無泥腥味。小店以家庭式經營，相比以前舊鋪大及光亮，坐位亦舒適了。

聽聞餐廳有好味小菜，特意渣車來試下， 大師要6點或者之前到，否則排隊排到朦。湯很大碗，4-6人份量，足料！賣相正常，味道不太鹹，胡椒味道好重，我只可以飲到一碗，好辣的朋友應該很喜歡。 7/10分山楂咕嚕肉，正宗的咕嚕肉汁就是用山楂打出來，同其他餐廳用蕃茄汁完全不同，好味道！排骨醃得好入味，又唔鹹，最重要個汁打得好，份量適合3-4人。 10/10分煲仔菜上，賣相很吸引， 香氣四溢，份量真的多到要打包！ 只是味道鹹左小小，送飯一流！9/10分蒸豆腐很滑，一邊時豆士蒸，另一邊是帶子粉絲蒸， 份量剛剛好，汁亦恰到好處，比到8/10分小菜基本上都係＄100一個左右，而且份量偏大份，多人食比較划算！呢間餐廳overall 9/10分，怪不得6點已經排曬長龍！

今日同同事到呢度食lunch，聽講呢度食小菜幾出名，但lunch要顧住時間，所以叫lunch set 算。黎到啱啱有位，即刻叫個滑蛋叉燒炒河。數分鐘後已經上菜了，極速~因為撈左d滑蛋落去，d河濕濕地，好易入口，又冇多餘既油，完全冇油膩既感覺。佢應該係炒完d河先落d滑蛋落去，所以d河既質地係外濕內乾，好味道! d滑蛋都有幾多蛋白既~嫩滑既蛋白加埋香濃既汁。而叉燒肥瘦適中，而且冇雪藏味，係稍為有少少乾姐。配埋d蔥既香味，成為左一碟色香味美既滑蛋叉燒炒河。份量都OK多，抵食既。所以真係快靚正~

今日我同妹妹決定食小菜，妹妹成日講：聽左咁多年都未食過金潮小廚，我就帶左佢地黎食。今日星期一八點幾，等一陣就入得。我地叫左兩個小菜，兩個白飯，三人分食啱啱好粉絲什菜煲，90元大大煲，粉絲滑身爽口唔淋，什菜有青翠菜芯、芥蘭、西蘭花、白菜、什菇、魷魚等。未食眼已經飽。整體口感清爽，菜同清湯底組合十分協調，魷魚調出一般鮮味、配合粉絲係一道十分好的開胃菜！推介！ 秘汁炒牛爽肉，90元牛肉爽滑，偏牛柳質地，咬口唔太夠，不過醃得好入味，微甜，有d似加左瑞士汁既味道，送飯唔錯。係牛爽肉分量少左d，size 細左d。 白飯，10元值得一底飯唔硬，係餸菜好伙伴。 金潮d分量都算大份，可以就住就住落單，開心sharing！ (^o^)/

今日聚餐揀咗呢間囗啤唔錯既餐館！我地叫咗，荷葉飯HKD95,好香荷葉味！面係蛋炒飯，中間有Ｄ肉碎，蓮子，鷄肉，感覺似糯米雞，但係改用炒飯底，飯炒得夠乾身，幾好！再來，沙拉骨，HKD90 , 味道調較得好，唔太酸，炸得夠脆，凍咗都好食！ 再來，粉絲什菜煲，HKD 90 , 菜夠新鮮夠嫩，唔重味精，正！再來，啫啫雞煲，HKD 90 , 夠火夠，野味！Ｄ雞好嫩，豬潤肥美夠新鮮！以呢個價錢，有呢仲質素同份量，抵👍👍👍

如果係葵芳要食小菜，一定會去金潮，鑊氣夠，又多款，不過要早去攞位，如果係食飯時間先去攞位，一般要等差唔多一個鐘，要有耐性，先可以食佢。山楂拔絲咕嚕肉，咕嚕肉外皮好脆，入口啖啖肉，酸酸甜甜，好開胃。胡椒蜆湯，胡椒味好濃，好辣，蜆肉都好新鮮又無沙，不過唔知道個煲太大，定蜆真係太少，總覺得胡椒湯好多，蜆仔好少，但係個湯真係好好飲，不過講真叫依個餸，為咗個湯多過個蜆。欖菜肉鬆四季豆，食小菜一定叫，欖菜鹹鹹地，少少辣，配埋個肉碎同四季豆，係一個好惹味嘅小菜，好啱配白飯一齊食。青炒白菜，鑊氣夠，入口爽脆，清清地，雖然無乜特別，但又真係幾好味。金潮嘅小菜味道真係好好，雖然價錢有d貴，但係份量比足你，唔會細細碟，但要有心理準備服務真係麻麻地，同埋如果少人就有機會要搭檯，會好嘈同好迫，所以我平時都會避開食飯時間先去，唔會比人催你走。

慶祝父親生日，當然要在附近吃一頓豐富的。有openrice遍尋一番後，發現了這間高據榜首，卻一直也走漏了眼的這間小廚 – 金潮小廚。 位處於距離地鐵站較遠的恆景商場，從地鐵站走來都要大約7,8分鐘的時間。但這並未為這裡帶來寂靜，反而是很多食客在等位。恰巧來的這天是星期一，不用等多久就能入座。打冷小店的格局，位置不大，而且坐位還有點擠。坐下一刻也有一點好奇，不明白為何她在開飯能獲得這麼多而一致好評的原因。打開餐牌，就好像明白了多一點。看見美輪美奐的插圖，餸菜的賣相也頗為吸引，而價位都在70-100元之間，不用加一。而這次我點了鮑粒荷香飯 ，狀元滑豆腐和冰梅骨。(各90元)上菜的速度很快，眨眼間鮑粒荷香飯已經在台上了。荷葉飯以兩層荷葉包裹，荷香十足。頂部已經剪成圓形，方便打開。拉開荷葉後，米飯充滿了汁水，賣相和餐牌上的不枉多樣，而向用料充足，內裡除了有臘味外，更有一粒粒的鮑粒和咸蛋黃混雜其中，陣陣的荷香加上蛋黃沙沙的口感，果真不錯。之後來的是冰梅骨。冰梅骨用上了冰梅醬就是肯定的，但是這店是搭配著一定數量的蜜桃來炒，混和來吃，甜甜酸酸的感覺就在舌頭上。肉質也是嫩滑的，排骨上的粉漿也不是太多，