金潮小廚

营业中

休息中

老媽子一句 >>>>>>>我想食黃金蝦, 印象中金潮的黃金蝦及少炒很不錯, 兩年冇來吃了, 店子沒有什麼改變, 裝修及價錢還是走大眾化路線, 可惜整體食物遜色不少。鯇魚皮 ($48)鯇魚皮洗淨處理過後, 以冰水浸過, 撈埋麻油, 入口非常麻香爽脆, 點些辣椒豉油吃, 辣辣地, 可口的前菜。招牌黃金蝦 ($105)這個招牌菜遜色不少, 以前用細蝦, 炸得脆脆的, 成隻蝦都好脆口, 現在改用大蝦, 蝦殼較硬, 咬唔入, 蝦肉也較嚡, 幸好鹹蛋黃下得多, 鹹香惹味, 補番不少分數。豉汁蒸大鱔 ($130)鱔的分量頗多, 鱔片火候拿捏相當好, 蒸得好嫩滑, 唯麵豉醤落得太多了, 偏鹹。  回味咖哩軟殼蟹 ($115)軟殼蟹炸得鬆軟, 還帶點軟蟹膏, 好食, 配上炸饅頭點咖哩汁食, 一流, 咖哩汁濃香而不辣, 鹹淡也適中, 還加上大量蛋白調製, 用嚟撈白飯都好正。南乳脆炸猪手 ($95)豬手炸得偏乾, 豬皮韌口, 南乳味濃香, 如果你唔系冇牙婆/公, 叫碟送啤酒一流。

18：30去到不用等位，8個大人1個小朋友，店員都好主動按排夠寬敞的枱，坐落急不及代即刻嗌9個餸，不用5分鐘就上枱了。超正~超有速度~黃金蝦$156，好新鮮爆牛肉小朋友超鍾意食9個餸都係$966超抵食。

中午時份，金潮門外會聚攏了很多人排隊光顧。午市的套餐餐牌貼在門外，每次看到餐牌上有泰式咖哩雞排飯時，我便會選擇在這店用餐。這裡的泰式咖哩幾近不辣，我這不吃辣的人完全接受得到。它的咖哩味很濃烈，雖然醬汁不算多，但也夠餐人吃下大大碟的飯了。雞排是炸過的，外皮脆，內裡肉嫩，真不錯吃的。這店雖說門外蠻多人，但店家很好，他會盡他所能替客人找位置，而且總會看到他忙裡忙外，一時在樓面一時在收銀，工作十分認真。在這裡用餐也不賴喔。

由二層舊鋪時已經幫襯. 水準都 keep 到👍🏻 但價錢就越黎越貴了. 小菜由八九十蚊起價. 但唔駛加一茶芥計落都可接受既. 我就鐘意過晒繁忙時間先黎, 因為生意太旺座位太迫, 仲要限時限刻交枱. 一點都唔會享受. 而且店鋪是營業到凌晨二點的👍🏻薑蔥蠔煲~ 桶蠔大隻又肥美. 味道唔錯. 但洗得唔乾淨好多沙. 大少炒飯同圖片差太遠了😅但炒得乾身入口又唔乾, 幾好味的, 係配料比圖中既細粒左好多倍姐😌另外蒸海斑好滑, 好好味👍🏻好得意的. 老闆一家每晚都會向度開餐閒談. 一家人感情要好😊

同屋企人黎食飯，加埋4個大人晚飯時間等左半個鐘左右，齊人先可以入，都尚可叫左5 碟餸除左魚皮個份量有d 細之後，其餘4 款都大大份既！好在有個大食細佬，咪做大㗰鬼而上菜速度都好快（唔快唔得，出面好多人等位）今次冇食黃金蝦，食左沙律蝦。比較完，下次都係食黃金番黃金蝦，哈哈，因為我唔會嫌咸蛋黃太多，但我會嫌沙律醬太多去相！價錢略貴，份量有點細，但魚皮係脆既，點辣椒豉油食，莞茜係重點！賽螃蟹好滑，唔油，有蝦肉，小小珊瑚蚌，不過冇蟹肉😂，如果有蟹肉就正喇超推介一品煲（媽媽至愛）！勁足料！有東菇，大蝦，花膠，鮮尤，津白，珊瑚蚌，魚柳，鮑片（應該冇漏喇）蝦好新鮮，炸到有天婦羅感覺，好可惜，佢d沙律醬好似品洗錢咁，我個人覺得有d  over,但我爸爸好鐘意失色既污糟雞，個名好似好勁，其實原來係蠔油蒜頭冬菇蒸雞，下次反而會想試下佢個黃酒雞其實我會再番黎食既！因為媽媽話呢度燒茄子都好好食，下次要試！

每次落葵芳食小菜，我首選金潮小廚😋黃金蝦、小炒王，基本上係指定動作胡椒花蛤湯夠味又夠鮮略嫌雞煲啲雞味唔夠入，否則就完美！同朋友來葵芳食飯，記得試下以上推介😏👍🏻

50年來，從都不敢去品嘗鱔魚等食物，自從吃過這裡的豉汁蒸大鱔後，每次想到吃魚時，就必然地想起金潮小廚的大鱔魚，它的魚皮香滑肉質爽脆，在四星酒店級食肆也品嘗不到那種鱔魚一等級的口感；那個金銀蛋肉碎上湯浸西蘭花，真是上佳下火的菜肴，那個咸度剛剛好，在食客最多時還可以保持這個品質，真是不簡單的廚師吧！豉油皇鮮魷炒麵則沒有水準了，麵質太乾太硬，希望他們可以改善。

由以前係舊鋪幫襯到依家....以前大大份，d野又好味，所以好好生意，所以我地成家一路幫襯好多年。今日放工，心思思想飲胡椒湯，所以就去買左個外賣豬肚湯。一羅到已經覺得唔對路，平時不嬲都係比開2個外賣碗既size，今日點解變左得一個碗？返到屋企打開個湯，發現豬肚湯既靈魂--豬肚只得7細舊!!!!!!!!!個豬肚湯仲要變到好味精咁，超 級 細 份 量，成個湯係只有一碗譚仔外賣size...仲要承惠96蚊。間野真係又加價又難食左好多。飲到一肚氣。可一不可再。就算住係樓上我都唔會再幫襯。

口話減肥既兩個人響葵芳行街街買野，好想食地痞小炒，就諗起一間好耐冇黎嘅金廚。雖然離地鐵站有啲距離，不過都係呢頭街坊好鍾意食嘅熱門食店。所以呢又係人山人海，好彩朋友仔眼明手快見到有個位，即刻衝入去同個疑似太子女嘅女士攞位。前面無兩個人等位所以即刻有位好開心😁因為我地之後就見到連住兩張枱都係兩個人啊✌🏻️。我地兩個都係海鮮精，朋友仔好鍾意食鱔既，點左個豉汁蒸鱔，見到人哋隔離枱啲黃金x好似好好味咁，所以就響啲黃金乜乜勿勿入邊揀咗黃金蝦球（都幾貴要過百🙄不過朋友仔話請我食無所謂😘）仲點左我好鍾意食嘅帶子賽螃蟹，又叫咗胡椒蜆肉湯，辣辣地好多蜆肉好鮮。白鱔大條好多豆豉好夠味。😍心心眼嘅黃金大蝦球🍤🍤🍤嗰啲蛋黃好惹味😋蝦球好大隻，唔會鹹啱啱好，炸粉薄得黎脆，油鑊火夠大炸得透唔油😋配埋可樂加冰底簡直👍🏻。得兩個人唔可以叫太多餸因為已經食唔晒。其實呢餐一啲都唔地瘩😂成餐飯食得好豪，朋友都冇理過價錢🙄，附近啲街坊真係有錢。下次再嚟過啦。

同朋友黎食宵夜，一人叫番支啤酒同汽水！😆佢哋嘅魚皮配啤酒真係好正！😍魚皮非常新鮮，唔會雪到硬晒，好爽口！另外，有個秘製辣汁可以點，味道同一般辣汁好唔同，能夠帶出魚皮嘅鮮味，仲有花生又可以送酒😚胡椒蜆湯嘅胡椒味好重、好香，而且仲好鮮甜，蜆肉非常肥美!👍🏻本來我以為薑蔥蠔係就咁薑蔥炒蠔，估唔到係用啫啫煲，上菜嗰陣已經聞到非常香，蠔仲用油桌一桌，外層好香口鬆脆，裏面既蠔肉好大隻同埋鮮美！非常惹味！一定要試吓！佢哋位置唔算多，成日都排長龍，店內環境幾擠迫，而且價錢唔算平，不過食物質素有咁上下保證。

放工同同事去公司附近食野，呢間我食過幾次覺得好唔錯就介紹同事一齊去食chopstick其實呢間真係好多人食，晚晚都排晒長龍，但係其實冇必要限時要人地食半個鐘，好似我哋今日咁，一班同事一齊食嘢自然會傾吓計，食晒唔走老闆又會係咁望住我地完全唔能夠享受用膳嘅時間鮮魚皮非常爽口！！點埋佢嘅自家秘製辣汁再撈埋芫茜一齊食，真係好正胡椒豬肚湯係我次次都會叫，同事飲左一啖都話正！好香既胡椒味，加上蜆既鮮甜同一d雜菜既清甜椒鹽鮮魷平時食得多，咁樣嘅椒鹽鮮魷第一次見佢唔係用魷魚鬚，係一塊嘅魷魚，外層既生粉好薄而且非常鬆脆！黃金蝦唔連埋蝦殼會平啲大隻d..不過我哋就揀咗連蝦殻，因為同事話有蝦殼更加香脆tongue黃金蝦外層用鹹蛋黃加生粉，所以食落去好鬆脆香口！蝦嘅肉質冇咩特別，唔會好霉。唔記得咗呢個餸叫咩名，不過佢入邊最主要嘅係豆腐。豆腐外層用油炸過，但係又好「淋」，唔係好好食，裏面先至滑。醬汁都係偏向清淡，唔值得推介嘅一道菜。總括來講，呢間野嘅食物好唔錯，但係一間餐廳嘅成功唔係單單食物嘅質素，出去食飯仲要好趕咁樣食，有邊個會食得開心呢？

友人不是第一次來這間小廚了，友人說這裡平時都很多人等位，所以我們預先訂了枱，雖然訂咗枱，但去到都等咗半小時，確實多人到在店外等。友人推介必試荷飯，這個飯特色是炒飯底，餡料是好似糯米雞的那種，但有D遜色就係荷葉味不夠香。注意這個飯份量都很多，我們三人要外帶回家。滋味冰梅骨做得不錯，味道很適中，有別於一般的生炒骨，這個推介!個湯白胡椒味太重太嗆喉，個人覺得浪費咗個豬肚湯，好似只飲緊味精水咁。金銀蛋時疏清湯蛋靚，這個水準不錯。失敗之作，吃完以上的菜，都一直都還未到，見到每次都同一期出相同款式到幾枱但都未到我們，已經沒有特別催促，但等下又等，等下又等，就第一次問下店員，店員說整緊，我們由原本不急催到已經開始不耐煩，為了吃這個所謂招牌菜，唯有一等再等，可惜前後催了5次，等了45分鐘，見到換走了兩轉的客人出這菜才到我們上菜，我好有理由相信店家是漏單不特止，而且係儲單一次過出幾枱客。也許因為咁，所以水準很差?沒有鹹蛋王味，蝦身很濕好似食白灼蝦咁，一D都唔係黃金蝦。

適逢新都會有我至愛嘅Keroppi，一場嚟到葵芳，相請不如偶遇去一趟金潮，抱住期望去大擦一餐，先來一個小吃～鮑汁雞腳，侍應大叔問要六隻定八隻，我哋三個人要六隻就啱啱好，費事分贜唔云丫嘛，但餐牌只有一個價錢，其實有乜分別呢！？雞腳比較奀而且唔夠淋，但鮑汁味道係足夠嘅，不過不失啦。咖哩軟殼蟹配炸曼頭，咖哩汁好香濃帶少微辣，有少許蛋花，但蟹完全無味，難怪侍應大叔提點「要點埋個汁至好食架」，但汁還汁、蟹還蟹嘅味差左d囉。豉汁蒸鱔本人覺得無乜難道嘅菜色，加d蒜頭豆豉蒸熟淋浸熟油～食得，無難度可言。蒸狀元豆腐，原盒百福滑豆腐拼粉絲豉汁帶子碎粒同蒜蓉蝦，蒸點清爽又清淡，全餐之中覺得最美味嘅菜色。最後嚟個黃金蝦作結尾，侍應大叔吹噓為招牌菜，蝦大隻新鮮，但再脆口同多d黃金就完美了⋯⋯侍應大姐已經急不及待出單要埋單、執枱、下一枱嘅碗筷都準備好⋯⋯趕客囉而且價錢唔算平～失望而回

真心推薦去食！好耐未試過食咁有鑊氣嘅小菜啦！話說父親節同爸爸媽媽一家人去食晚飯慶祝上網見間餐廳長期要排隊等，所以早兩日用電話預約留左位當晚去到真係好多人打人好彩訂咗位姐入到去真係已經全場爆左一都係問你有咩茶之後俾咗個餐牌你揀見佢推介金沙南瓜、黃金大蝦、鮑魚粒荷葉飯就叫曬佢地仲叫咗聖子同菜金沙南瓜又香口，好有鹹蛋味，仲好脆！！！仲唔會好油或太鹹！評分：10／10黃金大蝦都好香，仲好鮮味！🍤😋 評分：10/10蒜蓉蒸蟶子都好好食，但個人認為太鹹啦⋯⋯又有落鹽又落豉油。評分：7／10鮑魚粒荷葉飯真心正好足料，有冬菇瑤柱蓮子仲有鹹蛋黃添仲要分量十足，五個人食都得菜方面就有點失望，未洗得太乾淨有少少泥。絲瓜仲要好苦添⋯⋯其實係超苦，仲苦個苦瓜其實整體都好高分，但可能人客太多，侍應服務態度有啲燥。除此之外都唔錯呀！但就要注意用餐時間有限，食到咁上下侍應會趕人走架

放工同男朋友去食晚餐，因為得兩個人，好多野想食都冇得叫佢哋嘅新鮮魚皮一定要食，魚皮非常爽口而且好新鮮，點埋佢哋配嘅自家製辣汁真係好正 你個散會賽螃蟹都係每次都會叫嘅，攞嚟撈白飯好唔錯！味道清清地，又有好多蟹膏同埋帶子粒、珊瑚旁！一口牛柳粒非常惹味，牛柳粒肉質好鮮嫩但係佢哋既價錢都唔算平，不過食物質素好唔錯！