金潮小廚

营业中

休息中

今日同GF行葵芳，夜晚揾左間野食，一去到門口已估到係好野，因為成個商場只有佢果間排滿晒人；我地下午3點多才周圍掃街，原本仲好飽夜晚晤想食，但睇到呢間D小菜相好吸引，所以都係入左去食; 我地叫左胡椒蜆煲和招牌黃金蝦，雖然飯店裏面好爆滿，但落了單後都好快已有得食，先嚟左煲胡椒蜆煲，熱辣辣都幾大煲，飲D湯好有胡椒味，亦有D似油鹽水煮蜆D味，辣得嚟晤會辣到入晤到口，真係好好飲，而D蜆隻隻都算大隻，唔似得有D食店只有個殼無左舊肉,而且都有好多隻, 之後，再嚟一碟7隻黃金蝦，隻隻厚肉爽口，炸得嚟鬆脆爽口而不太肥膩，但如果再咸少少會更好，可能本人太重口味吧😜！