金潮小廚

营业中

休息中

人氣店冇講錯！小炒夠獲氣！招牌黃金蝦，用上新鮮蝦，炸後香口，殼都可以食埋😋豉油王墨魚咀又係正，有𡁻口唔太鹹！招牌豬潤浸時蔬，就有點兒遜色！燒乳鴿唔錯！總括嚟講值得推介再試👍🏼👍🏼

係一個朋友嘅極力推薦之下，我千里迢迢由沙田去咗葵芳幫襯呢間餐廳。雖然佢喺一個細商場入面，不過鋪頭都幾大間。放工七點半去到見到門口有好多人排緊隊。聽朋友講因為有好多人幫襯嘅關係，要所有人到齊先入得。去彩朋友已經訂咗位，加上大家準時，咁就可以唔駛等即刻入去喇！侍應好快手帶我地去一張大枱嗰度同人搭枱再見埋野食。首先第一道小食就係招牌鯇魚皮，驟眼睇落賣相唔算吸引，但係魚皮滑溜得來再加上芫荽同埋豉油花生一齊食，其實都十分之開胃。如果你鍾意食芫荽，或者唔抗拒嘅話，不妨可以試吓呢一個小食。下一個餸就係佢哋嘅馳名小菜之一胡椒蜆煲。首先我用羹一舀，就已經見到成十幾廿隻蜆，就知道呢個煲十分足料！而且每一隻都十分鮮甜可口；胡椒味濃郁得嚟唔太辣，喺微涼嘅夜晚飲一啖湯，即刻有一股暖流湧上心頭。第三道菜就係招牌黃金蝦。唔好以為望落得幾隻蝦，每一隻其實都十分之大隻。外面炸得十分之香脆，可以連蝦殼一齊食，而蝦肉肉質鮮甜嫩滑，做到外脆內軟嘅效果，值得推介！而最後一道菜就係冰梅骨。菠蘿醬汁甜酸度1適中，唔太酸唔太甜，而佢嘅排骨亦都係煮得有口感，同醬汁味道係十分之夾。總括而言我哋兩個人食咗咁多野，總共都係＄400左右，性價

同屋企人唻到呢間食潮州野～聽聞啲小菜好好食又唔算太貴😝入唻呢間店之前，見到旁邊有好幾間食店完全冇咩人食，每間都得2,3丁友。反而呢間就好多人食!!!見到呢個場面都估到呢間應該真係唔錯的😍😳雖然好多人但都唔使好等好耐就有位了😀首先唻左碗黑椒蜆湯!!!💛本身我唔食得辣的，但呢碗湯對我唔食得辣的人都可以接受。仲覺得幾好喝呢，碗湯好清甜，我地每個人都飲左好2,3碗呢🤤 蜆都不錯👍食唔到入面有沙喔🤤呢碟XO醬炒墨魚咀我就覺得好好食啦！個味好香仲好彈牙🤤屋企人都話好好食！真係好想以後如果再食呢間每次都叫呢碟呢🤤🤤讚！荷葉飯😋屋企人都話不錯喔，啲飯煮得好淋好入味☺️ 仲勁大碟喔，我地4個人都食唔哂啲飯😂 不過真的整得成個飯好入味👍肉碎蛋加小白菜😳這個不過不失啦冇咩特別😀最後呢碟金沙南瓜🎃!!!真心超好食超級鐘意啊!!估唔到南瓜同咸蛋黃皮係咁夾的🤤😍😍!!!!一咬落去個皮好脆又熱辣辣，入面啲蛋黃汁咇左啲出黎，再咬落去南瓜好粉，唔會太淋又唔會太硬!!!!!每件都好大舊😍真心覺得好好食喔！真係大力推介哈哈😝😝希望下次經開荃灣可以再食佢多啲其他小菜喔！仲有其他好多款我都想試呢😳😭😭

這天和朋友剛巧去了葵涌廣場逛街，逛得有點肚餓，朋友便提議來這家餐廳吃晚飯。由於實在太肚餓了，我們坐下來後，很快便點了三道菜，靜候美食了。第一道爽滑魚皮很快便到了。剛夾起來，便感到魚皮的質感十分有趣，像是啫喱一樣彈彈的。我連忙沾了一點辣椒豉油，便把一彈一彈的魚皮送進口中。咬下去，真的像是在吃涼涼的啫喱，但又有着平時炸魚皮脆口的感覺，再配上魚皮本身淡淡的魚鮮味，令人胃口大開。或許是因為我從未這樣吃過魚皮，新鮮感十足，我夾了又夾，很快便搶光了我朋友的魚皮。第二道菜是南乳炸豬手。豬手外皮炸得十分香脆，但裏面卻仍然保持着本身腍滑的口感，偶爾吃到嫰滑的豬手肉，令口感更豐富。最令我滿足的是最後一道菜－－金沙南瓜。這道菜其實是在咸蛋洒在南瓜的表面，再拿去炸至金黃色。一咬下去，淡淡的咸蛋香味便在口腔中蔓延。儘管南瓜是甜的，但這道又咸又甜的小菜卻並不奇怪，反而是兩種截然不同的味道配合得相得益彰，令人想要一吃再吃，不管是配飯還是當小吃都係絕佳的選擇。唯一可惜的是這裏的小菜並不便宜，所以也不好經常來享受美食，但相信隔一段時間我還會再來的！

荷葉飯無得輸，差唔多枱枱都有叫，熱辣辣咁多，又大份又好味！魚皮都好爽，食頭盤必食，不過呢個就有啲貴，要$50！不過真心正所以都係叫咗兩碟！冰梅骨比有拔絲嘅感覺，甜酸加脆卜卜！食到一半先記得影相，黃金南瓜超正！勁鍾意食蛋黃，本身想叫兩碟，但係另外都叫咗個黃金蝦，所以都係一碟算，個人覺得黃金配南瓜好味過蝦，食蝦懶得去咬走個殼，不過黃金乜乜乜都好食㗎啦！超級令我震驚嘅係佢上菜速度快到暈！真係超高速，高速得嚟仲係碟碟熱辣辣！正

今日係葵芳個邊，行完街成班人覺得肚餓，有朋友介紹呢間餐廳，大班人最好就係食呢啲啦潮式胡椒大蜆湯 ($98)原來胡椒配蜆勁夾！最好係佢都好足料，唔會淨係得d殼，蜆肉都幾多正！滋味冰梅骨 ($98)佢呢個骨有啲特別會係炸到脆卜卜，外面再加左啲甜酸醬，所以食落好開胃！而且佢仲有啲蜜桃做配料，所以一啲都唔膩！流沙帶子賽螃蟹 ($100)同平時嘅賽螃蟹唔同，佢啲蛋黃係分開嘅但係都超級好食！仲要好足料唔係剩係得蛋白嘅感覺！正！美國薑葱桶蠔煲 ($170)呢煲蠔真係不得了！佢隻隻好多好大隻，真係食過返尋味！而且佢d葱整得啱啱好，配埋啲蠔一齊食真係一流呀！招牌黃金蝦 ($105)呢一個黃金蝦雖然係有殼嘅，但係都整得好好食！d殼整到卜卜脆架所以其實我都無理佢都係就咁照食！而且佢嘅鹹蛋唔會好多，所以其實識落係啱啱好嘅！鎮店荷葉飯 ($100)荷葉飯超級香，仲勁足料！6個人食都食唔哂！

當提到葵芳除左掃街 仲有咩食 本能反應一定要介紹下呢間 小編好掛住佢d火候既小炒 於是最近翻兜去回味下不過似乎味道不如從前咁 菠蘿沙拉骨冇錯係幾夠醬 骨仲到脆脆可惜菠蘿🍍偏酸 個粉絲煲不過不失咁 材料都煮得幾淋 😮湯底亦幾清 唔會多油一聽到豬腰 大家會好抗拒 但呢個反而清清地 冇乜苦澀味！正呀最後講到湯 就麻麻啦 胡椒味偏重 海鮮味並唔突出😅但欣賞蜆洗得乾淨 食到冇沙真係難得😆

約了數個損友新年前飯聚，由葵芳友推介帶路吃晚餐。我們進入餐廳時，看見很多枱都叫這個湯，一問侍應，得知為胡椒大蜆湯，我們當然也來一鍋。胡椒味很出，最適合在寒冬的天氣喝，一點點的刺激，直暖入心。薑蔥桶蠔隻隻肥美飽滿，蠔肉甚豐，咬下時有汁咇出來，加上薑蔥的香氣，蠔情盡現！黃金蝦有大量的黃金，蝦是大蝦，蝦肉奇爽無比，還有鹹蛋黃的鹹香，令味蕾舞動！包著一大球脆漿來炸的鮮魷，吃下脆漿竟是出奇的薄，魷魚鮮味盎然，蘸些准鹽更加香口。冰梅骨肉質很軟很入味，話梅味就不太覺得，反而酸酸甜甜的汁醬使人吃到尾都不覺膩。是一次大成功的飯聚活動！

呢間金朝小廚係開葵芳都開咗好多年...經常都見到佢門口大排長龍！啲食物相都影得好靚好吸引門口望入去都算好大但係每次都好多人呢張相食完影㗎！可以見到枱與枱之間真係岩岩好一個身位...但係就感覺非常熱鬧...如果有多少少空位就更好！潮式胡椒大蜆湯$98呢個湯辣辣地，冬天去飲係非常暖肚...鎮店荷葉飯＄100入邊有好多料，味道算唔錯...但係我自己就一般般...因為始終覺得食小菜係一定要配白飯苦瓜炒蛋入邊有蛋黃粒同肉粒，幾野味魚香茄子煲$95順德污糟雞半隻$115呢個雞略嫌熟咗少少，可能鑊氣太勁la!滋味冰梅骨$98酸酸甜甜送飯，正啊！

從葵芳地鐵站步行約10分鐘左右，不太難找，但此店經常要排隊才有位的，我們6點多去到，剛坐下已見門外要排隊等待，座位方面較狹窄，坐得不太舒適，但食物品質方面確實一流，荷葉飯一流，魚腩煲香口，絕對值得推薦

之前黎過金潮 佢雖然位於市區 但海鮮分分鐘比西貢果邊更加出色！金潮既招牌菜係黃金蝦 佢地唔知點樣做到 咸蛋黃係一層好薄既脆皮 而唔係一粒粒咸蛋 咸蛋既味道比一般既更出 蝦殻已炸到好脆 可以直接食 蝦又大又彈牙 好得!其他小菜都唔輸蝕架 冰梅骨比咕嚕肉清新 酸梅同排骨出奇地夾 好好食又岩送飯 芥蘭簡簡單單 清甜爽脆蒜香令人欲罷不能重點黎啦 叫左帶子同蟶子 兩者都係king size! 可以揀豉椒炒或粉絲蒸 上次食過豉椒蟶子 非常出色 今日我話事就全部粉絲上啦帶子今次乾左dd 但蟶子勁好味 大到成個口塞滿曬架 要慢慢細嚼就會食到果種海黎既鮮味 太正啦 粉絲其實先係主角 蒜蓉既香都唔會蓋過佢吸左貝殼類既肉汁 勁鮮味 我地果晚都唔知伴食左幾多碗飯呀!

每次在葵興做完FACIAL之後,都只有我自己吃,不是隨便吃, 就是不吃,因為附近都好像沒有可以令人欣賞和刮目相看的餐廳.怎知道, 我的HONEY是晚接我, 竟然駕車發現了一間原來人氣很旺的港式小廚!就是在一個小商場內的金潮!入到裡面發現有很多明星光顧的照片,而在場又有一些外國人光顧, 好像真的很出名樣子!在網頁找來一些大多數人會叫的小菜, 包括賽旁蟹,酸梅骨和荷香糯米飯呢~樣樣都份量足, 而且好好好好味!賽旁蟹好多魚肉, 帶子粒!而個南瓜汁亦好合味!而酸梅骨就啖啖肉, 好開胃!絕對無叫錯!荷葉飯更加不用說, 超大份量!初時以為多飯少餸, 怎知道原來餸都在荷葉週邊呢!兩個人吃絕對好飽同要打包! 實在太滿足了!下次又可以再試其他小菜了~值得一讚的是這裡的服務好好呢!

今日放工聽完保險後，去左附近的金潮小廚食晚餐，好好彩唔洗等位。金潮d小菜出名夠鑊氣，平時晚飯時間都經常大排長龍。胡椒大蜆湯湯入面有大蜆同紅蘿蔔，仲有少量芹菜，入口勁重胡椒味，又香又辣，好鮮甜。係呢個天寒地凍既天氣飲真係勁暖胃。沙拉骨炸得幾好，無乜骨，啖啖肉，d沙律醬唔會太酸，隨碟仲附上一片菠蘿🍍咸蛋苦瓜炒肉碎呢碟係男友強烈推介的，由於我唔食苦瓜，所以只係試左d肉碎，咸蛋味唔算太突出，個人認為如果可以落多d咸蛋落去炒就仲正。一口牛聲稱係用安格斯牛，肉質都幾淋，不過牛味就無乜，下次可以試其他。呢個一般般。

惜日好好食好抵食既小炒，今日已經大不如前~每當有朋友問我有咩好食既小炒介紹，我會介紹鵝鵛橋街市，東寶同金潮，大大話話身邊無廿個都有十個去幫襯過佢，但最近得黎既評價都係一樣；態度差左，食物味道差左，但價錢貴左好多～價錢貴，係因為成本貴，無可口非，我地都認同接受，但食物質素越黎越差，咁就無得再好評佢了～香港人最吾介意排隊，只要好食，排多多時間都去排，但如果吾好食，就.....由金潮還是細舖時，已幫襯佢宵夜晚飯，灼豬潤，魚片，好食既情境還瀝瀝在目！好開心佢地多年前已搬到大舖，亦充滿著街坊生意既氣息，但食物質素真係差左，味道已經不同，味精感多了，但心思同之前果種美味一定談不上！

同屋企人食飯，大家都想試呢間，咁就決定排一排，45分鐘…但都值得既，有金銀蛋浸時蔬、拔司豚肉、黃金蝦、姜蔥魚腩煲同胡椒豬肚湯。金銀蛋時蔬，菜浸透湯的味道，又不會太咸，適合老人家。拔司豚肉，拔司做得好，外間少有。黃金蝦，蛋黃香，味濃，好味，少有。魚腩煲，魚外表脆香，內裡嫰滑，煲類菜式、小炒菜式，果然出名。胡椒豬肚湯，一個字，「辣」，夠火喉，夠胡椒，絕對足料個大塊咸菜，一定要吃埋，先夠酸辣惹味架！希望你哋都有毅力排到隊拉