金滿庭京川滬菜館 (奧海城二期)

营业中

休息中

幾年前食過呢間勁難食,所以一直再冇去食過,今次因為朋友要去呢間,所以無奈跟住去....等左成2個鐘巳經嬲到爆...點知一食之下比佢嚇一驚今次真係冇得頂....好味一口小籠包:皮薄多汁凍豆腐皮蛋:清新好味上海炒年糕:冇乜味，加豆辦醬先好食回鍋肉:太多菜，冇咩肉食水煮牛肉:食得辣既先好叫，牛肉超林，勁好味奶油津白:嫩滑好味砂鍋雲吞雞:冇特別，但好味擔擔面:太大碗

朋友說lee 間冇得訂位，所以我地就要早d 去排隊攞位...早左一個鐘去...6:45pm門口超多人等位...等左一個鐘先可以入去...先來一壼碧螺春...之後有兩蝶小食...芝麻雞(有少許辣，但好食)同豆腐+毛豆+青瓜的叫左:雲吞雞...雞肉好滑小籠包...要小心夾，因會漏汁熏蛋...不太喜歡煙熏的味道松子魚...因冇黃魚，所以轉左桂花魚，魚好滑花雕火腿蓮子...酒好香，汁好甜，用包(包邊好似餅乾的形狀的，很特別)配火腿來食，會比較乾，加少許汁應該會好食一點，還有一蝶脆片(好食)牛肉絲配叉子燒餅...一齊食的話就不會顯得肉絲太甜流沙包...真的會流沙豆沙窩餅...餅皮不好食，有點似擺得太久侍應的服務不錯...

這次的生日飯局定於大角咀金滿庭舉行，於是有機會一試此好評甚多的京川滬菜館。於6時半前取飛等位，可能因為星期六生意較旺，我們等了近一小時才得以入內。不過我們剛好被安排在最裏面的窗口位，環境不錯~我們一行6人，前後總共點了9道菜。前菜：蝦是一般酒樓炒蝦的水準和味道，OK但不特別。而那碟像海蜇的東西其實是海草，味道酸甜、質感爽脆，相當有趣又挺好吃~擔擔麵：份量較小，但算上廉宜的價錢($26)的話其實也算抵食了。由於吃此道時它其實已經放了一段時間，麵吸收了湯汁而變稔，所以吃不出其幼麵的真正質感。湯底則是偏向重花生醬的類型，但沒霸王山莊的湯那麼稠，味道不錯。點了小辣，結果對我來說確實是小辣，或許我下次可以試普通辣度吧~燻魚：食過多間京川滬食店的友人所點的菜式。確有明顯的煙燻味，醬汁主咸但帶甜，是挺好吃的濃味冷盤。燻魚內有不少骨(但都是大條的)，大家要注意哦~燻蛋：半生熟的溏心蛋本來就不會難吃了，加上煙燻味和鋪面的淮鹽，味道也不錯，但友人說這道可以更濃味一些。小籠包：到京川滬菜館必點的菜式。試多了才發現原來很多食店的小籠包都能有皮薄、肉餡和汁味道不錯的水準，此店也是如此，所以這道是好吃但沒有大驚喜

一直也聽聞這裏的食物不錯, 終於有機會一試!由於晚市不設訂枱服務, 週五晚上八時多到達, 取飛後等了約15分鐘便有枱, 不過要跟其他人搭枱, 否則要等較長時間. 商場在商舖門口設有長椅供人坐, 是個不錯的設計, 免得我此等傷殘人仕站立太久覺得辛苦.入座後打開餐牌, 選擇頗多, 兩個人都比較細食, 通常我會先試一些小點, 所以叫了素菜餃, 紅油抄手, 擔擔麵, 桂花糕.素菜餃(4隻) - 清清的味道, 滲着菜跟菇的香味, 不錯不錯紅油抄手(10隻) - 甜中帶辣, 但又不覺得很辣, 額頭郤會流汗呢, 味道也好擔擔麵 - 麻醬味尚算可以, 也帶點辣, 麵質也不錯桂花糕(9件) - 味道清香, 質感適當 服務值得一讚, 皆因我倆正在研究有否剪麵之際, 侍應主動走過來問我們要否剪麵, 非常細心跟貼心.但有一點問題, 就是這裏的食物份量比較大, 要多人來吃來恰當, 否則便不能試到太多菜式了. 建議可以設計些細份量的菜式, 好讓顧客多些選擇.

101126 星期五 | 跟媽媽到大角咀尋找舊日的足跡後，大概中午時間，走過去奧海城吃午飯，見到金滿庭門口的兵馬俑公仔幾得意，便入去看看有甚麼好吃的東西，打開餐牌看，大都是上海的菜式，就點了個一口小籠包，和一個特別推介，蝦膠龍利卷，再加2個高力豆沙做甜品，很豐富的午餐啊。一口小籠包 ($42)，嘩，有好多湯汁在裡頭喔，要小心奕奕的夾上碗裡，然後咬一小口，先啜啜裡面D湯汁，很鮮甜喔，再慢慢咀嚼個小籠包，正一皮薄餡靚，雖然不算是最好吃的小籠包，但也吃的很滿足啊。蝦膠龍利卷 ($98)，其實這個比較像西式的菜式，管它吧，好食就是喇，龍利魚柳捲著蝦膠在裡頭，啖啖肉，魚和蝦本身已經夠鮮甜，再加埋個忌廉芡汁，很是惹味，只畧嫌西蘭花硬了些。高力豆沙 ($10x2)，好大個的高力豆沙喔，差點大過我的拳頭呢，熱辣辣、軟綿綿，豆沙甜味適中，很不錯的甜品。很開心吃了一頓很滿足又很滿意的午餐。

15/10/2010 (星期五)星期五的下午，今日有事要去奧海城，辦完事後已接近下午茶時間，順便在奥海城商場找地方食下午茶。這一帶有很多不同種類菜式的選擇，在附近的食店行咗一個圈，這食店的下午茶餐的選擇好多，可在冷盤類或小食類之中選擇一款，另外再在包點類或湯飯麵類或炒飯麵類之中選擇一款，我叫咗一個五香牛肉加酸辣麵下午茶餐試下，至於茶方面，我就叫咗人參烏龍茶。五香牛肉：牛肉有水準，而且份量都算多。酸辣麵： 這兒好出名的酸辣麵，雖然唔食辣，但都想試試，幸好湯底唔係太辣，而且料足，味道都唔錯。麵底煮得啱啱好，唔會太淋，不過份量唔多，女孩子食啱啱好。人參烏龍茶： 茶味很香，入口甘甜，有回甘。

下午茶餐牌有待改善，超難看，很易看錯，以為一個SET，甚麼也有。炒飯是可以的，一般以上，料夠足，飯一粒粒，鑊氣也十足。但是，如果要改善的話炒飯未夠乾身，只不過是接近乾身，當然不是要乾透那種。油了一點，炒得好的話，油是剛好的，所以油是不易沾到飯上，吃上去也不會太油。這種炒飯不是我憑空想像的啊!!!在我家附近便有間。我一直最喜愛那裡的印尼炒飯，大碟又好食。何求呢!

今日係媽媽生日佢地兩老成日都去茶樓甘就帶佢地試下D新野亞哥選左呢間食上海野去到門口WAH...好多人等位呀仲以為平日冇人低估左佢TIM原來亞哥話365日都係甘多人等左成個鐘先有位呀好彩佢D野真係好食甘等下都值得首先要贊既係佢既茶呀好味過茶樓好多好想買佢D茶葉我地叫左人參烏龍茶, 入口甘甜我飲左好多..HAHA野食就叫左一口小籠包 (用CITIBANK CARD 加$10 JAR)芝麻雞 ( D 雞真係好滑)紅油抄手高力豆沙上海粗炒擔擔麵 (呢個必食)都抵食

很少到奧海城,但每次到這地方必定到「金滿庭」晚餐,可是這個晚餐是剛吃完下午茶的時段－17:15便排隊等位,17:45知客派籌,18:00便可'提早'晚膳,吃得快還可19:30前結賬免加一! 免得在繁忙時間等位,這天吃一頓早早的晚餐~點好菜式,等吃......酸辣湯(一位) － 不太辣,醋的酸味,夠多料,不過不失小籠包 －必點! 多汁,最緊要是皮不易穿,咱們吃八隻都沒「出事」~ 留意到一點是別家的店奉上小籠包時蒸籠下會放一隻碟子,以免漏汁,但這家沒有!很大的信心! 肉質也不賴,鮮甜不膩,好吃!乾葱撈麵 － 我選了粗麵,麵很長要剪斷,蛋味重的麵很彈牙,味道香濃,不過我厭乾葱太硬...甜品: 紅豆湯桂花丸子 － 小的很喜歡QQ食品,這個丸子合乎心水,紅豆湯很清甜,絕不是紅豆沙般起沙啦~ 是一小棵一小棵的紅豆,很好吃!杏仁豆腐 － 面頭的什果好像弱了點,是吃開綠色那罐罐頭什果來~ 而我不太愛吃杏仁味,同桌的說涼涼的很爽口,是白色的涼粉吧!

家裏中秋節打算到外面的館子吃飯,見這裡食評大部分都是正面,便打算來這裡試試一行五人,叫了1)紅燒元蹄 - 無食到,不過大家既結論似乎就是好膩?2)賽螃蟹 - 一般,味精重3)素鵝 - 一般4)和尚戴帽(配叉子燒餅) - 炒什錦不錯夠熱,但燒餅一睇就知係來貨,好乾又無香味5)千張豆腐 - 呢個最難食,豆腐應為凝固劑既關係,酸既(唔係發臭); 中間既什錦粒好難食,豆角好腥,蝦米應該無爆過....似乎全部野都完全無正式炒過,切好豆腐放好什錦粒係中間再淋上湯就算6)乾煸冬筍 - 冬筍老,無鑊氣,得個油字7)豆沙鍋餅 - 餅皮黏牙......係因為我地無叫招牌菜既問題? 唔係好明點解咁多人排隊

食過好多次成日都唔記得打今次有機會喇6個人嗌左:1.奶油津白2:砂鍋雲吞雞3.擔擔麵4.小籠包5.松子黃魚6.銀絲卷奶油津白第一次食,未食前仲唸住好油TIM,食落又唔係,奶油好香,津白好甜砂鍋雲吞雞,湯甜有雞既鮮味,仲有雲吞又新鮮擔擔麵好煙韌,好有水準,一定要食小籠包皮薄餡靚,有別於普通既上海舖松子黃魚去哂骨,食起上來容易,酸酸甜甜好開胃銀絲卷未食俾人食哂俾唔到評語

17/4/2010 (星期六)星期六的下午，今日要OT，下班後已接近下午茶時間，放工後來到奥海城商場找地方食下午茶。這一帶有很多不同種類菜式的選擇，在附近的食店行咗一個圈，我見未試過這間食店，這兒下午茶餐的選擇好多，可在冷盤類或小食類之中選擇一款，另外再在包點類或湯飯麵類或炒飯麵類之中選擇一款，我叫咗一個熏魚加擔擔麵下午茶餐試下，至於茶方面，我就叫咗人參烏龍茶。熏魚： 熏魚有水準。擔擔麵： 這兒好出名的擔擔麵，因為唔食辣，所以特別叫唔辣的湯底，湯底有很香的花生醬味，而且料足，有肉末、炸菜等，味道都唔錯。麵底煮得啱啱好，唔會太淋，不過份量唔多，女孩子食啱啱好。人參烏龍茶： 茶味很香，入口甘甜，有回甘。餐廳的環境唔錯，裝修幾靚，有卡位，最入面有窗口位，窗口位可以望見街境，感覺開揚。

在奧海城百老滙睇完戲，諗住就近搵個地方醫肚，以前嚟呢度食過幾次，覺得水準唔錯，九點幾唔駛等位，就揀呢間！兩個人，點咗4個菜，分別是：一口小籠包：一籠8粒，一如以往，皮薄得來粒粒小籠包都好原整，唔會一夾即皮破湯流；湯幾清，肉味鮮，真係唔錯，不枉我再返嚟幫趁！新口味擔擔麵：做梗特價，$24碗，話湯味係濃啲，點左小辣。湯味有好香花生醬味，帶咗少少辣，而且料足，有肉末、炸菜等，味道都唔錯。不過可能係特價關係，好細碗，每人兩三啖就食完……略嫌分量太少花香玫瑰骨：賣相有啲似咕嚕骨，不過多咗啲雜果，排骨入口啖啖肉，幾爽口，入口除咗有啲甜甜地之外，仲隱隱約約有啲玫瑰香味添，意料之外的好味！乾扁四季豆：賣相最差！條條炒到"乾爭爭"咁，不過入口發現外層扁得乾身，但入口玉豆有肉汁，連肉末炒都幾惹味。整體都唔錯，不過同行另一半食完覺得口乾乾，認為味精多咗少少。我就覺得價錢再便宜少少會更物有所值！

一行四人去試下, 7pm去到唔駛等位, 但坐近門口位既d燈光射落黎好熱...叫左芝麻雞 - 好咸好咸排骨拉麵 - 不過不失..鱔糊 - 好多芽菜, 好少鱔炒飯埋單四百蚊價錢ok, 但食物真係太咸啦

忙了很久，現在才將5月14日到奧海城金滿庭晚飯的照片放在電腦，再寫寫食評與大家分享。這晚相約了舅父舅母表哥表弟表妹們到金滿庭聚會，點了很多款美食，款款菜式的賣相都惹人垂涎，尤其是五福臨門，像全盒一樣，有燻魚、雞絲粉皮、蔥油海蜇、花雕醉雞和雲白肉。再來的菜式有：砂鍋雲吞雞－湯很清甜京蔥爆牛肉－惹味賽螃蟹糖醋魚塊－醒胃，我喜歡！小籠包－例牌必叫！紅油抄手－我還用辣汁來撈飯吃呢！高力豆沙－我的至愛！共吃了三個呢，好飽！杞子桂花糕－清香，不會太甜西瓜還有是日廚師推介（是魚，因我遲到，所以不知是什麼魚）值得讚賞的是這裏的服務員，很有禮貌，添水也很快捷（我很喜歡這裏的人參烏龍茶，有回酣味道）。架眼鏡的經理彬彬有禮，專業地向我們介紹菜式，招呼很周到，以誠待客！食物的份量也算是大碟頭，很抵食！非常滿意今晚的家庭飯局，熱熱鬧鬧的！呵！下星期我又來這裏為同事搞歡送飯局呢！期待下星期的來臨！