金滿庭京川滬菜館 (奧海城二期)

营业中

休息中

女朋友病倒了,陪她到法國醫院看診,已經被醫生告誡只能吃清淡食物,都仲要反問醫生能否吃大閘蟹,真頑皮!結果無得食大閘蟹之餘,仲要連續兩天食粥水清腸胃.胃口才剛恢復過來,馬上就嚷著要出街吃東西,就近近地去金滿庭吧.週日晚市光顧金滿庭,等位係指定動作,幾欣賞佢哋會提供熱茶給等位的客人,茶的味道仲甘甘甜甜幾好味.見到等位人群,都知道無咁快有位,索性回家中攤抖一下再回來.前後等了大約45分鐘,才獲安排入座.環境是一貫的嘈吵,服務是一貫的人手不足.不過看得出服務員已在盡最大努力盡快招呼客人,起碼無好似奧海城另一間大酒樓咁,借視線扮望你唔到.食物方面,筆者一定會點心目中的金滿庭孖寶--小籠包和雲吞雞,之後再加一個肉絲兩面黃和水煮牛肉,三個人食剛剛好.小籠包--香港地小籠包做得好的地方著實不少,筆者偏好金滿庭的小籠包,主要是因為它抵食夾好味.金滿庭一籠小籠包賣46蚊/8隻,對比起翡翠30蚊/4隻,王家沙29蚊/4隻,金牌小籠45蚊/6隻,實在是超值.而且小籠包就是要隻數夠多才吃得過癮,筆者小時候在廣州吃小籠包,一籠起碼10隻,這樣才不會吃得到喉唔到肺.金滿庭的小籠包,皮薄餡靚湯鮮,夾起時又不容易破,趁

幫襯左都有幾年時間，無論佢嘅服務同食物都一流；但闊別左幾個月時間，今次去完下次都要諗諗先﹗第一，加左價；咁嘅通賬時勢，加價無可厚非，D食物還可以；第二，多左好多食物；佢做左好多新菜式，都唔知係唔係上海菜，好似我今日叫左個炸雛雞，雖然唔同KFC咁食法，不過都好奇怪會有呢D嘢食；另外，仲有一個橙汁龍利塊，又係炸魚柳，感覺就好似係凍肉舖D魚柳，上了薄漿炸了，加了一個橙汁，真不知道原來上海有這味菜？第三，全部轉晒人；呢個係最大問題，記得之前每次黎，個個伙計都有笑容，對答亦得體，去食飯都好舒服；但今天一入到去，熟口面無晒，仲要負責我張枱個位AUNTIE，黑口黑面，記得我問佢有咩麵類，佢指著個餐牌話：「係咁多LOR」；我塊面都已經黑過佢，佢仲整多句：「寫晒係度啦」.......我都識睇中文字，就係唔知先問JEI，姐姐又咁嘅態度，係咪趕客先？再之後收餐具，大佬呀，我以為我自己係稻X個D連鎖店，將D餐具整到砰砰嘭嘭，我同朋友都傾唔到計，好差呀﹗總之今日去食嘢感覺唔係幾好，一來招呼唔好，二來貴左好多，下次……諗諗先喇﹗唯一要讚的.....好彩佢冇轉個個廚房，個一口小籠包依然係最正﹗

在奧海城食晚飯，每一次見到都是人頭湧湧的一定是金滿庭，若在假日的晚上來到閒閒地都要等一個小時以上，所以現在多數是選平日的時間來到，希望避開太多的人流，但今次因為人家約的原因所以沒有辦法下在星期六晚上來光臨。金滿庭京川滬菜館是在奧海城二期的，在入面不難找到，在附近的店子有很多都是食肆來，但多數都只有金滿庭是人山人海，不難想像他們的食物是受到附近人仕的歡迎，而當日六時多一些去到，要等到七時才在坐位，而這間店在假日要等的時間來說，都不是一個長時間了。等到疲勞只好有門口提供的茶水飲飲來打發時間，有時要等好野食等一會兒都是常見的事來。等了一小時終於有得入去，金滿庭內部的裝修都新淨，天花用上了黃色的燈，光暗度就有少少的不足，近牆的一邊是卡位，中間有幾排二人到八人的枱，當然在香港的食肆位與位之間的空間感多數都不是太足夠的，這方面和中國大陸就有著很大的差異，當然租金是最大的原因。望望餐牌都有幾多的食物種類，大部分的上海菜在這店都可以品嚐，而當然也有這店的招牌菜，所以當晚就叫了一口小籠包、雪菜肉絲湯拉麵、擔擔麵和砂窩雲吞雞。一口小籠包($46)這店的招牌菜，當然要叫來食，來時見一籠在八集的小籠包，大小上

呢間店一入門就有很多奬狀.連續幾年都收到OR的獎.什至外國名騎師也有光顧,原因呢間店夠大,有靚景.食物..服務.也不錯.小籠飽8個:包得實實.肉同皮沒有分離.至小籠飽摺痕明顯.夾上來也不會皮穿.入口湯佔一半.內裏豬肉也新鮮.肉汁也什多.色香味已經做到了.排骨麵:排骨皮脆.咬下去.肉質微紅.咬下去鬆軟.已是功夫之作.而麵更正.好似一把扇咁.麵質幼滑.硬度適中.湯底清甜..糖水贈品來...是咋喳沒有特別.只可以說甜度不高.已經不錯...

去到姐姐家剛好午飯時間, 就同姐姐2個人到附近的金滿庭吃個上海式的午飯吧.金滿庭出名多人排隊, 我地1點半左右到達等了10分鐘左右便有位, 算是很快的了.2個人又唔可以點得太多, 但心大心細又什麼都想試, 想了良久後決定點了:奶油津白份量都唔少, 夠2-3個人食. 奶油汁不似其他餐廳做得水水的, 而是很濃調的, 放入口是黏口的而且一股很香濃的奶油令胃口大開. 津白很甜而且很柔軟, 值得點的一味菜.紅燒砂鍋獅子頭一鍋有2件獅子頭. 份量都幾大. 豬肉偏瘦,但汁很濃. 吃了半個巳經很漏了...不過旁邊的小棠菜煲到很'淋'很入味, 好好吃.瑤柱黃金甲(跟叉子燒餅2件)個名好好聽, 其實即係瑤柱炒蛋. 呢度加左幾條唔知係真定假既魚翅, 不過反正份量很小,所以有冇加都影響唔到呢味菜. 蛋炒得有點老, 還好芽菜是幾肥美的, 不過78蚊既價格如此的水準就不太值得點了. 反而附上的叉子燒餅做得不錯, 幾鬆脆.上海炒年糕原來上枱都好大碟. 其實呢味應該不用點, 因為真係吃不完, 但貪心又想吃吃好耐未吃過的年糕, 所以還是硬住頭皮點了. 味道普通了點不過還是不錯, 但吃了少許真的吃不下, 只好打包拿走.杏

江山依舊，痛腳還在。是日又是覆診日，早早完事，還可有空找附近的老朋友聚聚舊。久久沒吃過金滿庭，因為無論早市午市晚市都很多人。以前在大角咀，金滿庭還未紅的時候已開始光顧，到後來名氣愈來愈響，就沒有再來了。友人提議來這裡，因為他們中午實在難搵位，我可以早點來，就先來坐下。先叫了茶，再等一下，友人來到，馬上點菜。先來一籠一口小籠包，印象中我第一次吃新派薄皮多汁小籠包就是這裡，比我到翡翠、鼎泰豐更早，所以某程度上，我是有情意結的。這裡的一口小籠包是依舊的皮薄多汁，真的好吃。我喜歡咬開頂部灌入醋的食法，味道更好。蔥油大餅不吝嗇，蔥和芝麻很多，吃下去咀裡都很有香味，但好像油益味多了點，而且再多點麥香就好了。流金歲月一客三件，我們三人一人一件剛剛好。我是第一次在這裡吃奶皇包，流心度很高，奶黃味也很香，很有驚喜，真的很想再encore多一次。上海粗炒無甚特別，而且配料大多是菜，還好不算油，不過就過於濃味，吃到最後只好「頂硬上」吃光。還好有招牌炒飯頂肚，配料的帶子粒、蛋花、蝦仁、蟹子都很足料，飯粒分明，炒得乾身，層次也分明，好味。最後午市還送陳皮紅豆沙，喝得出是mass production，甜度適中，

久不久都會來這裡吃頓下午茶，這一天，又是幫襯的日子。沒來一段時間，這兒的下午茶價錢好像又調整了一點，不過幅度尚算不多，只是兩三塊錢而已。而且這裡的下午茶是不收加一茶芥的，計落都算抵食。這次兩夫妻吃叫的冷盤是「醉轉彎」和「榨菜腎片」，而主菜則叫了「上海粗炒」和「排骨湯拉麵」。來這兒吃東西，首先當然是先來一壺「人參烏龍」，嘆一杯茶味醇中帶甘，生津解渴，飲後教人齒頰留香的烏龍茶啦！喝著這裡幾乎每檯必叫的「人參烏龍」，兩款冷盤已先後送到。「醉轉彎」不是太嫩滑，酒味也重了點，水準只是一般。「榨菜腎片」較佳，榨菜味道適中，既不過鹹，也不會太辣，腎片亦爽口不韌。主菜接著上桌。「上海粗炒」味道正正常常的，不算太油，可以接受。但「排骨湯拉麵」中的豬扒較乾和不夠熱，水準和自己期望的有一定差距，令自己有點失望。這間「金滿庭」雖是區內名店之一，不過下午茶的水準不夠穩定，有時頗佳，有時卻有欠理想。想來這裡吃一頓稱心滿意的，還是晚市來叫幾個小菜和這裡的有名小籠包較有保証。

去奧海城食嘢，睇到金滿庭出邊或坐或企唔少客響個度等位，我同D亦抱著“羊群心態”羅籌試味。等佐二十幾分鍾，終於輪到籌，好不容易坐低，早已饑腸轆轆，好彩有餐前小食送上，茶水送上，打開餐牌，看到明碼標價，小食十二蚊，茶水每位十元正，還沒點餐，已幾十蚊響度，絕對唔抵！更貴的是可口可樂，一罐十八大元，學花大姐講句：“真係唔簡單！”還好小籠包味道唔錯，但可能皮太薄的原因，一夾就爛，裏面的湯汁流曬！手撕雞肉都OK，蘸醬汁，口感幾好。仲有“螞蟻上樹”，呢個名幾好玩，沖著呢個名點佐呢個餐，辣辣地，不過除佐少少免治肉之外，沒啥樣配料。最後上來的是“高力豆沙”，以為好似南瓜餅咁樣，點知大跌眼鏡，一啲都唔好食，皮厚，咬幾啖都食唔到豆沙餡，就算好中意食甜嘢嘅我都覺得好難食，我食佐一大半，而D只咬了一啖便放棄佐。買單時，用手勢叫經理買單，我確定佢有見到，但等佐好耐，都唔見羅單過來，惟有再叫侍應買單，另外一個令我不舒暢嘅係人多太嘈雜。

實在太多人等位, 幾次都令我卻步, 今次就岩早少少去食先排快d...小籠包 (皮薄多汁, 要一上熱辣辣食, 唔係會黏住整穿塊皮)牛柳絲跟叉子燒餅 (濃味的甜甜地的, 塞滿個叉子燒餅咬咬咬好豐富)辣雞煲 (唔記得叫乜名, 幾入味, 不過叫左小辣最後變左唔辣)豆沙窩餅 (熱辣辣的爆豆沙,正!)無令我有下次再排大隊食既動力...

同屋企人共五人第一次嚟食,叫咗手撕雞,小籠包,担担麵,酸辣湯,鱔糊,水煮牛肉&火腿津白,首先,飯前小食有芝麻五香雞&脆脆魚鬆,好好味,好開胃,估唔到手撕雞的雞肉都好滑,幾好味,小籠包皮薄餡靚,湯汁好濃,担担麵湯底好濃郁,超正,但酸辣湯就偏辣,唔得,只有勁辣味無酸味,我食得辣都食得好辛苦,炒鱔糊,我哋講明要銀芽炒鱔糊,但都係俾韮黃炒鱔糊,味道ok,無特別水煮牛肉得辣字,無特別火腿津白亦普通,$70,偏貴總括來說,飯前小食&小籠包&担担麵都好正,但因為成日見好多人等位,所以好高期望,但事實又唔係樣樣都咁好味,而價錢都算貴,所以我覺得OK啦~

因為小金魚母親節其間游咗去咗外地出差,所以無同魚媽媽食飯,珍尋日魚家姐都早放工,當然馬上游返屋企同魚媽補做母親節啦....雖然家住奧海城附近,但總是覺得奧海城入面既食店質素好參差(有d仲可以叫好難食添),但因為唔想魚媽媽老人家行咁遠搵食,都係近近地去奧海城食算la呢間金滿庭其實一早都想試,但好幾次經過都排長龍,魚媽媽又係個d等位超過15分鐘就會開始唔耐煩,所以次次都食唔到,今次可能係平日,基本上算係無人排,攞咗飛只係等佢執枱就入得去囉可能真係人唔多,金魚家一家三口都安排去坐中型枱,環境算唔錯,枱與枱之間都唔係好迫,坐得都幾舒服,呢度每枱上菜時都會有餐前小食──毛豆豆腐干青瓜(我見到最少有一"碗",多人d就有兩"碗",另一個好似係蝦,太遠我望唔清楚),因為小金魚唔食青瓜,所以我對呢個小食無評價,但係見魚媽媽同魚姐姐都清咗佢,我估唔難食呱....好la,廢話少說,都係上主菜既時間囉我地三個人總共叫咗5個餸~~ 一口小籠包: 一籠有8個,味道唔錯,算係皮薄涵靚,只係略嫌凍咗小小,如果可以一出爐就上枱可以更好,同埋個醋唔似有d地方咁陳到"確"喉,可以加的比d薑絲加埋d醋度會更好味賽螃蟹+蛋黃:

今次想說的不單是金滿庭的食物, 而是值得一讚的服務態度.其實搬了來這區七年,金滿庭一直是一間多人光顧的食肆,今晚9:30經過仍然見到很多人在門口等位!食物質素固然要Okay,服務也很重要,我相信金滿庭主要僱用香港員工,工作勤快有效率,又沒有聽不明的大陸口音.因早前光顧新九龍廣場某新開酒樓,樓面請了不少大陸口音的員工,連詢問食物時說名稱也不能清晰說出....有時服務質素及態度對一間食肆影響很大(很多人因為一次差的服務永遠不會再光顧)雖然我們有老有幼等了90分鐘也值得..他們其間給等候的客人送上小食及有茶水供應,最後食完了部長更送上水果及甜點...單純這點已值得人再光顧呢!難怪金滿庭是奧海城最多人等位的食肆

是日難我放假同屋企人去了奧海城食金滿庭等了4張枱，約10分鐘因外公外婆愛喝「人參烏龍」故開了這個茶4個人叫了3個餸官保鷄丁 - 好惹味，但鷄丁比較少肉撕煲 -非常開胃，送飯一流金邊四季豆 - 呢碟份量很好，夠晒4個數加1個粗炒粗炒略嫌多油佐dd同埋白菜比較少埋單$342都算係甘

金滿庭是本人在奧運的指定飯堂,屋企無煮飯而又唔想食快餐的話,多數會揀金滿庭.貪其坐得舒服,食物質素好而且穩定.唯一缺點係稍嘈,這倒沒法子,住宅區是比較多家庭客的.去金滿庭,等位是無可避免,每晚17:45開始派飛,19:30過後到準要等上半小時假日就更加離譜,試過拎完飛去睇戲,睇完戲張飛才剛過不久不過平日若果唔介意搭枱,2-4人通常可以即入,而且搭枱用的房有電視睇也較靜,食友們可以考慮食物方面,這裡的小籠包和砂鍋雲吞雞是必點之選.小籠包皮薄餡鮮,包內充滿燙口的湯汁,皮雖然薄但不容易穿.我沒有數包頂是不是十八摺,只要好吃,我也不在乎它是十六還是二十摺的.砂鍋雲吞雞湯底清甜,令人喝得很舒服,雲吞的肉餡當然也是鮮味十足.服務員還會幫你將雞撈出來,醮上店方特製的甜辣豉油來吃,十分惹味.每次我都會把雞吃光光.一般來說,2人可以要1/4隻,4人可以要半隻,如此類推.除了一般餐牌外,金滿庭定時會推出時令菜式,這次點了兩款試試鮮鮑魚炒年糕-年糕炒得軟糯,汁料上得均勻鮮鮑魚共有六隻,界花炒令牠們更易入味醬汁方面並不是傳統的滬式濃油重醬,而是用上淡淡的豉油汁,能夠充份突出鮑魚的鮮味.蜜豆蒜片炒安格斯牛柳-牛

The unfortunate thing is that you're almost guaranteed to be in a queue for a table here at meal times, and tonight was no exception. We should be thankful it was only half an hour wait. and the effort of keeping up with the girl yelling out numbers and colour of tickets was enough to make my head spin.Ordering food though was a piece of cake. Our guest in town did not like squid, tofu and couldn't eat pork, so that made everything very simple. The pre-paid, compulsory appetizer was chilled chic