金滿庭京川滬菜館 (奧海城二期)

营业中

休息中

位於奧海城二期的金滿庭，開業那麼多年來都是排隊食肆，午市排，晚市又排，想吃就要校準時間到達。金滿庭是米芝蓮推崇食肆，也曾獲不少飲食大獎。環境：翻新不久，枱椅有相當的距離感。寫食評前先讚一下碧螺春的茶味香醇。一口小籠包：外皮透薄卻富韌性，至少粗魯的我也沒弄破外皮。小籠包有吸啜湯汁的造口，見上圖。湯汁多而鮮，那麼細小的一隻都有超過十四個摺，唯一嫌肉不夠滑。招牌擔擔麵：適合不嗜辣的，我們點了少辣，辣味非常輕微。比較喜歡這兒的麻醬花生香，麵質較為結實，肉末也較多。肉絲兩面黃：能夠做到兩面金黃的效果，混進了肉絲、芽菜等的芡汁澆在麵上，感覺較健康。不過很快有飽肚和油膩感，雖然沒有肉眼看得出的油膩，但應該含油量不少，都是少吃為妙！還是鍾愛潮州菜中的兩面黃，將quota留給它好了！今次只有兩人吃，試不了太多菜式，但金滿庭的水準是相當穩定的。不論是食物水準，還是環境佈置，都比同在奧海城開業的另一上海菜館--霸王山莊有過之而無不及!

之前已來過幾次，每次都因為小籠包同炸醬麵而來。今次帶阿媽黎慶祝生曰，一行4人，可以叫多啲唔同嘢黎試當天叫左1. 蟹粉豆苗($168): 豆苗嫰，加上時令蟹粉，味道尚可，可是價錢略為貴左啲。多啲蟹粉會更好味2. 傻佬炒飯($98) : 叫這但飯真係傻左，成百元既炒飯，用料十分少，味道又差，見相就已經知道少料3. 韮黃鱔糊($98): 鱔糊分量多，用味重既韮黃炒，十分配合，味道香濃，是全餐最令人滿意的4. 排骨湯麵 (約$60): 所謂排骨，即炸豬扒，無聞無味。湯麵似只用滾水焯，湯也像滾水，很差啊5. 小籠包(約$50):好味!皮薄多汁，熱騰騰，must dish!6. 豆沙煎餅(約$60): 甜品是一餐中重要既環節，可惜呢個豆沙煎餅煎得過久，外皮又便又實，豆沙又少，  很難食，未能將全餐作一個完美句號總評: 菜式好壞參半，depends on 你order啲乜不妨一試!

琴晚為慶祝Aunite生日, 1行9人 (8大1細) 去左食呢間金滿庭!呢間我就一直未食過, 但次次經過都好多人等位今次都等左成差不多半個鐘~~~坐底後, 因為細佬同弟婦就曾經食過既關係, 就由佢地發板本來一心想試下呢度既北京烤鴨 (我諗即係北京填鴨啦)個部長竟然話冇喎..... 我唔知佢「冇」係指「賣哂」定「呢間分店冇供應北京烤鴨」但明明佢個餐牌係有架嘛.........好奇怪之後就叫左野冇耐, 好快就陸續上陣喇!!打頭陣既有雞絲粉皮份量真係都幾細下... 8個大人...一人一d都冇哂喇XD味道就係好重既麻醬味, 粉皮比較厚身D不過整體都OK既!第二樣係擔擔麵, 由於上得太快影唔切, 一黎已經開動左喇XD嗌左2碗, 一碗小辣, 一碗唔辣, 我就試左唔辣個碗味道又OK喎!! 本來以為唔辣就會好淡口, 但佢整得幾香濃除左麻醬花生,都仲食到D湯頭+葱花既香味!不過呢...麵質就較為粗左少少, 有D滯口既感覺...第三樣, 係呢個松子魚(?) <--唔知個名係乜根據Auntie所講, 呢條係一條鱸魚........聽豬仔講都幾多骨, 所以我都係食左一小啖魚肉試下味ja酸酸甜甜, 就

本人和家人經常去金滿庭食下午茶及晚飯, 由於就係屋企附近所以一路都有向身邊的親朋好友推薦 金滿庭 作為一大顆去食晚飯聚會的好去處. 今次出左去外地一個月後番黎再次光顧, 卻實在令我有不快的經歷。今日照常一個人, 差唔多三點半落去食下午茶, 等位帶位點菜開茶都跟往常一樣唔算太耐同幾有效率, 呢樣的確值得一讚.壺人蔘烏龍茶並無一種太過假的"回甘"味 (即無落人工甘味粉吧...), 口感還挺好; 至於食物味道方面, 是日的擔擔麵不及以往的香濃, 少了點花生味, 食得出應該係後來再加湯的原故? 口水雞都比以往的份量細碟, 只係得四小舊而且去左雞皮, 唔太夠雞味但配料不錯, 酸辣甜岩岩好。不過呢d都唔係乜野大問題, 可以理解的, 畢竟下午茶的收費真算便宜, 性價比無得挑剔 (成個下午茶埋單免茶錢加一, 只係$46!) 還可以吧!?..但係今日一路食的時候, 就發覺周圍的食客係差唔多飽餐一頓既時候, 都有被送上西瓜一碟, 及後連我搭檯坐的左右3張單(3個parties, 當中2個係自己一位的食客)都有西瓜送, 咁我就問一位serve開我地檯的女待應係唔係有西瓜/生果作compliment, 佢答我

星期六早上，跟表妹及其男友行街後到奧海城覓食，隨意決定到好評如朝的「金滿庭」。假日特別人多，要等大約6張枱，為了不浪費生命每一秒，等枱期間跟表妹到對面Playlord睇鞋，大約15分鐘就可以入座，開飯啦。 小籠包一籠八顆，是我的最愛！小籠包夾起時有點有墜手的感覺，証明內裡餡多；小籠包的皮薄薄的，即使夾起其頂部再蘸醋，也不會弄穿，值得一讚！小心地咬開，湯汁鮮美，吃小籠包是不能沒有醋的，它能襯托出小籠包的鮮美，如果有薑絲的話會更好。夏日熱辣辣當然要吃熱辣辣的螞蟻上樹啦，螞蟻上樹簡單來說就是肉碎炒粉絲，不過螞蟻上樹這名稱比較有意景啊。粉絲色澤鮮艷油亮，油份剛剛好，味道有點香辣，而且口感柔軟，食量頓時大增！至於這碟豬扒蛋炒飯是侍應高度推介給我們的，反而令人失望。錯的不在炸豬扒，豬扒腌得頗香，咬落香脆可口，但蛋炒飯炒得太乾太硬，仿佛一點水份都沒有，很費嚼勁，失敗也。

有朋自遠方來,又有聞遠朋獨鐘小籠包, 所以一行五人決定到金滿庭晚膳.全晚共點了五道菜, 五人吃份量剛好: 首先當然是招牌菜《一口小籠包》, 實在無得彈, 皮夠薄, 肉汁多, 肉餡份量剛好,必點菜式!第二道是《賽螃蟹》, 蛋白同蟹肉瑤柱比較恰當, 唔會淨係得蛋白, 而且炒得夠滑, 美中不足的是份量較少,5人吃的話略嫌不夠再來是《雪菜肉絲炒年糕》, 賣相不俗, 由於自己鐘意食年糕所以期望甚高, 可惜年糕質地太硬, 令佢成為全晚唯一吃剩的一道菜《炒鱔糊》, 又是上海菜的招牌之一. 醬汁濃而不膩, 非常難得, 鱔肉亦爽口彈牙, 口感極佳, 連不吃鱔的朋友也開金口, 值得一點的菜式!俗語有云:《奶油津白》--- 最緊要夠滑! 這碟就做到了. 白滑的奶油配上清淡的大白菜剛好中和了前幾道菜的濃味, 很讚!整晚下來除了年糕稍硬, 其他菜式皆屬上品, 不枉友人預早排隊拎位. 辛苦晒=P 

這天特地提早用餐，大概5點多就到了也剛剛開始安排入座～ 被安排到兩人桌，桌與桌之間很擠桌面的空間也都少少的，如果多點幾個菜的話都容不下餐前小吃～是款酸酸甜甜的雞件，味道很清新開胃雞肉很嫩滑，略厭骨有點碎，一不小心很容易會卡到男朋友最愛的小籠包～一份有8件，上桌的時候還熱呼呼的記得要趁熱吃喔，不然皮變涼後...味道就會被影響每顆小籠包都超正，皮薄還附有飽滿的湯汁看～是不是很誘惑？！ 而且還可以看到師傅在廚房正忙碌著，即做的就是不一樣傻佬炒飯，在點這個的時候很害羞喔...都不敢直說名字份量蠻多的，味道也很夠。有滿滿的材料，彈牙的蝦子、蝦乾、肉鬆，還有鹹香的鹹蛋黃等等搭在一起好美味，令不愛吃飯的我，也連吃了2碗，有夠厲害的啦～這邊的茶也挺優質，香、濃、醇連喝了很多杯，好喜歡呢

其實唔係第一次光顧奧海城嘅金滿庭，知道一定要等位等好耐，所以都比特別提早一點去攞位。一行11位大人3個小朋友，拎藍色大枱籌，等第3張。因為預左要等，等1.5小時唔係大問題。最大問題係當我地等到差不多1小時嘅時候，下一張就到我地嘅時候，明明見到有一張12人大枱走左執緊枱，諗住等多5-10分鐘點都有得入啦~ 奇怪點解等左15分鐘都未嗌架呢? 朋友走入去睇，原來張枱俾左8人坐左..... 但係期間好似無嗌過位喎.... 即係俾左熟客啦....我地有大有細有大肚婆，如果唔係成班friend都想食，真係唔會等架喇~ 等得，都唔會呻好耐好辛苦。但係打尖俾枱熟客呢下，就真係有啲唔開心。好聲好氣去問reception阿姐，佢一句話：「人地8位得左好耐架喇，我地安排位唔係淨係睇人數架... blabababa.... 」嗰下真係有啲嬲嬲地! 阿姐，我地都咪係一樣等左好耐~  之後等多一陣終於有枱阿姐終於叫我地入去... 一入到去，見到佢俾一張中枱我地，真係火都黎埋喇（正常應該坐8個人左右啦）點逼11個大人3個小朋友呀! 問個帶位「我地11大3細喎，點坐得落呀」，佢一句「無枱喇」就唔理...如果唔係見大家

又是個在「金滿庭」吃飯的日子。兩夫妻這日周末午間來到這間旺場名店食午飯，幸運地只是等了十分鐘左右，便已可以入座，都算好運。老婆仔不太肚餓，所以只是叫來三款傳統經典京川滬麵點作午餐。先是店中馳名的上海「一口小籠包」，一籠八隻，皮薄肉鮮，肉汁也多，水準一貫地高，成為店中名物，確非倖致。再是四川「擔擔麵」，少許麻、少許辣、多多香，簡單的擔擔麵，開胃可口，好吃。最後是上海「豆沙鍋餅」。這甜點是這天午餐最失色的一道。雖然夠熱，豆沙也香甜，但鍋餅口感較硬，看來似像曾經翻炸，使我倆對這鍋餅的印象少不免打了一點折扣。不過總的來說，這天的午餐食物水準仍算中上呢！

23.1.2013其中一個好姊妹生日了, 於是我就約另一個好姊妹一同和她吃飯慶祝. 壽星女指明要吃金滿庭, 於是我就準時六時收工, 拿蛋糕, 然後去金滿庭等位. 去到的時候只是7:20pm, 但由於太多人了, 所以等到差不多八時才有位. 雖然這是平日, 但真的不明白為何會有這麼多人哩. 我們看到menu上有很多東西都想吃, 但由於有蛋糕, 所以不夠膽叫太多食物, 最後我們只吃了四款食物和兩個白飯. 先來的前菜是酸辣青瓜. 這碟酸辣青瓜不太酸, 但卻很辣. 青瓜的質地是很爽的, 可是太辣了, 我只吃了一片而已.吃上海菜, 當然要吃小籠包. 這裡的小籠包細細隻, 但幸好皮很薄. 它裡面的湯汁也很多, 其味道很鮮味. 豬肉餡也很鮮嫩呀.第二道菜的松子魚, 是壽星女最想吃的. 松子魚的size並不是很大隻, 只是它的甜酸汁, 粟米粒, 紅蘿蔔粒及青豆粒比較多. 松子魚被炸得外脆內嫩, 混合甜酸汁來吃, 可減低松子魚熱氣的感覺. 不過, 好像很多炸物也都喜歡配搭一些甜酸汁/醬來吃的. 如果松子魚點沙律醬, 結果又會如何呢?賽旁蟹已成為了我近年愛吃的菜式之一. 這裡的賽旁蟹, 蛋白多又厚, 雖然它

家人回鄉去了，今年的開年飯兩夫妻就在附近的這間「金滿庭」享用。雖然這間「金滿庭」在春節假期期間比平日更加熱鬧，更多人來幫襯，不過這天我倆來得早，早在它未開門前便已拿了籌成為它開門後的第一批客人，所以一待它正式開門，便可以入內享用我們的開年午餐。「小籠包」是必叫的，這天也能保持水準，包皮夠薄，肉汁也多，無論蘸不蘸上加了薑粒的醋，都好吃。「上海菜飯」較為普通，雖然飯粒都算乾身，不過味道較淡，加上只得一片鹹肉舖在飯面，鹹香味道也不夠濃，水準一般而已。因為正值過年，店子推出了多款賀年菜式，好像「富貴撈起」、「發財好市」、「包羅萬有」和「招財進寶」等，這天吃的雖然不是晚飯，但既然是開年飯，所以也叫來一道「招財進寶」來應應節。其實這道「招財進寶」的菜式，材料包括冬菇、冬筍、上海豬肉蛋角和豆苗。冬菇不少，也夠厚身多肉，但味道不足，要索以上湯才較為有味。冬筍也有同樣的問題，上海豬肉蛋角則較佳，但蛋角太薄身，豬肉餡料不多，也不太佳。最好的反而是豆苗，索了湯汁之後味道最好。雖然這天所吃的東西只得「小籠包」最佳，「上海菜飯」和「招財進寶」都只是普普通通而已。也總算吃了一頓招財進寶，金玉滿堂的開年飯吧！

今日去左金滿庭食晚餐，等左大半個小時先等到位，因爲之前食過一、兩次，覺得好好味，所以都去食。我地叫左9、10樣野（6人），D野好快就到左，首先上碟既係鍋貼，雖然塊皮吾係太脆，但係都可以接受，OK跟住就係小籠包，皮薄，夠多汁，幾好味ge... OK講完Ｄ好野，講下Ｄ吾好ＧＥ野ＬＡ，我地叫左火腿津白，成七十蚊，我以為甘貴，通常都好好味ｇｅ．．．點知一上碟，試下ｄ津白，嘩！有好大陣燒焦ｇｅ味，．．．ＷＡ！估吾到咁鬼難食．．．我地就想換一碟ｌａ，　點知個　ｗａｉｔｅｒ　話係金華火腿本身ＧＥ味，係正常喔…　一係取消，一係就正碟淨菜ｗｏ．．．仲有ａ，我地６個人叫左６個高力豆沙，可能ｄ人會鍾意實ｄ，但係好次食麵包……　ｄ豆沙，好好好好甜！甜到流ａ！仲有，ｄ　ｓｅｒｖｉｃｅ　好差！！！叫人但係好耐先有人應！！！叫極都無人應，Ｄ　ＷＡＩＴＥＲ好多都　ＧＥ……無食幾個月，ＱＵＡＬＩＴＹ差左幾倍！下次都係去第二度食好過ＬＡ！

試過幾次去奧海城, 經過此間店舖明外 , 一定有長長的人龍在等排隊等位 , 最誇張那次看到仲有超過半小時才開始派籌, 但人龍已經有成二三十個人 , 心想就算取到籌都可能要等上二三個小時才可入坐進食 , 為什麼咁誇張? 6月20日原本約好朋友去奧海城 , 但突然通知公司有急事要遲到, 公事為重, 無計啦唯有等一下, 與其都是等, 所以去金滿庭取張NO.籌 . 雖然是閒日但都幾多人等位.因為第一次幫襯, 菜牌中太多選擇難決定 , 好多樣都想試 , 幸好位侍應小姐提供一點意見 , 順利落單 , 上菜都好快 , 此刻終於明白點解長期咁多人等 ---- 好簡單的答案 : 好味 開胃小點 ------ 酸辣青瓜 少少酸 少少辣 , 好"正"食到唔停得口, 問侍應 想要多一碟 , 但侍應此說此小點已經 sold out , 改用花生代>.<必食之選 ------ 招牌小籠包 皮薄多汁, 筷子挾都不穿, 味道剛剛好,回味無窮相比下去 ------ 窩貼 被小籠包搶了風頭 , 相比較下窩貼只普普通通

呢間長期有人等，當然要一試。由七點拎住張飛等到八點四，終於有張七位檯啦先黎一份蔥油海蜇同醉雞。海蜇爽口之餘個配汁亦甚濃，正。醉雞聞落已經有醉意，賣相覺得好肥，無試過，不過老豆話幾好。小籠包，無穿無爛，每一口都灌滿湯汁，肉餡比例剛好，有肥肉起膠混瘦肉，鮮味非常，要叫多兩籠！雪花肉即薄切五花腩，先讚一讚刀工，薄得通透平整。唔係任食魚生果Ｄ刀工五花腩有陣肥香，入口微暖，我想以為係冷盤黎添。配汁係一份微微香辣既豉油，用五花腩點兩點，正。燻蛋，好入味，蛋黃晶瑩唔硬，咸香帶煙燻，吸引力爆燈，好想食多幾隻，但係諗諗個膽固醇既考慮就先打消呢個念頭。榨菜肉未配叉子餅，叉子餅唔係太脆，只帶微熱。肉未炒得好香，啖啖都香甜帶汁。上海炒年糕，普通之作，太過多油份。奶油津白，菜很甜，cream不是太creamy，好吃便好。松子魚，起左骨，一家大細食得放心，酸甜又香脆，不過肉質稍老，硬左少少啦。紅油抄手，都係普通之作。唔係質素有問題，係同出面其他同類之中唔多突出。傻佬炒飯，有幾傻？就係蛋、蝦、肉碎炒飯，傻左.......無咩特別，但係炒得夠香夠乾身唔剩油，都唔錯。雲吞雞，剩聞都好重雞味，雲吞皮薄帶甜，份量都足。

女友人的果斷決策，促使第二次到金滿庭京川滬菜館光顧，不致餓壞肚皮。晚上七時十五分，可能是平日的關係，人數不多，不用排隊便可入席。最後點了三個菜式。上湯小籠包、雲白肉和張千豆腐。首個是附送的冷盤，我們再次揀選]醃蝦。一碟有八隻左右，每隻蝦都醃得很入味，雖為冷盤，但沒有了點腥味，偶然能吃到蝦的甜美，值得一再品嚐。上湯小籠包聽聞這裡的小籠包很味美，果然名不虛傳。小籠包的皮不能夠太厚，否則影響口感；要皮薄，但需要包裹著肉餡和上湯，洩漏了整體分數就大打折扣了。故此，小籠包的皮是關鍵，厚薄要適中。這客小籠包就做到這一點，夾起小籠包頂端，底部沒有穿；咬開皮吸啜上湯，也好鮮美；咀嚼肉餡，肥瘦適中，而且很有鮮肉味。唯獨感覺肉餡不夠實淨，但不太影響整體感觀。價錢: 約$70雲白肉雲白肉即薄切五花腩。師傅很有技巧的把肥瘦均勻的腩肉切成不足一毫米的肉片，並整齊的鋪在碟上。小弟第一時間不加醬油先吃一口，感覺到肉的餘溫，相信是剛剛切的。第二口才加上醬油。該醬油應該是由豉油、麻油、辣椒、生油、蔥粒所製成的，醬油整體以辣味為主。第二口感覺肉的肥瘦適中，不會感到油膩；另外肉片本身是無味的，要配上醬油吃，而該醬油辣味為主