金滿庭京川滬菜館 (奧海城二期)

营业中

休息中

7點已經到, 但無奈已有不少人等位, 今天是星期三, 為何人流多得像星期五六日?之前經常在看電影, 麵會經過這間店, 不時都見到人頭湧湧, 看回商場的水牌, 發現原來只得一間上海菜館, 獨市生意才會有那麼兔人流?一於試一試。要等位原來是不願搭枱的人, 這店有好多大圓桌, 但來食野的多是二三人, 所以搭枱就即刻有位置安排。12人枱, 坐3-2-2-2, 10位, 都算不錯。一口小籠包($58)- 有8隻, 其實都沒有去到一口那麼細隻, 都是正常SIZE, 皮薄湯汁又好多, 只是肉質不算太新鮮, 入口都淋軟。回鍋肉炒年糕($86)- 微辣, 價錢合理, 分量都有好多, 回鍋肉用五花腩, 承接傳統薄片, 脂肪分佈平均, 炒得有鑊氣, 但油就比較多, 食到尾碟底有不少油留下。年糕好Q彈軟熟, 本人一向愛食澱粉質佞物, 今次有大量的年糕, 米味好香, 令我不停食這間店雖裝修不錯, 但價錢還是合理, 味道又不錯, 難怪有那麼多人到此開餐

早排食過銅鑼灣既金滿庭, 今次試大角咀依間....好! 開餐~~~傻佬炒飯 - 蝦肉幾彈牙, 色水深但唔咸 , 飯粒粒分開. 唔錯~~一口小籠包 - 皮薄肉湯多, GOOD~~紅油炒手 - 雲吞大細適中唔錯 , 但真係幾辣, 食兩~三隻已經麻左隻利 ~~ 生煎包 - 油比較多, 食左一隻有D濟... 川貝燉原隻雪梨 - 雪梨仍然爽爽地, 個糖水唔太甜, OK既~~ 仲有好多款未試....下次再食過!

係奧海城行完街好累就隨便搵左間食店試下，見到呢間金滿庭好似幾好挫又唔洗等位就試下啦。先有個頭盤肉鬆翠玉瓜，味道清甜，食完幾醒神開胃。叫左個小籠包好新鮮，總出緊煙，咬落口都有肉汁，不錯。最後總叫左個酸辣湯排骨麵，個排骨炸得唔錯幾香口，點一點落個湯到食真係好夾，但係個酸辣湯辣左小小，如果唔食得太辣記得叫侍應落小辣，至於個酸辡辣湯都足料，唔會太稀，令到食每注麵都可以沾到湯汁。下次有機會可以再試！

需要晚餐時間排隊排好耐排左大約一小時左右但價錢經濟又好食當中麻婆頭腐做得十分出色其他餐廳食只有辣味或咸味但金滿庭做的除了辣味 還有麻的感覺豆腐口感滑得來又唔會易散整體感覺不錯有時間亦不介意排隊去食。

難得今日有空，就跟一家之煮睇睇戲，撐撐枱腳～ 八時許的奧海城，依然是人山人海呀～ 每間餐廳門口都堆滿了人，行經金滿庭，見人龍較少，即管取號看看要等多久～ 結果才等了五分鐘就可以入座，真幸運呀！睇完戲，肚子真的餓了，一下不留神，就點了兩個小食，兩份主食，著實對於二人來說，真的有點多呀！店子提供的前菜，是口水雞～ 想不到，水準也不錯，雞肉頗嫩的，醬汁微辣，很開胃～ 後來發現，原來每一枱的前菜都不同的，我們看見隔離枱是手拍青瓜～ 抽中什麼前菜，真的看你的運氣啦～作為小食的紅油抄手($56)，一點兒也不小！一碟足足有十粒，每一粒都份量十足！薄薄的餃子皮包著滿滿的豬肉跟小量的蔬菜，醬汁鹹香帶辛，加上點點蒜蓉蔥花，不錯～ 不過，餡子較為結實，略欠嫩滑～小妹一向愛吃年糕，在眾多選擇中，小妹選了香口惹味的回鍋肉炒年糕($86)～ 薄薄的豬肉片加上大量爽口椰菜跟煙韌的年糕同炒，辛辣十足的醬汁，惹味十足～這陣子一家之煮愛上了上海粗炒($78)，所以又點了一份～ 油潤的炒麵，內有不少蔬菜肉絲，頗豐富的～脆香粟米餅($46)又是大大份的，滿滿的粟米做成煙韌的煎餅本應很美味的，可惜用上了罐頭粟米，令成品欠缺香甜

難得在下午茶時段可以食到金滿庭，但service真令人汗顏!先不談服務質素。先講食物吧！我點了一個$62的下午茶餐，選了怪味雞和闊佬炒飯，和觀音王(茶)。怪味雞，一端上枱已被鋪滿紅油的雞嚇死。比紅油抄手更誇張。味道嘛，勁辣!! 當然多吃幾口就嘗到原來都有薑蓉、蒜、豆板醬和芫荽在裡面，但基本上都被辣油蓋過味了。肉是白灼的雞胸肉，完全無味，也沒有吸叫到醬汁的味道。老實說，土瓜灣的小店真的比這兒出色。主菜是闊佬炒飯。原價是$105一碟的，下午茶竟然可用套餐價$62吃到!? 以為會偷工減料啦。結果是份量比平時小一點，但一個人吃剛剛好，有5-6粒直徑一吋的蝦，也不錯啊！飯粒很乾身，整碟飯都很香(所以油量也不少啊！)，蛋白瑤柱也很多。呀~~~正確來說，其實這是一碟 **瑤柱蛋白炒飯+蝦仁** !這裡的茶真的不錯，一個人用餐都給我一整壺。其實有點 too much ! 但這裡的茶真的香濃，跟一般酒樓無得比。Service: 真的不敢恭維。。。我拿著no.78 票，跟no. 77的兩位太太 (我們都講明是可搭枱的) 一起跟著帶位小姐去一張大枱。然後她發現大枱完全未執，我們被逼要返回出口再等。然後，叫了

常常來這家金滿庭，覺得食物不錯、價錢合理。是日又再次到訪，叫了小籠包及上海湯年糕。小籠包水準維持，皮薄多汁，但上海湯年糕卻大失所望，湯的顔色非常深，湯的上層非常油，味道較為咸。😔希望只是一次性的變化，下次還可以試到較為清的上海湯年糕。

平時行過奧海城無論中午定晚市都人頭湧湧，就襯Auntie 鐘意食中菜，一行五人黎試下有咩咁特別。7點半黎到，始終係假日都等左半個鐘先入得，不過門口個知客都好nice，等都等得舒服d。一坐底侍應就介紹有咩茶，聽到'人參烏龍'即刻叫呢個，因為未試過。一飲落去無咩人參味，但吞左就去滲到d人參甘甘甜甜響口腔，幾清新，唔錯唔錯。餐牌都幾多選擇，唔怕無野岩食。睇完一輪叫左個四人餐加個飯同小籠包。首先係前菜兩小碟，雞絲粉皮同尖椒皮蛋，味道都幾好皮蛋都流心，但四人餐黎講分量就細左d！跟住係翡翠魚肉羹，待應好好幫我地分好五碗先上枱，一人都有滿滿一碗！唔腥仲有好多魚肉，魚肉又滑，清清地好好味。一口小籠包：話就話一口，但size都有普通既甘大隻。熱辣辣，皮唔算好簿好簿但隻隻都有晒湯汁，唔錯！椒鹽肉排：夠乾身！但鬆肉粉都唔少！呢個算係成餐最麻麻果樣。賽磅蟹：無左傳統賽磅蟹上面的蛋黃，但都保持到滑身又唔油，加埋瑤柱同蝦仁，撈到好多白飯食！蟹肉扒西蘭花：諗住叫個菜中和下d肉，但估唔到大大碟！又多蟹肉，抵食！鮑魚雞粒飯：呢個係另加的。有D似福建炒飯但換左鮑魚汁，整到成個飯都幾香濃。好快就食晒喇！食完正餐甜品上場，豆

金滿庭的賽螃蟹是我在香港吃過最好吃的賽螃蟹 滑易入口 用來送飯就最好吃了 然後今次還嚐了沙鍋雲吞雞 湯很有雞的味道 很濃郁很好喝 黃芽白也煲得軟硬適中 兩人吃一鍋四分一隻雞就剛剛好了

平時係奧海城食開西餐，今次就決定去金滿庭試下，但都等左好耐，足足都要40分鐘到，但為左食好野冇計啦入到去都覺得幾grand架啦，食中茶好難唔第一樣野係飲茶，所以茶已經第一樣野比到成個impression, 叫左香片，第一下入落好清香，就知食物應該都唔會太差  叫左生煎包、醉雞及糖心蛋之類既小食，醉雞個個真係一試難忘，酒香完全唔會遮蓋雞鮮味，兩隻香都好好配合，超鐘意食個隻醉雞：D 雖然價錢偏貴，但都一分錢一分貨既，有機會再黎！

好欣賞佢的茶葉。。而家好多酒樓都轉了茶包。。希望金滿庭會keep住茶葉質數雪菜肉絲年糕。。冬天食特別好食吾會油。。雪菜感覺幾新鮮..有別一般雪菜罐頭    第一次叫湯。。蕃茄豆腐魚頭。omg...破壞了一向良好印象   冇魚味。。重味精加胡椒粉Black list        獅子頭一如以往的好好林好入味        overall除左湯其他都好

已食過無數次。。今次寫下食評。。alawys fully booking ....今次walk in 搭台。。。發現原來有2間大房在內。。下次一家人book房dinner都不錯。。steamed tofu..吾好睇佢好似好清淡。。豆腐好滑而且有淡淡豆味。。不是一般的石膏豆腐汁好有鮮味每次必叫。。皮薄湯濃。。但小心熱親口花雕雞。。好滑。。酒剛好不會烈。。前菜青瓜非常脆口。。茶葉有質素。。比起英記茶莊的鐵觀音。。只係差少少另外我推介仲有獅子頭。。番薯苜菜下次會想試下湯staff有禮貌。。有training..不錯

好耐冇食金滿庭喇，今日去奧海城睇戲，順便食埋個中午先入場。每次經過，呢間分別都係門庭若市。等左一陣，兩個人易有位，入到去，服務員反應都算快，人手又充足，唔使左叫又叫。先來一碟前菜:<<乾煸四季豆-$76>>，口味唔錯，但略為貴左小小。再黎一碟<<鎮江希肉-$78>>，樣貌吸引，又唔會太肥，推介。<<賽螃蟹>>當然唔少得，份量都唔少，不過要成88蚊一碟，性價比一般。最後來一碗<<擔擔麵-$39>>，小弟自認都大食，但係呢碗麵比較油，最後都食唔哂。

想到金滿庭開餐，除非好早好早，或者很晚很晚，否則多數要等位。這裡菜式水準平均，收費又並不太貴，難怪有一班長期的忠實fans! 今次想講的，是這裡一個我十分喜愛的甜品-桂花湯丸紅豆湯（名稱大約是這樣吧）這並非一般的紅豆沙加湯丸，而是一碗充滿桂花香甜味道的紅豆糖水。冇錯，是紅豆糖水，因為是頗稀身的糖水底，並沒有紅豆＂沙＂，紅豆數量實在不多，但就有十粒八料迷你芝麻湯丸，湯丸外皮又不會太厚，吃完也不會太滯，一邊食一邊聞到桂花香味，做得好好味。難得每次侍應給我端上來的時候，熱度仍然很夠，否則湯丸放久了就唔好食，呢個係一個好有誠意嘅甜品！所以每次就算我吃得多飽，都必定點！

起奧海城一直多人等位既「金滿庭」今日終於一試，果然不錯！餐廳樓底高，坐位舒服，枱與枱有空間感，燈光明亮，加埋有𥦬，空間感大大提升。三人行，食上海野必點當然係「小籠包」一籠8隻，皮相當薄，略厭餡料肉質有點鬆散，內餡多肉汁，可惜皮易穿，精華好易溜走，有待改善。「酸辣湯麵」味道酸酸帶小辣，湯足料，每一口也可以嘗到木耳，菇，筍... 麵條易掛湯，麵質再彈牙d會更正。「糖醋醺魚」，原來是即叫即整的（平時去到都係凍既多），少有食到即叫即炸，所以我會加分～ 糖醋汁薄薄地掛上脆魚，yummy !  到最後「上海炒年糕」，除主角年糕之後配菜離不開加d菜，豬肉，菇類去炒，醬汁厚身，味濃，建議幾個朋友sharing 先叫。呢到價位比起「霸王山莊」就貴小小啦，服務方面幾好，坐得又幾舒服，如果想搵個地方食下野傾埋計，這裡是不錯喔！