金東大小廚 (已結業)

因媽媽記得小時候有間"朱記"的叉燒飯好味,,佢想搵番果種好味道 , 細問一下親戚門,,他們說另一間更好味(但他們又唔記得間野叫咩名...)只記得門口有點心賣,,,行了好一會兒,應該是這間了,,So就入去試試同媽媽每人一碗叉燒河先,,上台時賣相不太好,,心諗難道搵錯地方??!!??!!一食,,,好味喎...叉燒稔稔的,,個湯好夠味(地寶魚的味),,不過一碗又真係唔係好飽,,跟媽媽再來一碗燒鴨瀨一起分享..好滿足今餐

當晚九點幾，到了筲基灣找東東食。在東大街地鐵站出口步行1分鐘就到，坐底點餸。點了燒鵝河粉(燒鵝有好正的肥膏加上最重要係個湯底都好重燒鵝汁味)，但比較細碗，可能因為價錢關係掛，因為只係$15完一碗，結果食左一碗不夠飽，再來多一碗叉燒河(叉澆就麻麻太薄了好似食緊火腿咁)，由於個湯底正，好順利咁食完飽飽。之後還過左去附近食糖水TIM。おいしい!!!還有好多小菜食，但我一個人去無叫到，總括"好食抵食但衛生麻麻!"

因為我既一句「有鵪鶉蛋燒賣」, 再+大家想飲夜茶,結果就去左呢度「嗌嗌嗌」......叫左成十幾碟野, 我食過既講少少啦。鵪鶉蛋燒賣 - 傳說之物,佢既兩隻燒賣都好食,不過有隻蛋真係會好d。蝦餃 - 有怪味,唔好叫糯米雞 - 教會弟兄話唔濕,我食過都ok奶黃包 - 奶黃少過包,如果熱d仲好食煎腸粉 - 夠滑,Nice=)馬蹄糕 - 有口感,夠爽*抵就好抵,服務算啦,都有換水同埋只有一個漏左單.......新既一年,大家更難過既,都總會過,努力呀~*

九點多到此食早餐,入內時有三張檯,約五組人在座,坐下無人理會,以為樓面行開,約五分鐘後,有一組客埋單走人,另一檯客叫同檯坐的女士收錢,才知,原來她就是當值的樓面,一直她都在看報章,完全不理會身外發生何事,要人提醒,才工作.記得,入店鋪時,她曾望我一眼,然後再繼續專心看她的報章,即是知道我入內,但要待客揚聲才做份內的工作,如此視顧客如無物的待客態度,個人反應,就是即時離開,往隔離搵食!

早上十點多路過,未食早餐,一個人叫了:排骨飯$15(早九點前$12) - 排骨新鮮,豉油甜,飯夠熱,正!鵪鶉蛋燒賣$10 - 墊底的豬肉好好食,雞球大包$9 - 全新鮮組合,並不如以前的茶樓食肆用下欄野做餡, 蒸雞一大塊,雲耳,菜各一小塊,火腿,鵪鶉蛋各一粒,大量碎豬肉做底, 雙手捧著包大啖咬,皮鬆軟肉香,熱辣辣,越食越好食,超正!鳳爪$10 - 味濃,爪腍,伴碟的一小塊芋頭入口更近乎溶化!燒賣$12 - 可能已飽,覺得肉不夠滑,一般.茶錢$2,(不開茶,亦有免費的茶膽茶供應.)埋單$58,中餐午餐,兩餐夾埋一餐食,都制得過!細看牆上的水牌,此店晚市除了有點心外,也有小菜供應,但價錢就很參差,超平的是:豉汁炒大蜆$19其它小菜:豬手煲和乾燒什菌海蔘各$98涼瓜石班,乾燒元貝各$78紅蔥頭排骨煲,蜜餞金錢鱔各$68椒鹽鮮魷$60牛仔骨,香蒜牛柳各$58最平豆豉鯪魚油麥菜也要$42價錢如此懸殊,都要找日,好好實地研究!

天寒地凍, 得個十零度, 最好就係食煲仔飯, 羊腩煲同粥星期六晚就同屋企人黎呢度食, 因為成個筲箕灣得呢間有煲仔飯同羊腩煲一齊供應叫左一個窩蛋牛肉飯, 羊腩煲, 一個生炒骨, 同一籠干蒸燒賣干蒸燒賣: 真係蒸到乾哂, 叫之前, 應該先睇下個蒸爐, 睇下有邊樣比較新鮮 生炒骨: 唔錯, 汁岩岩好夠, 太多就濕, 唔好食 窩蛋牛肉飯: 等左好耐先有, 因為太多人叫煲仔飯, 不過都唔係好食, 首先, 佢係用山竹牛肉去整 (無錯, 係山竹牛肉), 味道同其他的已經好唔同; 再加上佢煲得唔起夠, 變左無左煲仔飯的精華: 飯焦羊腩煲: 幾好, 足料, 我以前食過一d 枝竹多個腩的呃秤煲, 呢煲腩(瘦肉為多)都幾多, 而且都燜幾入味, 汁唔會太咸, 而且佢仲加左鴨肉入味如果你係對衛生要求好高的人, 呢度未必岩你

依間金東大唔同時間黎有唔同景象. 午市好鬼多人...迫餐慒 晚市都係好鬼多人 只係宵夜, 就可以真係同朋友坐低飲茶吹下水. 佢間隔好得意, 有兩邊, 一邊就有幾張大圓台, 如果一大班人就OK. 另一邊就一條窄d既巷, 就攞多幾張台. 環境就真係麻麻野食方面都幾多, 點心, 腸粉, 粥粉面飯, 小菜都有, 有時踢完波叫碗排骨飯加籠點心醫肚, 都係廿蚊左右, 抵!

又係去完東區醫院探望親友，今次係同阿媽、細佬同佢女朋友同行，又係八點幾嘞，我哋一行四人今次搭車落筲箕灣東大街食晚飯，細佬食過所以幫襯。一入到去，入面有幾張圓枱，唔係太多人，門口就有好多點心賣，我哋坐低就叫咗以下嘅菜式： 鳳爪：正，汁又濃又香，仲好夠味，鳳爪唔會稔晒又夠大隻，好快比人掃晒！ 大包：阿媽話想食，佢一個人食晒添，我一啲都分唔到嚟食，佢話足料好味喎！ 鵪鶉蛋燒賣：竟然有？二話不說即叫，即食，豬肉有肉汁，蛋香四溢，我一個人食晒！點心上桌之際，十分混亂，顧得吃時竟忘了影相，真失策！ 煎蠔餅：外脆內軟又夠香，蠔仔又大又多，唔太咸，淨食都好味！ 蒜香骨：未見過斬得咁碎嘅，究竟係唔係下欄剩番定係點，賣相真係唔得，味道還可以。 豆腐斑腩煲：一般啦，無咩特別，但係好油！ 蒜蓉炒莧菜：除咗點心之外，最好味竟然係菜，炒得啱啱好，好香蒜味，食落又爽，呢樣得！整體上都係好食嘅居多，不過真係好遠呀，應該冇咩機會再嚟食，特登過嚟淨係食點心又唔會喎，畢竟有得食嘅地方多的是！

又黎寫食評喇 !!今次又係買完串燒再黎買燒賣不過今次係為左要加餸 ! 唔知係咪因為落大大大關係 d 貨去得慢左結果 d 燒賣濕左 d 腍左 d 冇上次咁爽呀不過我依然係食到咁津津有味啦 ! 多謝老公咁大雨都專登落去買上黎我食呀 ~

食完一串羊肉，去埋附近食豬肉燒賣同山竹牛肉因為果時五點幾冇客，費事入去坐人地一大張台啦 ............ 於是買外賣行左好遠冇乜人既地方慢慢食豬肉燒賣好有咬口好好食呀 !!仲有好香既蘑菇，拈 ! 山竹牛肉老公話好好食不過我佢中間一 pat 咁似係唔熟但又唔係喎不過老公鍾意 lee 味多 d !

一個人到處覓食，行到東大街，見到有點心、小菜同燒臘，款式都幾多，於是入去試一下。見到有招牌口水雞($42)，叫咗一個，份量唔細，底下有一d拍黃瓜，味幾香、幾正宗而唔算太辣，算過關。見到菜牌有蝦仔豬肚/切雞飯($15碗)，見到蝦配肉都幾特別，諗住叫豬肚點知冇，改叫粉腸；d蝦係細細隻個種，但幾新鮮幾甜，粉腸一般ok，飯就最正：粒粒飯唔黏，d豉油帶甜又惹味，雖然一個人已經飲咗二枝大啤一肚水，但都忍唔住食哂成碗飯。臨尾叫咗個燒賣($12)，唔係一般工廠貨式，豬肉幾彈牙，滿意。呢到價錢真係好抵，不過地方就up dun 咗d。

有天晚上,全家人都想食宵夜,於是買了回來,首先是平常會叫的菜色:雞扎熱騰騰的,雞翼爽滑,火腿味鮮蝦餃皮太厚的關係,入口未能即曷感受到蝦味燒賣味道比較濃,肉彈牙,唔會鞋另外是這次特別再叫的:排骨飯排骨雖然爽口,但有一些會un,飯比較一般豉油皇炒麵一開盒就十分香,食落既爽又正,就連菜都好入味,不過好油這間食店開到深夜2點,算是數一數二夜收的食店(當然還有甜心小廚,但比較貴同比較適合去睇波)晚上肚餓的話,在這間宵夜是最佳選擇

天仍未亮,窗外雨點滴嗒地在響,失眠夜眼光光,望著電視機傳過來的白鹿徑景像,熱刺絕處逢生,一樣沒甚反應,祖爾吊住鹽水,同我一樣.望著夜霧,任意拋開每個勸告,隻身去飲個特早茶,東大街的金東大,每天營業二十小時,大清早五點多,熱騰騰的點心已經紛陳.例牌以普餌開頭,再掃門外有什麼點心.全部也是鴨腳扎,盅頭飯等小弟之口味.急不及待,自行了斷.鵪春蛋燒賣一向是小弟心目中,點心排行榜在頭三名之內,金東大的鵪春蛋燒賣,面頭的鵪春蛋,蛋黃甘香,下面的豬肉夠實在,吃落肉汁豐富.排骨飯雖然同明珍差一截,但也不錯,排骨充滿肉汁,下少少豉油已夠味.山竹牛肉不是巨型size,並非大而無當.牛肉味濃,吃落彈牙.混合著馬蹄粒,份外多一重口感.幾管齊下,即刻醒神,看看報紙消磨光陰,坐到黎明漸到,誰願意看到?

買外賣拎走,門口個阿姐態度異常差嗌排骨飯加上叫左兩次唔使豉油番到去仲係見到成盒啡色油淋淋正在減肥但不想浪費食物只好吃掉又要重過啦><排骨得兩舊有肉,其他全部骨有咩差池實搵佢算賬

很久以前看到雜誌所以來過幫襯平均三十多元一個小菜份量略小~也是吃得過之選最近又幫襯過一次這次可能是人多了水準就保持不了好咸~要不就是味精好多吃完之後~真的有點失望